1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
889/2022 EBAZPENA, otsailaren 9koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, Pertsonen Autonomiarako eta Garapenerako Nafarroako Agentziari atxikitako haur eskoletako ikaspostuen 2022-2023 ikasturteko deialdia kudeatuko duen Hautapen Batzordeko kideak izendatzen dituena eta batzorde horri eginkizun jakin batzuk esleitzen dizkiona.
Ikusirik Hezkuntzako zuzendari nagusiaren urtarrilaren 18ko 3/2022 Ebazpena, funts publikoak jasotzen dituzten Nafarroako Foru Komunitateko Haur Hezkuntzako lehen zikloko ikastetxeetan haurrak onartzeko 2022-2023 ikasturteko prozedura onetsi zuena.
Ikusirik Familiaren eta Adingabeen Zuzendariordetzaren txostena.
Horrenbestez, erabiliz Pertsonen Autonomiarako eta Garapenerako Nafarroako Agentziaren estatutuak onesten dituen azaroaren 6ko 301/2019 Foru Dekretuak ematen dizkidan ahalmenak.
EBAZTEN DUT:
1. Honako hauek izendatzea Pertsonen Autonomiarako eta Garapenerako Nafarroako Agentziari atxikitako haur eskoletako ikaspostuen 2022-2023 ikasturteko deialdia kudeatzeaz arduratuko den Hautapen Batzordeko kide:
–Batzordeburua: Olga Chueca andrea, Pertsonen Autonomiarako eta Garapenerako Nafarroako Agentziako Familiaren eta Adingabeen zuzendariordea.
–Batzordekidea: Marisol Arguiñano Sánchez andrea, Pertsonen Autonomiarako eta Garapenerako Nafarroako Agentziako Familien Ataleko burua.
–Batzordekidea: Susana Sarrias Escors andrea, Pertsonen Autonomiarako eta Garapenerako Nafarroako Agentziako Familia Bulegoko burua.
2. Hautapen Batzordeari eginkizun hauek esleitzea:
Lehendabizikoa.–Ikaspostuak erreserbatzeko prozedura zehaztea eta aurrera eramatea.
Bigarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea, hura baita titularra, ebatz dezala funts publikoak jasotzen dituzten Haur Hezkuntzako lehen zikloko ikastetxeetan 2022-2023 ikasturtean haurrak onartzeko deialdia.
Hirugarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea zer ikaspostu dauden eta zer baremo aplikatuko den onarpen prozesuan.
Laugarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea argitara ditzala onartutako haurren eta itxaron zerrendan gelditzen direnen behin-behineko zerrendak.
Bosgarrena.–Onartutako haurren eta itxaron zerrendan gelditzen direnen behin-behineko zerrenden aurka egindako erreklamazioak ebaztea.
Seigarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea argitara ditzala onartutako haurren eta itxaron zerrendan gelditzen direnen behin betiko zerrendak.
Zazpigarrena.–Eskatzaileek bi ikastetxe hautatu badituzte, bata Nafarroako Gobernuaren menpekoa, eta bestea Iruñeko Udalaren menpekoa, honela jokatuko da:
a) Eskaerak eta erreklamazioak batera baloratuko dira.
b) Entitate titularrak ematen duen ebazpenaren aurka gora jotzeko errekurtsoa jarriz gero, onartutako haurren eta itxaron zerrendan gelditzen direnen behin betiko zerrenda argitaratu duen entitateko titularrari egokituko zaizkio errekurtsoaren tramitazioa eta ebazpena.
3. Ebazpen hau Nafarroako Aldizkari Ofizialean argitaratzea.
4. Ebazpen honen aurka gora jotzeko errekurtsoa jartzen ahal da, Eskubide Sozialetako kontseilariari zuzendua, hilabeteko epean, argitaratu eta biharamunetik hasita.
5. Ebazpen hau Familiaren eta Adingabeen Zuzendariordetzari igortzea, behar diren ondorioak izan ditzan.
Iruñean, 2022ko otsailaren 9an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
Iragarkiaren kodea: F2202059
