1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. Urteko baimen bateratua, 2022. urtean Nafarroako Foru Komunitateko udalerri batzuetan petrolio-gas likidotua hodi bidez banatzen duten instalazioentzat.
Hidrokarburoen Sektoreari buruzko urriaren 7ko 34/1998 Legean eta Gas naturala garraiatu, banatu, merkaturatu eta haren horniketa egiteko jarduerak eta instalazioak baimentzeko prozedurak arautzen dituen abenduaren 27ko 1955/2000 Errege Dekretuaren ezarritako ondorioetarako, jendaurrean jartzen da Gas Natural Redes GLP SAren eskaera hau:
Urteko baimen bateratua, 2022. urtean udalerri hauetan petrolio-gas likidotua hodi bidez banatzen duten instalazioentzat:
Abaurregaina, Añorbe, Arakil, Arantza, Artzi, Auritz, Baztan, Beintza-Labaien, Bera, Bertizarana, Zirauki, Zizur, Donamaria, Erro, Esteribar, Etxalar, Galipentzu, Garralda, Goizueta, Gorza, Lapoblación, Mañeru, Mendigorria, Orotz-Betelu, San Martín Unx, Sartze, Sunbilla eta Aranguren (Aranguren).
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:
https://gobiernoabierto.navarra.es/eu/partaidetza/prozesuak/gas-natural-likidotua-banatzeko-instalazioen-urteko-baterako-baimena-2022
Alegazioak, iradokizunak edo oharrak idatziz aurkeztu beharko dira, Industria Antolamenduaren, Azpiegitura Energetikoen eta Meatzeen Zerbitzuari zuzenduak, 20 egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita.
Iruñean, 2022ko urtarrilaren 5ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2200892
