264. ALDIZKARIA - 2022ko abenduaren 30a - BEREZIA

1. NAFARROAKO FORU KOMUNITATEA

1.1. XEDAPEN OROKORRAK

1.1.1. Foru legeak eta legegintzako foru dekretuak

36/2022 FORU LEGEA, abenduaren 28koa, zenbait zerga aldatu eta beste tributu-neurri batzuk hartzeari buruzkoa.

NAFARROAKO FORU KOMUNITATEKO LEHENDAKARIA NAIZEN HONEK.

Aditzera ematen dut Nafarroako Parlamentuak onetsi duela honako:

FORU LEGEA, ZENBAIT ZERGA ALDATU ETA BESTE TRIBUTU-NEURRI BATZUK HARTZEKOA.

Hitzaurrea

Foru lege honen xedea da ondorengo arau hauek aldatzea: Pertsona Fisikoen Errentaren gaineko Zergari buruzko Foru Legearen testu bategina, Ondarearen gaineko Zergari buruzko Foru Legea, Sozietateen gaineko Zergari buruzko Foru Legea, Oinordetzen eta dohaintzen gaineko zergaren xedapenak biltzen dituen testu bategina, Ondare eskualdaketen eta egintza juridiko dokumentatuen gaineko zergaren xedapenak biltzen dituen testu bategina, Saltoki handien gaineko zerga arautzen duen Foru Legea, Hondakinei eta haien Fiskalitateari buruzko Foru Legea, Tributuei buruzko Foru Lege Orokorra, Fundazioen eta babes jardueren zerga araubidea erregulatzen duen Foru Legea, Nafarroako Foru Komunitatean kultur mezenasgoa eta haren zerga-pizgarriak arautzen dituen Foru Legea, Nafarroako Kooperatiben Zerga Araubidea arautzen duen Foru Legea, Nafarroako Foru Komunitateko Administrazioaren eta haren Erakunde Autonomoen Tasa eta Prezio Publikoei buruzko Foru Legea, Nafarroako Toki Ogasunei buruzko Foru Legea, Ekonomia-jardueren gaineko zergaren edo lizentzia fiskalaren tarifak eta jarraibidea onesten dituen Foru Legea eta Nafarroako Lurralde Aberastasunaren Erregistroari eta Katastroei buruzko Foru Legea.

Foru lege honen helburu nagusietako bat egungo testuinguru ekonomikoari erantzutea da. Inflazio tasa altua dela-eta, errenta apalenak dituzten zergadunen tributazioa gutxituko duten neurri fiskalak hartu behar dira. Aldi berean, ahalmen ekonomiko handiagoa dutenei ekarpen handiagoa exijitu behar zaie.

Horrenbestez, kentzen da pertsona fisikoen errentaren gaineko zergaren aitorpena egiteko betebeharra errenta maila apalena duten langile eta pentsiodunentzat, horiek direlako egungo egoera ekonomikoak gehien zigortzen dituenak. Aitorpena egiteko gutxieneko errenta igotzearekin bat etorrita, eta neurri horrek ondorioak izan ditzan zergadun horiek 2023ko urtarrilaren 1etik aurrera jasotako errentetan, lan atxikipenetako taulako lehenbiziko bi tarteak kentzen dira eta, hortaz, atxikipena egiteko betebeharra sortuko da jasotzen diren lan etekinak 14.500 eurotik gorakoak direnean.

Sozietateen gaineko zergaren kasuan, 20.000.000 eurora igotzen da negozio-zifraren zenbateko garbiaren muga enpresa bat enpresa txikitzat hartzeko 100eko 23ko karga-tasa nominalaren arabera tributatu ahal izan dezan.

Era berean, pertsona fisikoen errentaren gaineko zergarako eta sozietateen gaineko zergarako salbuesten dira Ukrainako gerraren ondorio ekonomiko eta sozialei erantzuteko Plan Nazionalaren babesean emandako laguntzak, horien artean diru-sarrera eta ondare gutxiko pertsona fisikoentzako 200 euroko zuzeneko laguntza, errepideko garraioaren sektorerako zuzeneko laguntzak, eta energia-kostuek 2022an zehar izandako gorakadari aurre egiteko enpresentzako laguntzak.

Halaber, garapen ekonomikoarekin eta Nafarroako Gobernuak ekintzailetzaren eta berrikuntzaren alde egiten duen apustuarekin lotuta, hobetzen dira pertsona fisiko eta entitate ekintzaleentzako zerga-pizgarriak, bai eta entitate ekintzaileetan inbertitzen dutenentzat ere, bereziki, jarduera berritzaileetarako. Gurera lekualdatu diren pertsonen araubide berezia ere hobetzen da, Nafarroako Foru Komunitatera talentua erakartzeko asmotan.

Ingurumenarekiko kezkak isla du zerga-pizgarri berri batzuetan, haien bidez sustatzeko, batetik, energia berriztagarrien erabilera, bereziki hidrogeno berriztagarriarena, eta, bestetik, hainbat proiektu gauzatzea haize-energiaren eta fotovoltaikoaren osagaiak edo bateriak birziklatzearen eta berrerabiltzearen arloan eta hidrogeno berriztagarriaren ekoizpenaren eta haren balio-kateko osagaien fabrikazioaren arloan.

Beste aldaketa batzuen xedea da, oro har, Foru Komunitateko zerga araudia egokitzea zerga harreman juridikoaren oinarrian dauden errealitate juridiko eta ekonomiko aldakorretara, etengabe bi helburu nagusi bete nahian: zergen arloan ekitatea hobetzea eta iruzur fiskalari aurka egitea.

Horretarako, doikuntza tekniko batzuk egiten dira: puntu batzuk besterik gabe argitzea, edo zenbait kenkariren testuetan aldaketak egitea, jatorrizko helburuari laguntzen ez dioten kasuetan aplika ez daitezen.

Halaber, behar diren egokitzapenak egiten dira Europar Batasuneko Justizia Auzitegi Nagusiak (Lehenengo Salak) 2022ko urtarrilaren 27an C-788/19 gaian eman zuen epaia betetzeko; izan ere, epai horrek erabaki zuen atzerrian dauden ondasun eta eskubideen gaineko aitorpena (720 eredua) egiteko betebeharrari lotutako araubide juridikoak, zenbait alderditan, ez zuela betetzen Europako araudia. Azkenik, beste egokitzapen batzuk zergaz kanpoko arau batzuen aldaketen ondorio dira.

Berdintasunaren aldeko eta genero indarkeriaren kontrako borrokaren esparruan, neurri berritzaile bat gehitzen da, aukera emanen diena genero indarkeriaren biktimei pertsona fisikoen errentaren gaineko zergaren autolikidazioetatik sortutako zorren gainean duten erantzukizuna mugatu dadila eskatzeko, zergaren tributazioa erasotzailearekin baterako araubidean egitea hautatu zuten kasuan. Aldaketa horrekin salbuespen bat ezartzen da familia-unitateko kide guztien erantzukizun bateratu eta solidarioaren arau orokorrean, pertsona fisikoen errentaren gaineko zergaren araudiak baterako tributazioaren kasurako ezartzen duen horretan. Xedea da ekiditea genero indarkeriaren biktimek erantzun behar izatea erasotzailearena izaten ahal den zerga zorraren zatiaz, eta mantentzen da erasotzailearen erantzukizuna, bere baldintza guztietan, baterako autolikidazioaren zerga zorraren zenbateko osoaren gainekoa.

Arlo horretan berean, ondare eskualdaketen eta egintza juridiko dokumentatuen gaineko zergari buruzko foru araudian txertatzen da, halaber, Genero indarkeriaren biktimen umezurtzen babesa hobetzeko martxoaren 21eko 2/2022 Lege Organikoan aurreikusitako salbuespena.

Proiektu hau egitean aintzat hartu dira arauketa onaren printzipioak, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 129. artikuluan ezarriak. Horrela, foru lege honek, lehen adierazi diren arrazoiengatik, beharrizanaren eta eraginkortasunaren printzipioak betetzen ditu: justifikatuta dago interes orokorraren arrazoiengatik, hainbat zerga-arau aldatzen duenez; lortu nahi diren helburuen identifikazio argian (aurreko paragrafoetan definitutakoak) oinarritzen da; eta, azkenik, helburuok lortzeko tresna egokia da, zerga arloan lege erreserbak agintzen baitu, Tributuei buruzko abenduaren 14ko 13/2000 Foru Lege Orokorraren 11. artikuluan ezarrita.

Foru lege honek beste foru lege batzuen zenbait artikulu aldatzen ditu ahalik eta zehaztasun handienarekin, eta, beraz, proportzionaltasunaren printzipioa ere betetzen da. Horrexegatik, segurtasun juridikoaren printzipioa ere betetzen da. Izan ere, zehatz-mehatz zaindu dira ordenamendu juridikoaren gainerakoarekiko koherentzia, egonkortasuna, eta pertsona nahiz enpresentzako aurreikusgarritasuna eta zalantzagarritasunik eza, oreka egokia lortze aldera legegilearen borondatearen eta gainerako errealitate juridikoaren artean, barne harturik jurisprudentziarik berriena ere. Foru lege honekin lortu nahi diren zenbait helburu betetzeko, oso kontuan hartu da sinpletasun eta efizientzia printzipioa ere, zeinak xede baitu karga administratibo ez-beharrezkoak edo bigarren mailakoak ekiditea eta baliabide publikoen kudeaketa arrazionalizatzea.

Foru legea, bera prestatzeko prozedura eta gainerako arauetan dituen efektuak Nafarroako Parlamentuko Aldizkari Ofizialean, Nafarroako Aldizkari Ofizialean eta nafarroa.eus webgunean argitaratzeak zaintzen du gardentasun eta irisgarritasun printzipioak errespetatuak izatea.

Bukatzeko, kontuan izan da gizonezkoen eta emakumezkoen berdintasunaren printzipioa, eta aldaketak egin dira, arauetan hizkera inklusiboa eta ez-sexista erabiltzearren.

Legearen egitura 15 artikuluk, xedapen gehigarri batek eta 4 azken xedapenek osatzen dute.

Pertsona fisikoen errentaren gaineko zergaren esparruan, Ukrainako gerraren ondorio ekonomiko eta sozialei erantzuteko Plan Nazionalaren babesean emandako laguntzei dagokienez lehen aipatu dugun salbuespenaz gainera, salbuespenei eragiten dieten beste aldaketa batzuk sartzen dira.

Lehenengo eta behin, interpretazioan dudarik izan ez dadin eta segurtasun juridikoa areagotzeko asmotan, ezartzen da ez direla itun, hitzarmen edo kontratu baten ondoriozkoak kasuan kasuko zerbitzu administratiboan, adiskidetze ekitaldian, lan arloko jurisdikzio bidea hasi aurreko urrats gisa adosten diren kalte-ordainak. Zehaztapen hori bat dator Zerga Administrazioak eta justizia auzitegiek egin izan duten interpretazioarekin. Kalte-ordain horiek, beraz, salbuetsirik egoten ahalko dira.

Bestalde, 2022ko urtarrilaren 1etik aurrerako ondorioekin, salbuetsitzat deklaratzen dira kalte fisiko, psikologiko edo materialen ondoriozko kalte-ordain ekonomikoak, martxoaren 26ko 16/2019 Foru Legean jasotakoak (Eskuin muturreko taldeek edo funtzionario publikoek eragindako motibazio politikoko ekintzen biktimen errekonozimenduari eta erreparazioari buruzko Foru Legea, uztailaren 1eko 22/2022 Foru Legeak berriki aldatua).

Era berean, 2022ko urtarrilaren 1etik aurrerako ondorioekin, NBEUFaren laguntzen gaineko salbuespenaren onuradunen esparrua zabaltzen da, ehuneko 50eko salbuespena aplikatu ahal izan dezaten, zerga-sortzapenaren egunean lehentasunezko nekazaritza-ustiategien titularrez gain, ogibide nagusia nekazaritza dutenek; halaber, argitzen da ezen Nafarroako landa garapenerako programako laguntzak, Nafarroako Gobernuak eta LGENF funtsek batera finantzatzen dituztenak, salbuetsita daudela osotara, ezarritako mugekin betiere. Hau da, salbuespenak jasotako zenbateko osoari eragiten ahal dio, eta ez bakarrik LGENFk finantzatutako zatiari.

Foru araudiari gehitzen zaio Suspertze, Eraldatze eta Erresilientzia Planaren barruan eraikinen birgaitzea sustatzeko presako neurriei buruzko ekainaren 14ko 10/2022 Legean ezarritako salbuespena. Ekainaren 29ko 477/2021 Errege Dekretuan xedatutakoa aplikatuz emandako dirulaguntza publikoak dira, haren bidez onesten baita zuzeneko laguntzak ematea autonomia erkidegoei eta Ceuta eta Melilla hiriei pizgarri-programak gauzatzeko, lotuta daudenak autokontsumoarekin eta energia-iturri berriztagarrien bidez biltegiratzearekin, baita bizitegi-sektorean energia berriztagarriak erabiltzen dituzten sistema termikoak ezartzearekin ere, Europako Suspertze, Eraldatze eta Erresilientzia Planaren esparruan.

Azkenik, salbuetsitzat deklaratzen dira GWI9525 hegaldiak 2015eko martxoaren 24an izandako istripuaren biktimen ahaideek jasotako zenbatekoak. Ezbeharraren ondorioz, 54 haur espainiar umezurtz gelditu ziren, eta hegazkin konpainiak eta aseguru etxeak 5 milioi euroko laguntza funts bat sortu zuten haien ikasketak finantzatzeko. Laguntza horien salbuespena Estatuko araudian ezarri zen joan den martxoan, 6/2022 Errege Lege-dekretuaren bidez. Salbuespen hori bera ezartzen da foru araudian, egoitza fiskala Nafarroan duten hartzaileentzat.

Jarduera ekonomikoen etekinei dagokienez, 2022ko urtarrilaren 1etik aurrerako ondorioekin, etekin garbia murrizteko berariazko ehunekoak ezartzen dira 15 urte edo gehiagoko sortze aldia izan duten basogintza jardueretarako.

Basogintza jardueraren ezaugarria da oso luzea dela zuhaitzak hazteko eta, ondorioz, zura saltzeko behar den denbora, eta zenbait kasutan 70 urtetik gorako mozketa aldiak ere izaten dira. Horregatik, jarduerak ia gasturik eragiten ez duen arren, diru-sarrerak urte bakar batean jasotzen dira, pertsona fisikoen errentaren gaineko zergarena moduko mailaz mailako tarifa batean horrek dakartzan ondorioekin.

Nahiz eta baden oro har eta edozein jarduera ekonomikori aplikatzen ahal zaion etekin garbiaren ehuneko 30eko murriztapen bat bi urtetik gorako sortze aldia duten etekinetarako, komenigarritzat jotzen da ehuneko handiagoak ezartzea basogintza jarduerarako; horrela, mozteko batez besteko aldia 15 eta 70 urte bitartekoa bada, ehuneko 55eko murriztapena aplikatuko da, eta 70 urtetik gorakoa bada, ehuneko 65ekoa.

Bestalde, C-788/19 gaiari buruz Europar Batasuneko Justizia Auzitegiak 2022ko urtarrilaren 27an emandako epaia betetzeko, 44. artikuluaren hirugarren eta laugarren paragrafoak indargabetzen dira, justifikatu gabeko ondare gehikuntzei buruzkoak. Aipatu epaiak ebatzi zuen atzerrian dauden ondasun eta eskubideen gaineko aitorpena (720 eredua) egiteko betebeharrari lotutako zenbait alderdik ez zutela betetzen Europako araudia. Alderdi horietako bat da orain indargabetzen diren paragrafo horiek ezartzen zuten preskribaezintasuna, eragiten ziena ondasun edo eskubideen errentei zergadunak ez zuenean betetzen atzerrian dauden ondasun eta eskubideen gaineko aitorpena egiteko betebeharra horretarako ezarritako epean edo Zerga Administrazioaren egiaztapen prozeduraren hasiera jakinarazi baino lehen. Arrazoi beragatik, Sozietateen gaineko Zergari buruzko Foru Legearen 6.4 artikulua indargabetu beharra dago. Horrenbestez, bi zergetan indargabetzen da preskribaezintasuneko xedapen berezi hori, eta aitortu gabeko errententzat oro har ezarritako zerga trataera aplikatu behar da.

Entitate ekintzaileetan parte hartzea sustatzen jarraitzeko, entitate ekintzaileetan inbertitzeagatiko kenkariaren ehunekoak eta mugak handitzeaz gain, pertsona fisikoen errentaren gaineko zergan salbuespena ezartzen da entitate ekintzaileetan parte hartzeagatiko kenkarirako eskubidea eman duten partaidetzak eskualdatzean lortutako gainbalioentzat, baldin eta eskualdaketan lortutako zenbatekoa urte bateko epean inbertitzen bada kenkarirako eskubidea emateko baldintzak betetzen dituzten partaidetza berrietan; nolanahi ere, bi pizgarrietako bat hautatu beharko da, salbuespena ala kenkaria, bateraezinak baitira.

Ekintzailetzarako pizgarriak hobetzeko asmo berarekin, ondarearen gaineko zergan salbuespen bat arautzen da entitate ekintzaileetan parte hartzeagatiko kenkarirako eskubidea izateko baldintzak betetzen dituzten akzio edo partaidetzentzat.

Langile lekualdatuen araubide berezia aldatzen da: aurrerantzean, III. tituluko II. kapituluko 6. atalean arautzen da. Haren aplikazio eremua zabaltzen da, ez baita mugatzen I+G+b arlora eta unibertsitateko irakaskuntzara; aitzitik, antolaketa, kudeaketa, teknika, finantza eta merkataritza arloetako jarduerak ere hartzen ditu barnean. Langile lekualdatuaren bikotekideari ere aplikatzen ahalko zaio araubidea.

Halere, aplikazio eremuan ez dira sartzen enpresa enplegatzaileak atzerrian dauden bere filialetara lekualdatzen dituen langileak, atzerrian denbora bat egin ondoren (10 urte bitarte izaten ahal da) haien enpresara edo Espainian kokatutako beste filial batera itzultzen direnean, egoera horrek ez duelako laguntzen zerga-pizgarriaren xedea erdiesten, alegia, Nafarroako Foru Komunitatera talentua erakartzen.

Orobat, argitzen da pertsona fisikoen errentaren gaineko zergan langile lekualdatuen araubide berezia hautatzen dutenek betebehar errealaren arabera tributatuko dutela ondarearen gaineko zergan.

Zerga-oinarriaren murriztapenei dagokienez, gizarte aurreikuspeneko sistemetara egindako ekarpen eta kontribuzioen mugak egokitzen dira, Enpleguko pentsio funtsak bultzatzeko araubideari buruzko ekainaren 30eko 12/2022 Legeak ezarritako finantza mugen arabera.

Gisa horretako tresna kolektiboak bultzatzeko, batez ere errenta ertain eta baxuak dituztenei aurrezten laguntzearren eta gazteak modu eraginkorragoan erakartzearren, langileak tresna kolektibora egindako ekarpenen eskala bat ezartzen da, eta ekarpen horiekin 8.500 eurora bitarteko murriztapena izaten ahal da.

Hala, enpresaren kontribuzioa ez bada 500 euro baino gehiagokoa, langileak tresna kolektiborako ekarpenaren bidez 1.250 eurora bitarteko ekarpena egin eta murrizten ahalko du. Enpresaren kontribuzioa 500 eta 1.500 euro bitartekoa bada, langileak 1.500 eurora bitarteko ekarpena egin eta murrizten ahalko du. Azkenik, enpresaren kontribuzioa 1.500 euro baino gehiagokoa bada, langileak egin eta murrizten ahal duen ekarpena, gehienez ere, enpresaren kontribuzioaren bestekoa izanen da, osotara ezarritako mugak kontuan izanik.

60.000 euro bitarteko lan etekin osoak dituzten langileen kasuan, gehieneko ekarpena enpresaren kontribuzioa bestekoa izanen da, haren zenbatekoa zein den ere.

Halaber, aurrezkiaren likidazio oinarri bereziaren gaineko karga aldatzen da. 2023ko urtarrilaren 1etik aurrerako ondorioekin, bi tarte berri sartzen dira aurrezkiaren oinarri bereziaren tarifan, halako moduz ezen egun indarrean den ehuneko 26ko tasa marjinala aplikatuko zaien 15.000 eurotik gora eta 200.000 eurora arteko likidazio oinarriei, eta ehuneko 27ko tasa gaineratzen den 200.000 eurotik gora eta 300.000 eurora arteko likidazio oinarrientzat, eta ehuneko 28koa 300.000 euro baino gehiagoko likidazio oinarriei.

Gaur den testuinguru ekonomikoan, aldaketa honen bidez lortu nahi da lanetik edo jarduera ekonomiko batetik ez datozen etekinen ondoriozko ahalmen ekonomiko handiena duten subjektu pasiboek ekarpen handiagoa egin dezaten, errenta apalenak dituzten subjektu pasiboen tributazio txikiagoa konpentsatzeko.

Kuota kenkarien esparruan, langileek enpresako kapitalean partaidetza izateagatiko kenkaria aldatzen da, ez dadin aplikatu haren xedearekin bat ez datozen kasuetan. Kenkariaren erabilera desegokiak ikusi dira. Izan ere, langile batzuek beren akzio edo partaidetzak saldu eta berriz ere eskuratzen dituzte kenkariaz baliatzeko. Berriz ere, lehenagoko ehuneko berbera dute entitatearen parte-hartzean eta, horregatik, langileek enpresan duten partaidetza handitzen ez denez gero, ez zatekeen erdietsiko kenkariak bultzatu nahi duen xedea.

Aldaketak ezartzen du eskurapen berriaren zenbatekoak ez duela kenkarirako eskubiderik sortuko eskualdaketa egin zen uneko partaidetzarekin bat badator, hura eskurapenaren aurreko azken bost urteetan egin bazen. Partaidetzaren ehunekoa handiagoa bada eskurapenaren ondorioz, partaidetzaren gehikuntzari dagokion zenbatekoari aplikatzen ahalko zaio kenkaria. Helburu berarekin, ezartzen da eskualdaketa gertatzen bada aurreko bost urteetan egindako erosketa baten ondoren, ulertuko dela eskuratutako azken akzio edo partaidetzak eskualdatu direla lehenbizi.

Energia berriztagarrien instalazioetan inbertsioak egiteagatiko kenkariari dagokionez, batetik, berriztagarritzat jotzen diren energia motak egokitzen dira, Europako Parlamentuaren eta Kontseiluaren 2018ko abenduaren 11ko 2018/2001 Zuzentarauan xedatutakoaren arabera.

Gainera, bigarren paragrafo bat gehitzen da berariaz xedatzeko hidrogeno berdea energia-iturri berriztagarria dela eta agerian jartzeko Nafarroako Gobernuak hidrogeno berriztagarriaren alde egiten duen apustua. Hidrogeno berriztagarriaren kontsumoa sustatzeko helburu berarekin, kenkariaren ehunekoa gehienez ere ehuneko 15 puntu handitzeko aukera arautzen da, gas naturala hidrogeno berdearekin ordezten bada.

Autokontsumo partekatuentzat, kenkarian ehuneko 5eko gehikuntza dagoenez ezarrita, energia berriztagarrien instalazioetan egindako inbertsioengatik kenkaria ehuneko 20ra iristen ahal da. Nafarroan, energiaren aldetik begiratuta, eraginkorragoak dira batera edo modu kolektiboan egindako inbertsioak eta, horrenbestez, 2030erako Nafarroako Energia Planaren ildoan doa modu horretan inbertitzea. Hori dela-eta, ehuneko 20ko kenkariaren aplikazioa energia-komunitateen inbertsioetara ere zabaltzen da.

Azkenik, 64. artikulua aldatzen da, zenbait kenkariren mugak jasotzen zituena. Aurrerantzean, "Kenkariak aplikatzeko arauak" deituko da, eduki berriak jasotzen baititu kenkarien oinarria zehazteko moduari eta kenkarien arteko bateraezintasunari buruz. Hala, berariaz ezartzen da salbuetsitzat deklaratutako dirulaguntzak jasotzen direnean inbertsioak finantzatzeko, dirulaguntza horien zenbatekoan minoratuko dela kenkariaren oinarria, eta inbertsio berak ezin izanen duela eman kenkari bat baino gehiago aplikatzeko eskubiderik.

Kuota diferentzialaren kenkariei dagokienez, indargabetu egiten da kotizazio gabeko erretiro pentsioen ondoriozko kenkaria, zuzeneko laguntza gisa kudeatuko delako.

Emantzipaziorako errentamenduaren kenkaria eskuratu ahal izateko gehieneko adina 35 urtera igotzen da. Aldaketa hori, berez, Babestutako etxebizitza ordainerrazen parke bat Nafarroako Foru Komunitatean sustatzeko uztailaren 1eko 20/2022 Foru Legean erantsi zen, baina progresiboki sartuko da, 4 urtean. Horregatik, hirurogeita zazpigarren xedapen gehigarri berrian, xedatzen da kenkarirako eskubidea izateko gehieneko adina 32, 33 eta 34 urtekoa izanen dela 2023an, 2024an eta 2025ean, hurrenez hurren.

Orobat, 2023an luzatzen da emantzipaziorako errentamenduaren kenkaria baliatzeko aukera langabezian daudenentzat, adinaren baldintza bete gabe ere, enplegu eskatzaile gisa inskribatuta badaude.

2022ko urtarrilaren 1etik aurrerako ondorioekin, zehazten da ordezkaritzako kuradoretza pean daudenak direla familia-unitatearen kide izaten ahal diren seme-alaba adinez nagusiak. Desgaitasuna duten pertsonei beren gaitasun juridikoa baliatzen laguntzeko legedi zibil eta prozesala eraberritzen duen ekainaren 2ko 8/2021 Legeak ezarritako aldaketetatik etorri da aldaketa.

Bestetik, baterako tributazioaren esparruan lehenago aipatutako neurria sartzen da, genero indarkeriaren biktimen erantzukizuna mugatzen duena pertsona fisikoen errentaren gaineko zergaren autolikidazioetatik sortutako zorretan, zergaren tributazioa erasotzailearekin baterako araubidean egitea hautatu zuten kasuan.

Jakina denez, pertsona fisikoen errentaren gaineko zergaren araudiak ezartzen du, oro har, baterako aitorpenaren kasuan familia-unitateko kide guztiek batera eta solidarioki erantzuten diotela zerga zorrari. Hau da, familia-unitateko edozein kideri exijitzen ahal zaiola zerga zor osoa. Gehitzen den aldaketarekin, foru lege honek indarra hartzen duenetik, arau orokor horretan salbuespena izanen da genero indarkeriaren biktimentzat. Biktimek beren erasotzaileari egozten ahal zaion zerga zorraren zatiari aurre egin behar izatea saihestu nahi da. Puntu honetan, komeni da argi uztea erantzukizunaren mugak biktimei soilik eragiten diela, eta bere horretan mantentzen dela erasotzailearen erantzukizuna, alderdi guztietan eta zerga zorraren guztizko zenbatekoan.

Xede horrekin, ezartzen da epai judizial baten bidez aitortutako biktimek eskatzen ahal dutela beren erantzukizuna soilik izan dadin beraiei egozten ahal zaien ordaindu gabeko zorraren zatiari dagokiona. Ondorio horietarako, biktimari dagokion erantzukizuna izanen da haren zerga-oinarri positiboaren proportzioaren araberakoa, familia-unitatearen zerga-oinarri positibo guztien baturarekiko. Proportzio hori aplikatuko zaio eskaera egiten den egunean ordaintzeko dagoen zorraren guztizkoari. Horrela, biktimaren zerga-oinarria zero edo negatiboa bada, ez du erantzun beharko zerga zorragatik.

Erantzukizunaren muga baliatzen ahal da eskaeraren egunean ordaintzeko dauden eta epaiaren funtsa den lehenbiziko salaketa aurkeztu aurreko lau zergaldiei dagozkien zorretarako.

Erantzukizunaren muga hori baliatzeko aski izanen dagokion eskaera aurkeztea, epai judiziala erantsita.

Banakako pentsioen produktu paneuroparrei eman beharreko trataera fiskala pentsio planenarekin parekatzen da. Parekatze hori ondarearen gaineko zergaren arloan ere gertatzen da, salbuespena ezartzen baita produktu horietara egindako ekarpenen ondoriozko eduki ekonomikoko eskubideetarako.

2022ko martxoaren 22tik, Europako herritarrek beren erretirorako banakako aurreikuspeneko aurrezki produktu berri bat dute aukeran, banakako pentsioen produktu paneuropar (PEPP) berriari esker. Banakako pentsio planen sistema berria da, Europar Batasuneko herrialde guztietan kontratatzen ahalko dena, eta aukera emanen duena ekarpenak beste edozein herrialde kidetatik egiteko, eta aurreztaileak lekualdatzen ahalko dituenak Batasuneko estatu batetik bestera. PEPPak borondatezkoak eta pentsio eta enplegu sistema publiko nazionalen osagarriak izanen dira, baita tokiko banakako plan pribatuen osagarriak ere.

Martxoaren 22an sartu zen indarrean banakako pentsioen produktu paneuroparra (PEPP, ingeleseko siglengatik) ezartzen duen Europako Parlamentuaren eta Kontseiluaren 2019ko ekainaren 20ko 2019/1238 Erregelamendua. Batasuneko estatuek 2022ko ekainera arteko epea dute (hiru urteko epea, onetsi zenetik) erregelamendu hori beren ordenamendu juridikora ekartzeko.

Espainian, transposizioa egin da Enpleguko pentsio funtsak bultzatzeko araubideari buruzko ekainaren 30eko 12/2022 Legearen bidez. Haren bidez aldatzen da, azaroaren 29ko 1/2002 Legegintzako Errege Dekretuaren bidez onetsitako Pentsio Plan eta Funtsak arautzeko Legearen testu bategina, zeinetan jasotzen den 35/2006 Legearen aldaketa, banakako pentsioen produktu paneuroparren trataera fiskala pentsio planen trataerarekin parekatzekoa, eta baita Ondarearen gaineko zergaren ekainaren 6ko 19/1991 Legearen aldaketa ere, produktu horietara egindako ekarpenen ondoriozko eduki ekonomikoko eskubideen salbuespena ezartzekoa.

Horrez gain, ezartzen da banakako pentsioen produktu paneuroparren sustatzaileek irailaren 30eko 1307/1988 Errege Dekretuaren bidez onetsiriko Pentsio plan eta funtsei buruzko Erregelamenduan pentsio funtsak kudeatzen dituzten entitateentzako ezartzen diren tributu arloko informazioko betebehar berak izanen dituztela.

Babestutako etxebizitza ordainerrazen parke bat Nafarroako Foru Komunitatean sustatzeko uztailaren 1eko 20/2022 Foru Legeak aldatu egin zuen pertsona fisikoen errentaren gaineko zergaren testu bategina, ehuneko 40ko murriztapena ezartzeko etxebizitzen errentamenduaren ondoriozko etekin garbi positiboari, urteko alokairuaren zenbatekoa AJI-Alokairu Jasangarritasunaren Indizearen balioa baino handiagoa ez bada, eta kontratua behar bezala erregistratu bada Nafarroako Etxebizitza Errentamenduko Kontratuen Erregistroan, aipatu 20/2022 Foru Legearen 90. artikuluan xedatutakoan. Aipatu erregistroa oraindik ez dago erabilgarri eta, beraz, ez dago kontratuak inskribatzerik, eta inskribatuta egotea murriztapena aplikatzeko ezinbesteko baldintza denez gero, ezinbestean atzeratu beharra dago haren aplikazioa erregistroa martxan den zergaldira arte.

Horregatik ezartzen da kapital higiezinaren etekin garbiaren murriztapena, 25.2 artikuluaren hirugarren paragrafoan xedatutakoa, Nafarroako Etxebizitza Errentamenduko Kontratuen Erregistroa abiatzen den zergalditik aurrera aplikatuko dela.

Urriaren 18ko 18/2022 Errege Lege-dekretuaren 21. artikuluan xedatutakoarekin bat, beste urtebetez luzatu da etxebizitzen energia-efizientzia hobetzeko obrengatiko kenkaria aplikatzeko aldia. Horrela, epe luzeagoa dago etxebizitzetan energia primario ez-berriztagarriaren kontsumoa edo haiek berotzeko edo hozteko energia eskaria murrizteko obrak gauzatu ahal izateko. Bestetik, dirulaguntzen zenbatekoa kenkariaren oinarrian minoratzeari buruzko aipamena kentzen da, ez minoratu beharrik ez dagoelako, baizik eta, lehen azaldu bezala, 64. artikulua aldatzen delako arau hori orokorrean ezartzeko, kenkari guztiei aplika dakien. Horrenbestez, 64.4 artikulura jo beharra dago kenkariaren oinarria ezartzeko.

Errenta apalenak jasotzen dituztenen tributazioa minoratzeko xedez, 2023ko urtarrilaren 1etik aurrerako ondorioekin, aitorpena egiteko betebeharra kentzen da jasotzen dituztenentzat soilik 14.500 eurora bitarteko lan etekin osoak eta 1.600 eurotik beherako kapital higiezinen etekinak edo ondare gehikuntzak, atxikipena egiteko betebeharra sortzen dutenak.

Aitorpena egiteko gutxieneko errenta igotzearekin bat etorrita, eta neurri horrek ondorioak izan ditzan zergadun horiek 2023ko urtarrilaren 1etik aurrera jasotako errentetan, lan atxikipenetako taulako lehenbiziko bi tarteak kentzen dira eta, hortaz, atxikipena egiteko betebeharra sortuko da jasotzen diren lan etekinak 14.500 eurotik gorakoak direnean.

Azkenik, 2022rako zuzeneko zenbatespen bereziari uko egiteko epe berezia ezartzen da.

2022ko maiatzaren 27an argitaratu zen 1/2022 Foru Lege-dekretuak aldatu egin zuen, 2022ko urtarrilaren 1etik aurrerako ondorioekin, zuzeneko zenbatespen berezia aplikatzeko eragiketa bolumenaren atalasea, 200.000 euroan kokatuta. 2022rako zuzeneko zenbatespen bereziari uko egiteko epea bukatua zen ordurako eta, ondorioz, zergadun batzuk uko egiteko epea bukatu ondoren sartu ziren hartan. Horregatik, salbuespenez ezartzen da, eta 2021ean negozio zifraren zenbateko garbia 150.000 euro baino gehiagokoa (eta 200.000 baino gutxiagokoa) izan zuten zergadunentzat baino ez, 2022ko pertsona fisikoen errentaren gaineko zergaren autolikidazioa aurkezteko unean zuzeneko zenbatespen bereziari uko egiteko aukera.

Ondarearen gaineko zergan, dagoeneko aipatutako aldaketez gain, entitateetako partaidetzen salbuespena aldatzen da. Batetik, ekonomia jardueretatik etorritako mozkinen parekotzat jotzen da partaidetzak eskualdatzearen ondoriozko gainbalioa ere (dibidenduen baldintza beretan). Bestetik, gerora etorritako ondarearen erregela sartzen da salbuespenak ukitzen dituen partaidetzen balioaren proportzioa kalkulatzeko. Neurri hori, salbuespen izateko aukerari dagokionez ezarrita zegoena, salbuespenaren irismenerako arautzen da orain. Hala, salbuespena iritsiko da, halaber, entitatearen ondare elementuekin bat datorren akzioen edo partaidetzen balioaren zatira, haien eskurapen-prezioa entitateek lorturiko mozkin ez banatuen zenbatekoa baino handiagoa ez bada, baldin eta mozkin horiek jarduera ekonomikoen ondoriozkoak badira; eta urte horretan berean eta aurreko hamar urteetan lorturiko mozkinen batura muga gisa hartuko da.

Nolanahi ere, salbuespena ez da inola ere iritsiko enpresa- edo lanbide-jarduera bati lotuta ez dauden ondasun higiezinen baliora, bigarren mailako merkatuetan kotizatutako baloreen baliora (salbu eta bigarren mailako merkatuetan kotizatutako baloreek boto eskubideen ehuneko 5, gutxienez, ematen dutenean eta, gainera, haien jabe izatearen helburua partaidetzak kudeatzea eta zuzentzea denean), ezta inbertsio kolektiboko erakundeetako partaidetzen, eta Ondarearen gaineko zergaren 18. artikuluan aipatzen diren ibilgailu, ontzi eta aireontzien baliora ere.

Ezartzen da ere inbertsio kolektiboko erakundeetako partaidetzei ez zaiela aplikatuko salbuespena.

Betebehar errealagatiko tributazioari dagokionez, aldaketa bat egiten da, zerga-saihestea ekiditeko sozietate-tartejartzearen bidezko higiezin-edukitzan. Halatan, entitateen balioak Espainiako lurraldean kokatutzat joko dira baldin eta haien aktiboa Espainian kokatutako higiezinez osatuta badago batez ere. Era horretan ezabatu nahi da egoiliarren eta ez egoiliarren arteko diskriminazio justifikaezina, azken horiek, Espainian dituzten ondasun higiezinei dagokienez, zerga saihesten ahal zutelako tartean jarriz gure herrialdeko egoiliarra ez den pertsona juridiko bat. Irtenbide hori bat dator beste araudi, hitzarmen aldeaniztun eta zergapetze bikoitzeko hitzarmen batzuekin.

Azkenik, 2022ko eta 2023ko zergaldietarako ondorioekin, beste tarte bat sartzen da 11.003.784,50 eurotik gorako likidazio-oinarrietarako tarifan.

Sozietateen gaineko zergan asimetria hibridoko kasu berri bat sartzen da, errentak eratxikitzeko araubideko entitateei eragiten diena, Kontseiluaren 2017ko maiatzaren 29ko 2017/952 (EB) Zuzentarauaren 9 bis artikuluaren transposizioa osatzeko, zuzentarau horrek 2016/1164 (EB) Zuzentaraua aldatzen baitu, hirugarren herrialdeekiko asimetria hibridoei dagokienez. Alderantzizko asimetria hibridoen kasu berri horrek Batasuneko estatuak behartzen ditu, zergei dagokienez, haietan egoiliarrak balira bezala tratatzera zergen arloan gardenak diren entitateak, haien gehiengoa duten partaideen egoitzako herrialdeetako legediak errentaren gaineko zerga pertsonal baten zergadun kalifikazioa ematen dienak, hain zuzen, ez dadin gertatu asimetria hibridoko egoerarik zeinetan errenta jakin batzuek ez luketen zergarik ordainduko herrialde edo lurralde batean ere, hau da, ez dadin gertatu zergarik ez ordaintzea ez errentak eratxikitzeko araubidean dagoen entitatearen egoitzan, ez haien partaideen egoitzan, ezta errenta horiek ordaintzen dituen entitatearen egoitzan ere.

Horrela, lortu nahi da Espainiako lurraldean kokaturiko errentak eratxikitzeko araubidean dauden entitateek ez dezatela sortu adierazitako asimetria hibridoa, eta sozietateen gaineko zergaren zergadun bihur daitezela aipatutako errentei dagokienez ezarritako baldintzak gertatzen direnean.

Lehen esan bezala, handitu egiten da enpresa bat enpresa txikitzat jotzeko negozio zifraren zenbateko garbiaren atalasea. Orain arte, hamar milioi eurokoa zen. 2023ko urtarrilaren 1etik aurrera hasten diren zergaldietarako, aldiz, enpresa txikitzat joko dira aurre-aurreko zergaldian negozio zifraren zenbateko garbia hogei milioi eurotik beherakoa izan dutenak.

Ikerketa, garapen eta berrikuntza teknologikoko jarduerengatiko kenkariari dagokionez, zenbait aldaketa egiten dira software aurreratuaren eta berrikuntzaren kontzeptu fiskalean -tratamendu fiskal berezitu baterako hautagarriak baitira-, horiek egokitzeko 2018ko Osloko Eskuliburutik eratorritako nazioarteko erreferentziako definizio berrienetara eta egungo errealitate teknologikora. Halaber, animazioarekin eta bideojokoekin lotutako proiektuak berritzailetzat hartzen ahal direla zehazten da.

Gainera, aurreikusten da ehuneko 5 handituko dela berrikuntza teknologikoko jarduerak egiteagatiko kenkaria, honako hauei enkargatutako proiektuak direnean: unibertsitateak, ikerketako erakunde publikoak, zentro teknologikoak, berrikuntza teknologikoari laguntzeko zentroak edo Nafarroako I+G+b Sistemaren (SINAI) eragile betearazle gisa akreditatutako enpresetako I+G+b unitateak. Kenkari gehigarri hori berrikuntzaren kudeaketari lotutako ISO 56002, UNE 16600 edo antzeko arauen betetze ziurtagiria lortzeko egindako gastuei ere aplikatzen zaie.

Ikerketa eta garapen edo berrikuntza teknologikoko proiektuetan parte hartzeagatiko eta film zinematografikoen eta beste ikus-entzunezko lan batzuen ekoizpenean parte hartzeagatiko kenkariei dagokienez, ekarpenaren zenbatekoaren 1,25etik 1,20ra jaitsi da bi kenkarien muga. Aldaketa horren helburua da I+G+b proiektuetara edo ikus-entzunezko produkzioetara egindako ekarpenen zenbatekoa handitzea. Ehuneko 20ko errentagarritasuna izanik, kenkariak erakargarria izaten jarraitzen du finantzatzailearentzat, baina kenkariaren zenbateko bera eskuratzeko ekarpen handiagoa egin beharko du. Era berean, kontabilitate irizpideen arabera, bazkideek ekonomia-intereseko taldeei egiten dizkieten ekarpenak ezaugarri bereziak dituzten ondare tresnatzat jo behar direnean, likidazio-oinarri negatiboak eta kenkari-oinarriak egozteko muga ordaindutako zenbatekoaren 1,20 izanen da.

Energia berriztagarrien instalazioetako inbertsioengatiko kenkariari dagokionez, gaur egun indarrean dagoen 2018/2001 Zuzentarauaren arau-aipamena eguneratzen da, eta iturri berriztagarrietatik sortutako energiaren definizioa zuzentarau horrek 2. artikuluan jasotzen duenera egokitu da, hidrogeno berdea halakotzat hartzen dela nabarmenduz.

Kenkariaren ehunekoa handitzeko eskubidea ematen duten inbertsio gisa, energia-komunitate batek elektrizitatea sortzeko egiten dituen instalazioetan egindako inbertsioa gehitzen da (ehuneko 5eko igoera), bai eta erabilera termikoetarako instalazioetan egindako inbertsioak ere, gas naturalaren ordez hidrogeno berriztagarria erabiltzen badute (gehienez ehuneko 15eko igoera, hidrogeno berriztagarriaren erabilera mailaren arabera).

Garapen jasangarriko eta ingurumena babesteko eta hobetzeko proiektuetan inbertsioak sustatzeko helburuarekin, sozietateen gaineko zergaren kuota likidoan kenkari berri bat arautzen da. Zehazki, hauek izanen dira proiektuak:

a) Beste enpresa batzuek sortutako haize-energiako, energia fotovoltaikoko eta baterietako osagaiak berrerabiltzea eta birziklatzea.

b) Hidrogeno berriztagarria ekoiztea.

c) Hidrogeno berriztagarriaren balio-kateko osagaiak fabrikatzea.

Kenkariaren portzentajea ehuneko 15ekoa izanen da, eta kenkariaren gehieneko muga 15 milioi eurokoa, enpresa eta proiektu bakoitzeko. Arlo horretako eskumena duen departamentuak ziurtatu beharko ditu inbertsioak, eta kenkariaren zenbatekoak Batzordearen 2014ko ekainaren 17ko 651/2014 (EB) Erregelamenduan ezarritako mugak bete beharko ditu. Erregelamendu horren bidez, laguntza kategoria jakin batzuk barne merkatuarekin bateragarritzat jotzen dira, Tratatuaren 107. eta 108. artikuluak aplikatuz.

Film zinematografikoetan eta ikus-entzunezko beste lan batzuetan egindako inbertsioengatiko kenkarian, 65.3 artikuluaren lehen paragrafoan "ekoizpen kostua" terminoaren ordez "kostu diruz lagungarriak" jarri da. 65.3 artikuluan araututako laguntzen intentsitatearen baldintza betetzen dela egiaztatzeak zalantzak sortu ditu ekoizpen kostuaren kontzeptuaren irismenari buruz; gainera, ez dator bat Batzordearen ekainaren 17ko 651/2014 (EB) Erregelamenduarekin. Erregelamendu horrek 54. artikuluan (Ikus-entzunezkoentzako laguntza-araubideak) ezartzen duenez, ikus-entzunezko lanetarako laguntzen intentsitateak ezin du gainditu kostu diruz lagungarrien ehuneko 50 (obra zailen kasuan izan ezik). Ondorio horietarako, "kostu diruz lagungarriak" honakoak direla ulertu behar da:

a) Dirulaguntzak direnean, Zinematografiaren eta Ikus-entzunezko Arteen Institutuak (ICAA) onartutako filmaren kostuan sartutako kostuak.

b) Sozietateen gaineko Zergari buruzko Foru Legean aurreikusitako zerga-kenkariaren kasuan, Ekonomia eta Ogasuneko kontseilariaren maiatzaren 7ko 69/2021 Foru Aginduaren 1. artikuluan araututako kenkariaren oinarrian dauden kostuak. Foru agindu horren bidez, ekoizpen zinematografikoetako eta ikus-entzunezko telesailetarako inbertsioengatiko kenkaria aplikatzeko baldintzak eta betekizunak garatzen dira, Sozietateen gaineko Zergari buruzko abenduaren 28ko 26/2016 Foru Legearen 65.1 artikuluan araututakoaren arabera.

Aurreko guztia kontuan hartuta, sortutako zalantzak argitzeko, eta Europako araudian aurreikusitakoaren ildotik, ekoizpen kostuari buruzko erreferentzia kendu eta kostu diruz lagungarriei buruzkoa jartzen da; kostu horiek kasu bakoitzean dagozkion kontzeptuak jasoko dituzte, kontuan hartuta kenkariak eta dirulaguntzak lortu dituzten, edo soilik kenkariak.

Kulturaren eremuan, kenkari berri bat gehitzen da kuota likidoan, arte eszenikoen eta musikalen zuzeneko ikuskizunetan inbertitzeagatik. Kenkari hori zehazteko, ehuneko 30eko portzentajea aplikatuko da aipatutako ikuskizunak ekoizteko eta erakusteko izandako zuzeneko kostu artistiko, tekniko eta sustapenekoen gainean. Portzentaje hori ehuneko 40ra iristen ahalko da nazioarteko bira baten parte diren ikuskizunak badira. Nolanahi ere, zergaldi bakoitzean sortutako kenkaria ezin izanen da 500.000 eurotik gorakoa izan. Halaber, kenkariaren zenbatekoak, zergadunak jasotako dirulaguntzekin batera, ezin izanen du izandako kostuen ehuneko 80 gainditu.

Pizgarriengatiko kenkarien kapituluan, halaber, aldatzen da VI. tituluko IV. kapituluko 3. atalaren errubrika: "Beste pizgarri batzuk"; eta enpresen gizarte aurreikuspeneko sistemetara egindako ekarpenengatiko kenkari berri bat gehitzen da. Kenkari hori enpresa ekarpenen ehuneko 10ekoa da enpresaren gizarte aurreikuspeneko sistemetarako, 27.000 eurotik beherako urteko ordainsari gordinak dituzten langileen alde. Ordainsariak 27.000 eurokoak badira edo zenbateko hori gainditzen badute, 27.000 eurori dagokion enpresa ekarpenaren zati proportzionalaren gainean aplikatuko da kenkaria. Hala ere, ezartzen da kenkaria ez dela aplikatuko langileak langile autonomoen araubide berezian badaude eta enpresaren ekarpenak kotizazioa osatzeko balio badu, pertsona horiei Gizarte Segurantzako araubide orokorrean legokiekeen kotizazio zenbatekora iristeko. Horrela, enpresa guztiak egoera berean egotea lortu nahi da, bai beren enplegatuengatik Gizarte Segurantzako araubide orokorrean kotizatzen badute, bai langile autonomoen araubide berezian kotizatzen badute.

Gizarte aurreikuspeneko sistemetarako enpresa ekarpenengatiko kenkari berri horrek kuota likidoaren ehuneko 25eko muga izanen du, 67. artikuluan araututa dagoena.

Etxebizitzen errentamenduan diharduten entitateen araubide berezian, 3 urtetik 5 urtera igo da araubidea aplikatu ahal izateko etxebizitzak alokatuta edo errentamenduan eskainita egon behar diren aldia, eta ehuneko 40ra murriztu da 93.1 artikuluaren lehen paragrafoan aurreikusitako egungo hobari orokorra, ehuneko 85ekoa. Bestetik, artikulu beraren bigarren paragrafoan jasotako % 90eko hobariaren ordez, hobari bat ezartzen da, % 85ekoa, baldin eta errentak etorri badira errentan ematetik Sistema Publikoari atxikitako etxebizitzak, lehenago babestutako etxebizitzak edo desgaitasuna duten pertsonei errentan emandakoak, azken horietan eginda badaude desgaitasuna duten pertsonen garapen duina eta egokia erraztuko duten irisgarritasunerako eta komunikazio sentsorialerako beharrezkoak diren egokitze obrak.

Bestalde, aldaketa batzuk egiten dira hirugarren xedapen gehigarrian xedatutako ekintzailetza laguntzeko neurrietan.

Lehenik eta behin, baldintza gehigarri bat gehitzen da entitate bat ekintzaile gisa kalifikatzeko. Horrela, erakunde ekintzailetzat hartuko dira, gainerako baldintzak beteta, merkatu arautu batean kotizatzen ez duten eta dibidendurik banatzen ez duten edo banatu ez duten erakundeak.

Gainera, ekintzailetzarako pizgarriak areagotzen dira. Entitate ekintzailearen zerga-oinarriari aplikatu beharreko murriztapena ehuneko 20tik ehuneko 30era igo da positiboa den lehen eta bigarren zergaldietan. Entitate ekintzaileetan inbertitzeagatiko kenkaria ere ehuneko 20tik ehuneko 25era igo da, 50.000 euroko mugarekin. Inbertsioaren xede den entitateak, gainera, berritzaileak badira edo bereziki sustatu nahi den sektore batean edo espezializazio adimentsuaren sektore batean sartuta badaude, kenkaria ehuneko 35era igotzen da, 100.000 euroko mugarekin. Entitate horiek ibilgetu materialaren elementu berrietan egindako inbertsioengatiko kenkaria aplikatzen ahalko dute, ehuneko 5 handituta, eta ikerketa, garapen eta berrikuntza jarduerak egiteagatiko kenkariari dagokion berariazko itzulketaren muga 100.000 euro igoko da.

Pizgarri horiek ekintzaileak diren eta entitate ekintzaile edo berritzaileetan inbertitzen duten pertsona fisikoei ere aplikatzen zaizkie.

Azkenik, zerga-pizgarrien araubide honetatik kanpo geratzen dira zerga-betebeharretan eta Gizarte Segurantzarekiko betebeharretan egunean ez dauden zergadunak, 7. apartatuan aipatzen den edozein deliturengatik epai irmo bidez kondenatuak izan direnak edo Administrazioarekin kontratatzeko aukera galdu dutenak.

Hamazazpigarren xedapen gehigarriaren aplikazioa 2023ko zergaldira luzatzen da. Horrela, 2023an, xedapen gehigarri horretan xedatutako likidazio-oinarri negatiboen ehuneko 50eko eta ehuneko 25eko murriztapenerako mugak aplikatuko zaizkie zergadunei, baldin eta zergaldia hasi aurreko hamabi hilabeteetan beren negozio zifraren zenbateko garbia hogei milioi eta hirurogei milioi artekoa bada, edo hirurogei milioikoa edo handiagoa bada, hurrenez hurren.

Oinordetza eta dohaintzen gaineko zergari dagokionez, ulertuko da adoptatutako pertsonek adopzioa egin aurretik jatorrizko familiarekin zuten ahaidetasun-mailari eusten diotela.

Kode Zibilaren 178.1 artikuluak ezartzen du adopzioak azkendu egiten dituela adoptatuaren eta beraren jatorrizko familiaren arteko lotura juridikoak, eta oso kasu mugatuetan bakarrik mantentzen direla lotura horiek.

Hala ere, Haurrentzako eta nerabeentzako babes sistema aldatzen duen uztailaren 28ko 26/2015 Legeak, 178. artikuluan, aukera hau gehitu zuen: adingabearen interesentzako komenigarria denean -familia egoeragatik, adinagatik edo beste edozein zirkunstantziagatik-, harreman edo kontaktu motaren bat izatea erabakitzen ahalko da, adingabearen, jatorrizko familiaren eta adopziozko familiaren arteko bisiten edo komunikazioen bidez, eta bereziki mesedegarri izanen da anai-arreba biologikoen arteko harremana.

"Adopzio irekiaren" aukera hori tributu esparruan jasotzen da orain, dohaintza edo jarauntsia dagoenean -jaraunspeneko oinordetzetako deien arauketa zibila aldatu gabe-, tributazioa adoptatuaren eta haren jatorrizko familiaren artean lotura juridikoak azkendu izan ez balira aplikatu beharko zenaren parekoa izateko.

Oinordetzen eta dohaintzen gaineko zergaren araudia ere egokitzen da ekainaren 2ko 8/2021 Legeak sartutako aldaketetara.

Ondare eskualdaketen eta egintza juridiko dokumentatuen gaineko zergan, 3.2.B) artikulua aldatzen da.

Berriki, Auzitegi Gorenak epai bat eman du (Auzitegi Gorenaren 3083/2022 epaia, 2022ko uztailaren 12koa). Epai horretan ondorioztatzen denez, konpentsatu gabeko adjudikazio-soberakinak ez du tributatzen oinordetzen eta dohaintzen gaineko zergan, adjudikazio-soberakinak ondare eskualdaketen eta egintza juridiko dokumentatuen gaineko zergaren zerga-egitate gisa araututa daudelako (3.2.B artikulua).

Interpretazio bide hori ixteko, testu berriak berariaz ezartzen du adjudikazio-soberakin horiek oinordetzen eta dohaintzen gaineko zergan tributatzen dutela, doako eskurapentzat hartzen baitira.

Bestalde, despopulazio arriskuan dauden udalerrietan etxebizitzak erostea errazteko, ehuneko 4ko tasa murriztua ezartzen da, baldin eta erositako etxebizitza ohiko etxebizitza izateko erabiltzen bada.

Toki administrazioaren eta despopulazioaren arloko eskumena duen departamentuko titularraren foru agindu batek zehaztuko du zein diren despopulazio arriskuan dauden udalerriak. Ohiko etxebizitzaren kontzeptua pertsona fisikoen errentaren gaineko zergaren araudian ezarritakoa izanen da, eta etxebizitza subjektu pasiboaren ohiko etxebizitzarako erabiliko dela berariaz jaso beharko da eskualdaketa bideratzen duen dokumentu publikoan.

Salbuespenei dagokienez, Egintza Juridiko Dokumentatuen modalitateko notario agirien mailakako kuotatik salbuetsirik geratzen dira ohiko etxebizitzaren gaineko hipoteka-maileguetan interes-tasen igoera samurtzeko Jardunbide Egokien Kodearen babespean kontratua berritzean egin beharreko eskritura publikoak; martxoaren 9ko 6/2012 Errege Lege-dekretuaren Jardunbide Egokien Kodearen menpekoendako tratamendu bera emanen zaie.

Azkenik, aipatu den moduan, arlo horretan berean, ondare eskualdaketen eta egintza juridiko dokumentatuen gaineko zergari buruzko foru araudian txertatzen da, halaber, Genero indarkeriaren biktimen umezurtzen babesa hobetzeko martxoaren 21eko 2/2022 Lege Organikoan aurreikusitako salbuespena.

Salbuespen horrek ezabatu nahi du, araututako kasu horretan, delituaren ondoriozko erantzukizun zibila ordaintzeko moduek duten zerga-trataera desberdinak.

Dirutan eginez gero, kalte-ordain hori zeharkako tributaziotik salbuetsita dago -Ondare eskualdaketen eta egintza juridiko dokumentatuen gaineko zergari buruzko Foru Legearen testu bateginaren 35.I.B.4 artikuluan ezarritako salbuespenaren arabera-; aldiz, beste ondasun batzuen bidez gauzatzen bada, eskuratzaileak behartuta daude kostu bidezko ondare eskualdaketen eta egintza juridiko dokumentatuen gaineko zerga ordaintzera, kostu bidezko ondare eskualdaketen modalitatean. Kasu gehienetan, kondenatutako gurasoek ez dute nahikoa dirurik beren erantzukizunari aurre egiteko, eta, hortaz, kalte-ordainak, oro har, beste ondasun batzuekin ordaintzeko esleipenak gauzatzen dira, dela aitaren borondatez, dela enkante judiziala betearaztean. Horrek zergaren sortzapena dakar, eta, ondorioz, onuradunek ordaindu behar izatea. Horrek karga ekonomiko handia dakar, eta kalte-ordain bat likidatzea ere eragozten ahalko luke. Kalte-ordain hori ezinbestekoa da jasandako kaltea konpontzeko, zati batean behintzat, eta amak galtzearen ondoriozko kalteberatasun handiko egoerari ahalik eta baldintza onenetan aurre egiteko.

Horregatik, izaera objektiboko zerga-onura berri bat sartzen da: Ondare eskualdaketen eta egintza juridiko dokumentatuen gaineko zergaren Legearen testu bateginaren 1. artikuluan aipatzen diren karga-modalitateetatik salbuesteko emakumeen aurkako indarkeriaren ondorioz hildako emakumeen kargura zeuden ondorengoen onurarako ondasun edo eskubideen eskualdaketak, horiek egiteko baliatzen den titulua edozein dela ere, baldin eta judizialki aitortu diren kalte-ordainak ordaintzeko balio badute.

Saltoki handien gaineko zergan ez dira saltoki kolektibotzat hartuko zerga baliokiderik ez duten beste autonomia erkidegoekin muga egiten duten eremuetan kokatuta daudenak; horrela, saltoki horiek ez dira egonen beren eragin eremu berean baina antzeko zergarik ordaintzen ez den beste autonomia erkidego batean kokatuta daudenak baino egoera okerragoan.

Hondakinak hondakindegietan uztearen eta errausketaren eta koerrausketaren gaineko zergaren erregulazioa egokitzen da urriaren 19ko 22/2022 Legeak Hitzarmen Ekonomikoan egindako aldaketara; izan ere, lege horren arabera, zergaren ordainarazpenean Nafarroako Foru Komunitateak Estatuak une bakoitzean ezarritako arau substantibo eta formal berberak aplikatuko ditu.

Hortaz, beharrezkoak diren aldaketak sartzen dira, Hondakinei eta haien Fiskalitateari buruzko ekainaren 18ko 14/2018 Foru Legearen V. tituluaren I. kapituluaren edukia Ekonomia zirkularrerako hondakinei eta lurzoru kutsatuei buruzko apirilaren 8ko 7/2022 Legearen VII. tituluaren II. kapituluan xedatutakora egokitzeko.

Komeni da zehaztea arauaren testuan udalen hondakinak erraustea aurreikusten den arren, Nafarroako Hondakinen Planean ez dela aukera hori jasotzen; hortaz, zerga-egitate horren tributazioa aurreikusten den arren, gaur egun ez da egiten.

Zergei buruzko Foru Lege Orokorraren 105 bis artikuluko zordunen zerrenda argitaratzeari dagokionez, hura argitaratu behar den hilabetea zehazten da, eta tarte bat ematen da balizko ordainketa agindu bat ematen denetik haren kobrantza egiaztatu eta jaso ahal izateko bilketa sistema informatikoetan, eta zordunen zerrenda eguneratu ahal izateko.

Bestalde, enbargo-eginbideen aurka egiteko arrazoiak argitu eta zehazten dira. Hala, foru araudiak gure ingurukoarekin bat egiten du, eta Foru Auzitegi Ekonomiko-Administratiboak enbargo-eginbideak berrikustean eskatzen ahal duena mugatzen da.

Aldaketa horrek 166. artikuluan ere ondorioak ditu, diru-bilketako jarduketen aurka egiteko arrazoiak arautzen baititu, Ogasun Publikoaren aurkako delituen kasuetako jarduketei buruzko tituluaren barruan.

Berriro ere, Europar Batasuneko Justizia Auzitegiaren 2022ko urtarrilaren 27ko epaia betetzeko, hemezortzigarren xedapen gehigarrian araututako zehapen-araubide espezifikoa indargabetzen da (Europako araudiaren aurkakotzat jo da, ez duelako proportziorik antzeko arau-hausteetarako ezarritako zehapenekin), eta, beraz, Tributuei buruzko Foru Lege Orokorrean oro har aurreikusitako zehapen-araubidea aplikatuko da.

Hogeita hamahirugarren eta hogeita hamalaugarren xedapen gehigarrietan alderdi teknikoak zuzentzen dira. Xedapen horiek zerga plangintzako mugaz gaindiko mekanismoei buruzko informazioa emateko betebeharra arautzen dute, Estatuko araudiaren testuan jasotakoaren ildotik.

2023ra luzatzen dira zerga zorra geroratzeko edo zatikatzeko egin diren eskaerei aplikatu beharreko neurri berariazkoak, aurreko urteetan indarrean egon direnak.

Apirilaren 14ko 27/2021 Foru Dekretuaren bidez, Nafarroako Foru Komunitateko Bikote Egonkorren Erregistro Bakarra sortu zen. Horrekin batera, bikote egonkorren erregistro fiskala indargabetu, eta urtebeteko epea eman zen (2022an), zerga ondorioetarako ezkontideen pareko izan nahi zuten bikote egonkorrak inskriba zitezen Erregistro Bakarrean edo haiei aplikatzekoa zaienean. Foru lege honek Tributuei buruzko Foru Lege Orokorraren seigarren xedapen iragankorra aldatzen du, 2023ra luzatzeko Nafarroako Bikote Egonkorren erregistro bakarrean inskribatzeko epea, edo bikote egonkorrari dagokiona, aplikatu beharreko legeria zibilaren arabera. Hortaz, 2023an, bikote egonkorren erregistro fiskalean inskribatzearen ondorioak bere horretan mantenduko dira.

Aurrekoarekin bat etorriz, azken xedapenetako bigarrenak Zenbait zerga aldatu eta beste tributu-neurri batzuk hartzeko abenduaren 29ko 19/2021 Foru Legearen xedapen indargabetzaile bakarra aldatzen du; hain zuzen, 2. apartatuan jasotako indargabetzeak ondorioak izan ditzan 2024ko urtarrilaren 1etik aurrera (2023tik aurrera izan beharrean).

Fundazioen eta babes jardueren tributu araubidea arautzen duen Foru Legean, 10/1996 Foru Legean araututako araubide fiskala aplikatzeko eskaeraren ordez, araubide hori aplikatzeko aukeraren jakinarazpen bat ezartzen da, bai Foru Berriaren arabera eratutako fundazioentzat, bai beste araudi batzuen arabera eratutakoentzat, bai eta bigarren xedapen gehigarrian aipatzen diren onura publikoko elkarteentzat eta garapenerako gobernuz kanpoko erakundeentzat ere.

Aurreko testuan, araubide hori aplikatu ahal izateko prozedura desberdina zen, kontuan hartzen baitzen Foru Berriaren arabera eratutako fundazioak ziren edo bigarren xedapen gehigarrian jasotako entitateak ziren. Horrek zalantzak sortzen zituen bigarrenek jarraitu beharreko prozedurari buruz, bai eta horiek kudeatzeko eta kontrolatzeko arazoak ere. Foru Berriaren arabera eratutako fundazioetan araubidea aplikatzeko dokumentazioa aztertzen zen, baita aldez aurretik Lehendakaritzako Departamentuak (kasu batzuetan, Ogasunarekin batera) fundaziotzat hartzeko baldintzak betetzen zituztela egiaztatu bazuen ere; gainerako entitateen kasuan, ordea, azterketa hori egin gabe aplikatzen zuten araubidea, beste administrazio batzuek eta entitateek berek deklaratzen zutena ontzat emanez. Hori dela-eta, prozedura aldatzen da, eta Foru Berriaren arabera eratutako fundazioetarako soilik ezarrita zegoen aurreko eskaera eta ebazpenaren ordez, araubidearen aukeraren jakinarazpen bat ezartzen da Nafarroan jarduten duten entitate guztientzako.

Prozedurak kontrol handiagoa dakar; izan ere, lehenengoen kasuan, dokumentazio guztia dago eskura, Nafarroako Fundazioen Erregistroan inskribatzean ematen baitute dokumentazio hori, eta bigarrenen kasuan, berriz, aukera jakinarazten dutenean aurkeztu beharko dute, halako moldez non araubide berezia aplikatu aurretik jakinen baita entitatea existitzen dela eta araubide bereziaren aukera egiten duela.

Horrela, egiaztapena egin ondoren, araubide berezia aplikatzea ukatzen ahalko da, entitateak ez baditu betetzen araubide horretan sartzeko baldintzak.

Azkenik, gaur egun 10/1996 Foru Legearen tributu araubideari atxikitako entitate asko daudenez, xedapen iragankor bat gehitzen da, entitate horiek aurkeztu behar ez izateko araubide bereziaren aukeraren jakinarazpen hori, baldin eta, Nafarroako Fundazioen Erregistroan inskribatutako fundazioak izanik, 2023ko urtarrilaren 1a baino lehen inskribatuta badaude eta tributu araubide bereziaren aplikazioa deklaratu badute dagokion ebazpenaren bidez. Eta gainerako entitateen kasuan, Nafarroan edozein zergatan tributatu badute 2023aren aurreko 10 urteetan.

Bestalde, 2023ko urtarrilaren 1etik aurrera hasten diren zergaldietarako, kirol mezenasgorako zerga-pizgarri batzuk gehitzen dira, bat etorriz hamargarren eta hamabigarren xedapen gehigarrietan gizarte edo ingurumen mezenasgorako ezarritakoen ildotik edo Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen kultur mezenasgorako ezarritakoen ildotik.

Nafarroako Foru Komunitatean kultur mezenasgoa eta haren zerga-pizgarriak arautzen dituen Foru Legean aldaketa tekniko hutsak egiten dira.

Bestalde, Nafarroako Kooperatiben Zerga Araubidea arautzen duen Foru Legean, 1. artikuluan, foru legearen aplikazio-eremua argitzen da. Hitzarmen Ekonomikoaren 16. artikuluari buruzko aipamena, 2003. urtean Hitzarmen Ekonomikoaren zenbait artikulu berriro zenbakitu ondoren zuzena ez izateaz gain, honela ulertzen ahal zen: sozietateen gaineko zergaren foru araudiaren mendeko kooperatibei soilik aplikatzen ahal zaizkiela zerga-pizgarriak (edozein zergatarako ezarritakoak). Testu berrian argi geratzen da sozietateen gaineko zergaren foru araudiaren mende ez dauden kooperatibek ere beste zerga batzuetan ezarritako zerga-onurak aplikatzen ahal dituztela, baldin eta, Hitzarmen Ekonomikoan xedatutakoaren arabera, zerga horiek arautzen dituen foru araudiaren mende geratzen badira.

Era berean, kontsumitzaileen eta erabiltzaileen kooperatiben kontzeptua -bereziki babestutako kooperatibak- egokitzen da Klima-aldaketari eta Energia-trantsizioari buruzko martxoaren 22ko 4/2022 Foru Legeak Kooperatiben Foru Legean eragindako aldaketara. Horrela, pertsona fisikoak elkartzen dituzten kontsumitzaile eta erabiltzaileen kooperatibak ez ezik, pertsona juridikoak eta nortasun juridikorik gabeko beste entitate batzuk elkartzen dituztenak ere bereziki babestu eta onuradun izaten ahal dira haientzat ezarritako zerga-pizgarrien bidez. Kooperatiba horien xedea zerbitzuak ematera ere zabaltzen da.

Tasa eta Prezio Publikoei buruzko Foru Legean, administrazio zerbitzuen tasa aldatzen da, kontzeptu berri bat gehitzeko: "kopiak". Izan ere, askotan, jokoaren arloko enpresa operadoreek administrazioak bere garaian bidali zizkien instalatzeko eta ustiatzeko baimenen kopiak eskatzen dituzte. Ziurtagirien zenbateko berdina proposatzen da: 5,2 euro kopia bakoitzeko.

Tasa berri bat sortzen da hautaketa prozesuei dagokien dokumentazioaren kopiak formatu elektronikoan bidaltzeagatik. Nafarroako Foru Komunitateko Administrazioak deitutako hautaketa prozesu batean parte hartu duten eta ondoren horren kopia eskatzen duten pertsonen kopurua gero eta handiagoa da, eta horrek administrazio-lanaren aparteko karga sortzen du; tasaren bidez horri erantzuna eman nahi zaio. Beharrezkoa da tasa berri bat ezartzea, zerbitzu horrek dakartzan kostuak konpentsatzeko.

Elkarteen Erregistroaren, Fundazioen Erregistroaren eta Lanbide Elkargoen Erregistroaren jarduketen tasa ere aldatzen da. Aldaketak Fundazioen Erregistroak bere gain hartutako eginkizun berrien ondorioa da, kontabilitate-agirien erregistroari eta horien erregistroen publikotasunari dagokienez. Eginkizun horiek Nafarroako Fundazioei buruzko 13/2021 Foru Legean jasota daude. Tarifa bakarra ezartzen da ziurtagiriak emateagatiko tasan (gaur egun, tasa horren zerga-egitate bakoitzean ezartzen da) eta kontabilitate-agiriei dagokien erregistroen publikotasunean. Tasa kobratzetik salbuetsita geratzen da elkarteen gobernu organoen aldaketaren inskripzioa, eguneratu izatea komeni baita, eta tasa kobratzeak, batzuetan, inskribatzeko pizgarria kentzen baitu.

22. eta 23. tarifak gehitzen dira tituluak emateagatiko tasan, Lanbide Heziketaren antolamenduari eta integrazioari buruzko 3/2022 Lege Organikoan jasotako tituluak eta ziurtagiriak emateak dakarren kostuei aurre egiteko. Lege horrek espezialista titulazioak ezarri ditu erdi mailako espezializazio ikastaro bat gainditzen dutenentzat, eta master titulu bat goi mailako ikastaro bat gainditzen dutenentzat.

Administrazio egoera irregularrean dauden pertsonak profesionaltasun ziurtagiriak edo kopiak emateagatiko tasatik salbuetsita egonen dira, eta ondorio horietarako "ikasle kaltebera" izena emanen zaie.

Osasun zerbitzuen tasaren tarifak aldatzen dira, Produktu Kosmetikoak Merkaturatzeko Arduradunen Erregistroan izena emateagatiko tarifa kentzeko; izan ere, prozedura zaharkituta geratu da, eta horren ordez produktu kosmetikoak jakinarazteko Europako Atariari jakinarazteko prozedura bat ezarri da, inolako tarifarik ez duena.

Bestalde, jardunbide egokiak betetzen direla frogatzen dituzten ziurtagiriak emateagatiko tarifa aldatzen da, kontzeptua eguneratuz eta kopia bakoitzeko zenbatekoa ordeztuz, bigarren eta ondorengo ziurtagiriko; izan ere, izatez ez dira kopia konpultsatuak ematen, ziurtagiri berriak baizik.

Abereen eta abere produktuen ikuskapen eta osasun kontrol ofizialengatiko tasaren alderdi batzuk aldatzen dira, Europako Parlamentuaren eta Kontseiluaren 2017ko martxoaren 15eko 2017/625 (EB) Erregelamenduan ezarritakora egokitzeko. Erregelamendu hori elikagaiei eta pentsuei buruzko arauen aplikazioa bermatzeko egiten diren kontrolei eta bestelako jarduera ofizialei buruzkoa da, bai eta abereen osasun eta ongizateari, landare-osasunari eta produktu fitosanitarioei araudiari buruzkoa ere.

Zerbitzu agronomikoen kudeaketa tekniko-fakultatiboaren tasaren tarifak aldatzen dira.

1.2. tarifaren izena eguneratzen da; izan ere, erregistro batzuetan ez dago inskripzioa berritzeko betebeharrik, baina beharrezkoa da titulartasun aldaketak eta beste aldaketa batzuk inskribatzea. Gainera, 2. tarifan, izendapen orokor bat jasotzen da: "Makinak eta aplikatzeko beste ekipamendu batzuk inskribatzea", kontzeptu berri bat sartzeko, 2.2 tarifa: "Produktu fitosanitarioak aplikatzeko aireontzien eta instalazio iraunkorren erregistroan (REGANIP) inskribatzeagatik".

Azkenik, 3. tarifa sortzen da: "EOR, entseguetarako enpresetarako baimena". Izan ere, apirilaren 20ko 285/2021 Errege Dekretuak entseguak egiteko eskumena duen organoaren baimena izatera behartzen du.

Nekazaritzako Elikagaien Laborategian analisi zerbitzuak egiteagatiko tasaren tarifetatik kontzeptu jakin batzuk kentzen dira eta analisi teknika berri bat gehitzen da. Era berean, murrizten da bi analitiken zenbatekoa, esperientziak aukera ematen baitu analisiak egiteak dakartzan kostuak murrizteko.

Bestalde, tarifa berri bat sartzen da nekazaritzako elikagaien laborategiaren tarifetan: "Nafarroako oliba-olio birjinaren dastatzaileen panela".

Nafarroako oliba-olio birjinaren dastatzaileen panela sortu zenetik, INTIA SAk kudeatu du, eta zerbitzuengatik hark kobratzen du.

Panela funtzionalki Nafarroako Nekazaritzako Elikagaien Laborategiaren mende dagoenez, egokitzat jo da 2023tik aurrera hark kudeatzea kobrantza. Zenbatekoari dagokionez, orain arte INTIA SAk kobratzen zuena da, eta analisi organoleptikoen mota horretarako merkatuko prezioetara doitutako zenbatekoa da: 105 euro.

Nafarroako Toki Ogasunei buruzko Foru Legean ehuneko 3,5 eguneratzen dira trakzio mekanikoko ibilgailuen gaineko zergaren tarifak.

Era berean, hiri-lurren balio-gehikuntzaren gaineko zergaren zerga-oinarria zehazteko aplikatu beharreko gehieneko koefizienteak, 175.2 artikuluan jasotakoak, eguneratzen dira. Toki Ogasunei buruzko Foru Legean xedatutakoari jarraikiz, koefiziente horiek urtero eguneratu behar dira.

Bi aldaketek 2023ko urtarrilaren 1etik aurrera izanen dituzte ondorioak.

Tokiko tributuen eremuan, zenbait aldaketa egiten dira jarduera ekonomikoen gaineko zergaren tarifetan.

Hala, lehenengo atalean, telefoniaren sektoreko tributazioa Auzitegi Gorenaren 2022ko uztailaren 14ko 996/2022 epaiaren edukira egokitzen da; izan ere, epai horretan, Europar Batasuneko zuzenbidea aplikatuz, justifikaziorik gabekotzat jotzen da telefonia mugikorraren zerga horrek tributazio handiagoa izatea telefonia finkoaren aldean. Bestalde, multzo berri bat sortzen da, bulego malguek, "coworking"-ek eta negozio-zentroek ematen dituzten zerbitzuak berariaz sailkatzeko.

Era berean, bigarren atalean, bi multzo berri sortzen dira, batetik, gidoilarien jarduera berariaz sailkatzeko, idazleak ere barnean hartuta (orain arte kazetarien epigrafean sartuta zeuden), eta, bestetik, hirugarren atalean sailkatutakoak ez diren jarduera artistiko eta kulturalekin lotutako profesionalak sartzeko. Halaber, 86. multzoaren izenburua aldatzen da.

Horrez gain, bigarren atalean ere multzo berri bat sortzen da mendiko gidariak berariaz gehitzeko, jarduera horren sailkapenari segurtasun juridiko handiagoa emateko.

Azkenik, multzo berri bat sortzen da hirugarren atalean, konpositoreak, kanta-idazleak, moldatzaileak eta musika-egokitzaileak berariaz sailkatzeko.

Azkenik, Nafarroako Lurralde Aberastasunaren Erregistroari eta Katastroei buruzko Foru Legean, 10. apartatua gehitzen zaio 27. artikuluari, eta 29.2 artikulua aldatzen da, ondasun higiezinen aldaketak deklaratzeko betebeharretik salbuesteko notarioek eta jabetza erregistratzaileek aldaketa horien berri ematen duten kasuetan, baldin eta deklaraziorako epea amaitu aurretik egiten badira eta ondasun higiezinen aldaketa grafikorik ez badakarte.

Xedapen gehigarri bakarrak ezartzen du pertsona fisikoen errentaren gaineko zergan eta sozietateen gaineko zergan salbuetsita daudela ekainaren 25eko 11/2022 Errege Lege-dekretuaren, abuztuaren 1eko 14/2022 Errege Lege-dekretuaren eta 770/2022 Ebazpenaren babesean emandako laguntzak. Laguntza horien artean daude gasa erauzteko industriarako laguntza zuzenak, errepideko garraioaren sektorerako laguntza zuzenak, diru-sarrera eta ondare gutxiko pertsona fisikoentzako 200 euroko laguntza zuzena eta energia-kostuek 2022an zehar izandako gorakadari aurre egiteko Nafarroako enpresentzako laguntzak.

Azken xedapenetako lehenengoak eguneratzen ditu, 2023ko urtarrilaren 1etik aurrerako ondorioekin, Nafarroako Hondakin Uren Saneamenduari buruzko Foru Legean jasotako saneamendu kanonaren tarifak.

Bestalde, azken xedapenetako bigarrenak, adierazi den bezala, 2024ko urtarrilaren 1era arte atzeratzen ditu Zenbait zerga aldatu eta beste tributu-neurri batzuk hartzeko abenduaren 29ko 19/2021 Foru Legearen xedapen indargabetzaile bakarraren 2. apartatuan ezarritako indargabetzearen ondorioak. Horren xedea da zerga ondorioetarako ezkontideen parekoak izan nahi duten bikote egonkorrek beste urtebete izan dezatela Nafarroako Bikote Egonkorren Erregistro Bakarrean edo dagokien erregistroan inskribatzeko.

Bukatzeko, azken xedapenetako hirugarrenak gaikuntza ematen dio Nafarroako Gobernuari eman ditzan foru lege hau garatu eta aplikatzeko beharrezkoak diren xedapen guztiak, eta azken xedapenetako laugarrenak ezartzen du foru lege honek Nafarroako Aldizkari Ofizialean argitaratu eta biharamunean hartuko duela indarra, bertan ezarritako ondorioak izateko.

Lehenengo artikulua. Pertsona Fisikoen Errentaren gaineko Zergari buruzko Foru Legearen testu bategina.

Pertsona Fisikoen Errentaren gaineko Zergari buruzko Foru Legearen testu bateginaren manu hauek (testu bategina ekainaren 2ko 4/2008 Legegintzako Foru Dekretuaren bidez onetsi zen) testu hau izanen dute:

Bat.–7.c) artikulua.

"c) Langilea kaleratzeagatik edo lana uzteagatik ematen diren kalte-ordainak, Langileen Estatutuan edo hori garatzeko araudian, edo kasua bada, epaiak betearazteko araudian nahitaezko izaeraz ezarritako kopuruetan; hitzarmen, itun edo kontratuaren indarrez finkatutakoa ezin izanen da, ordea, derrigorrezko izaeraz ezarritako kalte-ordaintzat hartu.

Aurreko paragrafoan xedatutakoa alde batera utzi gabe, kaleratze kolektiboak Langileen Estatutuaren 51. artikuluan ezarritakoarekin bat egiten badira edo aipatu estatutuaren 52.c.) artikuluan aurreikusitako arrazoien ondorio badira, eta betiere bi kasuetan kausa ekonomikoak, teknikoak, antolakuntzakoak, produkziokoak edo ezinbesteko kausak direla medio, aipatutako Estatutuan bidegabeko kaleratzeagatik derrigorrezko izaeraz ezarritako mugak gainditzen ez dituen kalte-ordainaren zatia salbuetsiko da.

Ez dira hitzarmen, itun edo kontratuaren indarrez finkatutako kalte-ordaintzat hartuko adosten direnak administrazio zerbitzuan egiten den adiskidetze ekitaldian, Lan arloko jurisdikzioa arautzen duen urriaren 10eko 36/2011 Legearen 63. artikuluan zehaztutakoan.

Letra honetan aipatutako kalte-ordain salbuetsia 180.000 eurokoa izanen da, gehienez ere.

Baldin eta kaleratzearen kalte-ordaina guztiz edo hein batean ordaintzen bada kaleratutako langileak lan egiten zuen entitatetik heldu diren ondare elementuak emanez, ondare elementu horiek merkatuan duten balioa salbuetsita egonen da, betiere honako baldintzak betez gero:

1. Subjektu pasiboak ondare-elementu horiek jartzea jarduera ekonomiko bat langile autonomo gisa egiteko edo lan elkartuko kooperatiba bateko nahiz lan sozietate bateko bazkide-langile gisa jarduteko.

2. Subjektu pasiboak langile autonomo gisa jardutea edo bazkide-langile gisa aritzea bost urtez, gutxienez ere.

3. Subjektu pasiboak langabezia-prestazioa ordainketa bakarreko modalitatean jasotzea, hain zuzen ere 1044/1985 Errege Dekretuan arautu bezala.

4. Gauzazko kalte-ordainaren zenbateko salbuetsia ezin izanen da izan 180.000 eurori letra honetako lehenengo bi paragrafoen arabera salbuetsita dagoen diruzko kalte-ordainaren zenbatekoa kenduta ateratzen den kendura baino handiagoa".

Bi.–7.d) artikulua, paragrafo bat gehitzea, 2022ko urtarrilaren 1etik aurrerako ondorioekin.

"Salbuetsiak egonen dira, halaber, Nafarroako Foru Komunitateko Administraziotik jasotako zenbatekoak, baldin eta jaso badira Eskuin muturreko taldeek edo funtzionario publikoek eragindako motibazio politikoko ekintzen biktimen errekonozimenduari eta erreparazioari buruzko martxoaren 26ko 16/2019 Foru Legearen 12. artikuluan xedatutako kalte-ordainen ondorioz, eta baita izaera bereko egintzengatik beste administrazio publiko batzuetatik jasotakoak ere".

Hiru.–7.k) artikulua, laugarren paragrafoa.

"Salbuetsiak egonen dira, halaber, Gizarte zerbitzuen arloan banakoentzako eta familientzako prestazioak eta laguntzak arautzen dituen ekainaren 28ko 168/1990 Foru Dekretuan ezarritako prestazio ekonomikoak, bai eta Gizarteratzeko eta errenta bermaturako eskubideak arautzen dituen Foru Legean ezarritako errenta bermatua eta abenduaren 20ko 19/2021 Legean araututako bizitzeko gutxieneko errenta ere. Era berean, salbuetsiak egonen dira jaiotzagatik, adopzioagatik, seme-alabak norberaren kargura edukitzeagatik, adingabeak harreran hartzeagatik, zurztasunagatik, haur batez baino gehiagoz erditzeagatik edo beste horrenbeste adoptatzeagatik edo minbiziak edo beste edozein gaixotasun larrik jotako seme-alaba adingabeak zaintzeagatik emandako gainerako prestazio publikoak, bai eta jaiotza-tasa sustatze aldera eta langileen lana eta familiako bizitza ongi uztartzeko neurri osagarri gisa kasuan kasuko deialdien bidez familiaren arloan emandako laguntzak ere".

Lau.–7.z) artikulua, 2022ko urtarrilaren 1etik aurrerako ondorioekin

"z) Landa Garapenerako Europako Nekazaritza Funtsarekin (LGENF) batera finantzatutako Nafarroako landa garapenerako programako laguntzen 100eko 100.

Era berean, salbuetsia egonen da Nekazaritza Bermatzeko Europako Funtsak (NBEUF) osorik finantzatutako laguntzen 100eko 50, horiek jaso badituzte ogibide nagusia nekazaritza duten nekazariek, Nafarroako Nekazaritzako Ustiategien Erregistroari buruzko Foru Legearen testu bategina onesten duen uztailaren 2ko 150/2002 Legegintzako Foru Dekretuan ezarritakoaren arabera.

Bi kontzeptuengatik jasotako laguntzei dagokien salbuespenaren gehieneko zenbateko bateratua ezin izanen da izan 20.000 euro baino gehiagokoa".

Bost.–10. artikulua, 2. apartatua indargabetzea eta 1. apartatuko zenbakia kentzea, 2023ko urtarrilaren 1etik aurrerako ondorioekin.

Sei.–11. artikulua, 2. eta 3. apartatuak indargabetzea eta 1. apartatuko zenbakia kentzea.

Zazpi.–18.2 artikulua.

"2. Aurreko 1.b) apartatuak aipagai dituen gastuen kenkaria aplikatzeko, subjektu pasiboek ordaindutako kuotek lanbide-elkargoak Zerga Administrazioari aurkeztutako aitorpenetan agertu beharko dute, zerga arloko araudian ezarritako ereduetan".

Zortzi.–25.2 artikulua, hirugarren paragrafoa.

"100eko 40, errentamenduaren xede den etxebizitzaren urteko alokairuaren zenbatekoa AJI-Alokairu Jasangarritasunaren Indizearen balioa baino handiagoa ez bada, eta kontratua behar bezala erregistratu bada Nafarroako Etxebizitza Errentamenduko Kontratuen Erregistroan, Nafarroan Etxebizitza Izateko Eskubideari buruzko maiatzaren 10eko 10/2010 Foru Legearen 90. artikuluan xedatutakoan".

Bederatzi.–34.6 artikulua, b) letra gehitzea, oraingo edukia a) letra bihurtuz, 2022ko urtarrilaren 1etik aurrerako ondorioekin.

"b) Basogintza jardueren kasuan, a) letran ezarritako murriztapen ehunekoa honako hau izanen da:

1) 100eko 55, mozketa aldia 15 urtekoa edo gehiagokoa eta 70 urtekoa edo gutxiagokoa bada.

2) 100eko 65, mozketa aldia 70 urte baino gehiagokoa bada".

Hamar.–36.B).5 artikulua.

"5. Zuzeneko zenbatespen bereziari uko egiteko edo uko hori errebokatzeko, erregelamendu bidez ezarritako moduan eginen da eta, halaber, egintza horiek erregelamendu bidez ezarritako ondorioak izanen dituzte".

Hamaika.–39.6.f) eta g) artikulua.

"f) Tresnen merkatuei buruzko Europako Parlamentuaren eta Kontseiluaren 2014ko maiatzaren 15eko 2014/65/EB Zuzentarauan definitutako balore-merkatu arautuetakoren batean negoziaziora onarturikoak diren balore edo partaidetzen eskualdatzetik eratorriak, baldin eta eskualdaketa horien aurreko edo ondorengo bi hilabeteetan subjektu pasiboak balore homogeneoak eskuratu baditu.

g) Finantza tresnen merkatuei buruzko Europako Parlamentuaren eta Kontseiluaren 2014ko maiatzaren 15eko 2014/65/EB Zuzentarauan definitutako balore-merkatu arautuetakoren batean negoziaziora onartuta ez dauden balore edo partaidetzen eskualdatzetik eratorriak, baldin eta eskualdaketa horien aurreko edo ondorengo urtean subjektu pasiboak balore homogeneoak eskuratu baditu".

Hamabi.–43.1.c) artikulua, b’ azpiletra eta azken paragrafoa.

"b’) Finantza tresnen merkatuari buruzko Europako Parlamentuaren eta Kontseiluaren 2014ko maiatzaren 15eko 2014/65/EB Zuzentarauan definitutako balore-merkatu arautuetako kotizazio balioa, eta, bereziki, Baloreen Merkatuari buruzko Legearen testu bateginaren 43.4 artikuluak aurreikusitakoaren arabera baimendutako baloreen negoziazio sistema antolatuetako kotizazio balioa, eskualdatzearen egunekoa.

Eskurapen-balioa zehazteko, a) letran xedatutakoa aplikatuko da, bidezkoa denean.

Aurreko paragrafoan xedatutakoa gorabehera, uztailaren 13ko 1082/2012 Errege Dekretuaren bidez onetsitako Inbertsio Kolektiboko Erakundeei buruzko azaroaren 4ko 35/2003 Legearen Erregelamenduko 79. artikuluan aipatzen diren inbertsio funts kotizatuetako partaidetzen eskualdaketetan, balore burtsan egiten diren horietan, eskualdaketa balioa a) letran aurreikusi bezala zehaztuko da".

Hamahiru.–44. artikulua, hirugarren eta laugarren paragrafoak indargabetzea.

Hamalau.–45. artikulua, 4. apartatua gehitzea, 2023ko urtarrilaren 1etik aurrerako ondorioekin.

"4. Kargatik salbuesten ahalko dira 26/2016 Foru Legearen hirugarren xedapen gehigarrian araututako kenkaria aplikatzeko eskubidea ematen duten entitate ekintzaileetako akzioak eta partaidetzak eskualdatzeagatik lortutako ondare gehikuntzak, baldin eta haren zenbateko osoa urte bateko epean berrinbertitzen bada kenkari hori aplikatzeko eskubidea ematen duten beste entitate ekintzaile batzuetako akzioak edo partaidetzak eskuratzeko.

Berrinbertitutako zenbatekoa txikiagoa bada eskualdaketan jasotako guztizkoa baino, zergapetzetik salbuetsiko da berrinbertitutako zenbatekoari dagokion ondare gehikuntza lortuaren zati proportzionala bakarrik.

Atal honetan ezartzen den salbuespena aplikatzeko betebeharrak ez betetzeak ekarriko du, subjektu pasiboarentzat, bere tributu egoera erregularizatzeko betebeharra, 83.4 artikuluan ezartzen denarekin bat etorriz.

Apartatu honetan xedatutako zerga-onura bateraezina izanen da, berrinbertsioa gauzatzen den akzio edo partaidetza eta zenbateko berberetarako, 26/2016 Foru Legearen hirugarren xedapen gehigarriaren 4. zenbakian araututako kenkariarekin".

Hamabost.–III. tituluko II. kapituluari 6. atala gehitzea, 2023ko urtarrilaren 1etik aurrerako ondorioekin.

"6. atala. Lekualdatutako langileak.

52 ter artikulua. Lekualdatutako langileentzako araubide berezia.

1. Espainiako lurraldera lekualdatu direlako egoitza fiskala Nafarroan eskuratzen duten pertsona fisikoek aukera izanen dute ez-egoiliarren errentaren gaineko zerga ordaintzeko, pertsona fisikoen errentaren gaineko zergaren subjektu pasiboen izaerari eutsiz, egoitza aldaketa egiten den zergaldian eta hurrengo bost zergaldietan, baldintza hauek betetzen dituztenean:

a) Espainiako lurraldera lekualdatu izatea bereziki kualifikatutako lanetan aritzeko, hots, zuzenean eta nagusiki lotuta daudenetan ikerketa eta garapeneko jarduerekin edo zientzia, antolaketa, kudeaketa, teknika, finantza edo merkataritza jarduerekin; edota unibertsitateko ospe handiko irakasleak izatea.

Artikulu honen ondorioetarako, ikerketa eta garapeneko jarduerak dira Sozietateen gaineko Zergari buruzko abenduaren 28ko 26/2016 Foru Legearen 61. artikuluan halakotzat jotzen direnak.

b) Espainiako lurraldera lekualdatu aurreko bost urteetan ez izatea Espainiako zerga egoiliar.

c) Lekualdaketa hori laneko kontratu baten ondorioz gertatzea. Baldintza hori betetzat joko da lan harremana (arrunta edo berezia) edo estatutu baten araberakoa Espainian hasten denean enplegu emaile batekin, edo horrek aginduta eta agiri bat emanda egiten denean lekualdaketa, eta subjektu pasiboak Espainiako lurraldean den establezimendu iraunkor baten bidez lortutakotzat joko liratekeen errentak eskuratzen ez dituenean.

d) Lanak benetan Espainian egitea. Baldintza hori betetzat joko da, nahiz eta lanen zati bat atzerrian burutu, baldin eta lan horiei dagozkien ordainsariak ez badira urte naturalean lanaren ordainetan jasotakoaren 100eko 15 baino gehiago, lan horiek Espainiako lurraldean lortutako errentatzat hartu edo ez, Ez-egoiliarren errentaren gaineko zergari buruzko Legearen testu bateginaren 13.1.c) artikuluaren arabera. Lan kontratuan ezarritakoaren ondorioz, subjektu pasiboak taldeko beste enpresa bateko eginkizunak bere gain hartzen dituenean Espainiako lurraldetik kanpo, Merkataritza Kodearen 42. artikuluan ezarritako moduan, aurreko muga 100eko 30era igoko da.

Atzerrian egindako lanei dagozkien berariazko ordainsarien zenbatekoa ezin frogatu denean, langileak atzerrian benetan emandako egunak hartuko dira kontuan lan horiei dagokien ordainsaria kalkulatzeko.

e) Lan horiek Espainiako egoiliarra den enpresa edo entitate batentzat egitea, edo Espainiako lurraldeko egoiliarra ez den entitate batek Espainian duen establezimendu iraunkor batentzat. Baldintza hori betetzat joko da zerbitzuak Espainiako egoiliarra den enpresa edo entitate baten onerako direnean, edo Espainiako lurraldeko egoiliarra ez den entitate batek Espainian duen establezimendu iraunkor baten onerako. Lekualdaketa enpresa-talde baten barnean egiten bada, Merkataritza Kodearen 42. artikuluan ezarritako moduan, eta ondorio horietarako bakarrik, beharrezkoa izanen da Espainiako egoiliarra den taldeko enpresak kontratatzea langilea edo enplegu emaileak aginduta lekualdatzea Espainiako lurraldera.

f) Lan harreman horren ondoriozko lan etekinak ez-egoiliarren errentaren gaineko zerga ordaintzetik salbuetsita ez izatea.

2. Goragoko 1. apartatuan aipatzen den subjektu pasiboaren ezkontideak edo bikotekide egonkorrak ere aukeratzen ahalko du ez-egoiliarren errentaren gaineko zerga ordaintzea, pertsona fisikoen errentaren gaineko zergaren subjektu pasiboen izaerari eutsiz, baldin eta baldintza hauek betetzen baditu:

a) Espainiako lurraldera lekualdatzea 1. apartatuan aipatutako subjektu pasiboarekin batera edo geroago, baina betiere horri araubide berezia aplikatzekoa zaion lehen zergaldia amaitu aurretik.

b) Egoitza fiskala Nafarroan eskuratzea, Espainiako lurraldera lekualdatzearen ondorioz.

c) Espainiako lurraldera lekualdatu aurreko bost urteetan ez izatea Espainiako zerga egoiliar.

d) Araubide berezi hau aplikatzekoa den zergaldi bakoitzean errenta bakoitzari dagozkion zerga-oinarrien batura txikiagoa izatea zergaldi berean 1. apartatuan aipatutako subjektu pasiboari dagozkion zerga-oinarrien batura baino.

Araubide berezia aplikatuko da betekizun horiek betetzen diren ondoz ondoko zergaldietan, 1. apartatuan aurreikusitako subjektu pasiboari ere aplikatzen zaionean.

3. Xedapen honetan aurreikusitako araubidea ez zaie aplikatuko Espainiako lurraldera lekualdatu direlako egoitza fiskala Nafarroan eskuratzen duten langileei, baldin eta aurreko 10 urteetan atzerrira lekualdatu baditu entitate enplegatzaileak edo egoitza Espainian duten eta enpresa-taldea Merkataritza Kodearen 42. artikuluak ezartzen duenaren arabera osatzen duten sozietateetako edozeinek.

4. Zerga arloko eskumena duen departamentuko titularrak ezartzen dituen baldintzen eta prozeduraren arabera aplikatuko da araubide hori".

Hamasei.–55.1.7.a).b’) eta 1.8 artikulua, 2023ko urtarrilaren 1etik aurrerako ondorioekin.

"b’) 1.500 euro urtean.

Muga hori handituko da kasu hauetan, adierazten diren zenbatekoetan:

1. Urtean 8.500 euroan, baldin eta gehikuntza hori enpresaren ekarpenetatik badator, edo langileak gizarte aurreikuspeneko tresna berari egindako ekarpenetatik badator eta ekarpen horien zenbatekoa honako taula honetan ageri diren kopuruen berdina edo txikiagoa bada, enpresaren ekarpenaren urteko zenbatekoaren arabera:

EKARPENAREN URTEKO ZENBATEKOA

LANGILEAREN GEHIENEKO EKARPENA

500 euro edo gutxiago

Enpresaren ekarpena bider 2,5 egitearen emaitza

500,01 eurotik 1.500 eurora

1.250 euro, gehi enpresa ekarpenaren eta 500 euroren arteko diferentzia bider 0,25 egitearen emaitza

1.500 eurotik gora

Enpresaren ekarpena bider 1 egitearen emaitza

Nolanahi ere, 1. koefizientea aplikatuko da langileak ekitaldian 60.000 eurotik gorako lan etekin osoak lortzen dituenean ekarpena egiten duen enpresatik; horretarako, enpresak jakinarazi beharko dio gizarte aurreikuspeneko tresnaren erakunde kudeatzaileari edo aseguratzaileari inguruabar hori ez dela gertatzen.

Ondorio horietarako, enpresak egindako ekarpenak langilearen ekarpentzat hartuko dira langilearen erabaki baten ondorio direnean.

2. Urtean 4.250 euroan, baldin eta gehikuntza hori ekarpen hauetatik badator: Pentsio Plan eta Funtsak arautzen dituen Legearen testu bateginaren 67.1.a) artikuluan aurreikusitako pentsio plan sektorialetara egindako ekarpenetatik, ekarpen horiek egiten badituzte beren jarduera dela-eta plan horiei atxikitzen zaizkien norberaren konturako langileek edo langile autonomoek; Pentsio Plan eta Funtsak arautzen dituen Legearen testu bateginaren 67.1.c) artikuluan aurreikusitako enpleguko pentsio plan sinplifikatuetara norberaren konturako langileek edo langile autonomoek egindako ekarpenetatik; edo enpresaburu indibidualak edo profesionalak enpleguko pentsio planetara egindako ekarpen propioetatik, plan horien sustatzailea ez ezik partaidea ere baldin bada, edo mutualista den gizarte aurreikuspeneko mutualitateetara egiten dituen ekarpenetatik, bai eta enpresetako gizarte aurreikuspeneko planetara edo mendekotasun aseguru kolektiboetara egiten dituenetatik ere, horien hartzailea eta aseguratua baldin bada.

Betiere, urtean gehienez 8.500 eurokoa izanen da aurreko 1. eta 2. zenbakietan xedatutako gehikuntzak aplikatzearen ondoriozko murriztapenaren zenbatekoa".

8. Zerga-oinarria murrizteko eskubidea ematen ahal duten enpresa ekarpen eta kontribuzioak aurreko puntuan ezarritako mugatik goitikoak badira, 1. apartatu honetan aipatutako gizarte aurreikuspeneko sistemetan ekarpenak egin dituzten partaideek, mutualistek edo aseguratuek aukera izanen dute, hurrengo bost zergaldietan soberakin horri dagozkion kopuruak murrizteko".

Hamazazpi.–60. artikulua. 2023ko urtarrilaren 1etik aurrerako ondorioekin.

"60. artikulua. Aurrezkiaren likidazio-oinarri bereziaren karga-tasa.

Aurrezkiaren likidazio-oinarri bereziari ondoko eskalan adierazten diren karga-tasak aplikatuko zaizkio:

LIKIDAZIO-OINARRIA,
ZENBATERAINO
(eurotan)

KUOTA OSOA
(eurotan)

OINARRIAREN SOBERAKINA,
ZENBATERAINO
(eurotan)

APLIKATZEKOA DEN TASA
(ehunekoa)

6.000

20

6.000

1.200

4.000

22

10.000

2.080

5.000

24

15.000

3.280

185.000

26

200.000

51.380

100.000

27

300.000

78.380

Gainerakoak

28

Hemezortzi.–62.6 artikulua, bigarren paragrafoa.

"Kenkaria aplikatzeko, subjektu pasiboek ordaindutako kuotek sindikatuek Zerga Administrazioari aurkeztutako aitorpenetan agertu beharko dute, zerga arloko araudian ezarritako ereduetan".

Hemeretzi.–62.9 artikulua, b)c’) letrako hirugarren paragrafoa eta c)a’) letra, 2022ko urtarrilaren 1etik aurrerako ondorioekin.

"Aurreko b’) eta c’) letretan xedatutakoaren ondorioetarako, ondorengo ahaideekin parekatuko dira aplikatzekoa den legedi zibilean ezarritako terminoetan egindako tutoretza, harrera edo ordezkaritzako kuradoretza kasuengatik subjektu pasiboarekin lotura duten pertsonak, aurreko edo ondorengo ahaideak ez direnak. Halaber, ondorengo ahaideekin parekatuko dira urtarrilaren 19ko 7/2009 Foru Dekretuaren 50.1 artikuluan ezarritako baldintzak beteta harreran izan zituztenekin adin-nagusitasunera edo emantzipaziora arte elkarbizitzen jarraitzea libreki adosten duten pertsonak ere. Aipatu foru dekretuaren bidez, Haurrentzako eta nerabeentzako sustapenari, laguntzari eta babesari buruzko abenduaren 5eko 15/2005 Foru Legearen garapen partzialerako Erregelamendua onetsi zen. Egoera hori eskubide sozialen arloko eskumena duen departamentuak egiaztatu beharko du. Halaber parekatuko dira ondorengo ahaideekin subjektu pasiboaren zaintza eta babesaren pean epailearen ebazpen bitartez dauden pertsonak, aurreko egoerez bestelakoetan daudenak".

"a’) Hamasei urte baino gutxiagoko ondorengoak. Ondorio hauetarako, ondorengo ahaideekin parekatuko dira aplikatzekoa den legedi zibilean ezarritako moduan egindako tutoretza edo harreragatik subjektu pasiboarekin lotura duten hamasei urte baino gutxiagokoak. Ondorengo ahaideekin parekatuko dira, halaber, ebazpen judizial bidez subjektu pasiboaren zaintza eta jagoletzaren pean edo ordezkaritzako kuradoretzaren pean dauden pertsonak, lehengo egoeretan ez daudenak".

Hogei.–62.11.a) artikulua eta d).4) letrari paragrafo bat gehitzea, 2022ko urtarrilaren 1etik aurrerako ondorioekin.

"a) Subjektu pasiboek zilegi izanen dute beren zerbitzuak ematen dituzteneko entitateko akzioak edo partaidetzak eskuratzeko edo harpidetzeko ordaindutako kopuruen 100eko 15eko kenkaria egitea, edo enpresa-taldea Merkataritza Kodearen 42. artikuluak ezartzen duenaren arabera osatzen duten edozein sozietatetakoak. Eskuratzailea emakumezkoa bada ehuneko hori igoko da, eta 100eko 20 izanen da.

Baldin eta akzioak edo partaidetzak eskuratzen edo harpidetzen badira enpresa beraren akzioak edo partaidetzak, edo Merkataritza Kodearen 42. artikuluaren arabera taldea osatzen duten sozietateetako edozeinenak, eskualdatu ondoren, betiere aurreko bost urteetan egindako eskualdaketak aintzat hartuta, kenkariaren oinarria izanen da entitateko partaidetzaren gehikuntzari dagokion eskurapenaren edo harpidetzaren zenbatekoa, eskualdaketa horren aurreko unean zegoenaren aldean.

Aurreko paragrafoan xedatutakoa ez da aplikatuko, eskualdaketak mantentze-epea ez betetzeagatik kenkaria erregularizatzea ekarri badu".

"Akzioak edo partaidetzak eskualdatzen badira enpresa beraren akzioak edo partaidetzak, edo Merkataritza Kodearen 42. artikuluaren arabera taldea osatzen duten sozietateetako edozeinenak, eskuratu edo harpidetu ondoren, betiere aurreko bost urteetan eskuratuak edo harpidetuak aintzat hartuta, ulertuko da eskuratutako azkenak eskualdatu direla lehenbizi".

Hogeita bat.­–62.12.b), d)1.d’) artikulua eta d) letrari 4. zenbaki bat gehitzea, 2023ko urtarrilaren 1etik aurrerako ondorioekin.

"b) Iturri berriztagarrietatik datorren energiatzat joko da iturri ez-fosiletatik datorren energia; hau da, haize-energia, eguzki-energia (termikoa eta fotovoltaikoa), energia geotermikoa, giro-energia, marea-energia, olatu-energia eta bestelako energia ozeanikoak, energia hidraulikoa, eta biomasatik, zabortegietako gasetatik, araztegietako gasetatik eta biogasetik datorrena, Europako Parlamentuaren eta Kontseiluaren 2018ko abenduaren 11ko 2018/2001 Zuzentarauan definitzen diren moduan.

Bereziki, iturri berriztagarrietatik datorren energiatzat joko da hidrogeno berriztagarria, hots, aurreko paragrafoan aipatutako iturri ez-fosiletatik lortutako hidrogenoa".

"d’) Autokontsumo partekatuko proiektu batean egindako inbertsioa edo energia-komunitate baten inbertsioa bada, kenkariaren ehunekoa 5 puntu gehituko da".

"4. Erabilera termikoetarako instalazioetan egiten diren inbertsioen kasuan, gasaren ordez hidrogeno berriztagarria erabiltzen bada, kenkariaren ehunekoa 15 puntu igoko da gehienez, hidrogeno berriztagarria erabiltzen den heinean".

Hogeita bi.–62.13.a) artikulua, lehenengo paragrafoa eta 1. eta 2. zenbakiak.

"a) Entitatearen jarduera ekonomikoari atxikitako ibilgailu berrietan egindako inbertsioek eskubidea emanen dute 100eko 30eko kenkaria egiteko, baldin eta ibilgailu elektrikoak badira, eta 100eko 5eko kenkaria, berriz, ibilgailu hibrido entxufagarriak badira, baldin eta Europako Parlamentuaren eta Kontseiluaren 2018ko maiatzaren 30eko 2018/585 (EB) Erregelamenduan eta Europako Parlamentuaren eta Kontseiluaren 2013ko urtarrilaren 15eko 168/2013 (EB) Erregelamenduan zehaztutako kategoria hauetakoren batekoak badira:

Lehenengoa) M1 turismoak: Gehienbat bidaiariak eta haien bagajea garraiatzeko diseinatu eta fabrikatutako ibilgailu motordunak, gidariarenaz gain gehienez zortzi eserleku dituztenak, zutik doazen bidaiarientzako tokirik gabe. Berdin dio eserleku bakarra duen, gidariarena alegia, edo gehiago.

Bigarrena) N1 furgonetak edo kamioi arinak: Gehienbat salgaiak garraiatzeko diseinatu eta fabrikatutako ibilgailu motordunak, 3,5 tonara arteko gehieneko masa dutenak".

Hogeita hiru.–64. artikulua. Errubrika, 2022ko urtarrilaren 1etik aurrerako ondorioekin.

"64. artikulua. Kenkariak aplikatzeko arauak".

Hogeita lau.–64. artikulua, 3. eta 4. apartatuak gehitzea, 2022ko urtarrilaren 1etik aurrerako ondorioekin.

"3. Inbertsio berari ezin izanen zaio kenkari bat baino gehiago aplikatu, berariazko xedapenik izan ezean.

4. Salbuetsitzat deklaratutako dirulaguntzak jasotzen badira inbertsioa finantzatzeko, horiek kenkariaren oinarria minoratuko dute.

Kenkariaren oinarria inbertsioaren zenbatekoa izanen da, salbu eta hori ezarritako gehieneko muga baino handiagoa bada; halakoetan, aipatutako muga izanen da kenkariaren oinarria".

Hogeita bost.–68 bis artikulua indargabetzea, 2023ko urtarrilaren 1etik aurrerako ondorioekin.

Hogeita sei.–68 quinquies.A.1 artikulua.

"1. Dagokion kuota diferentziala finkatu ondoren, ohiko bizileku iraunkorra duen etxebizitzaren errentamendu-kontratu baten titularra den subjektu pasiboak, 23 urte eta 35 urte (horiek barne) bitarteko adina duenean, eskubidea izanen du errentamenduagatik zergaldian ordaindu duen errentaren 100eko 50eko kenkaria aplikatzeko, hilean 250 euroko gehieneko mugarekin".

Hogeita zazpi.–71.1. artikulua a) eta b), 2022ko urtarrilaren 1etik aurrerako ondorioekin.

"a) Legez bereizirik ez dauden ezkontideek eta, izanez gero, adingabeko seme-alabek osatua (gurasoen baimenarekin beraiengandik lokabe bizi direnak salbu); unitate horretan sartzen dira, halaber, ordezkaritzako kuradoretzaren pean dauden adin nagusiko seme-alabak.

b) Legeria berekiaren araberako bikote egonkor batek eta, izanez gero, adingabeko seme-alabek osatua (gurasoen baimenarekin beraiengandik lokabe bizi direnak salbu); unitate horretan sartzen dira, halaber, ordezkaritzako kuradoretzaren pean dauden adin nagusiko seme-alabak".

Hogeita zortzi.–73.5 artikulua.

"5. Familia-unitate bateko kide diren pertsona fisikoak, titulu honetan araututako tributazio modua aukeratu badute, batera eta solidarioki geratuko dira zergaren mende subjektu pasibo gisa, deusetan galarazi gabe zerga zorra elkarren artean hainbanatzeko eskubidea, bakoitzari dagokion zergapeko errenta zatiaren arabera.

Aurrekoa gorabehera, epai judizial bidez genero-indarkeriaren biktimatzat hartutakoek eskatzen ahalko dute errudunarekin batera tributatzeari dagokionez duten erantzukizuna soilik izan dadila eskaeraren egunean ordaintzeko dagoen zorraren gainekoa, banakako beren zergapeko errentari dagokiona. Ondorio horietarako, biktimari dagokion erantzukizuna bere zerga-oinarri positiboak familia-unitatearen zerga-oinarri positibo guztien baturarekiko duen proportzioaren araberakoa izanen da, eta proportzio hori eskaeraren egunean ordaintzeko dagoen zor osoaren gainean aplikatuko da.

Aurreko paragrafoan xedatutakoa zergadunak eskatuta baino ez da aplikatuko, eta epai judiziala aurkeztu beharko da eskaerarekin batera. Soilik eraginen die eskaeraren egunean ordaintzeko dauden eta epaiaren funtsa den lehenbiziko salaketa aurkeztu aurreko lau zergaldiei dagozkien zorrei".

Hogeita bederatzi.–Laugarren xedapen gehigarria. 7.c).

"c) Aseguru-entitateek eta finantza-entitateek bizitza-aseguru baten hartzaile diren pertsonen gaineko informazioa eman beharko dute, haren erreskate-balioa edo erreskaterako eskubiderik ez dagoen kasuetan onuradunari jasotzea egokituko litzaiokeen kapitalaren balioa adieraziz, eta orobat, kapital bat eskudirutan edo ondasun higigarrien edo higiezinen bidez aurkezteagatik aldi bateko edo bizi arteko errenta baten onuradun diren pertsonei buruzko informazioa, haren kapitalizazio-balioa adieraziz. Halaber aurkeztu beharko dute informazio hori Europako esparru ekonomikoko kide den beste estatu batean helbideratutako aseguru-entitateek, Espainian zerbitzu-emate libreko araubidean baldin badihardute, Espainian egiten diren eragiketei dagokienez".

Hogeita hamar.–Hamargarren xedapen gehigarria gehitzea, 2023ko urtarrilaren 1etik aurrerako ondorioekin.

"Hamargarren xedapen gehigarria.–Banakako pentsioen produktu paneuroparrak.

Zerga honetan, pentsio planei dagokien trataera aplikatuko zaie banakako pentsioen produktu paneuroparrei, Banakako pentsioen produktu paneuroparrari buruzko Europako Parlamentuaren eta Kontseiluaren 2019ko ekainaren 20ko 2019/1238 (EB) Erregelamenduan araututakoei.

Zehazki:

a) Aurreztaileak banakako pentsioen produktu paneuroparrei egindako ekarpenek zerga-oinarri orokorra murrizten ahalko dute pentsio planei egindakoen modu berean, eta foru lege honen 55. artikuluan gizarte aurreikuspeneko sistemetarako ezarritako guztizko gehieneko mugan sartuko dira.

b) Banakako pentsioen produktu paneuroparren onuradunek jasotzen dituzten prestazioak lan etekintzat hartuko dira beti, eta ez dira egonen oinordetzen eta dohaintzen gaineko zergaren pean.

c) Zergadunak baliatzen baditu banakako pentsioen produktu paneuroparrei egindako ekarpenetatik eratorritako eduki ekonomikoko eskubideak, osorik edo partez, pentsio planen eta funtsen araudian zehaztutakoez bestelako kasuetan, zerga-oinarrian behar ez bezala egindako murriztapenak itzuli beharko ditu, berandutze interesak barne, dagozkion autolikidazio osagarrien bidez. Erregularizatutako ekarpenen zenbatekoaren gainetik jasotako zenbatekoek jaso diren zergaldiko lan etekin gisa tributatuko dute".

Hogeita hamaika.–Hamahirugarren xedapen gehigarria.2, lehenbiziko paragrafoa.

"2. Xedapen gehigarri honetan ezarritako araubidea aplikatuko zaie, orobat, gizarte aurreikuspeneko mutualitateetara, aseguratutako aurreikuspen planetara, enpresaren gizarte aurreikuspeneko planetara eta menpekotasun larria edo menpekotasun handia baizik estaltzen ez duten aseguruetara (Autonomia sustatzeko eta Menpekotasun Egoeran dauden Pertsonei kasu egiteko abenduaren 14ko 39/2006 Legean xedatzen denaren arabera) egindako edo haietatik jasotako ekarpen eta prestazioei, gizarte aurreikuspeneko sistema horiek Pertsona Fisikoen Errentaren gaineko Zergari buruzko Estatuko araudian ezarritako baldintzak eta erregelamendu bidez finkatzen direnak betetzen dituzten desgaitasuna duten pertsonen alde eginak direnean. Kasu horretan, xedapen gehigarri honetan jasotako gizarte aurreikuspeneko sistema guztiak batera hartuta aplikatuko dira ezarritako mugak".

Hogeita hamabi.–Hemezortzigarren xedapen gehigarria.

"Hemezortzigarren xedapen gehigarria.–Europar Batasuneko beste estatu batean helbideratutako pentsio funtsen eta banakako pentsioen produktu paneuroparren zerga betebeharrak.

1. Europar Batasuneko beste estatu batean helbideratutako pentsio funtsek, Espainian enpleguko pentsio planak, Espainiako legediari loturikoak, gauzatzen badituzte, Europako Parlamentuak eta Kontseiluak enpleguko pentsio funtsen jarduerei eta gainbegiratzeari buruz 2003ko ekainaren 3an emandako 2003/41/EE Zuzentarauan xedaturikoarekin bat edo, hala denean, haien entitate kudeatzaileek, atxikipena egin eta haren zenbatekoa pagatu beharko dute edo konturako diru-sarrerak egin, Espainian egiten diren eragiketei dagokienez. Gainera, irailaren 30eko 1307/1988 Errege Dekretuaren bidez onetsiriko Pentsio plan eta funtsei buruzko Erregelamenduan pentsio funtsak kudeatzen dituzten entitateentzat jasotzen diren tributu arloko informazio betebehar berak izanen dituzte, hori dena Estatuaren eta Nafarroako Foru Komunitatearen arteko Hitzarmen Ekonomikoak zedarrituriko esparruan.

2. Banakako pentsioen produktu paneuroparrari buruzko Europako Parlamentuaren eta Kontseiluaren 2019ko ekainaren 20ko 2019/1238 (EB) Erregelamenduan arautzen diren banakako pentsioen produktu paneuroparren sustatzaileek, halaber, irailaren 30eko 1307/1988 Errege Dekretuaren bidez onetsiriko Pentsio plan eta funtsei buruzko Erregelamenduan pentsio funtsak kudeatzen dituzten entitateentzat jasotzen diren tributu arloko informazio betebehar berak izanen dituzte, hori dena Estatuaren eta Nafarroako Foru Komunitatearen arteko Hitzarmen Ekonomikoak zedarrituriko esparruan".

Hogeita hamahiru.–Hogeita hamargarren xedapen gehigarria, 2022ko urtarrilaren 1etik aurrerako ondorioekin.

"Hogeita hamargarren xedapen gehigarria.–Kapital higiezinaren etekin garbi positiboaren murriztapena.

Foru lege honen 25.2 artikuluaren hirugarren paragrafoan xedatutako murriztapena, Babestutako etxebizitza ordainerrazen parke bat Nafarroako Foru Komunitatean sustatzeko uztailaren 1eko 20/2022 Foru Legearen laugarren artikuluak emandako idazketan, ez da aplikatuko harik eta 20/2022 Foru Legearen 90. artikuluan jasotzen den Nafarroako Etxebizitza Errentamenduko Kontratuen Erregistroa abiatzen den zergaldia hasi arte".

Hogeita hamalau.–Berrogeita hamabosgarren xedapen gehigarria.2.

"2. Errenta salbuetsitzat joko dira, halaber, honako arauek xedatzen dutena aplikatuz emandako dirulaguntza publikoak:

a) Urriaren 5eko 853/2021 Errege Dekretua, zeinaren bidez arautzen baitira Suspertze, Eraldatze eta Erresilientzia Planean sartutako etxebizitzen birgaitzearen arloko laguntza-programak; abuztuaren 4ko 737/2020 Errege Dekretua, zeinaren bidez arautzen baita egungo eraikinen birgaitze energetikoko jarduketetarako laguntza-programa, eta arautzen baita programa horretako laguntzak autonomia erkidegoei eta Ceuta eta Melilla hiriei zuzenean ematea; eta abuztuaren 3ko 691/2021 Errege Dekretua, zeinaren bidez arautzen baitira egungo eraikinen birgaitze energetikoko jarduketetarako eman beharreko dirulaguntzak, erronka demografikoko udalerrietan dauden eraikinetarako birgaitze energetikoko programaren ildoan (PREE 5000 Programa).

b) Ekainaren 29ko 477/2021 Errege Dekretua, zeinaren bidez onesten baita zuzeneko laguntzak ematea autonomia erkidegoei eta Ceuta eta Melilla hiriei pizgarri-programak gauzatzeko, lotuta daudenak autokontsumoarekin eta energia-iturri berriztagarrien bidez biltegiratzearekin, baita bizitegi-sektorean energia berriztagarriak erabiltzen dituzten sistema termikoak ezartzearekin ere, Europako Suspertze, Eraldatze eta Erresilientzia Planaren esparruan".

Hogeita hamabost.–Hirurogeita laugarren xedapen gehigarria, 2023ko urtarrilaren 1etik aurrerako ondorioekin.

"Hirurogeita laugarren xedapen gehigarria.–Etxebizitza bat alokairu-araubidean eskuratzea errazteko kenkaria 2023an.

2023. urtean, honako hauek aplikatzen ahalko dute emantzipaziorako errentamenduagatiko kenkaria (68 quinquies A artikuluak zehazten du kenkari hori): Nafarroan erroldaturik egonda, eta kenkariaren onuradun izateko gainerako baldintzak betez gero (salbu eta adinari dagokiona), 2023ko urtarrilaren 1ean edo geroago enplegu eskatzaile gisa eta langabezian inskribaturik daudenak.

Kenkaria 2023ko abenduaren 31ra arte emanen da".

Hogeita hamasei.–Hirurogeita bosgarren xedapen gehigarria.1, 2 eta 3, eta 4. apartatuko hirugarren paragrafoa, 2022ko urtarrilaren 1etik aurrerako ondorioekin.

"1. Zergadunek zilegi izanen dute beren ohiko etxebizitzaren edo une horretan etxebizitza gisa erabilia izateko alokairuan emana nahiz alokagai duten beren jabetzako beste edozein etxebizitzaren berokuntza- eta hozkuntza-eskaria murrizteko asmoz 2022an eta 2023an eginiko obrengatik epe horretan ordaindu dituzten kopuruen ehuneko 20 kentzea, baldin eta, azken kasu horretan, etxebizitza 2024ko abenduaren 31 baino lehenago alokatzen bada.

Ondorio horietarako, etxebizitzaren berokuntza- eta hozkuntza-eskaria murriztu dela ulertuko da, soilik, ehuneko 7 murrizten bada, gutxienez ere, obrak egin ondoren teknikari eskudunak jaulkitako etxebizitzaren energia-efizientziari buruzko ziurtagirian jasotako berokuntza- eta hozkuntza-eskariaren adierazleen batura, obrak hasi aurretik jaulkitako ziurtagirikoekin alderatuta.

Kenkaria eginen da obrak egin ondoren eginiko energia-efizientziaren ziurtagiria jaulkitzen den zergaldian. Edozein kasutan, ziurtagiri hori 2024ko urtarrilaren 1a baino lehenago jaulki beharko da.

Kenkari honen gehieneko oinarria 5.000 eurokoa izanen da urtean.

2. Zergadunek zilegi izanen dute beren ohiko etxebizitzaren edo une horretan etxebizitza gisa erabilia izateko alokairuan emana nahiz alokagai duten beren jabetzako beste edozein etxebizitzaren energia primario ez-berriztagarriaren kontsumoa hobetzeko asmoz 2022an eta 2023an eginiko obrengatik epe horretan ordaindu dituzten kopuruen ehuneko 40 kentzea, baldin eta, azken kasu horretan, etxebizitza 2024ko abenduaren 31 baino lehenago alokatzen bada.

Ondorio horietarako, obra horiek egin diren etxebizitzaren energia primario ez-berriztagarriaren kontsumoa hobetu dela ulertuko da, soilik, gutxienez ere ehuneko 30 murrizten denean energia primario ez-berriztagarriaren kontsumoaren adierazlea, edo etxebizitzaren energia-kalifikazioaren hobekuntza bat lortzen denean, halako moldez non, kalifikazio-eskala berean, «A» edo «B» energia-klasea lortzen den, hori frogaturik obrak egin ondoren teknikari eskudunak jaulkitako energia-efizientziaren ziurtagiriaren bidez, obren hasiera aurretik jaulki zenarekin alderatuta.

Kenkaria eginen da obrak egin ondoren eginiko energia-efizientziaren ziurtagiria jaulkitzen den zergaldian. Edozein kasutan, ziurtagiri hori 2024ko urtarrilaren 1a baino lehenago jaulki beharko da.

Kenkari honen gehieneko oinarria 7.500 eurokoa izanen da urtean.

3. Nagusiki etxebizitza-erabilerakoak diren eraikinetan kokaturiko etxebizitzen jabe diren zergadunek, baldin eta eraikin horietan 2022an, 2023an eta 2024an energia-birgaitze obrak egin badira, zilegi izanen dute aipatu obrengatik epe horretan ordaindutako kopuruen ehuneko 60 kentzea. Ondorio horietarako, eraikinaren energia-birgaitze obratzat joko dira halakoak non etxebizitza kokatzen den eraikinaren energia-efizientzia hobetzea lortzen baita, eta frogatu egin beharko da, eraikinaren energia-efizientziaren ziurtagiriaren bitartez, zeina teknikari eskudunak jaulkiko baitu obrak egin direnean, energia primario ez-berriztagarriaren kontsumoaren beherakada izan dela, energia-ziurtagirian jasoa eta gutxienez ere ehuneko 30ekoa edo, bestela, eraikinaren energia-kalifikazioa hobetu dela, kalifikazio-eskala berean «A» edo «B» energia-klasea lorturik, obren hasiera aurretik jaulkitako ziurtagiriarekin alderatuta.

Etxebizitzekin parekatuko dira haiekin batera erosiak diren garaje-plazak eta trastelekuak.

Ez dute kenkari hori egiteko eskubiderik emanen jarduera ekonomiko bati atxikita dagoen etxebizitza-zatian eginiko obrek.

Kenkaria 2022, 2023 eta 2024ko zergaldietan eginen da haietako bakoitzean ordaindutako kopuruei dagokienez, baldin eta energia-efizientziaren ziurtagiria kenkaria eginen den zergaldia amaitu aurretik jaulki bada. Ziurtagiria jaulkitzen denean obra horiengatiko kopuruak ordaindu ziren zergaldiaren ondorengo batean, kenkaria eginen da ziurtagiria jaulkitzen den aldian. Nolanahi dela ere, ziurtagiri hori 2025eko urtarrilaren 1a baino lehenago jaulki beharko da.

Kenkari honen gehieneko oinarria 5.000 eurokoa izanen da urtean.

Kenkariaren urteko gehieneko oinarria gainditzeagatik kenkaria egin gabe geratu diren kopuru ordainduetan kenkaria egiten ahalko da, muga berarekin, hurrengo lau ekitaldietan. Kenkariaren oinarri metatuak ezin izanen du ezein kasutan 15.000 euro gainditu".

"1., 2. eta 3. apartatuetan jasotako kenkarien oinarria 64.4 artikuluan ezarritakoaren arabera zehaztuko da, eta soilik hartuko dira kontuan obra horiek egiten dituzten pertsona edo erakundeei, bai eta aipatu ziurtagiriak ematen dituzten pertsona edo erakundeei ere, kreditu edo zordunketa txartel bidez, banku transferentziaren bidez, txeke izendunen bidez edo kreditu erakundeetako kontuetan egindako diru-sarreren bidez ordaindutako zenbatekoak. Ezein kasutan ez dute kenkaria egiteko eskubiderik emanen legezko diruaren emateen bitartez ordaindutako kopuruek".

Hogeita hamazazpi.–Hirurogeita seigarren xedapen gehigarria gehitzea, 2023ko urtarrilaren 1etik aurrerako ondorioekin.

"Hirurogeita seigarren xedapen gehigarria.–Aitorpena egiteko betebeharra eta lan etekinen gaineko atxikipenak.

1. 2023ko urtarrilaren 1etik aurrerako ondorioekin, maiatzaren 24ko 174/1999 Foru Dekretuaren bidez onetsiriko Pertsona Fisikoen Errentaren gaineko Zergari buruzko Erregelamenduko 56.a) artikuluan aipatzen den lan etekinen zenbatekoa, urtean eta osorik, 14.500 eurokoa izanen da.

Zenbateko hori erregelamendu bidez aldatzen ahalko da.

2. 2023ko urtarrilaren 1etik aurrerako ondorioekin, lehenengo bi tarteak kentzen dira lan etekin orokorren gaineko atxikipenaren ehunekoen taulatik, maiatzaren 24ko 174/1999 Foru Dekretuaren bidez onetsiriko Pertsona Fisikoen Errentaren gaineko Zergari buruzko Erregelamenduko 71.Bat artikuluan jasota dagoenetik. Aurrerantzean honako hau izanen da lehenengo tartea:

URTEKO ETEKINA,
EUROTAN

SEME-ALABEN ETA BESTE ONDORENGO BATZUEN KOPURUA

14.500 baino gehiago

Seme-alabarik gabe

1

2

3

4

5

6

7

8

9

10 edo gehiago

8,0

6,0

4,0

2,0

0,0

0,0

0,0

0,0

0,0

0,0

0,0

Gainerako tarte eta ehunekoetan ez dago aldaketarik.

Atxikipenen taula erregelamendu bidez aldatzen ahalko da".

Hogeita hemezortzi.–Hirurogeita zazpigarren xedapen gehigarria gehitzea, 2023ko urtarrilaren 1etik aurrerako ondorioekin.

"Hirurogeita zazpigarren xedapen gehigarria.–Emantzipaziorako errentamenduaren kenkaria aplikatu ahal izateko gehieneko adina.

68 quinquies artikuluan ezarritakoa gorabehera, emantzipaziorako errentamenduaren kenkaria aplikatzeko gehieneko adina honako hau izanen da:

a) 32 urte 2023ko zergaldian.

b) 33 urte 2024ko zergaldian.

c) 34 urte 2025eko zergaldian.

d) 35 urte 2026ko zergalditik aurrera".

Hogeita hemeretzi.–Hirurogeita zortzigarren xedapen gehigarria gehitzea; foru lege honek indarra hartzen duenetik eta preskribatu gabeko aurreko zergaldietan izanen ditu ondorioak.

"Hirurogeita zortzigarren xedapen gehigarria.–2015eko martxoaren 24an gertatutako GWI9525 hegaldi-istripuaren biktimen familiartekoentzako laguntzak.

Zerga honetatik salbuetsita egonen dira ukitutako hegazkin konpainiak edo hari loturiko erakunde batek 2015eko martxoaren 24an gertatutako GWI9525 hegaldi-istripuaren biktimen familiartekoei ordaindutako borondatezko laguntzak".

Berrogei.–Hamaseigarren xedapen iragankorra.

"Hamaseigarren xedapen iragankorra.–Epe berezia 2022rako zuzeneko zenbatespen bereziari uko egiteko.

2021ean 150.000 eurotik gorako baina 200.000 eurotik beherako negozio-zifraren zenbateko garbia izan duten subjektu pasiboek uko egiten ahalko diote, erregelamenduz ezarritako ondorioekin, 2022rako zuzeneko zenbatespen berezia aplikatzeari, 2022ko zergaren autolikidazioa aurkezten duten unean".

Bigarren artikulua. Ondarearen gaineko Zergari buruzko Foru Legea.

Ondarearen gaineko Zergari buruzko azaroaren 19ko 13/1992 Foru Legearen manu hauek testu hau izanen dute:

Bat.–5.2 artikuluari f) letra gehitzea; 2023ko urtarrilaren 1etik aurrerako ondorioekin.

"f) Europako Parlamentuaren eta Kontseiluaren 2019ko ekainaren 20ko 2019/1238 (EB) Erregelamenduan araututako banakako pentsioen produktu paneuroparrei egindako ekarpenen ondoriozko eskubide ekonomikoak. Erregelamendu hori banakako pentsioen produktu paneuroparrari buruzkoa da".

Bi.–5.8 artikulua, Bi.A).b) apartatua, eta Hiru eta Bost apartatuak, eta Bost apartatuaren egungo edukia Sei apartatua izatera igarotzea, 2023ko urtarrilaren 1etik aurrerako ondorioekin.

"b) Ez dira balore gisa kontatuko, ez eta lanbide edo enpresa jarduerei loturik ez dauden ondare elementu gisa ere, haien erosketa-prezioa entitateek lorturiko mozkin ez banatuen zenbatekoa baino handiagoa ez bada, baldin eta mozkin horiek lanbide- edo enpresa-jardueren ondoriozkoak badira. Urte horretan berean eta azken hamar urteetan lorturiko mozkinen batura muga gisa hartuko da.

Ondorio horietarako, enpresa- edo lanbide-jardueretatik etorritako mozkinen parekotzat jotzen dira aurreko d’) letran aipatutako baloreetatik heldu diren dibidenduak, bai eta partaidetza horien eskualdaketetatik lortutako gainbalioak ere, baldin eta partaidetutako entitateak lortutako diru-sarreren ehuneko 90, gutxienez, enpresa- edo lanbide-jarduerak egitetik heldu badira".

"Hiru.–Bi apartatuan aipatzen den kenkariak partaidetzen balioa baizik ez du hartuko -balio hori 15. eta 16. artikuluek ezarritako arauekin bat finkatuko da-; hain zuzen, lanbide- edo enpresa-jarduera aurrera eramateko behar diren aktiboei jarduera horretatik heldu diren zorrak kendu ondoren ateratzen denaren eta entitateak duen ondare garbiaren balioaren artean dagoen proportzioari dagokion zatian. Arau horiexek aplikatuko dira entitate partaidetuen partaidetzen balorazioan, entitate edukitzailearen partaidetzen balioa zehazteko.

Ondorio horietarako, Bi.A).b) apartatuan aipatzen diren horiek kontatuko dira beharrezko aktibo gisa, salbu eta:

a) Enpresa- edo lanbide-jarduera bati lotuta ez dauden ondasun higiezinak direnean.

b) Bigarren mailako merkatuetan kotizatutako baloreak, inbertsio kolektiboko erakundeetako partaidetzak, eta 18. artikuluan aipatzen diren ibilgailu, ontzi eta aireontziak direnean.

Letra honetan aurreikusitakoa ez zaie aplikatuko Bi apartatuan aipatutako bigarren mailako merkatuetan kotizatutako baloreei. A).a).d’).

Paragrafo honetan xedatutakoa aplikatuz beharrezko aktibo gisa kontatzen diren elementuek ezin izanen dute gainditu aktiboaren guztizkoaren 100eko 75".

"Bost.–Bi apartatuan araututako salbuespena ez zaie aplikatuko inbertsio kolektiboko erakundeetako partaidetzei".

Hiru.–5. artikuluan 9. apartatua gehitzea, 2023ko urtarrilaren 1etik aurrerako ondorioekin.

"9. Sozietateen gaineko Zergari buruzko 26/2016 Foru Legearen hirugarren xedapen gehigarrian araututako kenkaria aplikatzeko eskubidea ematen duten entitate ekintzaileetako akzioak eta partaidetzak".

Lau.–6. artikuluan 3. apartatua aldatzea eta 4. apartatua gehitzea.

"3. Hitzarmen Ekonomikoaren 17.2 artikuluaren arabera betebehar errealarengatik Foru Komunitatean zergapetuak izan behar diren subjektu pasiboen zergapetzea izanen da Espainiako lurraldean kokatuta dauden, balia daitezkeen edo bete beharrekoak diren ondasun eta eskubideengatik.

Ondorio horietarako, Espainiako lurraldean kokatutzat joko dira edonolako entitate baten funts berekietako partaidetzaren adierazgarri diren baloreak, merkatu antolatuetan negoziatu gabekoak, horren aktiboa ehuneko 50eko gutxieneko neurrian osatuta dagoenean, zuzenean edo zeharka, Espainiako lurraldean kokaturiko ondasun higiezinekin. Aktiboaren zenbatzea egiteko, ondasun kontabilizatu guztien kontabilitate-balio garbiak ordeztuko dira zerga-sortzapenaren datan dauzkaten merkatu-balioekin. Ondasun higiezinen kasuan, kontabilitate-balio garbiak ordeztuko dira 10. artikuluak dioenaren arabera zerga-oinarri gisa kasuan-kasuan hartu behar diren balioekin.

Apartatu honek adierazitako subjektu pasiboek, izaera hori hartzen dutenetik bi hilabeteko epean, helbidea Espainian duen pertsona fisiko edo juridiko bat izendatu beharko dute, hark Nafarroako Zerga Ogasunaren aurrean ordezka ditzan zerga honengatik dituzten betebeharrei dagokienez. Aipatutako izendapenaren egunetik bi hilabeteko epean frogatu beharko da izendapen hori ogasun horretan.

Aurreko betebeharretako edozein urratzea zerga arloko arau-hauste arina izanen da, 1.000 euroko isunaz zehatzeko modukoa. Zehapen hori mailakatu eginen da, eta suertatzen den zenbatekoa %100 handituko da baldin eta tributu arloko arau-haustea behin baino gehiagotan egiten bada.

4. Pertsona Fisikoen Errentaren gaineko Zergari buruzko Foru Legearen testu bateginaren 52 ter artikuluan lekualdatutako pertsonentzat ezarritako araubide berezia aukeratzen duten subjektu pasiboek betebehar errealaren arabera tributatuko dute. Ondorio horietarako, ez zaie aplikatuko 3. apartatuko hirugarren eta laugarren paragrafoetan xedatutakoa".

Bost.–Lehen xedapen gehigarria, 2022ko urtarrilaren 1etik aurrerako ondorioekin.

"Lehen xedapen gehigarria.–Ondarearen gaineko Zergaren 2022ko eta 2023ko eskala.

2022ko eta 2023ko zergaldietan zergaren likidazio-oinarriari ondoko eskalan adierazten diren karga-tasak aplikatuko zaizkio:

LIKIDAZIO OINARRIA,
ZENBATERAINO
(EUROTAN)

KUOTA OSOA
(EUROTAN)

LIKIDAZIO-OINARRIAREN
GAINERAKOA, ZENBATERAINO
(EUROTAN)

TASA APLIKAGARRIA
(EHUNEKOA)

0,00

0,00

155.511,88

0,16

155.511,88

248,82

155.511,88

0,24

311.023,76

622,04

311.023,76

0,40

622.047,53

1.866,13

622.047,53

0,72

1.244.095,06

6.344,87

1.244.095,06

1,04

2.488.190,11

19.283,46

2.488.190,11

1,36

4.976.380,22

53.122,84

4.976.380,22

1,68

9.952.760,45

136.726,02

1.051.024,05

2,00

11.003.784,50

157.746,50

Hortik gora

3,50"

Hirugarren artikulua. Sozietateen gaineko Zergari buruzko Foru Legea.

Sozietateen gaineko Zergari buruzko abenduaren 28ko 26/2016 Foru Legearen manu hauek testu hau izanen dute:

Bat.–6.4 artikulua indargabetzea. 5. apartatua dena 4. apartatua izanen da aurrerantzean.

Bi.–7.2 artikulua. 2022ko urtarrilaren 1etik aurrerako ondorioekin.

"2. Errentak eratxikitzeko araubideko entitateek ez dute tributatuko Sozietateen gaineko zergarengatik, salbu eta 23 bis.11 artikuluan xedatutako kasuan".

Hiru.–12.1 a) artikulua, lehen paragrafoa, 2023ko urtarrilaren 1etik aurrera hasten diren zergaldietarako ondorioekin.

"a) Aurre-aurreko zergaldian izandako negozio zifren zenbateko garbia hogei milioi eurotik beherakoa izatea".

Lau.–23 bis artikuluko 10. apartatuko bigarren paragrafoa eta 11. apartatua. Egungo 11., 12. eta 13. apartatuak 12., 13. eta 14. apartatuak izanen dira, hurrenez hurren. 2022ko urtarrilaren 1etik aurrerako ondorioekin.

"Gastu edo galera hori beste herrialdean edo lurraldean konpentsatzen bada gastuaren kenkaria egin edo zergadunak galera izan ondoko zergaldi batean, zergadunak konpentsazio horri dagokion zenbatekoa sartu beharko du bere zerga-oinarrian, konpentsazioa gauzatzen den zergaldian".

"11. Errentak eratxikitzeko araubidean dagoen entitate batek edo batzuek, 13. apartatuaren zentzuan elkarren artean lotuta daudenek, ehuneko 50eko edo gehiagoko partaidetza zuzena edo zeharkakoa badute urteko edozein egunetan kapitalean, funts propioetan, emaitzetan edo boto-eskubideetan, eta egoiliarrak badira errentak eratxikitzeko araubidean dagoen entitateari errentaren gaineko zerga pertsonal baten zergadun kalifikazioa ematen dioten herrialde edo lurraldeetan, zergadun gisa tributatu beharko dute jarraian ageri diren errenta positiboengatik. Errenta horiek, hain zuzen, errentak eratxikitzeko araubidean dagoen entitateari errentaren gaineko zerga pertsonal baten zergadun kalifikazioa ematen dioten herrialde edo lurraldeetako egoiliar diren partaide guztiei dira egoztekoak:

a) Espainiako lurraldean lortutako errentak, ez-egoiliarren errentaren gaineko zergari lotuta eta zerga hori ordaintzetik salbuetsita daudenak,

b) atzerriko errentak, entitate ordaintzailearen edo ordaintzaileen herrialdeak edo lurraldeak eskatutako zerga bati lotuta ez daudenak edo hura ordaintzetik salbuetsita daudenak.

Errentak zer urte naturaletan lortzen diren, urte horrekin bat etorriko da zergaldia.

Errentak eratxikitzeko araubideko entitateak lortzen dituen gainerako errentak bazkideei, jaraunsleei, erkideei edo partaideei eratxikiko zaizkie, eta tributatu beharko dute ekainaren 2ko 4/2008 Legegintzako Foru Dekretuaren bidez onetsi zen Pertsona Fisikoen Errentaren gaineko Zergari buruzko Foru Legearen testu bategineko III. tituluko II. kapituluko 5. ataleko 1. azpiatalean xedatutakoarekin bat etorriz".

Bost.–42.1.2 artikulua, 2023ko urtarrilaren 1etik aurrera hasten diren zergaldietarako ondorioekin.

"2. Hirugarren xedapen gehigarriko 3.e) letran ezarritako murriztapena".

Sei.–61.2 eta 3 artikulua, 2023ko urtarrilaren 1etik aurrera hasten diren zergaldietarako ondorioekin.

"2. Ikerketatzat hartuko dira ezagupen orokor zientifiko eta teknikoen bilaketa edo zabalkunde guztiak, baldin produktu, prozesu edo zerbitzu berriak sortzeko edo nabarmen hobetzeko balio badezakete.

Garapentzat hartzen da ikerketa edo bestelako ezagupen zientifiko baten emaitzak gauzatzea proiektu teknikoetan, produktu, prozesu edo zerbitzuentzako eskema edo diseinuetan, berriak izan nahiz aldatuak edo hobetuak, saltzekoak nahiz erabiltzekoak, horien barnean dela merkaturatzerik gabeko prototipoak sortzea. Jarduera honen barnean egonen da, halaber, beste produktu, prozesu edo zerbitzuen formulazio kontzeptuala eta diseinua egitea, bai eta hasierako erakustaldiak egiteko proiektuak edo proiektu pilotuak ere, betiere baldin produktu horiek ezin bihurtu edo erabili badira aplikazio industrialetarako edo merkatuan ustiatzeko.

Ikerketa eta garapen jardueratzat hartzen da "software" aurreratua pentsatzea, sortzea, konbinatzea eta konfiguratzea teorema eta algoritmo berrien edo sistema eragileen, lengoaien, interfazeen eta produktuen, negozio-prozesuen edo zerbitzu berrien edo nabarmen hobetuen elaboraziora bideratutako aplikazioen bidez, baldin eta aurrerapen zientifiko edo teknologiko esanguratsua badakar eta ziurgabetasun zientifiko edo tekniko bat sistematikoki konpontzeko helburua badu.

Desgaitasuna duten pertsonei informazioaren gizarteko zerbitzuetarako sarbidea errazteko softwarea ere kontzeptu horretan sartuko da, irabazi-asmorik gabe egiten denean.

Ez dira sartzen, ordea, softwarearen mantentze-lanekin edo haren eguneratzeekin zerikusia duten ohiko jarduerak edo errutinazkoak.

3. Aurreko apartatuan sartzen ez diren berrikuntza teknologikoko jardueretan arituz gero, eskubidea izanen da kasuan kasuko zergaldian izandako gastuen 100eko 15eko kenkaria egiteko kuota likidoan, apartatu honetan ezarritako baldintzetan.

Aurreko paragrafoan ezarritako kenkaria ehuneko bost handituko da, baldin eta proiektuak gauzatzeko enkargua egiten bazaie Espainian edo Europar Batasuneko edo Europako Esparru Ekonomikoko edozein estatu kidetan dauden unibertsitateei, ikerketa-organismo publikoei edo teknologia-zentro eta berrikuntza teknologikoari laguntzeko zentroei, bai eta Nafarroako I+G+b Sistemaren (SINAI) betearazpen-eragile gisa egiaztatutako enpresa-arloko I+G+b-ko unitateekin kontratatutakoak ere, Zientzia eta Teknologiari buruzko ekainaren 27ko 15/2018 Foru Legean jasotakoak. d) letran jasotako kasuan ere igoera hori aplikatuko da.

Berritasun teknologikotzat jotzen da produktu edo produkzio prozesu berriak edo lehengoen hobekuntza teknologiko nabarmenak lortzea emaitza duen jarduera.

Berritzat edo hobetutzat joko dira lehengo produktu eta prozesuen aldean mamizko ezaugarri edo aplikazio teknologiko diferenteak ageri dituzten ondasunak, zerbitzuak edo negozio-prozesuak.

Jarduera honetan sartuko da produktu eta prozesu berriak plano, eskema edo diseinu batean gauzatzea, eta bai merkaturatzerik gabeko prototipoak eta hasierako erakustaldiak egiteko proiektuak edo proiektu pilotuak eta zenbait industriatako erakusgaiak, hala nola animazio eta bideojokoetakoak, oihalgintza eta zapatagintzakoak, larrua ontzekoak, larrukigintzakoak, jostailugintzakoak, altzarigintzakoak eta zuraren industriako erakusgaiak, eta are aplikazio industrialetarako edo merkatuan ustiatzeko bihurtu edo erabili ahal direnak ere.

Kenkariaren oinarria finkatzeko, berrikuntza teknologikoko jardueretan kontzeptu hauetan zergaldian egindako gastuak hartuko dira:

a) Diagnostiko teknologikoko jarduerak, konponbide teknologiko aurreratuak identifikatu, zehaztu eta orientatzera bideratuak, zeinahi delarik azkeneko emaitza.

b) Softwarearen ingeniaritza, diseinu industriala eta produkzio prozesuen edo prozesuaren ingeniaritza, horien barnean dela plano, marrazki eta euskarriak itxuratzea, produktu edo prozesu bat fabrikatu, saiatu, instalatu eta erabiltzeko eta zenbait industriatako erakusgaiak, hala nola oihalgintza eta zapatagintzakoak, larrua ontzekoak, larrukigintzakoak, jostailugintzakoak, altzarigintzakoak eta zuraren industriako erakusgaiak egiteko behar diren deskripzio elementuak, zehaztapen teknikoak eta funtzionamendu ezaugarriak definitzekoak.

c) Teknologia aurreratua eskuratzea, patente, lizentzia, "know-how" eta diseinuen bidez. Zergadunari lotutako pertsona edo entitateei ordaindutako diru-kopuruek ez dute kenkaria egiteko eskubiderik emanen. Kontzeptu honi dagokion oinarria ezin izanen da milioi bat eurotik gorakoa izan urtean.

d) Berrikuntzaren kudeaketari lotutako arauak betetzen direla egiaztatzeko ziurtagiriak lortzea (ISO 56002, UNE166000 edo antzekoak), baina arau horiek ezartzeko gastuak sartu gabe.

e) Ezagutzako Zerbitzu Intentsiboak hirugarrenei kontratatzea. Zerbitzu hauek definitzeko Nafarroako Gobernuak horretarako emandako araudia hartuko da erreferentzia gisa, Ikerketa, Garapenen eta Berrikuntzaren arloko eskumena duen departamentuak lehiakortasuna hobetzeko dirulaguntzen deialdiaren esparruan".

Zazpi.–62.4 artikulua, bigarren paragrafoa, 2023ko urtarrilaren 1etik aurrera hasten diren zergaldietarako ondorioekin.

"Aurrekoa gorabehera, proiektuaren finantzaketan parte hartzen duen zergadunak ezin izanen du aplikatu, kuota-terminoetan, proiektua finantzatzeko ordaindu dituen diru-kopuruak bider 1,20 egitearen biderkadurari dagokion zenbatekotik gorako kenkaririk. Gaindikina ikerketa, garapen edo berrikuntza teknologikoko proiektua egiten duen zergadunak aplikatzen ahalko du."

Zortzi.–64.A).2, 4.a)Laugarrena artikulua eta c) letra gehitzea 4. apartatuari, 2023ko urtarrilaren 1etik aurrera hasten diren zergaldietarako ondorioekin.

"2. Iturri berriztagarrietatik datorren energiatzat joko da iturri ez-fosiletatik datorren energia; hau da, haize-energia, eguzki-energia (termikoa eta fotovoltaikoa), energia geotermikoa, giro-energia, marea-energia, olatu-energia eta bestelako energia ozeanikoak, energia hidraulikoa, eta biomasatik, zabortegietako gasetatik, araztegietako gasetatik eta biogasetik datorrena, Europako Parlamentuaren eta Kontseiluaren 2018ko abenduaren 11ko 2018/2001 Zuzentarauan definitzen diren moduan.

Bereziki, iturri berriztagarrietatik datorren energiatzat joko da hidrogeno berriztagarria, hots, aurreko paragrafoan aipatutako iturri ez-fosiletatik lortutako hidrogenoa".

"4. Autokontsumo partekatuko proiektu batean egindako inbertsioa edo energia-komunitate baten inbertsioa bada, kenkariaren ehunekoa 5 puntu gehituko da".

"c) Erabilera termikoetarako instalazioetan egiten diren inbertsioen kasuan, gasaren ordez hidrogeno berriztagarria erabiltzen bada, kenkariaren ehunekoa 15 puntu igoko da gehienez, hidrogeno berriztagarria erabiltzen den heinean".

Bederatzi.–64.B)1.a)artikulua, lehenengo paragrafoa eta 1. eta 2. ordinalak.

"a) Entitatearen jarduera ekonomikoari atxikitako ibilgailu berrietan egindako inbertsioek eskubidea emanen dute 100eko 30eko kenkaria egiteko, baldin eta ibilgailu elektrikoak badira, eta 100eko 5eko kenkaria, berriz, ibilgailu hibrido entxufagarriak badira, baldin eta Europako Parlamentuaren eta Kontseiluaren 2018ko maiatzaren 30eko 2018/585 (EB) Erregelamenduan eta Europako Parlamentuaren eta Kontseiluaren 2013ko urtarrilaren 15eko 168/2013 (EB) Erregelamenduan zehaztutako kategoria hauetakoren batekoak badira:

Lehenengoa) M1 turismoak: Gehienbat bidaiariak eta haien bagajea garraiatzeko diseinatu eta fabrikatutako ibilgailu motordunak, gidariarenaz gain gehienez zortzi eserleku dituztenak, zutik doazen bidaiarientzako tokirik gabe. Berdin dio eserleku bakarra duen, gidariarena alegia, edo gehiago.

Bigarrena) N1 furgonetak edo kamioi arinak: Gehienbat salgaiak garraiatzeko diseinatu eta fabrikatutako ibilgailu motordunak, 3,5 tonara arteko gehieneko masa dutenak".

Hamar.–64 bis artikulua gehitzea, 2023ko urtarrilaren 1etik aurrera hasten diren zergaldietarako ondorioekin.

"64 bis artikulua. Kenkaria, garapen jasangarriko eta ingurumena babesteko eta hobetzeko proiektuei atxikitako ibilgetu material berrian egindako inbertsioengatik.

1. Garapen jasangarrirako eta ingurumena babesteko eta hobetzeko proiektuak gauzatzeko beharrezkoak diren ibilgetu materialaren elementu berrietan egiten diren inbertsioek eskubidea emanen dute inbertsio horien zenbatekoaren 100eko 15eko kenkaria egiteko kuota likidoan.

2. Proiektuek honako jarduera hauetakoren bat edo batzuk izan beharko dituzte xede:

a) Beste enpresa batzuek sortutako haize-energiako, energia fotovoltaikoko eta baterietako osagaiak berrerabiltzea eta birziklatzea.

b) Hidrogeno berriztagarria ekoiztea.

c) Hidrogeno berriztagarriaren balio-kateko osagaiak fabrikatzea.

3. Kenkariaren oinarria Europako Batzordearen 2014ko ekainaren 17ko 651/2014 (EB) Erregelamenduaren arabera diruz lagundu daitezkeen kostutzat hartzen diren inbertsioen zenbatekoak zehaztuko du. Erregelamendu horren bidez, laguntza-kategoria jakin batzuk barne-merkatuarekin bateragarritzat jotzen dira, Tratatuaren 107. eta 108. artikuluak aplikatuz.

Inbertsioa zer egunetan jartzen den abian, egun horrek adieraziko du kenkaria egiteko eskubidea noiz sortzen den.

Energiaren arloko eskumena duen Nafarroako Gobernuko organoak txostena emanen du, honako hauek egiaztatzeko: 2. apartatuan adierazitakoetatik zer proiektu motari zuzentzen zaizkion inbertsioak, kenkariaren oinarria eta abian jartzeko data.

4. Kenkariaren zenbatekoa ez da 15 milioi eurotik gorakoa izanen proiektu eta enpresa bakoitzeko.

5. Artikulu honetan araututako kenkariaren zenbatekoak, zergadunak proiektu bakoitzeko jasotako gainerako laguntza publikoekin batera, ezin izanen ditu muga hauek gainditu:

a) 2.a) apartatuan jasotako jardueraren bat xede duten proiektuen kasuan, kostu diruz lagungarrien ehuneko 35; kostu horiek Batzordearen 651/2014 (EB) Erregelamenduaren 47.7 artikuluan aurreikusitakoaren arabera zehaztuko dira.

b) 2. apartatuko b) eta c) letretan adierazitako jardueraren bat xede duten proiektuen kasuan:

1. Diruz lagundu daitezkeen kostuen ehuneko 45, baldin eta Batzordearen 651/2014 (EB) Erregelamenduaren 41.6.a) edo b) artikuluan aurreikusitakoaren arabera zehazten badira.

2. Diruz lagundu daitezkeen kostuen ehuneko 30, baldin eta Batzordearen 651/2014 (EB) Erregelamenduaren 41.6.c) artikuluan aurreikusitakoaren arabera zehazten badira.

6. Kenkariaz baliatzeko, ibilgetuaren barnean kontabilizatu beharko dira egindako inbertsioak, gaineko ondare elementuetatik bereizita eta haien identifikaziorako bidea emanen duen epigrafe baten pean. Era berean, inbertsio horiek zergadunaren ondarean egon beharko dute gutxienez bost urtez, edo, bizitza baliagarria laburragoa balitz, haren bizitza baliagarrian, eskualdatu edo laga gabe.

Finantza-errentamenduko kontratuen bidez egindako inbertsioak onartuko dira, nahiz eta, kontabilitate arauak aplikatzeagatik, inbertsio horiek ez kontabilizatu ibilgetu gisa.

7. Artikulu honetan ezarritako baldintzak ez betetzeak, finantza-errentamenduko kontratuetan erosteko aukera ez erabiltzea barne, egindako kenkaria galtzea ekarriko du, eta 76.3 artikuluan ezarritakoa aplikatu beharko da".

Hamaika.–65.3 artikulua, lehen paragrafoa.

"3. Artikulu honetan arautzen diren kenkarien zenbatekoa, zergadunak ekoizpen bakoitzarengatik jasotako gainerako laguntzak gehituta, ez da kostu diruz lagungarrien ehuneko 50 baino handiagoa izanen. Halere, muga hori honela handituko da kasu hauetan:"

Hamabi.–65 bis.5 artikulua, bigarren paragrafoa, 2023ko urtarrilaren 1etik aurrera hasten diren zergaldietarako ondorioekin.

"Aurrekoa gorabehera, ekoizpenaren finantzaketan parte hartzen duen zergadunak ezin izanen du aplikatu, kuota-terminoetan, ekoizpena finantzatzeko ordaindu dituen diru-kopuruak bider 1,20 egitearen biderkadurari dagokion zenbatekotik gorako kenkaririk. Ekoizleak gainkina aplikatzen ahalko du".

Hamahiru.–65 ter artikulua gehitzea, 2023ko urtarrilaren 1etik aurrera hasten diren zergaldietarako ondorioekin.

"65 ter artikulua. Kenkaria arte eszenikoen eta musikalen zuzeneko ikuskizunetan inbertsioak egiteagatik.

1. Arte eszenikoen eta musikalen zuzeneko ikuskizunen ekoizpenean eta erakusketan egindako gastuek ehuneko 30eko kenkaria izanen dute kuota likidoan.

Ehuneko 40ko kenkaria aplikatuko da nazioarteko bira baten parte den ikuskizuna bada.

Kenkariaren oinarria jarduera horietan sortutako zuzeneko kostuek (artistikoak, teknikoak eta sustapenaren arlokoak) osatuko dute.

Zergaldi bakoitzean sortutako kenkaria ezin izanen da izan 500.000 eurotik gorakoa zergadun bakoitzeko.

2. Kenkari hau aplikatu ahal izateko, baldintza hauek bete beharko dira:

a) Zergadunak Arte Eszenikoen eta Musikaren Institutu Nazionalaren ziurtagiri bat lortu izana, horretarako, ministro-agindu bidez ezartzen diren baldintzetan.

b) Kenkarirako eskubidea sortzen den zergaldian jarduera horiek garatzean lortutako etekinetatik, zergadunak gutxienez ehuneko 50 erabiltzea apartatu honetan aurreikusitako kenkaria aplikatzeko eskubidea ematen duten jarduerak egiteko. Betebehar hori betetzeko epea etekin horiek lortu diren zergaldiaren hasieratik zergaldi hori itxi ondorengo 4 urteetara bitartekoa izanen da.

Kenkariaren zenbatekoak, zergadunak jasotako dirulaguntzekin batera, ezin izanen du gainditu gastu horien ehuneko 80ko muga".

Hamalau.–VI. tituluko IV. kapituluko 3. atala, 2023ko urtarrilaren 1etik aurrera hasten diren zergaldietarako ondorioekin.

"3. atala. Beste pizgarri batzuk.

66. artikulua. Kenkaria, enpresen gizarte aurreikuspeneko sistemetarako enpresa-ekarpenengatik.

Subjektu pasiboak ehuneko 10eko kenkaria egiten ahalko du urteko 27.000 eurotik beherako ordainsari gordinak dituzten langileen alde egotzitako enpresa-ekarpenen kuota likidoan, baldin eta ekarpen horiek egiten badira enpleguko pentsio planetan, enpresen gizarte aurreikuspeneko planetan, Europako Parlamentuaren eta Kontseiluaren 2016ko abenduaren 14ko 2016/2341 (EB) Zuzentarauan araututako pentsio planetan (zuzentarau hori enpleguko pentsio funtsen jarduerei eta gainbegiratzeari buruzkoa da), edo subjektu pasiboa sustatzaile den gizarte aurreikuspeneko tresna gisa jarduten duten gizarte aurreikuspeneko mutualitateetan.

27.000 euroko edo gehiagoko urteko ordainsari gordinak dituzten langileen kasuan, zenbateko horri dagozkion enpresa-ekarpenen zati proportzionalaren gainean aplikatuko da kenkaria.

Ez da kenkaria aplikatuko langileak langile autonomoen araubide berezian alta emanda daudenean eta zergadunak kotizazioa osatzen duenean aurreko paragrafoan aipatutako gizarte aurreikuspeneko edozein sistematara egindako ekarpenekin, zenbateko horien baturak Gizarte Segurantzako araubide orokorrean legokiokeen kotizazioa gainditzen duenean izan ezik; halakoetan, azken hori gainditzen duen zenbatekoaren araberako kenkaria aplikatzen ahalko da".

Hamabost.–67.4 artikulua, lehen paragrafoa, 2023ko urtarrilaren 1etik aurrera hasten diren zergaldietarako ondorioekin.

"4. 58., 64.B) eta 66. artikuluetan aurreikusitako kenkariek ezin izanen dute osotara gainditu kuota likidoaren ehuneko 25, jarduera hasi arte 58. artikuluan araututakoa izan ezik, horrek kuota likido osoa hartu baitezake".

Hamasei.–87.1.b) artikulua, azken paragrafoa, 2023ko urtarrilaren 1etik aurrera hasten diren zergaldietarako ondorioekin.

"Aurrekoa gorabehera, kontabilitate irizpideen arabera bazkideek interes ekonomikoko taldeei egiten dizkieten ekarpenak ezaugarri berezidun ondare-tresnatzat kalifikatu behar direnean, likidazio-oinarri negatiboen eta kuotako kenkarien oinarrien egozpenen osotasunak ezin izanen du ekarri bazkidearen kuota efektiboa honako biderkadura hau baino neurri handiagoan txikiagotzea: entitatearen kapitalari egin dizkion ekarpenen zenbateko ordaindua bider 1,20".

Hamazazpi.–92.2.b) artikulua, lehen paragrafoa, 2023ko urtarrilaren 1etik aurrera hasten diren zergaldietarako ondorioekin.

"b) Etxebizitzek errentamenduan edo errentamendurako eskainiak bost urtez irautea gutxienez. Epe hori honela zenbatuko da:"

Hemezortzi.–93.1 artikulua, 2023ko urtarrilaren 1etik aurrera hasten diren zergaldietarako ondorioekin.

"1. Laurogeita hamabigarren artikuluko baldintzak betetzen dituzten etxebizitzen errentamendutik sortutako errentei kuota osotik dagokien partearen ehuneko 40ko hobaria izanen du.

Hobari hori ehuneko 85ekoa izanen da honako hauen errentamendutik datozen errentak direnean:

a) Alokairu Sistema Publikoari atxikitako etxebizitzak. Sistema hori jasota dago Nafarroako Etxebizitzarako Eskubideari buruzko maiatzaren 10eko 10/2010 Foru Legearen bederatzigarren xedapen gehigarrian.

b) Nafarroan etxebizitza izateko eskubideari buruzko 10/2010 Foru Legearen hogeita batgarren xedapen gehigarriari eta Nafarroan etxebizitzaren arloko jarduketa babesgarriak arautzen dituen irailaren 18ko 61/2013 Foru Dekretuaren bigarren xedapen iragankorrari iraganean atxikitako etxebizitzak.

c) Desgaitasuna duten pertsonek etxebizitzak errentamenduan hartzetik eratorritako errentak direnean, baldin eginak badira, haietan, irisgarritasunerako eta komunikazio sentsorialerako beharrezkoak diren egokitzapen-obrak eta -instalazioak, desgaitasuna duten pertsonak duintasun eta egokitasunez molda daitezela erraztekoak. Administrazio eskudunak ziurtatu egin beharko ditu obra eta instalazio horiek. Errentariak desgaitasuna frogatu beharko du pertsona fisikoen errentaren gaineko zergari buruzko araudian aurreikusitako moduan".

Hemeretzi.–Hirugarren xedapen gehigarria, 2023ko urtarrilaren 1etik aurrera hasten diren zergaldietarako ondorioekin.

"Hirugarren xedapen gehigarria.–Ekintzailetzari laguntzeko neurriak.

1. Ekintzaileak dira enpresa edo lanbide jarduera bat egiten duten pertsona fisikoak eta entitateak, nortasun juridikoa izan ala ez, jarduera hori betetzen duten lehen bost zergaldietan, baldin eta ondokoa betetzen badute:

a) Enpresa txikiaren izatea.

b) Altan emanda egotea jarduera ekonomikoen gaineko zergan, ekintzailetzari laguntzeko neurriak jasotzeko moduan dauden zergaldietan, etenik gabe.

c) Entitateak badira, ez kotizatzea merkatu arautu batean eta ez banatzea edo banatu izana dibidendurik.

2. Honako hauek ez dira ekintzailetzat hartuko:

a) Ondasunen edo zerbitzuen ehuneko 75etik gora pertsona fisiko edo entitate bakar bati ematen dioten pertsona fisikoak edo entitateak, eta ekonomikoki mendekoa den langile autonomotzat joak dauden pertsona fisikoak, Lan Autonomoaren Estatutuari buruzko uztailaren 11ko 20/2007 Legearen II. tituluko III. kapituluan xedatutakoari jarraituz.

b) Pertsona fisikoak, baldin eta hasten badira lehenago, aurreko 5 urtean, edozein unetan, beraiek, beren ezkontideek, aurreko edo ondorengo ahaideek, edo haien partaidetza duten errentak eratxikitzeko araubideko entitateek, edo sozietateen gaineko zergaren zergadunak diren entitateek (haietan ehuneko 25eko partaidetza edo handiagoa badute) egin duten jarduera batean.

c) Entitateak, baldin eta hasten badira lehenago, aurreko 5 urtean, edozein unetan, beraiek, edo beste entitate batek, zeinarekin kapitalaren titulartasunaren ehuneko 50 baino gehiagotan berdina baita, ehuneko 25eko partaidetza edo handiagoa duen bazkideren batek edo sozietateen talde bereko edozein entitatek (Merkataritzari buruzko Kodearen 42. artikuluan xedatutakoarekin bat) egin duten jarduera batean, kontuan hartu gabe entitateen egoitza eta urteko kontu kontsolidatuak egin beharra.

Enpresa oinordetza, jarraipena edo berregituratzea egiten bada, jarduera bete zuen lehenbiziko pertsonak edo entitateak jarduera hasi zuenetik aurrera kontatuko da 5 zergaldiko epea.

Jardueraren hasiera izanen da pertsona fisikoak edo entitateak jarduera ekonomikoen gaineko zergan alta eman behar duen unea, zerga horri buruzko arauekin bat.

3. Pertsona edo entitate ekintzaileen onura fiskalak:

a) Ez dute izanen pertsona fisikoen errentaren gaineko zergaren eta sozietateen gaineko zergaren konturako ordainketa zatikatua egin beharra.

b) Zerga Administrazioak baimena emanen du, aldez aurreko eskaera eginik, bermerik aurkeztu behar izan gabe eta berandutze-interesa sortu gabe, bai sozietateen gaineko zergan bai pertsona fisikoaren errentaren gaineko zergan, enpresa edo lanbide jarduera dela-eta sartu beharreko kuota geroratzeko. Geroratuko kuotaren sarrera zergaldi bakoitzeko aitorpen-likidazioa aurkezteko epea bukatzen den egunetik hasi eta hamabi hilabeteko epean egin beharko da.

c) Zerga Administrazioak baimena emanen du, aldez aurreko eskaera eginik, bermerik aurkeztu behar izan gabe eta berandutze-interesa sortu gabe, beren langileei pertsona fisikoaren errentaren gaineko zergan egindako konturako atxikipenak geroratzeko. Geroratutako kopuruen sarrera hurrengo urteko otsaileko azken eguna baino lehen egin beharko da.

d) Pertsona fisikoen errentaren gaineko zergaren zergadunek ehuneko 30 murritz dezakete beren enpresa edo lanbide jardueraren etekin garbia positiboa den lehen eta bigarren zergaldietan, baldin eta zergaldi horiek 5 urteko epearen barnean badaude jarduera hasi zenetik aurrera. Murriztapen hori aplikatzeko, zuzeneko zenbatespenaren araubidean zehaztu behar da enpresa edo lanbide jardueraren etekin garbia.

e) Sozietateen gaineko zergaren zergadunek ehuneko 30 murritz dezakete zerga-oinarria positiboa den lehen eta bigarren zergaldietan, baldin eta zergaldi horiek 5 urteko epearen barrenean badaude jarduera hasi zenetik aurrera. Jarduera ekonomiko bat garatzetik heldu den zerga-oinarriaren zatiari baino ez zaio aplikatuko murriztapen hori.

f) 58. artikuluko kenkaria aplika dezakete, nahiz eta 59.b) artikuluak aipatzen duen baldintza ez bete.

g) Jarduera berritzaile bat egiten badute edo bereziki sustatu gogo den sektore batekoa edo espezializazio adimentsukoa:

1) 58. artikuluko kenkaria aplika dezakete, ehuneko 5 puntu gehituta.

2) 78.2.2 artikuluan aipatzen diren ikerketa-, garapen- eta berrikuntza-jarduerak egiteagatiko kenkari espezifikoari dagokion itzulketaren muga 100.000 euro handituko da.

4. Entitate ekintzaileetan inbertitzen duten pertsonen edo entitateen onura fiskalak.

Pertsona fisikoen errentaren gaineko zergaren zergadunek eta sozietateen gaineko zergari lotutako zergadunek ehuneko 25eko kenkaria egiten ahalko dute entitate ekintzaileak eratu edo haien kapitala handitzetik heldu diren akzioen edo partaidetzen harpidetza egitean ordaintzen duten diru kopuruan, baldintza hauek betetzen badira:

a) Inbertsioa jasotzen duen entitateak Nafarroako foru araudia aplikatu behar du sozietateen gaineko zergan.

b) Pertsona fisikoa den zergadunaren partaidetza ezin da izan, zergaldiaren egun bakar batean ere, inbertsioaren xedeko sozietatearen kapital sozialaren edo boto-eskubideen ehuneko 40tik gorakoa. Horretarako, kontuan hartuko da, orobat, subjektu pasiboaren ezkontidearen partaidetza eta haren odol edo ezkontza bidezko zuzeneko edo alboko ahaideena, hirugarren mailara arte, horiek barne. Partaidetzaren muga hori hiru urtez bete beharko da gutxienez, sozietatea eratzeko edo kapitala handitzeko erabakiak eragina hartzen duen egunetik aurrera.

c) Zergadunaren partaidetza, hura pertsona juridikoa denean, bere talde berean dauden gainerako sozietateen partaidetzarekin batuta (Merkataritzari buruzko Kodearen 42. artikuluaren zentzuan), kontuan hartu gabe entitateen egoitza eta urteko kontu kontsolidatuak egin beharra, ezin da inbertsioaren xedeko sozietatearen boto-eskubideen edo kapital sozialaren ehuneko 40tik gorakoa zergaldiko ezein egunetan. Partaidetzaren muga hori hiru urtez bete beharko da gutxienez, sozietatea eratzeko edo kapitala handitzeko erabakiak eragina hartzen duen egunetik aurrera.

d) Zergadunak, pertsona fisikoa bada, parte har dezake bere inbertsioa hartu duen sozietatearen administrazio kontseiluan, baina ezin du inola ere hango betearazpen edo zuzendaritza eginkizunik bereganatu. Laneko edo lanbideko harremanik ere ezin du izan entitatearekin inbertsioaren aldian eta hurrengo bietan.

e) Zergadunaren ondarean mantendu behar dira akzioak edo partaidetzak, gutxienez 3 urteko epean. Epe horretan, entitateak jarraitu behar du jarduera ekonomiko bat gauzatzen.

f) Kenkari hori aplikatzeko, Zerga Administrazioak aldez aurretik egiaztatu behar du aurreko baldintzak betetzen direla eta, inbertsioa zer entitatetan egiten den, horrexek erregistraturik egon behar du 6. apartatuak araututako pertsona edo entitate ekintzaileen erregistroan. Erregistroan inskribatzen den egunetik aurrera eta egun horren aurreko 6 hilabetean egindako inbertsioek izanen dezakete kenkaria.

Harpidetutako akzioak edo partaidetzak badagozkie jarduera berritzaile bat egiten duten entitateei edo bereziki sustatu gogo den sektore bateko edo espezializazio adimentsuko entitateei, kenkaria izanen da egindako diru-ekarpenaren zenbatekoaren ehuneko 35ekoa.

Kenkariaren gehieneko zenbatekoa 50.000 eurokoa izango da zergaldiko. Zenbateko hori 100.000 eurokoa izatera pasako da, inbertsioa zer entitatetan egiten den, horrexek jarduera berritzaile bat egiten badu, edo bereziki sustatu gogo den sektore batean sartuta badago, edo espezializazio adimentsukoa bada. Kuota aski ez izateagatik kenkaririk gabeko zenbatekoak kenkaria izan dezake hurrengo 15 zergaldietan.

5. Zer den jarduera berritzailea edo bereziki sustatu gogo den sektore batekoa edo espezializazio adimentsukoa.

Jarduera berritzailetzat edo bereziki sustatu gogo den sektore batekotzat edo espezializazio adimentsukotzat joko da garapen ekonomikoaren arloko eskumena duen departamentuan halakotzat jotzen dena.

6. Pertsona edo entitate ekintzaileen erregistroa.

Xedapen honetan zehazten diren onura fiskalak aplikatzeko, zergadunek pertsona edo entitate ekintzaileen erregistroan inskribatzeko eskaera egin beharko dute.

Erregistroko inskripzioa jarduera hasten denetik aurrera egin daiteke.

Erregistroan inskripzioa egiten den egunetik aurrera aplika daitezke onura fiskalak, eta gehienez ere 5 zergalditan, jarduera hasten den egunetik aurrera.

7. Ezin izanen dute araubide honetako onura fiskalik eskuratu pertsona edo erakunde ekintzaileek, beraiek edo bitarteko pertsona batek sortu edo zuzendutakoek, tributu-betebeharrak eta Gizarte Segurantzarekiko betebeharrak egunean ez badituzte, eta epai irmo bidez kondena jaso badute administrazio desleialaren, zigortzeko moduko kaudimengabeziaren, sozietate-delituen, kapitalak zuritzearen eta terrorismoa finantzatzearen delituengatik, Ogasun Publikoaren eta Gizarte Segurantzaren aurkako delituengatik, prebarikazio, funtzionario-eroskeria, influentzia-trafiko, ondasun publikoak bidegabe erabiltzearen, iruzurren eta legearen aurkako ordainarazpenen delituengatik edo hirigintza-delituengatik, bai eta dirulaguntzak edo laguntza publikoak lortzeko aukera galtzeko zigorra jasotakoek ere. Administraziorekin kontratatzeko aukera galdu dutenek ere ezin izanen dituzte baliatu onura hauek.

8. Ez-betetzeak.

Xedapen honetan eskatzen diren baldintzak bete beharko dira araubide honen onura fiskalak izateko eskubideaz baliatzeko.

Aurreko apartatuetan ezarritako baldintzaren bat betetzen ez bada edo erregistroetako datuak zuzenak ez direla edo faltsuak direla egiaztatzen bada, hori aski izanen da erregistroko inskripzioa ukatzeko edo, zergadunak jadanik inskribatuta baldin badaude, erregistro horretatik baztertzeko.

Ez-betetze horrek ekarriko du izandako onura fiskalak galtzea. Izandako onura 3. apartatuko b) eta c) letretan zehaztutako geroratzeetako edozein denean, pertsona edo entitate ekintzaileak ordaindu beharko du, hilabeteko epean ez-betetzea gertatzen denetik aurrera, geroratutako zenbatekoa, gehi bidezko berandutza-interesak. Gainerako kasuetan, pertsona edo entitate ekintzaileak ordaindu beharko du, ez-betetzea gertatzen den zergaldiko pertsona fisikoen errentaren gaineko zergaren edo sozietateen gaineko zergaren kuotarekin batera, gaizki aplikatutako kenkariari edo murriztapenari dagokion kuota osoa, gehi berandutze-interesak.

4. Apartatuan ezarritako baldintzetako edozein ez betetzeak ekarriko du, inbertsioa egin duen pertsonarentzat edo entitatearentzat, egindako kenkarirako eskubidea galtzea. Hortaz, ez-betetzea gertatzen den zergaldiko pertsona fisikoen errentaren gaineko zergaren edo sozietateen gaineko zergaren kuotarekin batera, gaizki aplikatutako kenkariari dagokion kuota osoa ordaindu beharko du, gehi berandutze-interesak.

9. Zerga arloko eskumena duen departamentuko titularrari gaikuntza ematen zaio beharrezko xedapenak eman ditzan xedapen hau garatzeko. Zehazki, gaikuntza ematen zaio pertsona edo entitate ekintzaileen erregistroa eta horretan inskripzioa egiteko prozedura arautzeko".

Hogei.–Hamazazpigarren xedapen gehigarria, errubrika.

"Hamazazpigarren xedapen gehigarria.–2023an hasten diren zergaldietan likidazio oinarri negatiboak murrizteko mugak".

Laugarren artikulua. Oinordetzen eta dohaintzen gaineko zergaren xedapenak biltzen dituen testu bategina.

Abenduaren 16ko 250/2002 Legegintzako Foru Dekretuaren bidez onetsitako oinordetzen eta dohaintzen gaineko zergaren xedapenen testu bategineko manu hauek testu hau izanen dute:

Bat.–3.2 artikulua.

"2. Zerga honetarako, adopzioa eta odolkidetasuna parekatu egiten dira. Era berean, ulertuko da adoptatuak eusten diola adopzioa eratu aurretik jatorrizko familiarekin zuen ahaidetasun-mailari".

Bi.–34.1.d).b’)b") artikulua eta c") azpiletra kentzea.

"b") Eskuratzaileak ez besterentzea jarauntsitako etxebizitza eta etxebizitza hori haren ohiko bizilekua izatea, hura eskuratu eta hurrengo bost urteetan, salbu eta pertsona fisikoen errentaren gaineko zergaren araudian zehaztuta dauden salbuespenerako inguruabarretako bat gertatzen denean, etxebizitza ohiko bizileku gisa mantendu beharreko denborari dagokionez".

Hiru.–Bigarren xedapen gehigarria. 3, bigarren paragrafoa. 2023ko urtarrilaren 1etik aurrera gertatzen diren zerga-egitateetan izanen ditu ondorioak.

"Halaber, ulertuko da ehuneko 65 edo gehiagoko desgaitasun-gradua dutela mendekotasun-egoera bat edozein gradutan aitortua duten pertsonek".

Lau.–Bigarren xedapen iragankorra gehitzea. Egungo xedapen iragankor bakarra lehenengo xedapen iragankorra izanen da, 2023ko urtarrilaren 1etik aurrera gertatzen diren zerga-egitateetarako ondorioekin.

"Bigarren xedapen iragankorra.–Epai bidez ezgaitutako pertsonak, 8/2021 Legeak indarra hartu aurretik emandako epaien bidez luzatu edo berriz gaitutako guraso-ahalaren menpe daudenak.

Ekainaren 2ko 8/2021 Legeak legeria zibila eta prozesala aldatzen du, desgaitasuna duten pertsonei beren gaitasun juridikoaz baliatzen laguntzeko; lege horren bosgarren xedapen iragankorra aplikatuz, mantentzen direnean epai bidez ezgaituta eta aipatu lege horrek indarra hartu aurretik emandako epaien ondorioz luzatu edo berriz gaitu den guraso-ahalaren menpe dauden pertsonen egoerak, foru lege honen bigarren xedapen gehigarria aplikatuko da, 2022ko abenduaren 31n indarra duten baldintzetan".

Bosgarren artikulua. Ondare eskualdaketen eta egintza juridiko dokumentatuen gaineko zergaren xedapenak biltzen dituen testu bategina.

Apirilaren 26ko 129/1999 Legegintzako Foru Dekretuaren bidez onetsitako ondare eskualdaketen eta egintza juridiko dokumentatuen gaineko zergari buruzko xedapenen testu bateginaren manu hauek testu hau izanen dute:

Bat.–3.2.B)artikulua.

"B) Aitortutako eta konpentsatutako adjudikazio-soberakinak, salbu eta Kode Zibilaren 821. eta 829. artikuluetan, 1056. artikuluko bigarren paragrafoan eta 1062. artikuluko lehen paragrafoan xedatutakoa betetzetik eta oinarri berean funtsatutako foru zuzenbideko xedapenak betetzetik heldu direnak.

Konpentsatu gabeko adjudikazio-soberakinek tributatuko dute, betiere, oinordetzen eta dohaintzen gaineko zergaren arauen arabera".

Bi.–8.1.b) artikulua.

"b) Aurreko letran xedatutakoaren salbuespen gisa, etxebizitzen eskualdaketak, horien eranskin banaezinak barne, honela tributatuko du:

1. 100eko 5eko tasa aplikatuko da, baldin eta ondoko baldintza hauek betetzen badira:

a’) Eskuratzailea bi seme-alaba edo gehiagoz osatutako familia-unitate bateko kide izatea.

b’) Eskualdaketaren ondorioz etxearen jabari osoa eskuratzea, inoiz ere izan gabe lehenago usufruktuan eta jabetza soilean banaturiko jabariaren kontsolidazioaren ondorio.

c’) Etxebizitza familia-unitatearen ohiko bizileku gisa erabiltzea.

d’) Eskurapenaren unean, familia-unitateko ezein kide ez izatea Nafarroako Foru Komunitatean kokatutako beste etxebizitza baten 100eko 25en edo gehiagoren jabe.

Tasa murriztua gehienez ere 180.304 euroko zerga-oinarri bati aplikatuko zaio, eta bakarra izanen da familia-unitateko eta etxebizitzako.

Zerga-oinarri horrek kopuru hori gainditzen badu, 100eko 5eko tasa 180.304 eurori baizik ez zaie aplikatuko, eta hortik gorakoari, berriz, higiezinen eskualdaketei dagokien tasa orokorra.

Zenbaki honen ondorioetarako, familia-unitatearen kontzeptua ulertuko da pertsona fisikoen errentaren gaineko zergaren araudian ezarritako moduan.

2. 100eko 4ko tasa aplikatuko da, etxebizitza subjektu pasiboaren ohiko etxebizitza denean eta despopulazio arriskuan dagoen udalerri batean kokatuta dagoenean; toki administrazioaren eta despopulazioaren arloko eskumena duen departamentuko titularraren foru agindu bidez ezarriko da zein diren udalerri horiek. Eskualdaketa formalizatzen duen agiri publikoan berariaz agertu beharko da ohiko etxebizitza gisa erabiliko dela.

b) letra honen ondorioetarako, ohiko etxebizitzaren kontzeptua ulertuko da pertsona fisikoen errentaren gaineko zergaren araudian definitutako moduan.

Erregelamenduz ezarriko da letra honetan ezarritako baldintzak ziurtatzeko zein agiri behar diren".

Hiru.–35.I.B.26. artikulua, lehen paragrafoa.

"26. Mailegu eta kreditu hipotekarioen kontratuzko nobazioak formalizatzeko eskritura publikoak, egiten direnak martxoaren 9ko 6/2012 Errege Lege-dekretuaren babesean -baliabiderik gabeko zordun hipotekarioak babesteko presako neurriei buruzkoa- eta Jardunbide Egokien Kode berriaren babesean -zeina ezarri baitzen azaroaren 22ko 19/2022 Errege Lege-dekretuaren bitartez, zeinak ohiko etxebizitzaren gaineko hipoteka-maileguetan interes-tasen igoera samurtzeko Jardunbide Egokien Kode bat ezartzen baitu, baliabiderik gabeko zordun hipotekarioak babesteko presako neurriei buruzko martxoaren 9ko 6/2012 Errege Lege-dekretua aldatzen baitu eta hipoteka-maileguen merkatua hobetzeko bestelako neurri egiturazkoak hartzen baititu-, salbuetsirik egonen dira egintza juridiko dokumentatuen modalitateko notario-agirien mailakako kuotatik".

Lau.–35.I.B artikulua, 34. apartatua gehitzea.

"34. Emakumearen aurkako indarkeriaren ondorioz hildako emakumeen kasuan, indarkeria mota hori legeak edo Espainiak berretsitako nazioarteko tresnek definitzen duten moduan ulerturik, kalte-ordainak pagatzeko edozein tituluren bidez egindako ondasun edo eskubide eskualdaketak, judizialki aitortutako zenbatekoaren araberakoak, kalte-ordain horien onuradunak direnean hildako emakumeen kargura zeuden seme-alabak, tutoretzapeko adingabeak edo desgaitasuna duten eta beren gaitasun juridikoa gauzatzeko laguntza neurriak dituzten pertsonak".

Seigarren artikulua. Saltoki handien gaineko zerga.

2023ko urtarrilaren 1etik aurrerako ondorioekin, Zenbait zerga aldatu eta beste tributu-neurri batzuk hartzeari buruzko abenduaren 27ko 30/2018 Foru Legearen hamaikagarren artikuluko hiru.4 apartatuari c) letra gehitzen zaio:

"c) Beste autonomia erkidego baten hiriburutik 15 kilometro baino gutxiagora kokatutako saltokiak, baldin eta beste autonomia erkidego horretan ez badago saltoki handien gaineko zergaren antzeko zergarik, nahiz eta merkataritza-eremu berean egon".

Zazpigarren artikulua. Hondakinei eta haien Fiskalitateari buruzko Foru Legea.

2023ko urtarrilaren 1etik aurrerako ondorioekin, Hondakinei eta haien Fiskalitateari buruzko ekainaren 18ko 14/2018 Foru Legearen manu hauek testu hau izanen dute:

Bat.–V. titulua, I. kapitulua.

"I. kapitulua. Hondakinak hondakindegietan uztearen eta hondakinen errausketaren eta koerrausketaren gaineko zerga.

29. artikulua. Zergaren ordainarazpena.

Foru Komunitateari dagokio hondakinak hondakindegietan uztearen eta hondakinen errausketaren eta koerrausketaren gaineko zergaren ordainarazpena, Estatuaren eta Nafarroako Foru Komunitatearen arteko Hitzarmen Ekonomikoaren 40 quater artikuluan ezarritakoaren arabera.

30. artikulua. Izaera eta helburua.

1. Hondakinak hondakindegietan uztearen eta hondakinen errausketaren eta koerrausketaren gaineko zerga zeharkako tributu bat da, izaera erreala eta estrafiskala duena, eta ezartzen zaie Nafarroako Foru Komunitateko lurralde eremuan kokatutako hondakindegi eta errausketarako edo koerrausketarako instalazioetara, ezabatzeko edo balorizazio energetikoa egiteko, eramaten diren hondakinei.

Zergak eragindako diru-sarrerek lotura berariazkoa duen aurrekontu-partida bat osatuko dute hurrengo urteko Nafarroako Aurrekontu Orokorretan, "Hondakinen Funtsa" izenekoa.

Zergaren ondorioz biltzen den dirua foru lege honetan aurreikusitako helburuetarako baizik ez da erabiliko.

2. Haren helburua da hondakinak ekiditea, berrerabiltzeko prestatzea eta birziklatzea, zati organikoa lehentasunezko zatitzat hartuta, baita ingurumen-hezkuntza ere, bultzatu nahi baita gutxiago erabil daitezen hondakindegiak eta hondakinen errausketa eta koerrausketa.

31. artikulua. Kontzeptuak eta definizioak.

1. Zerga honen ondorioetarako, honako definizio hauek hartuko dira aintzat:

a) Hondakinen koerrausketarako instalazioa: definitzen da Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatzeko eta industria isuriei buruzko Erregelamenduko 2.15 artikuluan ezarritakoaren arabera. Urriaren 18ko 815/2013 Errege Dekretuaren bidez onetsi zen aipatu erregelamendua.

b) Hondakinen errausketarako instalazioa: definitzen da 16/2002 Legea garatzeko eta industria isuriei buruzko Erregelamenduko 2.18 artikuluan ezarritakoaren arabera.

c) D10 eragiketa gisa kodetutako udal hondakinen errausketarako instalazioa: udal hondakinak eta udal hondakinen errefusak errausteko instalazioa, ez dituena gainditzen Ekonomia zirkularrerako hondakinei eta lurzoru kutsatuei buruzko apirilaren 8ko 7/2022 Legearen II. eranskinean ezarritako atalaseak.

d) R01 eragiketa gisa kodetutako udal hondakinen errausketarako instalazioa: udal hondakinak eta udal hondakinen errefusak errausteko instalazioa, gainditzen dituena apirilaren 8ko 7/2022 Legearen II. eranskinean ezarritako atalaseak.

e) Kudeaketa bulegoa: hondakinak hondakindegietan uztearen eta hondakinen errausketaren eta koerrausketaren gaineko zerga kudeatzeko eskumena duen organoa, Zerga Administrazioko Estatu Agentziaren edo kasuan kasuko autonomia erkidegokoaren egitura organikoari buruzko araudiaren arabera.

f) Udal hondakinen errefusak: udal hondakinen tratamendutik ateratzen diren hondakinak, aipatzen direnak uztailaren 7ko 646/2020 Errege Dekretuaren IV. eranskineko 1. ataleko d), e) eta g) letretan. Errefustzat hartzen dira udal hondakinetatik eratorritako erregaiak eta berreskuratutako erregai solidoak.

g) Hondakinak: apirilaren 8ko 7/2022 Legearen 2.al) artikuluan definitzen direnak, lege beraren 3.2 eta 3.3 artikuluetan ezarritako salbuespenekin.

h) Hondakin geldoak: uztailaren 7ko 646/2020 Errege Dekretuaren 2.a) artikuluan definitutako hondakinak.

i) Udal hondakinak: apirilaren 8ko 7/2022 Legearen 2.av) artikuluan definitutako hondakinak.

j) Hondakindegia: hondakinak ezabatzeko instalazioa, haiek lur gainean edo lurpean utzita. Apirilaren 8ko 7/2022 Legearen III. eranskinean D01, D05 eta D12 gisa kodetutako eragiketak egiteko baimendutako instalazioak sartzen dira.

2. Kapitulu honetan agertzen diren eta substantibitate propioa duten kontzeptuei eta terminoei dagokienez, kapitulu honetan definitzen direnak salbu, zerga honen xedeko esparruan sartzen diren produktuei buruz Europar Batasuneko eta Estatuko araudian xedatzen dena bete beharko da.

32. artikulua. Zerga-egitatea.

Honako hau da zergaren zerga-egitatea:

1. Hondakinak entregatzea, haiek ezabatzeko, Nafarroako Foru Komunitatean dauden hondakindegi baimenduetan, titulartasun publikoa zein pribatua dutenetan.

2. Hondakinak entregatzea, haiek ezabatzeko edo balorizazio energetikoa egiteko, Nafarroako Foru Komunitatean hondakinen errausketarako dauden instalazio baimenduetan, titulartasun publikoa zein pribatua dutenetan.

3. Hondakinak entregatzea, haiek ezabatzeko edo balorizazio energetikoa egiteko, Nafarroako Foru Komunitatean hondakinen koerrausketarako dauden instalazio baimenduetan, titulartasun publikoa zein pribatua dutenetan.

33. artikulua. Salbuespenak.

Honako jarduera hauek zergaren aplikaziotik salbuetsita daude:

1. Hondakinak entregatzea hondakindegietan edo hondakinen errausketarako edo koerrausketarako instalazioetan, baldin eta agintari publikoek agindu badute ezinbesteko kasuetan, premia larriko egoeretan edo hondamendietan, edota suntsitu beharreko konfiskatutako ondasunak badira.

2. Hondakinak entregatzea hondakindegietan edo hondakinen errausketarako edo koerrausketarako instalazioetan, baldin eta hondakin horiek, beren aldetik, sortu badira zerga hau benetan ordaindu duten zergapeko beste eragiketa batzuetatik.

3. Hondakinak entregatzea hondakindegietan edo hondakinen errausketarako edo koerrausketarako instalazioetan, baldin eta legez nahitaezkoa bada hondakin horiek gisa horretako instalazioetan ezabatzea.

4. Administrazioek lurzoruen deskontaminaziotik datozen hondakinak hondakindegietan entregatzea, baldin eta ezin izan badira tokian bertan tratatu 9/2005 Errege Dekretuaren 7.3 artikuluan ezarritakoaren arabera, administrazioak subsidiarioki aritzen direnean, zuzenean edo zeharka, lurzoruak kutsatuak deskontaminatzeko jarduketetan, eta horiek legez deklaratu badira interes orokorreko jarduketa.

5. Hondakin geldoak entregatzea hondakindegietan, baldin eta hondakin horiek egokiak badira bertan leheneratze, egokitze edo betetze lanak egiteko, edota eraikuntzarako.

6. Hondakinak entregatzea hondakindegietan edo hondakinen errausketarako edo koerrausketarako instalazioetan, baldin eta hondakin horiek sortu badira udal hondakinen errefusenak ez diren tratamendu eragiketetatik, eta etorri badira tarteko tratamenduko eragiketak ez diren balorizazio eragiketak egiten dituzten instalazioetatik.

34. artikulua. Subjektu pasiboak: zergadunak eta ordezkoak.

1. Subjektu pasiboak dira, zergadun gisa, hondakinak hondakindegian ezabatzeko edo errausteko edo koerrausteko entregatzen dituztenak. Izaten ahal dira pertsona fisikoak edo juridikoak edo Tributuei buruzko abenduaren 14ko 13/2000 Foru Lege Orokorraren 25. artikuluan aipatzen diren nortasun juridikorik gabeko entitateak.

Zergaduna Nafarroako toki entitate bat denean, Nafarroako Hondakinen Erakunde Publikoak bete beharko ditu, entitateen beraien ordezkari gisa, haiek autolikidazioari eta sarrerari buruz dituzten zerga betebeharrak.

2. Zergaduna Nafarroako toki entitate bat denean izan ezik, zergadunen ordezko izanen dira hondakindegien edo hondakinen errausketarako edo koerrausketarako instalazioen titulartasuna dutenak. Izaten ahal dira pertsona fisikoak edo juridikoak edota 13/2000 Foru Legearen 25. artikuluan aipatzen diren nortasun juridikorik gabeko entitateak.

3. Zergadunaren ordezkoek zergadunei jasanarazi beharko diete zergaren ondorioz sortutako kuoten zenbatekoa, eta zergadunak behartuta egonen dira kuota horiek jasatera. Jasanarazpena ez da eskatuko Administrazioak egindako likidazioen kasuan eta zergadunak berak dagokion autolikidazioa aurkeztu behar duenean. Sortutako kuotak fakturan jasanaraziko dira, bertan jasotzen diren gainerako kontzeptuetatik bereizita.

35. artikulua. Sortzapena.

Zerga hau sortuko da hondakinak hondakindegian uzten direnean edo hondakinen errausketarako edo koerrausketarako instalazioetan errausten edo koerrausten diren unean.

36. artikulua. Zerga-oinarria.

1. Zerga-oinarria izanen da hondakindegietan utzitako, erraustutako edo koerraustutako hondakinen pisua, tona metrikoetan, hiru dezimalekin adierazita.

Aurreko apartatuan definitutako zerga-oinarria zehaztuko da zerga honen zerga-egitate diren jarduerak egiten diren instalazio bakoitzeko.

2. Zerga-oinarria, oro har, zuzeneko zenbatespenaren bidez finkatuko da, instalazioetako pisatze sistemen bidez.

3. Administrazioak zerga-oinarria zuzeneko zenbatespenaren bidez zehazterik ez badu, zeharkako zenbatespenaren bidez eginen du, 13/2000 Foru Legearen 43. artikuluan ezarritakoari jarraikiz.

Zerga-oinarria zeharkako zenbatespenaren bidez zehazteko, utzitako, erraustutako edo koerraustutako hondakinen pisua kalkulatzeko erabil daitekeen edozein datu, inguruabar edo aurrekari erabiltzen ahalko da, eta, bereziki, hondakinen bolumenaren jasotze topografikoa eta utzitako, erraustutako edo koerraustutako hondakinen karakterizazioa, hots, dentsitatea eta osaera zehaztea.

37. artikulua. Kuota osoa.

1. Kuota osoa kalkulatuko da zerga-oinarriari dagokion karga-tasa aplikatuz:

a) Hondakin ez-arriskutsuen hondakindegietan utzitako hondakinen kasuan:

1. Udal hondakinak badira: 40 euro tona metrikoko.

2. Udal hondakinen errefusak badira: 30 euro tona metrikoko.

3. Aurreko 1. eta 2. zenbakietan zehaztutakoak ez diren hondakinak badira: 15 euro tona metrikoko.

b) Hondakin arriskutsuen hondakindegietan utzitako hondakinen kasuan:

1. Hondakinak aldez aurreko tratamendutik salbuetsitakoak badira, uztailaren 7ko 646/2020 Errege Dekretuaren 7.2 artikuluan ezarritako baldintzen arabera: 8 euro tona metrikoko.

2. Bestelako hondakinak badira: 5 euro tona metrikoko.

c) Hondakin geldoen hondakindegietan utzitako hondakinen kasuan:

1. Hondakinak aldez aurreko tratamendutik salbuetsitakoak badira, uztailaren 7ko 646/2020 Errege Dekretuaren 7.2 artikuluan ezarritako baldintzen arabera: 3 euro tona metrikoko.

2. Bestelako hondakinak badira: 1,5 euro tona metrikoko.

d) D10 eragiketa gisa kodetutako ezabatze eragiketak egiten dituzten udal hondakinen errausketarako instalazioen kasuan: 20 euro tona metrikoko.

e) R01 eragiketa gisa kodetutako balorizazio eragiketak egiten dituzten udal hondakinen errausketarako instalazioen kasuan: 20 euro tona metrikoko.

f) Hondakinen errausketarako bestelako instalazioen kasuan: 20 euro tona metrikoko.

g) Hondakinen koerrausketarako instalazioetan koerraustutako hondakinen kasuan: 0 euro tona metrikoko.

2. Hondakinen errausketarako instalazioen titularrek, 1. apartatuko d) eta e) letretan ezarritako zerga-tasak aplikatzeko, Nafarroako Gobernuak egindako jakinarazpena izan beharko dute. Jakinarazpen horretan adieraziko dira energia-efizientziaren balioa eta eragiketaren sailkapena (D10 edo R01 gisa sailkatua dagoen), Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatzeko eta industria isuriei buruzko Erregelamenduko 40.2 artikuluan ezarritakoaren arabera.

38. artikulua. Zergaren kudeaketa.

1. Nafarroako Hondakinen Erakunde Publikoak, zergadunaren ordezkoek edo, hala dagokionean, zergadunek zergaren autolikidazioa aurkeztu beharko dute, zerga kuota kalkulatu, eta dagokion diru-sarrera egin, betiere tributuen arloko eskumena duen departamentuko titularrak foru agindu baten bidez ezarritako moduan, tokian eta epeetan.

Nafarroako Hondakinen Erakunde Publikoak ordaindutako zerga modu proportzionalean banatuko da toki entitateen artean, kontuan harturik haietako bakoitzak tratamendurako edo isurketarako instalazioetan entregatutako hondakinen kantitatea eta kalitatea, eta entitate horiek beharturik daude dagokien zatia ordaintzera Nafarroako Hondakinen Erakunde Publikoari.

2. Autolikidazioaren aldian zerga-egitaterik bat ere gertatu ez arren, berdin-berdin aurkeztu beharko da autolikidazioa.

3. 1. apartatuan ezarritakoaren arabera autolikidazioak aurkeztu behar dituztenek nahitaez inskribatu beharko dute, jarduera hasi aurretik, hondakinak hondakindegietan uztearen eta hondakinen errausketaren eta koerrausketaren gaineko zergaren lurralde-erregistroan. Tributuen arloko eskumena duen departamentuko titularraren foru agindu baten bidez arautuko da lurralde-erregistro hori, eta baita bertan inskribatzeko prozedura ere.

4. Hondakindegien edo hondakinen errausketarako edo koerrausketarako instalazioen titularrak diren subjektu pasiboek datadun erregistro bat eraman beharko dute utzitako, erraustutako eta koerraustutako hondakinei buruz. Betebehar hori betetzat joko da Ekonomia zirkularrerako hondakinei eta lurzoru kutsatuei buruzko apirilaren 8ko 7/2022 Legearen 64. artikuluan aipatzen den artxibo kronologikoa eramaten bada.

Tributuen arloko eskumena duen departamentuko titularraren foru agindu baten bidez garatzen ahalko da aipatu erregistroaren erregulazioa.

5. Hondakindegien eta errausketarako edo koerrausketarako instalazioen titularrak behartuta daude instalazio publiko edo pribatuetan, errausteko edo koerrausteko edo bertan isurtzeko, entregatzen diren hondakinen pisaketa-datuak deklaratu eta frogatzera.

Horren ondorioetarako, hondakindegietako, tratamendurako instalazioetako eta errausketa edo koerrausketa egiten den instalazioetako sarreran behar diren pisaketa sistemak instalatuko dira, 51. artikuluan ezarritakoarekin bat. Hori guztia, Nafarroako Foru Komunitateko Administrazioak egiaztatzen ahal izan dezan sistema horiek funtzionamendu egoera onean daudela, baita hondakinen datuen igorpena eta trazabilitatea ere.

39. artikulua. Arau-hausteak eta zehapenak.

1. Deusetan galarazi gabe 2. apartatuan xedatutakoa, zerga honi dagozkion arau-hausteak 13/2000 Foru Legean xedatutakoaren arabera kalifikatu eta zehatuko dira.

2. Tributuen arloko arau-haustea da ez inskribatzea hondakinak hondakindegietan uztearen eta hondakinen errausketaren eta koerrausketaren gaineko zergaren lurralde-erregistroan.

Arau-hauste hori 1.000 euroko diruzko isun finkoarekin zehatuko da.

Kasu horretan, Tributuei buruzko 13/2000 Foru Legearen 71.4 artikuluan xedatutakoa aplikatuko da".

Bi.–Zortzigarren xedapen gehigarria.

"Zortzigarren xedapen gehigarria.–Hondakinen fluxuak eta hondakinen funtsaren banaketa 2024ko urtarrilaren 1etik aurrera.

Hondakinen funtsaren banaketaren ondorioetarako, 2024ko urtarrilaren 1etik aurrera "etxeko hondakinak" "udal hondakintzat" hartuko dira, eta gainerako hondakinak "bestelako hondakintzat".

Hiru.–Lehen xedapen iragankorra.

"Lehen xedapen iragankorra.–Nafarroako Hondakinen Erakunde Publikoa sortzea eta Nafarroako Hondakin Solidoen Tratamendurako Partzuergoa desegitea.

1. Nafarroako Gobernuak, foru lege honek indarra hartzen duenetik sei hilabeteko epean, Nafarroako Hondakinen Erakunde Publiko bat sortzea sustatuko du, foru lege honen 15. artikuluan xedatutakoari jarraikiz.

Nafarroako Hondakinen Erakunde Publikoa sortzeak berekin ekarriko du Nafarroako Hiri Hondakinen Tratamendurako Partzuergoa desegitea, aplikatu beharreko araudian ezarritakoarekin bat.

2. Nafarroako Hondakinen Erakunde Publikoa sortu bitartean, Nafarroako Hiri Hondakinen Tratamendurako Partzuergoak bere gain hartuko ditu foru lege honek aipatu erakundeari esleitzen dizkion eginkizunak eta betebeharrak hondakinak hondakindegian ezabatzearen eta erraustearen gaineko zergaren kudeaketari, Hondakinen Funtsa urtero banatzeko nahitaezko kontsultari eta gainerako lankidetza- eta aholku-eginkizunei dagokienez.

Bereziki, egoera hori gertatu arte, Partzuergoak bere gain hartuko ditu, aldi baterako, zergaren zerga-oinarria zehazteari dagokionez Erakunde Publikoari esleitutako eginkizunak.

Bestalde, eta epemuga berberarekin, Erakunde Publikoari esleitutako eginkizuna, zergaren autolikidazioa, sarrera eta banaketa egitekoa (34.1 eta 38.1 artikuluetan jasotzen da), Partzuergoak beteko du haren kide diren entitateen ordezkari gisa.

Denbora-tarte berean, Iruñerriko Mankomunitateak bere izenean eginen ditu berak hondakindegietan deuseztatzeko entregatzen dituen hondakinengatik dagozkion zergaren autolikidazioa eta sarrera egiteko eginkizunak".

Lau.–Hirugarren xedapen iragankorra, gehitzea.

"Hirugarren xedapen iragankorra.–Hondakin industrial jakin batzuei aplikatu beharreko araubidea, hondakinak hondakindegietan uztearen eta hondakinen errausketaren eta koerrausketaren gaineko zergari dagokionez.

2023ko urtarrilaren 1etik aurrerako hiru urteetan, hondakinak hondakindegietan uztearen eta hondakinen errausketaren eta koerrausketaren gaineko zergatik salbuetsita izanen da hasierako ekoizleak bere instalazioetan dauden hondakindegietan hondakin industrial ez-arriskutsuak entregatzea, baldin eta bere titulartasunekoak eta soilik berak erabiltzeko badira hondakindegi horiek".

Zortzigarren artikulua. Tributuei buruzko Foru Lege Orokorra.

Tributuei buruzko abenduaren 14ko 13/2000 Foru Lege Orokorraren manu hauek honako testu hau izanen dute:

Bat.–71.1.b) artikulua.

"b) Zerga-Administrazioaren jarduketei gogor edo uko egitea nahiz aitzakiak bilatzea, edo haren ikerlanari oztopoak jartzea kudeaketa, ikuskatze edo bilketa faseetan.

Inguruabar hori gertatzen bada arau-hauste astun bat egin denean, zehapenaren portzentajea ehuneko 20tik ehuneko 60ra bitarte handituko da.

Inguruabar hori gertatzen bada arau-hauste soil bat egin denean, zehapenaren zenbatekoa handituko da gehieneko zenbatekoaren ehuneko 20tik ehuneko 40ra bitarte. Horrez gain, behar den bezala jakinarazpena eta ohartarazpena jaso eta gero, zergapekoak ez badie administrazio horren errekerimenduei erantzun, zenbateko hauek gehituko dira:

a’) 300 euro, bigarren aldia bada errekerimendu bat betetzen ez dela.

b’) 600 euro, hirugarren aldia edo hurrengoa bada errekerimendu bat betetzen ez dela".

Bi.–105 bis 4 eta 5 (bigarren paragrafoa) artikulua.

"4. Artikulu honetan arautzen diren argitalpen erabakiak hartzeko eskumena Nafarroako Foru Ogasuneko zuzendari kudeatzaileak izanen du, eta argitalpena, edozein kasutan, urte bakoitzeko ekainean egin beharko da".

"Hori gorabehera, zorduna ez da zerrendan sartuko ordaintzeko dauzkan zorrak ekainaren 1a baino lehen ordaintzen baditu, edo, zerrendan sartzeko proposamena maiatzaren 21aren ondoren egin bada, 10 eguneko epean, jakinarazten zaionetik kontatzen hasita".

Hiru.–124.3 artikulua, 3., 4. eta 5. apartatuen egungo edukia 4., 5. eta 6. apartatuetako edukia izanen da.

"3. Enbargo-eginbidearen aurka egiteko arrazoi hauek baino ez dira onartuko:

a) Zorra iraungitzea edo ordainketa exijitzeko eskubidea preskribatzea.

b) Premiamendu-probidentziaren jakinarazpena ez egitea.

c) Foru lege honetan enbargoari buruz jasotako arauak ez betetzea.

d) Diru bilketako prozedura etetea".

Lau.–Hemezortzigarren xedapen gehigarria, 2. eta 3. apartatuak indargabetzea eta 1. apartatuko zenbakia kentzea.

Bost.–Hogeita hamahirugarren xedapen gehigarria.

"Hogeita hamahirugarren xedapen gehigarria.–Plangintza fiskaleko mugaz gaindiko mekanismoei buruzko informazioa emateko betebeharra.

1. Kontseiluaren 2011ko otsailaren 15eko 2011/16/EB Zuzentarauaren (fiskalitatearen arloko lankidetza administratiboari buruzkoa eta 77/799/EEE Zuzentaraua indargabetzen duena) 3. artikuluaren 21. eta 22. apartatuen arabera, betebehar honen ondorioetarako bitartekari edo zergapeko interesdun diren pertsonek edo entitateek honako informazio hau eman beharko diote Zerga Administrazioari, foru lege honen 27.5 eta 103. artikuluetan xedatutakoaren arabera eta tributuen arloko eskumena duen departamentuko titularrak ezarritako baldintzetan:

a) Esku hartzen edo parte hartzen duten mugaz gaindiko mekanismoei buruzko informazioa (Kontseiluaren 2011/16/EB Zuzentarauaren 3.18 artikuluan definitutakoak), zuzentarau horren IV. eranskinean zehaztutako ezaugarri bereizgarriren bat gertatzen denean.

b) Kontseiluaren 2011/16/EB Zuzentarauaren 3.24 artikuluan aipatzen diren mugaz gaindiko mekanismo merkaturagarrien eguneratzeari buruzko informazioa.

c) Espainian a) eta b) letretan aipatzen diren plangintza fiskaleko mugaz gaindiko mekanismoak erabiltzeari buruzko informazioa.

Informazioa emateko betebehar honen ondorioetarako, ez dira aitortu beharreko plangintza fiskaleko mugaz gaindiko mekanismotzat hartuko mugaz gaindiko akordio, negozio juridiko, eskema edo eragiketak, oinarrituta badaude komunikatutako eta Europako Batzordearen erabaki bidez berariaz baimendutako araubide fiskaletan.

2. Informazioa emateko betebeharretik salbuetsita egonen dira -Kontseiluaren 2011/16/EB Zuzentarauaren 8 bis ter.5) artikuluak aipatzen duen sekretu profesionalaren betebeharragatik- zuzentarau horren arabera bitartekari gisa hartzen direnak, egindako jarduera edozein dela ere, zuzentarauak jasotzen dituen mugaz gaindiko mekanismoetako batean aholkulari lanak egin badituzte (diseinuan, merkaturatzean, antolaketan, gauzatzeko eskura jarri edo hura gauzatzeko kudeaketan), haien helburu bakarra mekanismoa aplikagarria den araudira egokitzen dela ebaluatzea izan bada, baina horren ezarpenean lagundu gabe.

Sekretu profesionalaren betebeharra duen bitartekaria betebehar horretatik libre gelditzen ahalko da interesdun den zergapekoak modu fede-emailean komunikaturik emandako baimenaren bitartez.

3. Bitartekariek 2011/16/EB Zuzentarauak aipaturiko plangintza fiskaleko mekanismoei buruz informatzeko betebeharra betetzea, legez beharturiko moduan, ez da izanen -aplikagarria den araubide juridikoarekin bat- kontratuz edo araudiz ezarritako informazio-zabalpenaren gaineko murriztapenen urraketa, eta subjektu behartuei ez die inolako erantzukizunik ekarriko informazio horren titular den zergapeko interesdunarekiko.

4. Tributuen arloko arau-hausteak hauek dira:

a) Xedapen gehigarri honetan aipatzen diren aitorpen informatiboak epearen barruan ez aurkeztea.

Zehapena 2.000 euroko diruzko isun finkoa izanen da aitorpenean jaso beharreko mekanismo berari buruzko datu edo datu-multzo bakoitzeko, gutxienez 4.000 eurokoa, eta gehienez mekanismo bakoitzak jasotako edo jasoko dituen ordainsarien zenbatekoaren baliokidea edo mekanismo bakoitzetik eratorritako ondorio fiskalaren zenbatekoaren baliokidea, 5. apartatuan ezarritako moduan kalkulatuta, arau-hauslea bitartekaria edo zergapeko interesduna den, hurrenez hurren. Gehieneko muga ez da aplikatuko 4.000 euro baino gutxiagokoa denean.

Aurrekoa gorabehera, mugaz gaindiko mekanismo batek baliorik ez badu zerga arloko departamentu eskudunaren titularrak ezarritako baldintzetan, eta arau-hauslea zergapeko interesduna bada, bitartekariak jasotako edo jasoko dituen ordainsarien baliokidea izanen da gehieneko muga.

Ordainsaririk ez dagoenean, muga izanen da bitartekari izaera ekarri duen jardueraren merkatu-balioa, kalkulatua Sozietateen gaineko Zergari buruzko abenduaren 28ko 26/2016 Foru Legearen 28.2 artikuluan xedaturikoaren arabera.

Aurreko gehieneko mugak aplikatzeko, arau-hausleak muga horien konkurrentzia eta neurria egiaztatu beharko ditu.

Paragrafo honetan ezarritako zehapena eta gehieneko nahiz gutxieneko mugak erdira murriztuko dira, informazioa epez kanpo aurkeztu denean, Zerga Administrazioak aurretiazko errekerimendurik egin gabe.

Epe barruan aurkezten badira aitorpen osatugabeak, zehaztugabeak edo datu faltsuekin egindakoak, eta, ondoren, aldez aurreko errekerimendurik gabe, epez kanpo aurkezten bada aurrekoen osagarri edo ordezko den aitorpenik, ez da gertatuko apartatu honen b) letran, epe barruan aurkeztutako aitorpenei dagokienez, aipatzen den arau-haustea, eta epez kanpo aitortutakoari dagokionez paragrafo hau aplikatzearen ondoriozko zehapena ezarriko da.

b) Xedapen gehigarri honetan aipatzen diren aitorpen informatiboak osatu gabe, zehaztu gabe edo datu faltsuekin aurkeztea.

Zehapena 2.000 euroko diruzko isun finkoa izanen da aitorpenean sartu beharreko mekanismo bati buruzko datu edo datu-multzo osatugabe, zehaztugabe edo faltsu bakoitzeko, gutxienez 4.000 eurokoa, eta gehienez mekanismo bakoitzeko jasotako edo jasoko diren ordainsarien zenbatekoaren baliokidea edo mekanismo bakoitzetik eratorritako ondorio fiskalaren balioaren baliokidea, 5. apartatuan ezarritako moduan kalkulatuta, arau-hauslea bitartekaria edo zergapeko interesduna den, hurrenez hurren. Gehieneko muga ez da aplikatuko 4.000 euro baino gutxiagokoa denean.

Aurrekoa gorabehera, mugaz gaindiko mekanismo batek baliorik ez duenean erregelamendu bidez ezarritako moduan, eta arau-hauslea zergapeko interesduna denean, bitartekariak jasotako edo jaso beharreko ordainsarien baliokidea izanen da gehieneko muga.

Ordainsaririk ez dagoenean, muga izanen da bitartekari izaera ekarri duen jardueraren merkatu-balioa, kalkulatua Sozietateen gaineko Zergari buruzko abenduaren 28ko 26/2016 Foru Legearen 28.2 artikuluan xedaturikoaren arabera.

Aurreko gehieneko mugak aplikatzeko, arau-hausleak muga horien konkurrentzia eta neurria egiaztatu beharko ditu.

c) Xedapen gehigarri honetan aipatzen diren aitorpen informatiboak bitarteko elektroniko, informatiko eta telematikoak ez diren beste bitarteko batzuen bidez aurkeztea, bitarteko horien bidez aurkezteko betebeharra dagoen kasuetan.

Zehapena 250 euroko diruzko isun finkoa izanen da, aitorpenean jaso beharreko mekanismo berari buruzko datu edo datu-multzo bakoitzeko, gutxienez 750 eurokoa eta gehienez 1.500 eurokoa.

d) Xedapen gehigarri honetan erregulatutako arau-hausteak eta zehapenak bateraezinak dira 67.1.a) eta 72.1 artikuluetan ezarritakoekin.

5. Efektu fiskalaren baliotzat joko da aitorturiko mekanismoak tributu-zorretan sortu duen emaitza, zeinak barne hartu beharko baitu aurrezki fiskala, hala badagokio.

Ondorio horietarako, honako hau izanen da aurrezki fiskala: aitortu beharreko mugaz gaindiko mekanismoa egin izan ez balitz edo mekanismo horren bitartez zerga-egitatea egotea erabat edo partez saihesteagatik oinarriari edo zerga-kuotari aplikatzen zaion eta tributu-zorrari eragiten dion edozein murriztapen, baita tributu-zorraren sortzapenaren gerorapena ere. Aurrezki fiskaltzat joko da, orobat, oinarriak, kuotak, kenkariak edo etorkizunean konpentsatzeko edo kenkaria egiteko modukoa den beste edozein kreditu fiskal sortzea.

Mekanismoan parte-hartzaile direnean enpresa elkartuen izaera duten entitateak edo pertsonak (2011/16/EB Zuzentarauaren 3.23) artikuluak halakotzat hartzen dituenak), aurrezki fiskala egoteari buruzko kalifikazioa, letra honen ondorioetarako, eginen da aintzat harturik entitate elkartu guztien gaineko ondorioak, aurreko paragrafoan aipatutakoak, zein ere den tributazio-jurisdikzioa".

Sei.–Hogeita hamalaugarren xedapen gehigarria.

"Hogeita hamalaugarren xedapen gehigarria.–Partikularren artean sorturiko betebeharrak, plangintza fiskalerako mugaz gaindiko mekanismoei buruzko informazioa emateko betebeharraren ondoriozkoak.

1. Sekretu profesionalaren betebeharraren ondorioz mugaz gaindiko plangintza fiskaleko mekanismoen aitorpena aurkeztetik salbuetsita dauden bitartekariak behartuta egonen dira salbuespen horren berri modu fede-emailean ematera mekanismo horietan parte hartzen duten gainerako bitartekariei eta zergapeko interesdunei. Horiena izanen da aitorpena aurkezteko betebeharra, tributuen arloko eskumena duen departamentuko titularrak ezartzen duen moduan.

2. Aitorpena egitera legez behartuta dauden eta aitorpena aurkeztu duten pertsonek edo entitateek aurkezpen horren berri eman beharko diete, modu fede-emailean eta tributuen arloko eskumena duen departamentuko titularrak ezarritako baldintzetan, gainerako bitartekariei edo, hala badagokio, gainerako zergapeko interesdunei, eta, horren arabera, aitorpena egiteko betebeharretik salbuetsita geratuko dira.

3. Tributuen arloko arau-hausteak hauek dira:

a) 1. apartatuan aipatzen den komunikazioa ezarritako epean ez egitea edo komunikazioa egitea datuak kenduta edo datu faltsuak, osatugabeak edo zehaztugabeak sartuta.

Arau-haustea 600 euroko diruzko isun finko batez zehatuko da.

Komunikazioa epe barruan ez egiteaz gain, dagokion plangintza fiskaleko mugaz gaindiko mekanismoaren aitorpenik -hogeita hamahirugarren xedapen gehigarriaren 1.a) apartatuan aipatzen dena- ez badu egiten beste bitartekari batek edo, hala badagokio, zergapeko interesdunak, komunikazioa egin izan balitz aitorpena aurkeztu beharko zukeenak, zehapena izanen da aipatutako aitorpena ez aurkezteagatiko arau-hausteari dagokiona, hogeita hamahirugarren xedapen gehigarriaren 4.a) apartatuan aurreikusten dena.

b) 2. apartatuan aipatzen den komunikazioa ezarritako epean ez egitea, edo komunikazioa egitea datuak kenduta edo datu faltsuak, osatugabeak edo zehaztugabeak sartuta.

Arau-haustea 600 euroko diruzko isun finko batez zehatuko da".

Zazpi.–Hogeita hemezortzigarren xedapen gehigarria, gehitzea.

"Hogeita hemezortzigarren xedapen gehigarria. Zerga zorra geroratzeko edo zatikatzeko, 2023an egiten diren eskaerei aplikatu beharreko neurri berariazkoak.

Tributu-zorra geroratzeko edo zatikatzeko 2023an egiten diren eskaerei, baldin eta diru-bilketaren kudeaketa lana tributuen arloan eskumena duen departamentuari badagokio, hogeita hamazazpigarren xedapen gehigarrian ezarritakoa aplikatuko zaie".

Zortzi.–Seigarren xedapen iragankorra, bigarren paragrafoa, 2023ko urtarrilaren 1etik aurrerako ondorioekin.

"Aurrekoa gorabehera, 2023an beren ondorioei eutsiko diete Erregistro Fiskal horretan lehendik dauden inskripzioek, bikote egonkorra inskribatu arte Nafarroako Foru Komunitateko bikote egonkorren Erregistro Bakarrean, apirilaren 14ko 27/2021 Foru Dekretuan araututakoan, edo aplikatzekoa zaion araudiaren arabera dagokion erregistroan".

Bederatzigarren artikulua.–Fundazioen eta babes jardueren tributu araubidea erregulatzen duen Foru Legea.

Fundazioen eta babes jardueren tributu araubidea erregulatzen duen uztailaren 2ko 10/1996 Foru Legearen manu hauek honako testu hau izanen dute:

Bat.–15. artikulua.

"15. artikulua. Tributu araubide bereziaren aukera.

1. Foru lege honetan araututako tributu araubideari heldu nahi dioten fundazioek erregistro orokor elektronikoaren bidez jakinarazi beharko diote Nafarroako Foru Ogasunaren barruan fundazioen arloko eskumena duen zerbitzuari, eta araubide hari lotuta geratuko dira hura aplikatzeko baldintzak betetzen badituzte eta modu berean jakinarazten ez duten bitartean araubideari uko egin diotela.

2. Jakinarazpena egin beharko da entitatea Nafarroako Fundazioen Erregistroan inskribatzen denean. Nafarroako Foru Ogasunaren barruan fundazioen eskumena duen zerbitzuak argibideak eta datu osagarriak eskatzen ahalko dizkie interesdunei, fundazioaren eta estatutuen klausulak zehatz-mehatz ezagutzeko.

Jakinarazpena egin eta 3 hilabeteko epean entitateak ukoaren berariazko jakinarazpenik jaso ez badu, ulertuko da tributu araubide berezia aplikatzen ahal duela.

3. Zerga araubide berezia aplikatzea ukatzen ez bada, Nafarroako Fundazioen Erregistroan inskribatzen denetik aplikatuko da, salbu eta araubidearen aldeko aukeraren berri aurkezten denerako hilabete baino gehiago igaro bada inskripzioaren datatik; horrelakoetan, fundazioen arloko eskumena duen zerbitzuak espresuki komunikatuko du zein den haren aplikazio data.

Era berean, tributu araubide bereziaren aplikazio data jakinaraziko da, baldin eta jakinarazpen datatik atzerapenak gertatzen badira dokumentazioa aztertzean, fundazioari egotz dakizkiokeen arrazoiengatik".

Bi.–16. artikulua. Indargabetzea.

Hiru.–39.1.a), 2.a) eta 4 artikulua, 2023ko urtarrilaren 1etik aurrera hasten diren zergaldietarako ondorioekin.

"a) Kenkari hauen aurreko zerga-oinarriaren ehuneko 30 eta, hala behar denean, foru lege honen 42. eta 47. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

"a) Kenkari hauen aurreko zerga-oinarriaren ehuneko 10 eta, hala behar denean, foru lege honen 42. eta 47. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

"4. Artikulu honetan jasotako kenkarien mugak bateragarriak izanen dira foru lege honen 42. eta 47. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aurreikusitakoekin".

Lau.–42.1.a) eta 3 artikulua, 2023ko urtarrilaren 1etik aurrera hasten diren zergaldietarako ondorioekin.

"a) Kenkari honen aurreko zerga-oinarriaren ehuneko 5 eta, hala behar denean, foru lege honen 37. eta 47. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

"3. Kenkariaren muga bateragarria izanen da foru lege honen 37. eta 47. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aurreikusitakoekin".

Bost.–47.2.a) eta 4 artikulua, 2023ko urtarrilaren 1etik aurrera hasten diren zergaldietarako ondorioekin.

"a) Kenkari honen aurreko zerga-oinarriaren ehuneko 5 eta, hala behar denean, foru lege honen 37. eta 42. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

"4. Kenkariaren muga bateragarria izanen da foru lege honen 37. eta 42. artikuluetan eta hamargarren, hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aurreikusitakoekin".

Sei.–48. artikulua.

"48. artikulua. Zerga-onurak aplikatzeko baldintza komunak.

Titulu honetan aurreikusitako zerga onuren aplikazioak honako baldintza hau izanen du: entitate onuradunek Zerga Administrazioari informazioa ematea jasotako dohaintzei eta ekarpenei buruz, tributu araudian ezarritako ereduen arabera".

Zazpi.–Bigarren xedapen gehigarria. 1.3 eta 2. apartatuak, eta 3. eta 4. apartatuak gehitzea 2. apartatuko egungo edukia 4. apartatukoa izanen da.

"3. Garapenerako gobernuz kanpoko erakundeak, garapenerako nazioarteko lankidetzaren arloko eskumena duen ministerioaren dagokion erregistroan inskribatuta daudenak, foru lege honetan aurreikusitako betekizunak eta baldintzak betetzen badituzte.

2. 1. apartatuan aipatzen diren entitateek tributu araubide berezia aplikatu nahi badute, erregistro orokor elektronikoaren bidez horren berri eman beharko diote Nafarroako Foru Ogasunean fundazioen eta irabazi-asmorik gabeko entitateen arloko eskumena duen zerbitzuari, eta hari lotuta geratuko dira hura aplikatzeko baldintzak betetzen badituzte eta modu berean araubideari uko egin diotela jakinarazten ez badute.

Aukeraketaren jakinarazpena entitatea dagokion erregistroan inskribatu ondoren aurkezten ahalko da, eta inskripzio horren egiaztagiria aurkeztu beharko da. Elkarteen kasuan, onura publikokotzat jotzen direnean aurkezten ahalko da jakinarazpena, eta horretarako dagokion ebazpena aurkeztu beharko da.

3. Nafarroako Foru Ogasunean fundazioen eta irabazi-asmorik gabeko entitateen arloko eskumena duen zerbitzuak argibideak eta datu osagarriak eskatzen ahalko dizkie interesdunei, entitateak fundazio, onura publikoko elkarte edo garapenerako gobernuz kanpoko erakunde izateko baldintzak betetzen dituela egiaztatzeko.

Jakinarazpena egin eta 3 hilabeteko epean entitateak ukoaren berariazko jakinarazpenik jaso ez badu, ulertuko da tributu araubide berezia aplikatzen ahal duela.

Aplikatzea ukatzen ez bada, tributu araubide bereziaren aukeraketa jakinarazten den egunetik aplikatuko da, salbu eta jakinarazpena egiten denetik dokumentazioa aztertzean atzerapenak gertatzen badira erakundeari egotz dakizkiokeen arrazoiengatik; kasu horretan, fundazioen eta irabazi-asmorik gabeko erakundeen arloko eskumena duen zerbitzuak tributu araubide berezia noiz aplikatuko den jakinaraziko du".

Zortzi.–Hamargarren xedapen gehigarria. 7, bosgarren paragrafoa, eta 9.b), 2023ko urtarrilaren 1etik aurrera hasten diren zergaldietarako ondorioekin.

"–Kenkari honen aurreko zerga-oinarriaren ehuneko 30 eta, hala behar denean, foru lege honen 37., 42. eta 47. artikuluetan eta hamabigarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

"b) Emandako egiaztagirien edukia jakinaraztea Zerga Administrazioari, zerga arloko araudian ezarritako ereduekin".

Bederatzi.–Hamaikagarren xedapen gehigarria.

"Hamaikagarren xedapen gehigarria.–Zerga-onuren bateraezintasuna.

Foru lege honetan ezarritako zerga-onurak elkarren artean bateraezinak izanen dira zenbateko eta kontzeptu berberetarako. Bateraezinak izanen dira, halaber, Nafarroako Foru Komunitatean kultur mezenasgoa eta haren zerga-pizgarriak arautzen dituen Foru Legean ezarritakoekin".

Hamar.–Hamargarren xedapen gehigarria.7.Lehena, eta 9.b), 2023ko urtarrilaren 1etik aurrera hasten diren zergaldietarako ondorioekin.

"Lehena. Kenkari honen aurreko zerga-oinarriaren ehuneko 30 eta, hala behar denean, foru lege honen 37., 42. eta 47. artikuluetan eta hamargarren eta hamahirugarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

"b) Emandako egiaztagirien edukia jakinaraztea Zerga Administrazioari, zerga arloko araudian ezarritako ereduekin".

Hamaika.–Hamahirugarren xedapen gehigarria, 2023ko urtarrilaren 1etik aurrera hasten diren zergaldietarako ondorioekin.

"Hamahirugarren xedapen gehigarria.–Kirol mezenasgorako zerga-pizgarriak.

1. Xedapen honen ondorioetarako, kirol mezenasgoa da Nafarroako Foru Komunitateko kirol administrazioak gizarte interesekotzat deklaratzen dituen iraupen mugatuko kirol jardueren finantzaketan parte-hartze pribatua izatea.

2. Horretarako, gizarte interesekotzat deklaratu ahal izanen dira honako jarduera hauek:

a) Kirol jarduerak, prestakuntza, sustapen, osasun eta ikerketakoak, kirol arloan.

b) Kirol jarduerak, beharrizan bereziak dituzten pertsonei bideratuak, haien artean hartuta adindunak, sedentarismotik eta bizimodutik eratorritako patologiak dituztenak, desgaitasuna dutenak, etorkinak eta kolektibo behartsuak.

c) Kirol jarduerak eta programak, oinarrizko kirola eta eskola-adinean sustatzera bideratuak.

d) Kirola sustatzeko, ingurune naturala zaindu eta gordetzeko eta Nafarroako Foru Komunitateko Bideen Sarea lehengoratu eta hobetzeko jarduerak.

e) Kirol autoktono edo tradizionalak berreskuratu eta sustatzeko jarduerak.

3. Ezin izanen dira inola ere gizarte interesekotzat deklaratu, kirol mezenasgoaren ondorioetarako, lehiaketa federatuetako partaidetza diren kirol jarduerak.

4. Xedapen honen ondorioetarako, honakoak dira pertsona eta entitate onuradunak:

a) Irabazi asmorik gabeko kirol entitateak, Nafarroako Kirolaren Erregistroan inskribatuak.

b) Nafarroan helbideratutako fundazioak, haien xedeen artean Nafarroako kirola sustatu eta garatzea dutenak.

c) Nafarroako kirol federazio batean afiliatuta egon eta egoitza fiskala Nafarroan duten Nafarroako kirolariak.

d) Nafarroako Foru Komunitateak eta Nafarroako toki entitateak, bai eta haien menpeko erakunde autonomo eta fundazio publikoak ere.

e) Nafarroan kokaturiko unibertsitateak.

Apartatu honetan xedatutakoaren ondorioetarako, kirol jarduerak betetzen dituzten pertsona fisikoak ez dira onuradunak izanen kasuko mezenasgo modalitateak ezkontideak, izatezko bikotekide egonkorrak, hirugarren gradu arteko aurreko, ondorengo nahiz alboko ahaideek edo pertsona fisiko horrekin batera errenta esleipeneko araubideko entitate bateko kide direnek haientzat eginak badira.

Era berean, kirol jarduerak betetzen dituzten pertsona fisikoak edo entitateak ez dira onuradun izanen jasotako mezenasgo modalitateen inguruan, kirol jarduera betetzen duen pertsonak edo entitateak eta dohaintza- edo ekarpen-emailea denak pertsona edo entitate lotuen izaera badute sozietateen gaineko zergaren araudiarekin bat.

5. Kirol mezenasgoa honako modalitate hauen bidez egiten ahalko da:

a) "Inter vivos" dohaintzak, ezeztaezinak, garbiak eta sinpleak, gizarte interesekotzat deklaratutako kirol jarduerak finantzatzeko egiten direnak.

Kenkarien eta murrizketen oinarria Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 9. artikuluan xedatutakoaren arabera zehaztuko da.

b) Erabilera maileguak edo komodatuak. Kenkariaren eta murriztapenaren oinarria honako hau izanen da: maileguaren iraunaldiko zergaldi bakoitzean ondasunaren balorazioari ehuneko 4 aplikatuta ateratzen den urteko zenbatekoa, zergaldi bakoitzean dagokion egun kopuruaren proportzioan zehaztuko dena. Kirol jarduerak egiteko lokalen, lursailen edo eraikinen kasuan, ehuneko 4 hori katastroko balioari aplikatuko zaio, zergaldi bakoitzeko egun kopuruaren proportzioan.

c) Lankidetza hitzarmenak 4. apartatuan aipatzen diren pertsona edo entitateekin. Horien bidez, gizarte interesekotzat deklaratutako kirol jarduera bat egiteko laguntza ekonomiko baten edo balorazio ekonomikoa izaten ahal duen laguntza baten truke, idatziz konpromisoa hartzen dute zabaltzeko, edozein bide erabilita, kolaboratzaileak jarduera horretan izandako parte-hartzea. Pertsona edo entitate laguntzaileak lankidetza hitzarmen horien esparruan duen parte-hartzea zabaltzea ez da zerbitzu-emate bat.

Lankidetza hitzarmenek eragindako kenkarien eta murrizketen oinarria 8/2014 Foru Legearen 9. artikuluan xedatutakoaren arabera kalkulatuko da.

6. Kirol proiektu eta jarduerak gizarte interesekotzat deklaratzeko eskaera aurkeztu ahalko du kirol mezenasgoaren onuradun diren pertsona edo entitate orok, xedapen gehigarri honetan agertzen direnetatik.

Gizarte interesekotzat deklaratzeko eskatzen den kirol proiektu edo jarduera bakoitzeko eskaera bat aurkeztuko da.

Foru aginduaren bidez, kirol arloko eskumena duen departamentuko titularrak eskaera egiteko prozedura, tokia eta epeak ezarriko ditu.

7. Hogeita hamar eguneko epean gehienez, eskaera aurkezten denetik zenbatzen hasita, Nafarroako Kirolaren Kontseiluak onartzeko edo ukatzeko proposamen arrazoitua prestatuko du.

Gizarte interesekotzat deklaratzea ukatzeko proposamen arrazoitua zio hauetariko batean oinarritu beharko da:

a) Irizten denean proiektu edo jarduera ez dela kirol izaerakoa edo, alderdiren batean kirol izaerakoa bada ere, haren eduki izaera, xede eta helburuagatik, izaera kultural, artistiko, hezkuntzako edo bestelako bat duenean batez ere.

b) Ulertzen denean proiektu edo jarduerak ez duela merezi gizarte interesekotzat deklaratua izatea, honako balorazio irizpide hauei jarraikiz:

Lehena.–Garatu beharreko proiektu edo jardueraren gizarte arloko eragina, inpaktua edo munta, bereziki begiratuta beharrizan bereziak dituzten pertsonei bideratuak, haien artean hartuta adindunak, sedentarismotik eta bizimodutik eratorritako patologiak dituztenak, desgaitasuna dutenak, etorkinak eta kolektibo behartsuak.

Bigarrena.–Garatu beharreko proiektu edo jarduerak Nafarroako Foru Komunitateko kirol arloko ikerketa, prestakuntza eta sustapenean duen eragina.

Hirugarrena.–Oinarriko kirola eskola-adinean sustatzerakoan duen eragina, kontuan hartuta haien partaidetza maila eta iraupena.

Laugarrena.–Proiektu edo jardueraren izaera berritzailea.

Bosgarrena.–Kirola sustatzeko, ingurune naturala zaindu eta gordetzeko eta Nafarroako Foru Komunitateko Bideen Sarea lehengoratu eta hobetzeko jardueretan inbertsioak egiteari begirako balioa eta interesa.

Seigarrena.–Proiektu edo jardueraren aurrekontuaren eta sortutako eraginaren lotura, aurreko irizpideei jarraikiz.

Zazpigarrena.–Ekarpena egitea emakumezkoen kirolari, kirolean berdintasuna sustatzeari eta kirol arloan genero-estereotipoen aurka borrokatzeari.

Zortzigarrena.–Nafarroako Foru Komunitatean kirolaren sustapenarekin zerikusia duen beste edozein irizpide.

c) Pertsona edo entitate eskatzaileak ez betetzea bereak diren eta aurretik gizarte interesekotzat deklaratu diren beste proiektu edo jardueren gaineko betebeharrak.

8. Nafarroako Kirolaren Institutuko kudeaketa-zuzendaritzak ebatziko ditu aurreko apartatuetan aipatutako eskaerak, Nafarroako Kirolaren Kontseiluak nahitaezko txostena egin ondoren, bai eta, hala badagokio, kirol mezenasgoaren onuradunaren deklarazioa errebokatzea ere, baldintzaren bat betetzen ez dela egiaztatzen bada.

Gehienez hiru hilabeteko epean eman eta jakinarazi behar da ebazpen hori. Epe hori igarota berariazko ebazpenik jakinarazi ez bazaio, eskaera aurkeztu duen entitate interesdunak zilegi du ulertzea eskaera baietsi dela administrazio isiltasunaren bidez.

Gehienez hiru hilabeteko epean ebatzi eta jakinarazi behar da kirol mezenasgoaren onuradunaren deklarazioa errebokatzeko prozedura. Epe hori igarota berariazko ebazpenik jakinarazi ez bada, prozedura iraungiko da.

Aipatu epea eten eginen da interesatuei proiektu edo jardueraren gaineko dokumentazioa zuzentzea edo argipenak ematea eskatzen zaienean. Halaber, eten eginen da Nafarroako Kirolaren Kontseiluari ebaluazioa egitea eskatzen denetik aipatu organoak onartzeko edo ukatzeko igorritako proposamen jaso arteko denboran.

Gizarte interesekotzat deklaratzeak jasoko ditu pertsona edo entitate onuradunaren nortasuna, kirol proiektu edo jardueraren izendapena eta hura garatzeko epea. Deklarazioak balioa izanen du bakar-bakarrik dagokion kirol proiektu edo jarduerarako, exekuzioak dirauen bitartean.

9. Kirol mezenasgoaren onuradun deklaratuak izan ondoren, pertsona edo entitateek hurrengo ekitaldian jarraitu nahi badute antolatzen gizarte intereseko deklaratutako kirol jarduera bera, Nafarroako Foru Komunitateko kirol arloko administrazioari eskatu beharko diote, urte horretako lehen zortzi hilabeteetan, deklarazio hori mantentzea, Nafarroako Foru Komunitateko kirol arloko administrazioko kudeaketa-zuzendaritzako titularrak onetsiko duen ereduarekin bat, zeinari gehituko zaion baldintzak betetzen jarraitzen dutenaren gaineko erantzukizunpeko adierazpena, bai eta entitatearen kontuen gainekoa ere, salbu eta azken horiek aurkeztu ba dira tributuen arloan eskuduna den departamentuan, tributu-araudia betetze aldera.

Nafarroako Foru Komunitateko kirol arloko administrazioari dagokio ezarritako baldintzak betetzen diren egiaztatzea.

10. Pertsona fisikoen errentaren gaineko zergaren subjektu pasiboek eskubidea izanen dute zergaren kuotan kenketa egiteko; hain zuzen ere, dohaintzen, erabilera maileguen edo komodatuen eta lankidetza hitzarmenen ondorioz (5. apartatuan aipatzen direnak) ordaindutako kopuruen eta egindako gastuen balorazioaren lehen 150 euroen ehuneko 80 eginen du kenketak. 150 eurotik gorako zenbatekoei ehuneko 35eko kenkaria aplikatzen ahalko zaie. Subjektu pasibo bakoitzeko eta zergaldi bakoitzeko aplikatuko da 150 euroko muga.

Kenkarien oinarria Pertsona Fisikoen Errentaren gaineko Zergari buruzko Foru Legearen 64. artikuluko 1. apartatuan aipatzen den mugaren ondorioetarako kontatuko da.

11. Sozietateen gaineko zergaren subjektu pasiboek zerga-onura hauek izanen dituzte:

a) Zerga-oinarria zehazteko, dohaintzen, erabilera maileguen edo komodatuen eta lankidetza hitzarmenen ondorioz ordaindutako kopuruen eta egindako gastuen (5. apartatuan aipatzen direnak) balorazioko zenbatekoak partida kengarria izanen dira. Zerga-oinarrian kentzen ahal den zenbatekoa honako muga hauetako handiena adinakoa izanen da, gehienez ere:

a’) Murriztapen honen aurreko zerga-oinarriaren ehuneko 30 eta, hala behar denean, foru lege honen 37., 42.eta 47. artikuluetan eta hamargarren eta hamabigarren xedapen gehigarrietan eta Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 17. artikuluan aipatzen direnena".

b’) Negozio zifraren zenbateko garbiaren milako 3.

b) Horrez gain, eskubidea izanen dute zergaren kuota likidoan kenkaria aplikatzeko, dohaintzen, erabilera maileguen edo komodatuen eta lankidetza hitzarmenen ondorioz ordaindutako kopuruen eta egindako gastuen (5. apartatuan aipatzen direnak) balorazioko zenbatekoen ehuneko 20koa.

Kuotaren kenkaria sozietateen gaineko zergaren araudian ezarritakoarekin bat aplikatuko da eta Sozietateen gaineko Zergari buruzko 26/2016 Foru Legearen 67.4 artikuluan ezarritako mugaren ondorioetarako zenbatuko da.

12. Xedapen gehigarri honetan ezarritako zerga-onurak bateraezinak izanen dira, zenbateko eta kontzeptu berberetarako, foru lege honetan eta 8/2014 Foru Legean ezarritako gainerakoekin.

13. Xedapen gehigarri honetan ezarritako zerga-onurak aplikatzeko, dohaintzen, erabilera maileguen edo komodatuaren eraginkortasuna egiaztatu beharko da, bai eta 5. apartatuan aipatzen diren lankidetza hitzarmenen ondorioz ordaindutako zenbatekoena eta egindako gastuena ere, entitate onuradunak emandako ziurtagiri baten bidez. Ziurtagiri horretan honako hauek jaso beharko dira:

a) Izen-deiturak edo sozietatearen izena, eta identifikazio fiskaleko zenbakia, bai pertsona edo entitate emailearena, bai dohaintza-hartzailearena.

b) Pertsona edo entitate onuradunak eta kirol jarduerak xedapen gehigarri honetako 2., 4. eta 10. apartatuetan ezarritako baldintzak betetzen dituztela berariaz aipatzea.

c) Dohaintzaren eguna eta zenbatekoa, diruzkoa denean.

Gainerako kasuetan, diruzkoa ez den dohaintzaren edo zerbitzu prestazioaren, erabilera maileguaren edo komodatuaren balorazioa eta, hala badagokio, lankidetza hitzarmenaz baliatuz jasotako laguntzaren zenbatekoa.

Erabilera maileguen edo komodatuaren kasuan, ondasunaren entregatze data eta komodatuaren iraunaldia.

d) Dokumentu publikoa edo dohaintzan emandako ondasuna entregatu dela egiaztatzen duen beste dokumentu kauto bat, baldin eta ez badira dirutan egindako dohaintzak, doako zerbitzu ematearen balorazioa, erabilera maileguaren edo komodatuaren eraketa, edo lankidetza hitzarmena sinatzea.

e) Dohaintzak direnean, espresuki aipatu behar da dohaintza ezeztaezina eta atzeraezina dela.

f) Entitate onuradunak zertarako erabiliko duen dohaintza, erabilera mailegua edo komodatua, edo lankidetza hitzarmenaz baliatuz jasotako laguntza.

14. Xedapen gehigarri honetan aurreikusitako zerga onuren aplikazioak honako baldintza hau izanen du: entitate onuradunek Zerga Administrazioari informazioa ematea, tributu araudian ezarritako ereduen arabera, jasotako dohaintzei eta ekarpenei buruz.

15. Urte bakoitza amaitu baino lehen, Nafarroako Foru Komunitateko Administrazio kirol administrazioak xedapen gehigarri honetan ezarritako baldintzak betetzen dituzten erakunde onuradunen eta gizarte intereseko kirol jardueren zerrenda igorriko dio Zerga Administrazioari".

Hamabi.–Hamalaugarren xedapen gehigarria gehitzea, 2023ko urtarrilaren 1etik aurrera hasten diren zergaldietarako ondorioekin.

"Hamalaugarren xedapen gehigarria.–Gizarte, ingurumen eta kirol mezenasgoaren lehentasunezko jarduerak.

Foru lege bidez ezartzen ahalko da gizarte, ingurumen eta kirol mezenasgoaren zenbait jardueraren lehentasuna, bai eta haien onuradun izanen diren entitateena ere. Jarduera horiei dagokienez, foru legeak ehuneko bost igotzen ahalko ditu, gehienez, hamargarren, hamabigarren eta hamahirugarren xedapen gehigarrietan ezarritako kenkarien ehunekoak eta mugak".

Hamahiru.–Lehenengo xedapen iragankorra, gehitzea.

"Lehenengo xedapen iragankorra.

Ulertuko da honakoek jakinarazi dutela eta aplikatzen jarraitzen ahal dutela foru lege honetan ezarritako tributu araubide berezia aplikatzeko hautua, bertan ezarritako baldintzak betetzen badituzte:

1. Nafarroako Fundazioen Erregistroan 2023ko urtarrilaren 1a baino lehen inskribatutako fundazioak, tributu araubide bereziaren aplikazioa deklaratzen duen ebazpen egokia dutenak.

2. Bigarren xedapen gehigarrian jasotako entitateak, 2023ko urtarrilaren 1a baino lehenagoko 10 urteetan edozein zerga Nafarroan ordaindu badute".

Hamargarren artikulua. Nafarroako Foru Komunitatean kultur mezenasgoa eta haren zerga-pizgarriak arautzen dituen Foru Legea.

Nafarroako Foru Komunitatean Kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen manu hauek testu hau izanen dute:

Bat.–"4.f).a’) artikulua.

"a’) Bigarren atalean (lanbide jarduerak), 86. elkartean, 861, 862, 864 eta 869. taldeetan sartutakoak, pertsona fisikoak direnean".

Bi.–17. artikulua, bosgarren paragrafoa, 2023ko urtarrilaren 1etik aurrera hasten diren zergaldietarako ondorioekin.

"–Kenkari honen aurreko zerga-oinarriaren ehuneko 30 eta, hala behar denean, Fundazioen eta Babes Jardueren Tributu Araubidea erregulatzen duen uztailaren 2ko 10/1996 Foru Legearen 37., 42. eta 47. artikuluetan eta hamabigarren eta hamahirugarren xedapen gehigarrietan aipatzen direnena".

Hiru.–20.b) artikulua.

"b) Emandako egiaztagirien edukia jakinaraztea Zerga Administrazioari, zerga arloko araudian ezarritako ereduekin".

Hamaikagarren artikulua. Nafarroako Kooperatiben Zerga Araubidea arautzen duen Foru Legea.

Nafarroako Kooperatiben Zerga Araubidea arautzen duen ekainaren 21eko 9/1994 Foru Legearen manu hauek testu hau izanen dute:

Bat.–1.1 artikulua.

"1. Foru lege honetan araututako araubide fiskala aplikatuko zaie Hitzarmen Ekonomikoan xedatutakoaren arabera Nafarroako foru araudia aplikatzekoa zaien kooperatibei".

Bi.–8.1 eta 3 artikulua, lehenengo paragrafoa.

"1. Pertsona fisikoak, pertsona juridikoak edo nortasun juridikorik gabeko entitateak elkartzea, ondasunak eta zerbitzuak kalitate, informazio eta prezio onenetan emateko".

"3. Kide ez diren pertsonei egindako salmentak edo zerbitzu-prestazioak, horien esparruaren barruan, ez izatea kooperatibak ekitaldi ekonomiko bakoitzean egindako salmenta guztien %10 baino gehiago, edo %50 baino gehiago, estatutuetan hala aurreikusten bada".

Hamabigarren artikulua. Nafarroako Foru Komunitateko Administrazioaren eta haren Erakunde Autonomoen Tasa eta Prezio Publikoei buruzko Foru Legea.

2023ko urtarrilaren 1etik aurrerako ondorioekin, Nafarroako Foru Komunitateko Administrazioaren eta haren Erakunde Autonomoen Tasa eta Prezio Publikoei buruzko otsailaren 11ko 2/2021 Foru Legearen manu hauek testu hau izanen dute:

Bat.–22. artikulua, 1.a) eta 4. apartatuak.

"a) Ziurtagiriak eta kopiak ematea".

"4. Tarifa.

Tasa eskatuko da tarifa honen arabera:

KONTZEPTUA

EUROAK

1. Ziurtagiriak eta kopiak emateagatik (ziurtagiri edo kopia bakoitzeko)

5,20

2. Agiriak konpultsatzea (kopia bakoitzeko)

2,60

3. Erregistro ofizialetan inskripzioa egitea (inskripzio bakoitzeko)

2,60

4. Ahalordeak eta legitimazioa egiaztatzeko agiriak askiestea (agiri bakoitzeko)

6,24

5. Administrazio espediente bat kopiatu edo erreproduzitzea barne hartzen duten ziurtagiriak ematea

2,08 eta 0,06 gehiago erreproduzitutako orrialde bakoitzeko

6. Administrazio espediente baten kopia edo erreprodukzio bakoitzeko

0,06 erreproduzitutako
orrialde bakoitzeko"

Bi.–23 bis artikulua, gehitzea.

"23 bis artikulua. Hautaketa prozesuei dagokien dokumentazioaren kopiak formatu elektronikoan bidaltzeagatiko tasa.

1. Zerga-egitatea.

Tasaren zerga-egitatea da Nafarroako Foru Komunitateko Administrazioak eta haren erakunde autonomoek beren barruan izapidetutako edozein hautaketa prozesuren administrazio espedientea osatzen duten dokumentu guztien kopia elektronikoak bidaltzea.

Ondorio horietarako, kopia elektronikotzat hartuko dira aurreko paragrafoan aipatutako dokumentazioa formatu fisikotik elektronikora bihurtzea eta ondoren subjektu pasiboari bide elektronikoz bidaltzea.

2. Subjektu pasiboak.

Tasaren subjektu pasiboak dira zerga-egitate diren kopia elektronikoak bidaltzeko eskatzen duten pertsona fisikoak.

3. Sortzapena.

Kopia elektronikoak bidaltzeko eskaera aurkezten den unean sortuko da tasa, eta bidali aurretik ordainduko da.

4. Tarifak.

Tasa 0,06 eurokoa izanen da, kopiatutako eta bidalitako orrialde bakoitzeko".

Hiru.–25.4 artikulua.

"4. Tarifak.

KONTZEPTUA

EUROAK

1. TARIFA

Elkarteen eta Federazioen Erregistroa

1. Eraketa inskribatzea

12

2. Estatutuen aldaketa edo entitatearen indarreko araudirako egokitzapena inskribatzea

6

3. Beste edozein motatako inskripzio bakoitzeko, zuzendaritza batzordeko edo ordezkaritza organoko kideen aldaketa inskribatzeko izan ezik

4

2. TARIFA

Fundazioen erregistroa

1. Eraketa inskribatzea

53

2. Estatutuen aldaketa edo fundazioaren amaiera inskribatzea

38

3. Bestelako inskripzioak, bakoitzeko

23

3. TARIFA

Lanbide Elkargoen Erregistroa

1. Eraketa inskribatzea

53

2. Estatutuen aldaketa, bat-egitea, irenstea, izen aldaketa edo desegitearen inskripzio bakoitzeko

38

3. Bestelako inskripzioak, bakoitzeko

23

4. TARIFA

Erregistroaren publikotasuna

1. Gordailututako kontabilitate-agiriaren kopia bakoitzeko

98

2. Ziurtagiriak ematea

8"

Lau.–36.4. artikulua, 22. eta 23. tarifa berriak gehitzea.

"22. TARIFA

Erdi mailako ikastaro espezializatuaren ziurtagiria / Erdi mailako LHko espezialistaren titulua

50,20

23. TARIFA

Goi mailako ikastaro espezializatuaren ziurtagiria / Goi mailako LHko master titulua

72,80"

Bost.–40. artikuluari 5. apartatua gehitzea.

"5. Salbuespenak.

Tasa horretatik salbuetsita egonen da hasierako profesionaltasun ziurtagiriak edo kopiak ematea administrazio egoera erregularrik ez duten pertsonei; hori egiaztatzeko, Nafarroako Enplegu Zerbitzuak emandako identifikatzailea aurkeztu beharko da".

Sei.–41.4.Bigarrena artikulua, F letran, tarifa kentzea Produktu Kosmetikoak Merkaturatzeko Arduradunen Erregistroan izena emateagatik, eta I letran, berriz, tarifa aldatzea jardunbide egokiak bete izanaren ziurtagiriak emateagatik.

"Jardunbide egokiak betetzen direla frogatzen dituzten ziurtagiriak, Estatukoak zein nazioartekoak, ematea (NBCF, BPL, BPC, BPD eta haien pareko beste batzuk)

100,00 (lehen ziurtagiria) 10,00 (eskaera berean egindako bigarren eta/edo ondorengo ziurtagiriagatik)"

Zazpi.–42. artikulua, 1. apartatuko lehen paragrafoa; 4.c apartatua ezabatzea, 6. apartatuko a) letrako lehen paragrafoa eta 2. ordinala ezabatzea; eta b) letra 7., 8., 9., 10. eta 11. apartatuetan, eta 12. eta 13. apartatuak ezabatzea.

"Tasa horiek Foru Komunitateak eskatuko ditu hiltegiak, zatikatze aretoak eta ehiza prozesatzeko aretoak bere lurraldean badaude".

"a) Zergadunari tarifa eskatuko zaio abereak hiltzeko eta zatikatzeko eragiketa bakoitzeko".

"Bigarrena) Abereak zatikatzeko aretoetako ikuskapen eta osasun kontroletan aplikatzekoak diren tasen zenbatekoak:

HARAGI MOTA

EUROAK, HARAGI TONA BAKOITZEKO

1. TARIFA

Behiak, txerriak, solipedoak/ekidoak, ardiak eta ahuntzak

2,0

2. TARIFA

Haztegiko hegazti eta untxiak

1,5

3. TARIFA

Basa ehiza eta haztegiko ehiza

a) Lumadun eta iledun ehiza xehea

1,5

b) Ratiteak (ostruka, emua eta ñandua)

3,0

c) Aketzak eta hausnarkariak

2,0"

"b) Establezimendu berean abereak hiltzeko eta zatikatzeko jarduerak modu integratuan egiten badira, zenbateko altuena duen jardueraren tasa jasoko da soilik. Ondorio horietarako, ulertuko da establezimendua dela zenbait instalazio erantsi dituena titular beraren jarduerak, abereak hiltzeko eta zatitzekoak, egiteko.

7. Hiltegi, zatikatze areto eta ehiza prozesatzeko aretoetako kontrol ofizialengatiko tasaren murriztapenak.

Subjektu pasiboek, autolikidazioan, murriztapen hauek aplikatzen ahalko dituzte kalkulatutako kuotari dagokionez, 6. apartatuko tauletan ezarritako zenbatekoak aplikatuta. Murriztapenak bateragarriak dira elkarren artean likidazio bakoitzean:

a) Mikroenpresak edo enpresa txiki eta ertainak badira, honako murriztapen hauek aplikatuko dira:

1.) Enpresa ertainak: ehuneko 10.

2.) Enpresa txikiak: ehuneko 20.

3.) Mikroenpresak: ehuneko 30.

Mikroenpresa, enpresa txiki eta ertainaren kontzeptua Europako Batzordearen 651/2014 (EB) Erregelamenduaren I. eranskineko 2. artikuluan jasotakoa izanen da. Erregelamendu horren bidez, laguntza kategoria jakin batzuk Tratatuaren 107. eta 109. artikuluekin bateragarri deklaratzen dira.

b) Ehuneko 20, ekoizpen, eraldaketa eta banaketa metodo tradizionalak, Europar Batasuneko edo Espainiako araudian jasota daudenak, erabiltzen badira.

c) Ehuneko 20, gutxi garatuta dauden, biztanle gutxi dituzten edo sarbide eta komunikazio zailtasunak dituzten inguru edo eremuetan dauden operadore ekonomikoen kasuan.

d) Operadorearen betetze mailaren historiaren eta kontrol ofizialaren kostua murriztuko duen lan plangintzaren araberako murriztapenak:

1.) Agintaritza eskudunak ehuneko 20ko murriztapena aplikatzen ahalko du, operadoreak ez badu zehapen espedienterik izan osasun araudia ez betetzeagatik.

2.) Kontrol ofiziala erraztuko duen plangintza baten kasuan, murriztapenak honako hauek izanen dira:

a’) Ehuneko 20, hiltegietarako eta ehizakiak manipulatzeko aretoetarako albaitaritza zerbitzu ofizialaren presentzia eskatzen badute bakarrik astelehenetik ostiralera, lanegunetan, 06:00etatik 15:00etara. Murriztapena aplikatuko da hiruhilekoko hilabete bakoitzean gehienez ordutegi horren ehuneko 5eko desbideratzea izaten bada ere.

Murriztapen hori bera aplikatuko da hegazti hiltegietarako, horien hiltzeko ordutegiak albaitaritza zerbitzu ofizialaren presentzia 00:00etatik 15:00etara izatea eskatzen badu.

b’) Ehuneko 10, Albaitaritza Zerbitzu Ofizialaren presentzia aurreko ordutegitik kanpo eskatzen duten hiltegientzat, baldin eta eskaera horren erdia gutxienez ordutegi horretan egiten bada.

c’) Ez da murriztapenik aplikatuko Albaitaritza Zerbitzu Ofizialaren eskaera larunbatetan, igandeetan edo lanegunak ez diren egunetan egiten bada, egun horietan hil edo prestatutako animaliei dagokienez.

e) Murriztapena hiltegien jarduera planifikatzegatik eta hura betetzeagatik.

Ehuneko 20ko murriztapena aplikatzen ahalko dute produkzio prozesuetan plangintza eta programazio sistemak aplikatzen dituzten hiltegiek, sistema horiei esker ikuskapen zerbitzuek gutxienez bost egun natural lehenago jakiterik badute eman beharreko zerbitzuaren data.

f) Kuota osoaren gainean aplikatuko diren murriztapenak bateragarriak dira haien artean, ehuneko 80 gainditzen ez badute.

8. Aldez aurreko baimena murriztapenak aplikatzeko, eta mantendu beharreko baldintzak.

a) 7. apartatuan ezarritako murriztapenak aplikatzeko, Nafarroako Osasun Publikoaren eta Lan Osasunaren Institutuak onarpena eman behar du aurretik. Hiru hilabeteko epean jakinarazi beharko da, eskaera tramitaziorako eskumena duen organoaren erregistroan sartzen den egunetik hasita. Eskaera epe horretan ebazten ez bada, ulertuko da interesdunak murriztapenerako eskubidea duela. Epe hori bukatu ondoren eginen duen lehenbiziko autolikidazioan aplikatu beharko da.

b) Murriztapenak aplikatzen jarraitzeko, onarpena ekarri zuten inguruabarrak mantendu beharko dira.

9. Sortzapena.

Abereen eta abere-jatorriko produktuen osasun ikuskapen eta kontroletarako ezarritako tasak sortuko dira 6. apartatuan zerrendatzen diren zerbitzuak ematen diren unean.

10. Likidazioa eta diru-sarrera.

a) Ordezko subjektu pasiboen autolikidazio sistemaren bidez ordainduko dira tasak. Hiruhileko natural batean sortutako tasak hurrengo hilabetearen lehen hogei egunetan egin beharko da ordainketa.

b) Ez dira autolikidatuko 10 eurotik beherako tasak.

11. Erregistroa izateko betebeharra.

a) Hiltegietako, ehizakiak eraldatzeko aretoetako eta zatikatze-aretoetako kontrol ofizialen tasen subjektu pasiboak behartuta daude tasa horiei lotutako eragiketa guztien erregistro bat izatera:

1.) Hildako edo eraldatutako abereen kopurua, haien zenbakia adierazita.

2.) Eragiketen eguna eta ordua.

3.) Abereen pisua, Nafarroako Osasun Publikoaren eta Lan Osasunaren Institutuak ematen dituen ereduekin bat, formatu elektronikokoak barne.

b) Nafarroako Osasun Publikoaren eta Lan Osasunaren Institutuak, tributu arloko eskumena duen departamentuarekin batera, aurreko paragrafoan aipatzen diren erregistroen ereduak ezarriko ditu, formatu elektronikokoak barne, elikagaien enpresek bete beharrekoak, bai eta tasa hauen zenbatekoak ordaintzeko aurkeztu behar diren aitorpen eta autolikidazio ereduak ere".

Zortzi. 51.4 artikulua. 1.2 tarifaren izena, 2. tarifa eta 3. tarifa gehitzea.

"2. Inskripzioa berritzeagatik eta/edo titulartasuna aldatzeagatik edo beste aldaketaren bat egiteagatik erregistro hauetako batean: -Pestiziden establezimenduen eta zerbitzuen erregistro ofiziala. -Babes fitosanitariorako baliabideen ekoizle eta operadoreen erregistro ofiziala (ROPO). Horniketen eta tratamenduen sektoreak. -Landareen operadore profesionalen erregistroa (ROPVEG). -Araztegiko lohiak nekazaritzan erabiltzeko erregistroa

14,00"

"2. TARIFA

Makinak eta aplikatzeko beste ekipamendu batzuk inskribatzea

1. Nekazaritzako makineriaren erregistroetan inskribatzea eta zirkulazioko kartilla ematea traktore, motor eta bestelako nekazaritzako makineriarentzako, inportatuak nahiz fabrikazio nazionalekoak izan, berriak edo berreginak

Prezioaren milako 2, saltzailearen fakturaren arabera, 1.803,00 eurotik aurrera

2. Produktu fitosanitarioak aplikatzeko aireontzien eta instalazio iraunkorren erregistroan (REGANIP) inskribatzeagatik aire tratamenduetarako eta instalazio iraunkorretan aplikatzekoak diren ekipamenduak

24,00

3. TARIFA

EOR entseguetarako enpresetarako baimena

400,00"

Bederatzi.–54.4 artikulua.

1. 3. tarifa:

a) Analitika berri bat gehitzen da 15 bis zenbakiarekin.

"15 bis. Azido oleikoa

Gasen kromatografia

7"

b) 24. analitika kentzea eta 25. analitika aldatzea, "Espektrofotometria ultramorea - ikusgaia" analitika ezabatzeko, eta "Espektrofotometria ultramore ikusgaia/entzimatikoa" analitikaren tasaren zenbatekoa emateko, 2,28 eurokoa.

c) Glukosa+fruitu 59" analitikaren zenbatekoa aldatzea: 2,28 euro.

2. 6. tarifa gehitzea.

EUROAK

"6. TARIFA

Nafarroako oliba olio birjinaren dastaketa-panela

Oliba olioak ziurtatzeko analisi organoleptikoa

105"

Hamahirugarren artikulua. Nafarroako Toki Ogasunei buruzko Foru Legea.

2023ko urtarrilaren 1etik aurrerako ondorioekin, Nafarroako Toki Ogasunei buruzko martxoaren 10eko 2/1995 Foru Legearen manu hauek testu hau izanen dute:

Bat.–162.1 artikulua.

"1. Zerga honako kuota hauen arabera eskatuko da:

a) Turismo ibilgailuak:

–8 zaldi fiskal baino gutxiagokoak: 22,30.

–8 zaldi fiskaletik 12ra bitartean: 62,72.

–12 zaldi fiskal baino gehiagokoak eta gehienez 16koak: 133,78.

–16 zaldi fiskal baino gehiagokoak: 167,30.

b) Autobusak:

–21 leku baino gutxiagokoak: 156,08.

–21 lekutik 50era bitartekoak: 223,01.

–50 leku baino gehiagokoak: 278,77.

c) Kamioiak:

–1.000 kg baino gutxiagoko karga erabilgarria: 78,13.

–1.000 kg-tik 2.999 kg-rainoko karga erabilgarria: 156,08.

–2.999 kg baino gehiagokoa izanik 9.999 kg-rainokoa den karga erabilgarria: 223,01.

–9.999 kg baino gehiagoko karga erabilgarria: 278,77.

d) Traktoreak:

–16 zaldi fiskal baino gutxiagokoak: 38,32.

–16 zaldi fiskaletik 25erainokoak: 76,61.

–25 zaldi fiskal baino gehiagokoak: 153,02.

e) Atoiak eta erdi atoiak:

–1.000 kg baino gutxiagoko karga erabilgarria: 39,10.

–1.000 kg-tik 2.999 kg-rainoko karga erabilgarria: 78,13.

–2.999 kg baino gehiagoko karga erabilgarria: 156,08.

f) Bestelako ibilgailuak:

–Ziklomotorrak: 5,62.

–125 cc-rainoko motozikletak: 8,44.

–125 cc baino gehiagokoak izanik 250 cc-rainokoak diren motozikletak: 13,98.

–250 cc baino gehiagokoak izanik 500 cc-rainokoak diren motozikletak: 27,56.

–500 cc baino gehiagokoak izanik 1.000 cc-rainokoak diren motozikletak: 55,16.

–1.000 cc baino gehiagoko motozikletak: 110,30".

Bi.–Honako hauek izanen dira 175.2 artikuluan ezarritako gehieneko koefizienteak:

"KOEFIZIENTEA

SORTZE ALDIA

0,28

20 urte edo hortik gora

0,28

19 urte

0,06

18 urte

0,06

17 urte

0,06

16 urte

0,06

15 urte

0,06

14 urte

0,07

13 urte

0,08

12 urte

0,14

11 urte

0,21

10 urte

0,27

9 urte

0,42

8 urte

0,47

7 urte

0,40

6 urte

0,33

5 urte

0,26

4 urte

0,19

3 urte

0,22

2 urte

0,19

1 urte

0,06

Urtebetetik behera"

Hamalaugarren artikulua. Ekonomia-jardueren gaineko zergaren edo lizentzia fiskalaren tarifak eta jarraibidea onesten dituen Foru Legea.

2023ko urtarrilaren 1etik aurrerako ondorioekin, aldaketa hauek egiten dira Ekonomia-jardueren gaineko zergaren edo lizentzia fiskalaren tarifak eta jarraibidea onesten dituen maiatzaren 28ko 7/1996 Foru Legean:

Bat.–Lehen sekzioa, 7. dibisioa, 76. taldea, 761. multzoa, 2 epigrafea eta ohar komuna.

"761.2 epigrafea. Telefonia mugikorreko zerbitzua.

Kuota nazionala:

1.000 bazkideko edo gelditzen den zatikiko: 137,48 euro.

761. multzoari buruzko ohar komuna: Abonatuen kopurua kalkulatzeko, telefonia finkoko edo mugikorreko operadore bakoitzaren bezero guztiak hartuko dira kontuan, hurrenez hurren".

Bi.–Lehen sekzioa, 8. dibisioa, 84. taldea, 848. multzoa gehitzea.

"848. multzoa. Bulego malguen, coworking guneen eta negozio-zentroen zerbitzuak.

Gutxieneko udal kuota: 202 euro.

Probintziako kuota: 20.000 euro.

Kuota nazionala: 35.000 euro.

Oharra: Multzo honetan sartzen dira bezeroei (enpresei eta profesionalei) beren jarduera garatzeko behar duten azpiegitura eskaintzen dieten bulego malguek, coworking guneek eta negozio-zentroek emandako zerbitzuak: lan espazioak; bulegoak eta erabat hornitutako bilera-, prestakuntza- edo hitzaldi-gelak; ekitaldiak; lanpostu malguak edo finkoak; komunikazio-zerbitzua; bideokonferentzia eta Interneterako konexioa; bulego birtualak; agirien eta korrespondentziaren kudeaketa; idazkaritza-, catering-a eta ofimatika-zerbitzuak eta abar".

Hiru.–Bigarren atala, 8. dibisioa, 86. taldearen izenburua, 863. multzoa, eta 864. eta 869. multzoak gehitzea.

"86. taldea. Lanbide liberal, artistiko, literario eta kulturalak".

"863. multzoa. Kazetariak eta informazioaren eta komunikazioaren beste profesional batzuk.

Kuota: 115 euro.

Oharra: Epigrafe honetan sailkatutako subjektu pasiboek gaikuntza dute informazioak edo edukiak lortu, tratatu, interpretatu eta zabaltzeko, edozein bitarteko erabiliz, idatzizkoa, ahozkoa, ikusizkoa, digitala edo grafikoa izan, bai eta komunikazio instituzional edo korporatiboko planetan aholku emateko edo horiek gauzatzeko ere.

864 taldea. Idazleak eta gidoilariak.

Kuota: 115 euro.

869 taldea. Hirugarren sekzioan sailkatuta ez dauden jarduera artistiko eta kulturalekin loturiko beste profesional batzuk.

Kuota: 115 euro".

Lau.–Bigarren sekzioa, 8. dibisioa, 88. taldea, 889. multzoa gehitzea.

"889. multzoa. Mendiko gidariak.

Kuota: 126 euro".

Bost.–Hirugarren sekzioa, 3. taldea, 034. multzoa gehitzea.

"034. multzoa. Musikagileak, kanta-idazleak, moldatzaileak eta musika-egokitzaileak.

Kuota: 100 euro".

Hamabosgarren artikulua. Nafarroako Lurralde Aberastasunaren Erregistroari eta Katastroei buruzko Foru Legea.

Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legearen manu hauek testu hau izanen dute:

Bat.–27. artikuluari 10. apartatua gehitzea.

"10. Artikulu honetan ezarritako betebeharretik at gelditzen dira foru lege honen 29.2 artikuluan aurreikusitako jakinarazpen kasuak, baldin eta aitorpena egiteko gehieneko epea amaitu aurretik gertatzen badira eta ondasunen aldaketa grafikorik eragiten ez badute".

Bi.–29.2 artikulua.

"2. Notarioek eta jabetza erregistratzaileek egindako jakinarazpenetan emandako informazioak modu fede-emailean identifikatzen badu jakinarazitako egintza, egitate edo negozio juridikoan aipatzen den higiezin unitatea edo unitateak, Lurralde Aberastasunaren Erregistroko datu zehatzak aldatzeko aukera emanez, bertan zuzenean inskribatuko da".

Xedapen gehigarri bakarra.–Ukrainako gerraren ondorio ekonomiko eta sozialei erantzuteko plan nazionalaren esparruan emandako laguntzak.

2022ko urtarrilaren 1etik aurrerako ondorioekin, ekainaren 25eko 11/2022 Errege Lege-dekretuaren babesean emandako laguntzak Pertsona Fisikoen Errentaren gaineko Zergatik eta Sozietateen gaineko Zergatik salbuetsita egonen dira -errege lege-dekretu horren bidez, Ukrainako gerraren ondorio ekonomiko eta sozialei erantzuteko, zaurgarritasun sozial eta ekonomikoko egoerei aurre egiteko eta La Palma uhartearen susperraldi ekonomiko eta sozialerako zenbait neurri hartu eta luzatzen dira-, bai eta abuztuaren 1eko 14/2022 Errege Lege-dekretuaren babesean emandako laguntzak ere (14/2022 Errege Lege-dekretua, Garraioaren arloko jasangarritasun ekonomikoko neurriei buruzkoa, ikasketetarako beka eta laguntzei dagokienez, eta aurrezpen neurriei, energia-efizientziari eta gas naturalaren mendekotasun energetikoa murrizteari buruzkoa).

Halaber egonen dira salbuetsita Enpresa Politikaren, Nazioarteko Proiekzioaren eta Lanaren zuzendari nagusiaren azaroaren 15eko 770/2022 Erabakiari loturik emandako laguntzak, zeinaren bidez onesten baita Nafarroako enpresentzako laguntzen deialdia, energia-kostuek 2022an zehar izandako gorakadari aurre egiteko.

Azken xedapenetako lehena.–Nafarroako Hondakin Uren Saneamenduari buruzko Foru Legearen aldaketa.

2023ko urtarrilaren 1etik aurrerako ondorioekin, Nafarroako Hondakin Uren Saneamenduari buruzko abenduaren 29ko 10/1988 Foru Legearen 13. artikuluaren 1.a) b eta c) eta 4. apartatuak aldatzen dira, eta testu hau izanen dute:

"a) Saneamenduko sare publikoei lotutako etxeko ur erabilerak: 0,65 euro metro kubiko bakoitzeko.

b) Saneamenduko sare publikoei lotutako ur erabilerak, etxekoak ez direnak: 0,74 euro metro kubiko bakoitzeko. Karga kutsatzaileari dagokion indize zuzentzailea aplikatuko da, hala behar denean, apirilaren 5eko 82/1990 Foru Dekretuan eta abenduaren 28ko 19/2011 Foru Legearen zazpigarren xedapen gehigarrian araututako moduan.

c) Saneamenduko sare publikoei konektaturik ez dauden baina erakunde eskudunek emandako baimen administratibo beharrezkoak dituzten erabiltzaileak: 0,089 euro metro kubiko bakoitzeko. Ibilgu publikora isurtzeko baimenean ezarritako baldintzak betetzen ez badira, a) edo b) letretan ezarritakoaren arabera dagokion tarifa aplikatuko da".

"4. Arazketa-instalazio pribatuetatik datozen lohiei tarifa hauek aplikatuko zaizkie tratatuak izateagatik, baldin eta onartzen badira Nafarroako Ibaien Saneamendurako Plan Zuzendariari atxikitako hondakin-uren araztegietako lohien lerroetan:

NEURKETA

PREZIOA

5 m³ arte

46,30 euro

10 m³ arte

92,60 euro

10 m³ baino gehiago

9,26 euro/m³"

Azken xedapenetako bigarrena.–Zenbait zerga aldatu eta beste tributu-neurri batzuk hartzeko abenduaren 29ko 19/2021 Foru Legearen aldaketa.

2023ko urtarrilaren 1etik aurrerako ondorioekin, Zenbait zerga aldatu eta beste tributu-neurri batzuk hartzeko abenduaren 29ko 19/2021 Foru Legearen xedapen indargabetzaile bakarraren 2. apartatuaren lehenengo paragrafoa aldatzen da, eta testu hau izanen du:

"2. 2024ko urtarrilaren 1etik aurrerako ondorioekin indargabetzen dira:"

Azken xedapenetako hirugarrena.–Arauak emateko gaikuntza.

Nafarroako Gobernuak foru lege hau garatu eta aplikatzeko behar diren xedapen guztiak jaulkiko ditu.

Azken xedapenetako laugarrena.–Indarra hartzea.

Foru lege honek Nafarroako Aldizkari Ofizialean argitaratu eta biharamunean hartuko du indarra, legean berean aurreikusitako efektuekin.

Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta "Estatuko Aldizkari Ofizialera" igor dadila agintzen dut eta herritar eta agintariei bete eta betearaz dezatela manatzen diet.

Iruñean, 2022ko abenduaren 28an.–Nafarroako Foru Komunitateko lehendakaria, María Chivite Navascués.

Iragarkiaren kodea: F2217749