2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
BERTIZARANA
Akats zuzenketa, lanpostu hutsak merezimendu-lehiaketaren bidez betetzeko deialdian, aldi baterako enplegua egonkortzeko eta finkatzeko prozesu bereziaren barnean, Enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoaren arabera
Akats bat atzeman da 2022ko 247. Nafarroako Aldizkari Ofizialean, abenduaren 12an, argitaratu zen iragarkian, aldi baterako enplegua egonkortu eta finkatzeko prozesu bereziari dagozkion lanpostu hutsak merezimendu-lehiaketa bidez betetzeko deialdiari buruzkoa, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoaren arabera. Zehazki, 7.a.2) puntua, merezimendu profesionalen balorazioari buruzkoan, zuzenketa egin da, eta horrela ebatzi da, alkatearen 09-12/2022 Ebazpenaren bidez.
–Hau dioen tokian:
"Beste administrazio publiko batzuetan, lanpostu berean edo beste lanpostu batzuetan, egindako zerbitzuak: 0,75 puntu, egindako zerbitzu urte oso bakoitzeko."
–Hau esan behar du:
"Beste administrazio publiko batzuetan, lanpostu berean egindako zerbitzuak: 0,75 puntu, egindako zerbitzu urte oso bakoitzeko".
Bertizaranan, 2022ko abenduaren 21ean.–Alkatea, Andres Echenique Iriarte.
Iragarkiaren kodea: L2217397
