Iragarkia

263. ALDIZKARIA - 2022ko abenduaren 30a - BEREZIA

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

NAFARROAKO ERDIALDEKO KIROL ETA GIZARTE ETA KULTURA ZERBITZUEN MANKOMUNITATEA

43. Ebazpena, Nafarroako Erdialdeko Kirol eta Gizarte eta Kultura Zerbitzuen Mankomunitateko Lehendakariarena, aldi baterako enplegua egonkortzeko eta finkatzeko ezohiko prozesuko lanpostuak merezimendu-lehiaketa bidez betetzeko deialdia onartzen duena, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoaren arabera

Nafarroako Erdialdeko Kirol eta Gizarte eta Kultura Zerbitzuen Mankomunitateko Lehendakariaren 2022ko ekainaren 9ko Ebazpenaren bidez (32. zenbakia eta data), eta enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoa betez, 2022rako lan eskaintza publikoa onartzen duen erabakia hartu zen (2022ko ekainaren 21eko Nafarroako Aldizkari Ofizialaren 122. zenbakian argitaratua), enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen araberako egonkortze eta salbuespenezko deialdi prozesuak artikulatzen dituena.

2022ko abenduaren 23ko Batzar Nagusiaren erabaki bidez, uztailaren 1eko 19/2022 Foru Legearen II. Tituluan jasotako erregulazioarekin bat egiten du oso-osorik toki-erakunde honek. Foru Lege hori Nafarroako Administrazio Publikoetan enplegu publikoaren behin-behinekotasuna murrizteko premiazko neurriei buruzko abenduaren 28ko 20/2021 Legetik eratorritako egonkortze-prozesuak gauzatzeko neurriei buruzkoa da.

Foru lege horren 7. artikuluan ezarritakoaren arabera, egonkortzeko hautaketa-prozeduretarako onartzen diren deialdietan zehaztuko da bete beharreko gehienezko plaza-kopurua, eta zehazki zehaztuko dira eta identifikatuko dira lekualdatze-lehiaketaren prozedura ebatzi ondoren eskainitako plaza hutsen kopuru zehatzak, foru lege horren 10. artikuluan xedatutakoaren arabera izapidetuko direnak, eta dagokion hautaketa-prozeduran sartuko dira lekualdatze-lehiaketetan geratzen diren plazak.

Ondorioz, eta esleituta ditudan eskumenak erabiliz, honako hau

EBATZI DUT:

1. Deialdia eta oinarriak onartzea. Horien lanpostu hutsak eta ezaugarriak I. eranskinean zehazten dira.

2. Deialdi hau, oinarriak eta eranskinak Nafarroako Aldizkari Ofizialean argitaratzea.

3. Erabaki hau Nafarroako Aldizkari Ofizialean argitaratzea.

Tafallan, 2022ko abenduaren 23an.–Lehendakaria José Ignacio Moros Bailón.

Deialdi hau aplikagarria den araudian xedatutakoaren eta honako hauetan ezarritakoaren arabera eginen da:

OINARRIAK

1.–Deialdiaren xedea.

1.1. Deialdi honen xedea da I. eranskinean identifikatutako lanpostu hutsak eta horien ezaugarriak betetzea, lehia askearen, berdintasunaren, merezimenduaren, gaitasunaren eta publizitatearen printzipioak betez eta merezimendu-lehiaketaren prozeduraren bidez, aldi baterako enplegua egonkortzeko eta finkatzeko ezohiko prozesuaren barruan. Prozesu hori enplegu publikoaren behin-behinekotasuna murrizteko premiazko neurriei buruzko abenduaren 28ko 20/2021 Legearen eta Nafarroako administrazio publikoetan aldi baterako enplegua murrizteko premiazko neurriei buruzko abenduaren 28ko 20/2021 Legearen ondoriozko egonkortze-prozesuak gauzatzeko neurriei buruzko uztailaren 1eko 19/2022 Foru Legearen babesean egiten da.

1.2. Deialdi honen bidez izendatzen diren izangaiek beren lanpostuari dagozkion eginkizunak beteko dituzte, eta Nafarroako Administrazio Publikoen Zerbitzupeko Langileen Estatutuaren Testu Bategina onartzen duen abuztuaren 30eko 251/1993 Legegintzako Foru Dekretuan eta hura garatzeko araudian ezarritako eskubideak eta betebeharrak izanen dituzte, eta I. eranskinetan zehaztutako erregimenean eta mailan kokatuko dira.

1.3. Eskainitako plaza guztiak txanda irekiaren bidez beteko dira, eta ez dago sustapen-txandarik, desgaituentzako plaza-erreserbarik eta genero-indarkeriaren biktima diren emakumeentzako erreserbarik.

2.–Aplikatu beharreko araudia.

Prozedura hau honako hauetan xedatutakoaren arabera gauzatuko da gaiari buruz:

20/2021 Legea, abenduaren 28koa, enplegu publikoan behin-behinekotasuna murrizteko premiazko neurriei buruzkoa; 19/2022 Foru Legea, uztailaren 1ekoa, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legetik eratorritako egonkortze prozesuak gauzatzeko neurriei buruzkoa;

251/1993 Legegintzako Foru Dekretua, abuztuaren 30ekoa, Nafarroako Administrazio Publikoen zerbitzupeko Langileen Estatutuaren testu bategina onartzen duena;

113/1985 Foru Dekretua, ekainaren 5ekoa, Nafarroako Administrazio Publikoetan Sartzeko Erregelamendua onartzen duena; Toki Araubidearen Oinarriak arautzen dituen apirilaren 2ko 7/1985 Legean, gainerako arau aplikagarrietan eta deialdi honen oinarrietan gai horri buruz xedatutakoan.

3.–Betekizunak.

3.1. Merezimendu-lehiaketan onartuak izateko, izangaiek honako baldintza hauek bete beharko dituzte:

a) I. eranskinean zehaztutako nazionalitate-baldintza betetzea.

b) Hamasei urte beteta izatea eta nahitaezko erretirorako gehieneko adina ez gainditzea.

c) I. eranskineko ezaugarrien koadroan zehaztutako titulua izatea edo eskabideak aurkezteko epea amaitzen den egunean titulu hori lortzeko moduan egotea. Atzerrian lortutako titulazioen kasuan, dagokion baliozkotzea edo homologazioa egiaztatzen duen egiaztagiria eduki beharko da.

Betekizun hori ez zaie aplikatuko araututako lanbideen esparruan Europako Batasuneko zuzenbideko xedapenen babesean lanbide-kualifikazioa lortu duten izangaiei.

d) Dagozkion eginkizunak betetzeko beharrezko gaitasun fisiko eta psikikoa izatea.

e) Funtzio publikoak betetzeko ezgaituta edo etenda ez egotea, eta herri-administrazio baten zerbitzutik bereizita ez egotea.

f) Deialdia egin duen toki-erakundean deialdiaren xede den lanpostuan langile finko diren enplegatuek ezin izanen dute parte hartu. Baldintza hori betetzen ez duten pertsonak ezin izanen dira izendatu, eta haien jarduketa guztiak baliogabetuta geratuko dira, eskabidean faltsutzeagatik izan dezaketen erantzukizunari kalterik egin gabe.

g) Ezaugarrien koadroak hala zehazten badu, eta Haurrak eta Nerabeak Babesteko Sistema aldatzen duen uztailaren 28ko 26/2015 Legearen arabera, adingabeekin ohiko harremana izatea eskatzen duten lanpostuetan sartzeko baldintza izanen da sexu-askatasunaren eta sexu-ukigabetasunaren aurkako delituren batengatik eta gizakien salerosketagatik epai irmo bidez kondenatua ez izatea.

3.2. Izangaiek deialdi honen oinarrietan zehazten den unean egiaztatu beharko dituzte betekizun horiek. Eskabideak aurkezteko epea amaitzen denean eduki beharko dira, eta indarrean egon beharko dute lanpostuaz jabetu arte, 3.1.f oinarrian xedatutakoari kalterik egin gabe.

4.–Eskabideak, tasak eta eskabidearekin batera aurkeztu beharreko agiriak.

4.1. Eskabidea aurkeztea eta formalizatzea.

Deialdian parte hartzeko eskabideak Tafallako Udaleko erregistro orokorrean aurkeztu beharko dira, edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozein bide erabiliz.

Eskabidea posta-bulego batean aurkeztea erabakitzen bada, gutun-azal irekian eginen da, posta-zerbitzuko langileek ziurtatu aurretik data eta zigilua jar diezaioten eskabideari.

Hautaketa-prozesu honetan parte hartu nahi dutenek nahitaez aurkeztu beharko dute eskabidea, II. eranskinean araututako ereduaren arabera, eta parte hartu nahi duten hautaketa-prozesu adina eskabide aurkeztu beharko dituzte.

4.2. Eskabideak aurkezteko epea.

Eskaerak aurkezteko epea 15 egun naturalekoa izanen da, Nafarroako Aldizkari Ofizialean argitaratu eta biharamunetik hasita. Eskabideak aurkezteko epea ezin izanen da luzatu.

4.3. Tasak.

Ez dagokio tasak ordaintzea.

4.4. Eskabidearekin batera aurkeztu beharreko dokumentazioa.

Eskabidea aurkezteko unean, izangaiek honako agiri hauek aurkeztu beharko dituzte:

–Merezimenduen autobaloraziorako inprimakia (III. eranskina), behar bezala osatua, eta merezimenduen autobaloraziorako formularioan agertzen diren merezimenduen egiaztagirien kopiak.

Eskabideak aurkezteko epea ixtean eta lehen aipatutako moduan zerrendatu, alegatu eta egiaztatzen ez diren merezimenduak ez dira kontuan hartuko, ez eta baloratuko ere. Hala ere, epaimahaiak dokumentazioa gehitzea eska dezake, merezimendu bat behar bezala egiaztatu gabe dagoela uste badu.

5.–Epaimahai kalifikatzailea.

5.1. Epaimahai kalifikatzailea deialdi hau onartu ondoren izendatuko da, onartutako eta baztertutako izangaien behin betiko zerrenda onartu baino lehen. Epaimahai kalifikatzaileak hiru kide izanen ditu gutxienez, eta ordezko kide-kopuru bera izendatu beharko da.

Izendapen hori Tafallako Udaletxeko iragarki taulan argitaratuko da.

5.2. Epaimahaiaren osaeran, gizonen eta emakumeen arteko ordezkaritza orekatua izanen da.

5.3. Epaimahaiaren osaeran ez da beharrezkoa izanen sartzeko eskatzen den ezagutza-arlo bereko titulaziorik izatea, maila akademiko berekoa edo goragokoa.

5.4. Kasu bakoitzean eskumena duen Langileen Batzordeak epaimahai bakoitzean dagokion kidea izendatzeko proposamenik egiten ez badu eskatzen zaienetik 15 egun naturaleko epean, deialdia egin duen organoak kide hori izendatuko du dagokion eremuan hautatutako langileen ordezkarien artetik.

5.5. Epaimahaia merezimendu-lehiaketa baloratu aurretik eratu beharko da.

Epaimahaia ezin izanen da eratu, ezta jardun ere, gutxienez kideen gehiengo osoa bertaratu ezean.

Kide anitzeko organoa behar bezala eratzeko eta jarduteko, lehendakaria eta idazkaria edo, hala badagokio, horien ordezkoak bertan egon beharko dute.

5.6. Sektore Publikoaren Araubide Juridikoaren urriaren 1eko 40/2015 Legearen 23. artikuluan aurreikusitako abstentzio-arrazoiak daudenean, epaimahai kalifikatzaileko pertsonek ezin izanen dute parte hartu, eta deialdia egin duen organoari jakinarazi beharko diote.

Halaber, izangaiek epaimahaikideak errefusatu ahal izanen dituzte aipatutako inguruabarrak gertatzen direnean.

5.7. Epaimahaiak gehiengoz ebatziko ditu deialdiaren oinarrien interpretazioari eta aplikazioari buruz sor daitezkeen arazo guztiak.

5.8. Epaimahaiak aholkulari espezialistak sartu ahal izanen ditu haren eskumeneko edozein jardunetarako. Aholkulari horiek epaimahaiarekin lankidetzan arituko dira, eta beren espezialitate teknikoetan baino ez dute jardungo.

6.–Izangaiak onartzea.

6.1. Eskabideak aurkezteko 15 egun naturaleko epea amaituta, onartutako eta baztertutako izangaien behin-behineko zerrenda onartuko da, eta Tafallako Udaleko iragarki-taulan argitaratzeko aginduko da.

Baztertutako hautagairik ez badago, onartutakoen behin betiko zerrenda onartuko da zuzenean, eta Tafallako Udaleko iragarki-taulan argitaratuko da.

6.2. Baztertutako izangaiek erreklamazioak aurkeztu ahal izanen dituzte behin-behineko zerrenda argitaratu eta hamar egun balioduneko epean, eta, hala badagokio, egindako akatsak zuzendu ahal izanen dituzte. Erreklamazioak Tafallako Udaleko Erregistroaren bidez aurkeztuko dira.

6.3. Erreklamazioak aurkezteko epea amaitu eta erreklamazioak ebatzi ondoren, onartutakoen eta baztertutakoen behin betiko zerrenda onartuko da eta Tafallako Udaleko iragarki-taulan argitaratuko da.

6.4. Onartutako pertsonen zerrendan agertzeak ez du esan nahi bertan agertzen direnei ebazpen honen bidez deitutako prozeduran eskatzen diren baldintzak betetzen dituztela aitortzen zaienik. Hautaketa-prozedura gaindituz gero aurkeztu behar den dokumentaziotik ondorioztatzen bada ez dutela baldintzaren bat, prozedura honetan parte hartzeagatik sor daitezkeen eskubide guztiak galduko dituzte interesdunek, faltsutzeagatik sor daitezkeen erantzukizun penal, zibil edo administratiboak ukatu gabe.

7.–Merezimendu-lehiaketaren salbuespenezko prozedura garatzea: baloratu beharreko merezimenduak.

a) Merezimendu profesionalak: 60 puntu gehienez.

Deialdia argitaratu arte Administrazio publikoetan egindako zerbitzuak baloratuko dira, gehienez ere 60 puntu, puntuazio honen arabera:

a.1) Deialdiaren xede den lanpostu berean, deialdia egin duen toki-erakundean eta haren erakunde autonomoetan emandako zerbitzuak: 3 puntu zerbitzu-urte oso bakoitzeko.

a.2) Deialdia egin duen toki-erakundean eta haren erakunde autonomoetan beste lanpostu batzuetan emandako zerbitzuak: 1,5 puntu zerbitzu-urte oso bakoitzeko.

a.3) Beste administrazio publiko batzuetan lanpostu berean edo beste lanpostu batzuetan emandako zerbitzuak: 0,75 puntu zerbitzu-urte oso bakoitzeko.

a.1, a.2 eta a.3 ataletako oharrak:

1. Urte kopurua osoa ez bada, zerbitzuak eman diren aldiari proportzioan dagokion puntuazioa esleituko da.

2. a) Atal honetan gehienez ere 60 puntu lor daitezke.

3. Emandako zerbitzuak baloratuko dira zerbitzu-emate bakoitza hasten denetik amaitzen den arte, egindako lanaldiaren ehunekoa edozein dela ere.

4. Ez dira baloratuko deialdia argitaratu ondoren egindako zerbitzuak.

5. Izangaia prestakuntzako zerbitzu berezietan edo jarduneko egoera berezian egon den aldiak benetan betetako lanpostuan emandako zerbitzutzat hartuko dira.

Izangaia beste arrazoi batzuengatik, eszedentzia bereziagatik edo unitate organikoko burutza edo zuzendaritza batengatik zerbitzu berezietan egon den aldiak egoera horietan sartzeko unean zuen lanpostuan emandako zerbitzutzat zenbatuko dira.

6. Bateraezinak izanen dira aurreko azpiataletan emandako puntuazioak, baldin eta puntuazio horiek aldi berekoak badira, eta, kasuan-kasuan, puntuaziorik altuena emanen da.

Merezimendu profesionalak dagokion erakundeak emandako ziurtagiriaren bidez egiaztatuko dira. Ziurtagirian zerbitzuaren iraupena, betetako lanbide-kategoria eta lan-bizitzaren txostena jaso beharko dira. Agiri horietan izendapenaren hasiera-data eta amaiera-data edo lan-harremana (edo, hala badagokio, indarrean jarraitzen duena), izendapenaren xedea, kontratua eta lanaldi mota adierazi beharko dira.

Ziurtagiria deialdia egin duen toki-erakundeak eman behar badu, eskatzaileak ez du aurkeztu beharko.

8.–Kalifikazioa.

8.1. Behin merezimendu-lehiaketaren kalifikazioa amaituta, epaimahaiak Tafallako Udaleko iragarki-taulan argitaratuko du merezimenduen behin-behineko balorazioa, eta 5 egun balioduneko epea emanen da alegazioak aurkezteko.

8.2. Bost egun balioduneko epea amaituta, aurkeztutako alegazioak ebatziko dira, eta merezimenduen behin betiko balorazioa eginen da. Ondoren, epaimahaiak hautagai bakoitzak lortutako puntuazioak helaraziko ditu, eskakizunak egiaztatzeko eta lanpostu hutsak aukeratzeko izapideak egiteko.

8.3. Merezimendu-lehiaketako salbuespenezko prozeduran parte hartzen duten pertsonen puntuazioan gertatzen diren berdinketak 7.a.1) lanbide-merezimenduen atalean puntuazio handiena duen lehiakidearen alde ebatziko dira, eta bat badatoz, azpiatal bakoitzean lortutako puntuaziorik handiena hartuko da kontuan, zerrendatzen diren hurrenkeran.

Berdinketak jarraitzen badu, zozketa bakar baten bidez ebatziko da. Zozketa hori epaimahai kalifikatzaileak eginen du. Berdindutako pertsonen artean bat aukeratuko da ausaz, bakoitzari zenbaki bat esleituz, alfabeto-ordenaren arabera ordenatuta. Horrela, berdinketa guztiak ordena alfabetikoaren arabera konponduko dira, zozketan zenbakia atera zaion pertsonaren izenetatik eta abizenetatik abiatuta.

8.4. Prozedura horretatik ez da eratorriko aldi baterako kontrataziorako izangaien zerrendarik eratzea.

9.–Betekizunak egiaztatzea eta lanpostu hutsak aukeratzea.

9.1. Organo eskudunak 10 egun balioduneko epea irekiko du, lanpostu hutsak betetzeko zehazten den kopurua lortzen duten pertsonek baldintza hauek betetzen dituztela egiaztatzen duen dokumentazioa aurkez dezaten, horretarako ezartzen den bidea erabiliz:

a) Eskatutako tituluen edo horiek lortzeko eskubideak ordaindu izanaren frogagiriaren kopia, edo, hala badagokio, hori lortzeko moduan egon izanaren ziurtagiria, eskabideak aurkezteko epea amaitu baino lehen.

b) Hala badagokio, abenduaren 11ko 1110/2015 Errege Dekretuan araututako Sexu Delitugileen Erregistro Zentralaren ziurtagiri negatiboa aurkeztea, ezaugarrien taulan xedatutakoaren arabera adingabeekin ohiko harremana izatea eskatzen duten lanpostuetara iristeko.

9.2. Aurreko izapidea bete ondoren, hutsik dauden lanpostuak aukeratzeko egintzarako deia eginen da. Horretarako, aukeratu beharreko plaza hutsen zerrenda argitaratuko da, bai eta hautaketarako deitutako izangaien zerrenda ere. Horretarako, lanpostu hutsak hautatzerakoan duten lehentasun-hurrenkerari jarraituko zaio, eta izangaiek egiaztatu dituzten baldintzak eta lanpostu hutsak aukeratzeko ematen den epea adieraziko dira.

Informazio hori toki-erakundearen atariko deialdiaren web-fitxan argitaratuko da.

Ondoren, izangaiek, adierazitako epean, lanpostuko lanpostu hutsen lehentasun-hurrenkera jakinaraziko dute.

10.–Izendatzeko edo kontratatzeko proposamena eta dokumentuak aurkeztea.

10.1. Hutsik dauden lanpostuak aukeratzeko izapidea amaitutakoan, epaimahaiak, espediente osoarekin batera, deitutako plazen kopuruan puntuaziorik handiena duten izangaiak kontratatzeko proposamena eginen du.

Kontratazio proposamen hori Tafallako Udalaren iragarki taulan argitaratuko da, ezaugarrien koadroan zehaztutakoaren arabera.

10.2. Proposatutako izangaiek, toki-erakundearen zerbitzuko langile finko ez direnek, honako agiri hauek aurkeztu beharko dituzte, izendapen-proposamena Tafallako Udaleko iragarki-taulan argitaratu eta 10 egun balioduneko epean:

a) Nortasun-agiri nazionalaren edo hautagaiaren nazionalitatea eta nortasuna egiaztatzen duen agiri baliokidearen kopia.

b) Karguari dagozkion eginkizunak betetzea eragozten duen gaixotasun edo akats fisiko edo psikikorik ez duela egiaztatzen duen txosten mediko ofiziala.

c) Funtzio publikoak betetzeko ezgaituta edo etenda ez dagoela eta administrazio publiko baten zerbitzutik bananduta ez dagoela adierazten duen zinpeko aitorpena edo aitorpen solemnea.

d) Nafarroako Foru Araubidea errespetatzeko, Konstituzioari eta legeei men egiteko eta karguari dagozkion betebeharrak zintzo betetzeko zina edo promesa.

10.3. Izangaiek, behar bezala justifikatutako ezinbesteko kasuetan izan ezik, ez badituzte agiriak aurkezten eta ez badute egiaztatzen deialdiaren 3. oinarrian eskatutako baldintzaren bat betetzen dutela, ezin izanen dira kontratatu, eta beren jarduera guztiak baliogabetuta geratuko dira, eskabidean gezurra esateagatik izan dezaketen erantzukizunari kalterik egin gabe.

10.4. Aurreko paragrafoan aurreikusitako kasuan, hutsik geratu den plazaren baldintzak betetzen dituen izangaiarekin beteko da baja, eta, jarraian, 8. eta 9. oinarrietan aipatzen diren pertsona gaindituen zerrendan sartuko da, aurreko paragrafoetan adierazitako moduan.

10.5. Deialdiaren xede den lanposturako betekizun eta baldintzen egiaztapena ez den beste edozein agiri eskatuko zaio proposatutako izangaiari, eta hark aurkeztuko du deialdi honen 10.2 atalean ezarritako moduan.

11.–Izendatzea, lanpostu hutsak esleitzea eta lanpostuaz jabetzea.

11.1. Lanaldi partzialeko lan-kontratuko langile finko gisa kontratatuko da, eta aurreko oinarrietan ezarritakoa betetzen duten izangaiei esleituko zaizkie lanpostu hutsak.

11.2. Kontratazioak eta lanpostuaz jabetzeak nominako eta plantillako lanaldi partzialeko lan-kontratuko langile finkoen izaera emanen diete izendatutako pertsonei, indarrean dauden xedapenek adierazitako eskubide eta betebehar guztiekin, eta Gizarte Segurantzaren Araubide Orokorrean alta eman beharko zaie, araubide horretan aurreikusitako babes-ekintzaren pean.

Nolanahi ere, lanpostura sartzeko, plantilla organikoan lanposturako jasota dagoen administrazio-araubide bera erabiliko da, lanaldi partzialekoa.

11.3. Izendapena Nafarroako Aldizkari Ofizialean argitaratuko da, kontuan hartuta argitalpen horrek jakinarazpenaren ondorio berak izanen dituela, Administrazio Publikoen Administrazio Prozedura Erkidearen urriaren 1eko 39/2015 Legearen 45. artikuluan ezarritakoaren arabera.

11.4. Izendapen-ebazpenean horretarako finkatzen den egunean jabetuko dira lanpostuaz.

11.5. Emandako epearen barruan, eta ezinbesteko kasuetan izan ezik, lanpostuaz jabetzen ez direnek eskubide guztiak galduko dituzte toki-erakundeko lan-kontratuko langile finko izateko. Kasu horretan, deialdiaren 10.4 atalean ezarritakoa beteko da.

11.6. Lanaldi partzialeko lan-kontratuko langile finko bihurtzen diren izangaien kasuan, lanpostuan benetan jardun ez arren, beren eskariz, lanpostuaz jabetzen diren egunetik bertatik aurrera borondatezko eszedentzia-egoeran deklaratzen badira, indarrean dagoen araudian aurreikusitako kasuetan, dagokion lanpostu hutsa ere bete eginen da, deialdiaren 10.4 paragrafoan xedatutakoaren arabera.

11.7. Aurreko bi zenbakietan aurreikusitako kasuetan, ez da aldatuko izendapenaren edo kontratazioaren aurretik egindako lanpostu hutsen aukeraketa, eta lan-kontratuko langile finko berriei zuzenean esleituko zaizkie egoera horien ondoriozko plazak.

12.–Jarduketen publizitatea.

Nafarroako Aldizkari Ofizialaren bidez ofizialki argitaratu behar diren izapideei kalterik egin gabe, Tafallako Udaleko iragarki-oholean argitaratuko da proben deialdiei eta kalifikazioei dagozkien epaimahaiaren ebazpen eta jarduketei buruzko informazioa, bai eta interesdunentzat erabilgarria den beste edozein informazio orokor ere.

13.–Errekurtsoak.

Deialdi honen, haren oinarrien eta hura aplikatzeko egintzen aurka, aukeran, errekurtso hauetako bat aurkez daiteke:

a) Berraztertzeko errekurtsoa, egintza egin duen organoaren aurrean, hilabeteko epean, jakinarazpena edo argitalpena egin eta hurrengo egunetik aurrera.

b) Administrazioarekiko auzi-errekurtsoa administrazioarekiko auzien organo eskudunean, bi hilabeteko epean, errekurritutako egintza edo erabakia jakinarazi edo argitaratu eta hurrengo egunetik aurrera.

c) Gora jotzeko errekurtsoa Nafarroako Administrazio Auzitegian, errekurritutako egintza edo erabakia jakinarazi edo argitaratu eta hurrengo hilabetearen barruan.

Epaimahai kalifikatzailearen egintzen aurka gora jotzeko errekurtsoa aurkeztu ahal izanen zaio deialdia egin duen toki-erakundeari, errekurritutako egintza edo erabakia jakinarazi eta hurrengo hilabetean.

I. ERANSKINA

Aldi baterako enplegua egonkortzeko eta finkatzeko ezohiko prozesuari dagozkion lanpostu hutsak merezimendu-lehiaketa bidez betetzeko deialdiaren ezaugarrien taula, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoaren arabera.

1.–Plazen Identifikazioa

2.–Baldintzak.

2.1. Eskatutako nazionalitate espainiarra: Espainiako nazionalitatea edo Europar Batasuneko estatu kide bateko nazionalitatea, edo Europako Erkidegoak izenpetu eta langileen joan-etorri askea aplikatzekoa den Espainiak berretsitako nazioarteko tratatuen aplikazio-eremuan sartutako estatu bateko nazionalitatea; espainiarren ezkontideak eta Europar Batasuneko beste estatu kide batzuetako nazionalitatea dutenek ere parte hartu ahal izango dute, baldin eta zuzenbidez bananduta ez badaude, bai eta haien ondorengoek eta ezkontidearen ondorengoek ere, betiere zuzenbidez bananduta ez badaude, 21 urtetik beherakoak edo adin horretatik gorakoak izan eta haien kontura bizi badira.

2.2. Sexu-askatasunaren eta sexu-ukigabetasunaren aurkako delituren batengatik eta gizakien salerosketagatik epai irmo bidez kondenatuta ez egotea (horrela adierazitako plazetan).

3.–Tasa.

3.1. Ez dagokio.

4.–Lan publikoaren eskaintza onesten duen ebazpena eta nafarroako aldizkari ofizialeko iragarkiaren esteka.

Nafarroako Erdialdeko Kirol eta Gizarte eta Kultura Zerbitzuen Mankomunitateko Lehendakariaren 2022ko ekainaren 9ko Ebazpena, 2022ko Lan Eskaintza Publikoa onartzen duena. Horren bidez, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen araberako egonkortze eta salbuespenezko deialdi prozesuak artikulatzen dira (2022ko ekainaren 21eko Nafarroako Aldizkari Ofizialaren 122. zenbakian argitaratua).

https://bon.navarra.es/eu/iragarkia/-/texto/2022/122/10

II. ERANSKINA

Hautaketa-prozesuan parte hartzeko eskabide-eredua (PDF).

III. ERANSKINA

Aldi baterako enplegua egonkortzeko eta finkatzeko lehiaketako merezimenduen autobalorazioko dokumentua (PDF).

Iragarkiaren kodea: L2217628