1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK. Epatze deia Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 16ko 253/2022 Ebazpenaren aurka jarritako gora jotzeko errekurtsoetan interesdun direnei. Ebazpen horren bidez, Irakasleak Hautatzeko eta Lanpostuak Betetzeko Zerbitzuko zuzendariaren irailaren 23ko 221/2022 Ebazpenaren bidez berariazko zerrendak irekitzearen ondorioz sortutako behin betiko zerrendak onetsi ziren.
Iragarki honen bidez jakitera ematen da ezen beherago aipatzen diren pertsonek gora jotzeko errekurtso bana jarri dutela Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren otsailaren 8ko 42/2021 Ebazpenaren aurka, zeinaren bidez onetsi baitziren Irakasleak Hautatzeko eta Lanpostuak Betetzeko Zerbitzuko zuzendariaren abenduaren 14ko 297/2020 Ebazpenaren bidez berariazko zerrendak irekitzearen ondorioz sortutako behin betiko zerrendak. Errekurtsoek espezialitate hauetako zerrendei eragiten diete:
BIGARREN HEZKUNTZAKO IRAKASLEEN KIDEGOA
Latina (gaztelaniaz).
CLAUDIA FELIÚ CLAVEL
Gaztelania eta Literatura (Eleaniztuna frantsesez (C1)) (gaztelaniaz).
CLAUDIA FELIÚ CLAVEL
Gaztelania eta Literatura (euskaraz).
ANDER ALBIZU GOIKOETXEA
OLAIA EIZAGUIRRE MAYO
Euskal Hizkuntza eta Literatura (Nafarroa) (euskaraz).
ANDER ALBIZU GOIKOETXEA
OLAIA EIZAGUIRRE MAYO
LANBIDE HEZIKETAKO IRAKASLE TEKNIKOEN KIDEGOA
Ekipo Elektronikoak (euskaraz).
ANDER ALBIZU GOIKOETXEA
Hori horrela, eta bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoarekin, espezialitate horietan interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2022ko azaroaren 30ean.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F2216136
