Iragarkia

258. ALDIZKARIA - 2022ko abenduaren 23a

1. NAFARROAKO FORU KOMUNITATEA

1.7. BESTELAKOAK

1113E/2022 EBAZPENA, urriaren 27koa, Ingurumeneko zuzendari nagusiak emana, zeinaren bidez formulatzen baita Desarrollos Renovables del Norte SL enpresak Leotz eta Oloritz udalerrietan sustatu den eta huste-azpiegituren bidez Untzue eta Tebas-Muru Artederreta udalerriei eragiten dien "Barranco de Mairaga" parke eolikoaren ingurumen eragin kaltegarriaren adierazpena.

1.–Ingurumen eraginaren ebaluazio arruntaren prozedurari ekitea eta ingurumen eraginaren adierazpena egiteko eskatzea.

1.1. Jendaurreko informazioa eta ukitutako administrazio publikoei eta interesdunei kontsulta egitea:

Nafarroako parke eolikoetarako baimena arautzen duen maiatzaren 8ko 56/2019 Foru Dekretuaren 7. eta 8. artikuluetan eta Ingurumen Ebaluazioari buruzko abenduaren 9ko 21/2013 Legearen 36. eta 37. artikuluetan xedatutakoaren arabera, Industriaren Antolamenduaren, Azpiegitura Energetikoen eta Meatzeen Zerbitzuak "Barranco de Mairaga" parke eolikoaren proiektua eta ingurumen eraginaren azterketa jendaurrean jarri zituen bi kontsultalditan (2021eko otsailaren 8ko eta urriaren 25eko Nafarroako Aldizkari Ofiziala), eta dagokien administrazio publikoei eta interesdunei kontsulta egin zien horiei buruz. Jasotako alegazioak eta txostenak ebazpen honen I. eranskinean daude jasota.

1.2. Ingurumen eraginaren ebaluazio arruntari ekiteko eskaera.

Desarrollos Renovables del Norte SL enpresak 2022ko otsailaren 18an aurkeztu zion ingurumen eraginaren ebaluazio arrunta hasteko eskaera Industria Antolamenduaren, Azpiegitura Energetikoen eta Meatzeen Zerbitzuari, Ingurumen ebaluazioari buruzko abenduaren 9ko 21/2013 Legearen 39. artikuluan xedatutakoari jarraikiz. Industria Antolamenduaren, Azpiegitura Energetikoen eta Meatzeen Zerbitzuak dokumentazio osoa igorri dio Biodibertsitate Zerbitzuari, espedientearen azterketa teknikoari ekiteko eta ingurumen eraginaren adierazpen egokia egiteko.

2.–Proiektuaren laburpena.

"Barranco de Mairaga" parke eolikoak zortzi haize-sorgailu ditu, eta haietako bakoitzak 163 m-ko diametroko errotorea eta 148 m-ko garaierako abatza dituzte. Koordenatu hauetan paratuko dira haize-sorgailuak:

Parkerako sarbidea N-121 errepide nazionaletik izatea proposatzen da, NA-5010 errepidea hartuta eta, ondoren, NA-5030 errepideari jarraituta Etxagueraino. Hortik, Alaitz mendilerroko parke eolikoetara joateko egungo sarbidea erabiliko litzateke, eta handik barna iritsiko litzateke «Barranco de Mairaga» parke eolikora, ipar-mendebaldetik. Horretaz gainera, 3.171 metroan bide berria eraikitzea planteatzen da, bai eta bidea hobetzea/handitzea ere beste 16.339 metroan. Bideak gutxienez 6,5 m-ko behin betiko zabalerarekin planteatzen dira, eta %10eko gehieneko maldarekin hormigoiz estali gabeko tarte zuzenetan, zabor-legarrez egindako 20+10 cm-ko gainazal-akaberarekin. Drainatzeko, arekak proposatzen dira 1,5 m-ko zabalera eta 0,5 m-ko sakonera duten lurretan, eta beheko puntuetan, berriz, diametro aldakorreko aurrefabrikatutako hormigoizko hodiarekin igarotzeko obrak.

Haize-sorgailuak muntatzeko plataformak berdindu eta egokitu eginen dira, eta hormigoi armatuzko zapatak paratuko dira haize-sorgailuok zimendatzeko. Horretaz gainera, hainbat eremu aurreikusten dira palak pilatzeko, garabi nagusiaren lumak muntatzeko eta abarretarako.

Haize-sorgailuak 30 kV-ko lurpeko zirkuitu elektrikoen bidez egonen dira lotuta. Zirkuitu horiek arduratuko dira ekoitzitako energia elektrikoa SET-Mairagaraino garraiatzeaz (66/30 kV), eta bertatik abiatuko da SET-Muruartera (220kV) doan 11,62 km-ko lurpeko ebakuazio-linea.

3.–Azterketa teknikoa.

"Barranco de Mairaga" parke eolikoa, huste-azpiegitura barne, ingurumen-muga handiak dituen eremu batean dago proiektaturik. Xehetasun hori jasorik zegoen Biodibertsitate Zerbitzuak emaniko txostenetan, zeinak Industria Antolamenduaren, Azpiegitura Energetikoen eta Meatzeen Zerbitzuak eginiko kontsultei erantzuteko idatzi baitziren, bi kontsultaldietan, 56/2019 Foru Dekretuaren 8. artikuluan eta 21/2013 Legearen 37. artikuluan xedatutakoaren arabera. Azken horretan, sustatzaileari ohartarazten zitzaion "Barranco de Mairaga" parke eolikoaren proiektuaren ingurumen-bideragarritasuna korapilatsua zela, ingurumen-sentikortasun handia izatea, fauna hegalari mehatxatua egotea, azpiegiturarekin talka egiteko arrisku handia, hesi-efektua eta, inguruko parke eoliko ugariekin batera, faktore horien nahiz beste batzuen gainean dituen sinergia- eta metatze-ondorioak aintzat hartuta.

Bertako zuhaizti trinko eta askotarikoetan (pinudia, pagadia, artadia, hariztia, etab.) tamaina handiko zuhaitz helduak daude, basoko harrapari askok habia egiteko egokiak. Bestalde, sastrakadiak, belardiak eta larreak daude, eta horietan nekazaritza- eta abeltzaintza-jarduera garatzen da. Hori guztiari esker, espezie ugarik txoko ekologiko bat dute bertan. Hori baieztatzen du sustatzaileak "Barranco de Mairaga" parke eolikoaren eremuan egindako fauna hegalariaren urteko zikloaren azterketak. Nabarmentzekoa da eremu horretako espezie eta ale asko daudela babes bereziko erregimenean sartuta edo mehatxatutzat katalogatuta, estatu nahiz autonomia mailan (miru gorria, ugatza, sai zuria, mirotz zuria, mirotz urdina, arrano arrantzalea, sai arrea, arrano beltza, arrano txikia eta abar), eta guztiek ere kalteak jasanen dituztela bizitzeko, elikatzeko, habia egiteko, gazteak barreiatzeko, atseden hartzeko eta abarretarako eremuetan. Espezie horietako askok haize-sorgailuen antzeko altueran egiten dute hegan; horregatik, "Barranco de Mairaga" parke eolikoa jartzeak espezie horiek talka egiteko arrisku handia dakar.

Nabarmentzekoa da espezie harkaiztarren eta baso-espezieen gaineko eragina, egunero egiten baitituzte joan-etorriak, habiak egiteko eta/edo atseden hartzeko eremuen eta larratze tokien artean. Lehen aipaturiko fauna hegalariaren urteko zikloaren azterketaren arabera, hegazti sarraskijaleek joan-etorri ugari egiten dituzte zona horretan, parkearen inguruan hegazti horien hainbat kolonia eta/edo etzaleku baitaude. Bestalde, aztertutako eremuan dagoen habitata arras aproposa eta erakargarria da beste espezie batzuentzako ere bai; izan ere, espezie horiek habiak egiteko edo atseden hartzeko beste eremu batzuk badauzkate ere, eremu hau haien bizi-lekuetako bat da. Behaketa kopuru handiak eta espezie harkaiztar eta baso-espezie askoren kasuan antzemandako hegaldi altuerek agerian uzten dute arrisku handia dagoela talka egiteko "Barranco de Mairaga" parke eolikoarekin loturik, eta arrisku hori are handiagoa dela maniobratzeko gaitasun gutxien eta hego-luzera handiena duten espezieen kasuan.

Aipamen berezia merezi du miru gorria (Milvus milvus) kontserbatzeko aztertzen ari garen eremuak. Espezie hori galzorian dago estatuan, eta horixe izan da inguru horretan gehien ikusitako harraparietako bat. Inguruan hainbat etzaleku ditu eta, parkearen eremuan bertan, habiak egiteko toki ugari. Horrez gain, beste eremu batzuetako ale negutarrak eta ugaltze-aleak ere agertzen dira bertan, elikatzeko leku gisa bisitatzen baitute proiektuaren eremua. Espezie hori bereziki kaltebera da parkea instalatzeari dagokionez, hainbat arrazoi direla eta: espeziearen mehatxu-maila, begiztatzeen kopuru handia, talka egiteko arriskua dagoen altueran egindako behaketen ehuneko handia, espezieak habiak egiteko eta bizitzeko eremuen artean duen mugikortasun handia eta hegaztiak hegan egiten ematen duen denbora luzea.

Era berean, aipamen berezia egin behar zaio ugatzari; izan ere, espezie hori ere galzorian dago, eta haien populazio-dinamika oso sentikorra da helduen galerarekiko. Arestian aipatutako azterketaren arabera, zenbait ale ikusi dira, batzuk talka egiteko arriskua dagoen altueran, bai parkearen eremuan, bai Alaitz mendilerroaren bi isurialdeetan. Espeziea Pirinioetako gune nagusitik kanpoko eremu geografikoetara hedatzea hura kontserbatzeko arazo nagusietako bat da. Hori dela eta, espeziearen banaketa-mugan dagoen "Barranco de Mairaga" parke eolikoak eragiten ahal duen kaltea oso larria litzateke, eta atzera egitera bultzatzen ahal du espeziea.

Halaber, aipamen berezia merezi du sai arreak, zein babes bereziko espeziea baita estatuan, eta interes bereziko espezie gisa katalogatuta baitago Nafarroako katalogoan. Parkearen inguruan kolonia eta etzaleku batzuk izateaz gain, maiz pasatzen da espeziea zona horretatik. Bertan, aurkeztu den fauna hegalariaren urteko zikloaren azterketaren arabera, begiztatze ugari egiten dira, horien ehuneko handi bat talka egiteko arriskua dagoen altueran. Inguruabar hori, espezie horrek Nafarroako parke eolikoetan duen heriotza-tasarekin batera, larria izaten ahal da, are gehiago kontuan hartzen bada bizitza luzeko espezie bat dela, heltze sexualaren aldi luzeak dituena, eta ugaltze-tasa txikiak. Gainera, indibiduoak mugikortasun handikoak dira.

Era berean, aurkeztu den fauna hegalariaren urteko zikloaren azterketan adierazten denez, zona horretan askotariko kiropteroak daude, eta 19 espezie inbentariatu dira. Batzuk estatu edo autonomia mailan katalogatuta daude, eta horietako batzuek talka egiteko arriskua dagoen altueran egiten dute hegan.

Aurkeztu den fauna hegalariaren urteko zikloaren azterketan hautemandako hegazti eta kiropteroetako asko 42/2007 Legearen IV. eranskinean jasota daude, eta, beraz, "habitatari dagokionez kontserbaziorako neurri bereziak izanen dituzten espezieak dira, haien biziraupena eta ugalketa bermatzeko haien banaketa eremuan". Ezin da baieztatu aurkeztu den ingurumen eraginaren azterketan sartutako prebentzio neurriak eta neurri zuzentzaileak aukera eraginkorra direnik proiektuak espezie horiei eragiten dizkien arazoak konpontzeko (talka egiteko arriskua, hesi-efektua, etab.). Hori dela eta, haize-sorgailuak jartzeak okerragotu egin ditzake espezie horiek bizirik irauteko eta ugaltzeko baldintzak parkea jarri nahi diren eremuan.

Bestalde, kontsultaldian emandako txostenetan aipatu bezala, Alaitz-Izko mendilerroaren hegoaldeko hegalean egonen lirateke haize-sorgailuak, eta horietako batzuen kokapena babestu beharreko lurzoru urbanizaezin gisa dago katalogaturik 4. lurralde-antolamenduko planean, lurralde-konektagarritasunaren ondorioz duen ingurumen balioagatik. Gainera, Alaitz-Izko mendilerroko 25 km-tik gorako gain osoan haize-sorgailurik gabe geratzen den korridore bakanetako batean paratuko lirateke haize-sorgailuak, eta horrek izugarri areagotuko lituzke talka egiteko arriskua, hesi-efektua eta konektibitate-galera. Halaxe baieztatzen dute irratiz markaturiko arrano beltz batek emaniko datuek; izan ere, ia korridore hori bakarrik erabiltzen zuen Alaitz mendilerroko isurialde batetik bestera igarotzeko. Bertan dauden espezieen ohiko joan-etorrietan ez ezik, abifaunaren eta kiropteroen migrazio-fluxuetan ere izaten ahal dute eraginik haize-sorgailuek; izan ere, "Barranco de Mairaga" parke eolikoa mendebaldeko paleartikoko migrazio-bide atlantiko garrantzitsuenetako batean baitago kokatuta. Zehazki, Nafarroako ekialdeko haranak zeharkatzen dituen migrazio-korridorearen parte da, eta, aurkeztu den fauna hegalariaren urteko zikloaren azterketaren arabera, hainbat espeziek baliatzen dute, hala nola koartza hauskarak, arrano arrantzaleak, mirotz urdinak, zikoina zuriak nahiz beltzak, miru gorriak eta beltzak, zapelatz liztorjaleak eta beste hainbatek.

Indarrean dagoen araudiaren arabera, ahalegin berezia egin beharko da lurralde-konektagarritasunaren ondorioz duten ingurumen balioagatik babestu beharreko lurzoru urbanizaezinetan eragina izaten ahal duten azpiegitura edo jarduketak ez daitezen fauna eta florarentzako oztopo gaindiezin bihurtu. Halaber, behar diren neurriak hartu beharko dira espazioen arteko konektagarritasuna gal ez dadin. Gaur egun, neurri horiek ez daude bermatuta.

Bestalde, "Barranco de Mairaga" parke eolikoa 3 km baino gutxiagora dago Natura 2000 Sareko Orba Mendiak kontserbazio bereziko eremu espaziotik (ES2200032), eta haren kudeaketarako funtsezko elementuen artean daude konektibitate ekologikoa, hegazti harrapariak eta kiropteroak. Arestian azaldutakoaren arabera, eta kontserbazio bereziko eremu horretatik gertu dagoenez, eragina izaten ahal du aipatutako funtsezko elementuetan eta, beraz, kontserbazio bereziko eremuaren kontserbazio-egoeran.

Era berean, parke eolikotik 9 km eskasera dago Itzaga kontserbazio bereziko eremua (ES0000127). Bertan, duela urte batzuetatik hona ugatzaren habiak egiteko lurralde bat berreskuratu da. Gainera, sai zuriak, sai arreak eta parkea jarri nahi den tokia bizi-eremuan sartuta daukaten beste espezie batzuek ere habia egiten dute bertan. Kontserbazio bereziko eremu hori kudeatzeko funtsezko elementuetako bat hegazti harkaiztarrak dira; beraz, espezie horien mugikortasuna eta landaketa-eremua kontuan hartuta, irizten zaio "Barranco de Mairaga" parke eolikoa instalatzeak eraginak izanen lituzkeela funtsezko elementu horretan, eta, ondorioz, kontserbazio bereziko eremuaren kontserbazio-egoeran.

Beste alde batetik, haize-sorgailuen eta haien energia ateratzeko azpiegitura muntatzeko eta funtzionamenduan jartzeko egin behar diren lanek eragina izanen lukete landaredi naturalak hartutako azalera zabalean. Gainera, 92/46/EEE Zuzentarauaren arabera Batasunaren intereseko gisa katalogatuta dauden habitat batzuk nabarmen ukituko lirateke, eta horiek "ongi kontserbatu behar dira, beren azalerak mantendu edo handituz". Landaredi natural hau suntsitzen bada, lehengoratzeko urte asko behar izateaz gainera, zeharkako ondorioak izanen dira beste elementu batzuetan, bereziki faunaren eta paisaiaren gainean. Horrez gain, karbono-hustuleku funtzioa betetzen duen eta klima-aldaketaren aurrean funtsezkoa den azalera galtzea ekarriko du.

Era berean, haize-sorgailuak instalatzeko eta muntatzeko makineria iristeko egin behar diren lur mugimenduek, baita haize-sorgailuak ezartzeak, materialak pilatzeko eremuek eta abarrek ere, inplizituki eragiten dute lurzoru-bolumen handi bat mugitzea. Gainera, haize-sorgailuak malda txikiagoa duten sakanen goialdeetan kokatzen badira ere, parkea erliebe menditsu batean dago, eta bertako azaleraren zati handi batean %30 baino gehiagoko maldak daude, higatzeko arrisku handia daukatenak.

Paisaiaren ikuspegitik, aurkeztutako ingurumen eraginaren azterketan kalkulatzen bada ere inguratzailearen guztizko azalerarekiko ikuseremua txikia izanen dela eta proiekturako harrera-ahalmena ertaina izanen dela, haize-sorgailuen neurrien eta hirigune batzuekiko hurbiltasunaren ondorioz, proiektuak eragin handia izanen du paisaian, are gehiago aztertutako ingurunean dagoen haize-sorgailuen metaketa kontuan hartzen bada.

Beste alde batetik, proiektuaren ingurumen ebaluazioan aintzat hartu da jasotako alegazioen eta txostenen edukia, batez ere fauna hegalariaren, Natura 2000 Sareko espazioen eta paisaiaren gaineko eraginari dagokionez.

4.–Proposamena.

Espedientearen azterketa teknikoa eta gero, ingurunearen ingurumen-sentikortasun handia, fauna hegalari mehatxatuaren presentzia, azpiegiturarekin talka egiteko arrisku handia, hesi-efektua, mendebaldeko paleartikoko hegaztien migrazio-bide atlantiko garrantzitsuenetako batean izanen duen eragina, inguruko KBE batzuen kontserbazioaren oinarri diren funtsezko elementuetako batzuetan izaten ahal duen eragina, paisaiaren gaineko inpaktua eta faktore horiei dagokienez inguruko parke eolikoek izanen lituzketen sinergia- eta metatze-ondorioak kontuan izanik, Biodibertsitate Zerbitzuak ondorioztatzen du "Barranco de Mairaga" parke eolikoaren proiektua ez dela bideragarria ingurumenaren aldetik, nahiz eta aurkeztutako ingurumen eraginaren azterketan proposatzen diren prebentzio neurriak, neurri zuzentzaileak eta osabidezko neurriak aplikatu. Hori dela eta, proposatzen du ingurumen eragin kaltegarriaren adierazpena formulatzea.

Adierazitakoarekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak, Nafarroako Foru Komunitateko Administrazioaren departamentuen egitura ezartzen duen Nafarroako Foru Komunitateko lehendakariaren abuztuaren 6ko 22/2019 Foru Dekretuak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidaten eskudantziak erabiliz, honako hau

EBAZTEN DUT:

1. Desarrollo Renovables del Norte SL enpresak Leotz eta Oloritz udalerrietan sustatu den eta huste-azpiegituren bidez Untzue eta Tebas-Muru Artederreta udalerriei eragiten dien "Barranco de Mairaga" parke eolikoaren ingurumen eragin kaltegarriaren adierazpena egin da, aurrekoez gain, ebazpen honen azalpenen atalean aipatutako arrazoiengatik.

2. Ebazpen hau Nafarroako Aldizkari Ofizialean argitaratzea, Ingurumen Ebaluazioari buruzko abenduaren 9ko 21/2013 Legearen 41.3 artikuluan ezarritakoari jarraikiz.

3. Ebazpen hau Industria Antolamenduaren, Azpiegitura Energetikoen eta Meatzeen Zerbitzuari jakinaraztea, jardueraren organo funtsezkoa den aldetik, bai eta Ingurumeneko Zaingoaren atalari ere (Tafalla-Zangozako Koordinazio Unitatera), dagozkion ondorioetarako.

Iruñean, 2022ko urriaren 27an.–Ingurumeneko zuzendari nagusia, Pablo Muñoz Trigo.

I. ERANSKINA

Jendaurrean jartzeko eta ukitutako administrazio publikoei eta interesdunei kontsulta egiteko lehen izapidearen emaitza

Jasotako txostenen eta alegazioen laburpena. Ingurumenari buruzko txosten eta alegazioen inguruko gogoetak:

Leozko Udala.

2021eko apirilaren 16an, Leozko Udalak lehen txostena egin zuen eta, haren bidez, Desarrollos Renovables del Norte SLU enpresak aurkeztutako aurretiazko administrazio baimenaren eskaera ez onesteko eta ondorengo baimen-prozedurak nahiz kontsultaldiak amaitutzat ematea eskatu zion Industria Antolamenduaren, Azpiegitura Energetikoen eta Meatzeen Zerbitzuari, espedientean biltzen diren deuseztasun-arrazoiak direla eta, orain arte egindako guztia baliorik nahiz ondoriorik gabe gera dadin. Txosten horrekin batera eranskin batzuk aurkeztu zituen, Leozko Udalak kontratatutako hainbat azterketekin, baita udaleko osoko bilkurak 2021eko otsailaren 19an onetsitako mozioa bidali ere. Mozio horretan, udal-mugarte horretan jarri nahi diren parke eoliko edo fotovoltaikoen proiektu ororen aurka dagoela adierazi zuen; zehazki, "Barranco de Mairaga" parke eolikoaren aurka. Halaber, Nafarroako Gobernuari eskatzen dio izapidetzen ari diren edo eskatu diren proiektu horien guztien luzamendua egin dezala, harik eta 2030erako Nafarroako Energia Plana garatzeko plangintza egin arte. Horretarako, herritar guztiek eta, bereziki, gehien ukitutako eremuetako eragile sozialek, ekonomikoek eta ingurumen-eragileek plangintzan parte hartzea sustatu behar da.

2021eko apirilaren 30ean, Leozko Udalak bigarren idazki bat egin zuen, lehen aurkeztutakoaren osagarria, eta bertan adierazi zuen sustatzaileak bideragarritasunari buruzko azterketa tekniko-ekonomiko gisa aurkeztutako dokumentuak baliogabeak, eskasak edo justifikaezinak direla, eta ez dela bideragarritasunari buruzko behar bezalako azterketa tekniko-ekonomiko bat.

Olorizko Udala.

Olorizko Udalak "Barranco de Mairaga" parke eolikoari eta haren huste-azpiegiturari buruzko hirigintzako txosten bat egin du. Txosten horretan, parke horrek ustiapen naturalerako babestu beharreko lurzoru urbanizaezin gisa sailkatutako lurzatietan, onura publikoko mendietan, duen ukipena adierazten da. Gune horiei dagokien araudiaren berri emateaz gain, udalak dio organo arduradunaren txostena eskatu behar dela, baimena eta baldintzak eman ditzan.

Era berean, adierazi du SET-Mairaga eta SET-Muruarte Promotores artean aireko ebakuazio-linea ezartzeko proposatu den trazadurak lurzoru urbanizaezineko zenbait eremuri eragiten diela, eta eremu horietan ezin dela horrelako azpiegiturarik ezarri, Udal Plangintzaren eta aplikatu beharreko hirigintza-araudiaren arabera. Sustatzaileak beste aukera batzuk aztertu beharko ditu (linea ibilbide osoan zehar lurperatzea edo beste trazadura bat aztertzea, linea hori ezartzea debekatzen duen babes-maila daukaten lurzoruetan eraginik ez duena), Olorizko Udal Planean zehaztutako baldintzak bete daitezen.

Gainera, linea Olorizko eta Soltxagako udalerrietatik hurbil dagoela eta bertako bizilagunak kexatu egin direla adierazi du, eta aireko ebakuazio-linearen ordez beste aukera batzuk bilatu behar direla ohartarazi.

Untzueko Udala.

Untzueko Udalak hirigintzako txostena egin du eta bertan adierazi du ezin dela proiektua baimendu, ez dituelako betetzen Untzueko Udal Planean ezarritako baldintzak. Udal Planak zehazten duenez, linea elektrikoak lurpeko trazaduran ezartzea baimentzen ahal da; beraz, sustatzaileak berriz aztertu beharko du proiektatutako ebakuazio-linearen diseinua.

Era berean, NA-5010 errepidean, NA-5020 errepidearen bidegurutzearen ondoan, Untzueko hirigunera sartzeko dagoen zubi bat hobetu eta indartu behar dela ohartarazi du, parkea ezartzeko beharrezkoak diren ibilgailu astunen joan-etorriek larriki honda ez dezaten.

Tebas-Muru Artederretako Udala.

Tebas-Muru Artederretako Udaleko alkateak martxoaren 18an hartutako ebazpena aurkeztu da. Ebazpen horren bidez, kontsultaldian, "Barranco de Mairaga" parke eolikoaren eta haren huste-azpiegituren aurreproiektuari buruzko ingurumen eraginaren azterketaren edukiari buruzko iradokizunak egin dira.

Bereziki, beharrezkotzat jotzen da ingurumen eraginaren azterketak balorazio osoa eta zehatza egitea proiektu horrek Tebas-Muru Artederretako udalerrian izanen duen eraginari buruz, lehendik dauden eta etorkizunean eginen diren beste instalazio eta jarduera batzuekin batera. Bereziki, proiektuak ingurumenean eta gizakion osasunean duen eragina baloratzea eta kuantifikatzea eskatzen du.

Etxagueko kontzejua.

Eskatu du parkerako sarbidea ez dadila egin Etxagueko kontzejutik, NA-5010 eta NA-5030 errepideetatik, baizik eta ekialdetik, Leozko udalerritik, errepide on bat izan dezan. Hori justifikatzeko, esan du errepide horietan zenbait puntu kritiko dituela, eta parkea egiteak zirkulazioa areagotuko lukeela horretarako pentsatuta ez dauden errepide batzuetan. Gainera, proiektuak errepide horietako ohiko trafikoari eraginen dio, eta, ondorioz, kostu handiko hobekuntza batzuk egin beharko dira. Halaber, ohartarazten du kontzejuaren nekazaritza- eta abeltzaintza-azpiegituretan eragina izanen duela, eta berreskuraezinak eta beharrezkoak ez diren kalteak eraginen dituela Etxagueko herri-ondarean.

Iratxetako kontzejua, Oletako kontzejua eta Leozko kontzejua.

1.–Funtsezko izapideetako forma-akatsak: prozeduraren erabateko deuseztasuna.

Erantzuna: edukia ez da ingurumen arlokoa.

2.–Ingurumenari buruzko oharrak:

2.1. Abifaunaren eta kiropteroen azterketan ez da sartzen urteko ziklo bat; beraz, ez dago osorik.

2.2. "Mairaga" eta "Barranco de Mairagako" parke eolikoetarako aurkeztutako ingurumen eraginaren azterketak oso antzekoak dira, eta abifaunaren ikerketa bera erabiltzen da bietan; beraz, ez dira bakoitzaren inguruabarrak aztertzen, eta horrek agerian uzten du landa-lanean akatsak daudela.

2.3. Bi parkeak ezartzeak eragin larria izanen du paisaia naturalean, gure mendietako baso-ondare naturala nabarmen suntsitzen delako, baita kulturalean ere, Iratxetako Garaia interes kulturaleko ondasunaren gainean ikusizko eragin handia duelako. Horrez gain, bertako haritzen basoan eta Iturrixikin ibilbide laburrean ere badu eragina. Haize-sorgailuen tamaina gutxitu egin da kaltetuko duten paisaiarekiko.

2.4. Ibarraren eta inguruko herrien ikusizko eta soinu-kalitatea kaltetuko da, eta udalerriaren despopulazioaren arazoa larriagotuko.

2.5. Aireko linea elektrikoekin "Olorizko arteak" izeneko 44. natura-monumentua ukitzeko arriskua dago.

Erantzuna: alegazioa aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

3.–Proiektu bakarra bi parke eolikotan zatitu da ("Mairaga" eta "Barranco de Mairaga").

Erantzuna: ingurumenaren ikuspegitik, inguruko parke eolikoek izanen lituzketen sinergia- eta metatze-ondorioak kontuan hartu dira ingurumen eraginaren adierazpen hau egitean.

4.–Udalaren hirigintza-plangintzan ez dago horrelako erabileretarako aurreikuspenik.

Erantzuna: edukia ez da ingurumen arlokoa.

Lurraldearen Antolamenduaren Atala.

"Barranco de Mairaga" parke eolikoaren proiektuari eraginen lioketen indarreko legeriaren, tresnen eta plangintzen berri eman du, eta instalazioak arau-xedapen horiekin duen bateragarritasunaren lehen balorazioa egin du, jarduketaren paisaia- eta sektore-ukipenen balorazioa kontuan hartu gabe.

Ingurumen Eraginaren Atala.

Aurkeztutako dokumentuetan hautemandako akatsen berri eman du, kontuan hartu behar baitira parkeak eragindako inpaktua behar bezala ebaluatzeko.

Ondare Historikoaren Zerbitzua.

2021eko otsailaren 9an, Ondare Arkitektonikoaren Atalak txostena egin zuen, eta adierazi ez dela gorabeherarik atzematen atal horren eskumenekoa denari dagokionez.

2021eko apirilaren 6an, Ondare Arkitektonikoaren Atalak bigarren txostena egin zuen, parke eolikoek Iratxetako Garaiak eta Etxanoko Done Petri ermitak (biak ere interes kulturaleko ondasuntzat jotzen direnak) izanen luketen ikusizko eraginaren inguruan espedienteei egindako alegazio batzuei erantzunez. Txostenean justifikatzen du eta uste du parke eolikoek ez dutela ikusizko eragin nabarmenik, ez Garaiaren, ez ermitaren kasuan.

Basoak Kudeatzeko Atala.

Basoak Kudeatzeko Atalak txostena egin du, Nafarroako mendiei buruzko 13/1990 Foru Legea eta hura garatzen duen Erregelamendua betetzeko kontuan hartu behar diren alderdiak azaltzeko. Besteak beste, onura publikoko mendien gaineko eragina egiaztatu du, eta horrek dakartzan izapideak azaldu; baso-azaleraren galeraren kalkulua egin behar dela adierazi du (zuhaiztia izan ala ez), Ingurumen Zuzendaritza Nagusiak kontuan har dezan, eta eremua basoberritzeari edo basoa lehengoratzeari ekin behar zaiola aintzat har dadin; baso-bideen ezaugarri desiragarriak zehaztu ditu, baita baso-suteei eta Mairaga urtegiari dagokienez ingurumen eraginaren azterketan landu beharreko alderdiak ere; azkenik, jendeak gehien erabiltzen dituen basabide eta ibilbideen inbentario bat eta haiekiko kalteen eta interakzioen ebaluazioa egitea komeni dela azaldu du.

Baso Plangintzarako eta Ingurumen Hezkuntzarako Atala.

2021eko martxoaren 29an, Baso Plangintzarako eta Ingurumen Hezkuntzarako Atalak txostena egin zuen (VP022/021 eta 023/21 espedienteak), "Mairaga" eta "Barranco de Mairaga" parke eolikoei eta aireko goi-tentsioko ebakuazio-lineari buruz. Jakinarazi da kasu honetan "Barranco de Mairaga" parke eolikoak eta haren aireko goi-tentsioko ebakuazio-lineak ez dituztela abelbideak ukituko, gurutzatze saihestezinean izan ezik. Hori dela eta, aldeko irizpidea ezarri da, baina jakinarazi da zenbait baldintza kontuan hartu behar direla abelbideen ukipenak gutxitzeko.

1 taldea.

Miguel Angel Martínez Beorlegui.

Mari Carmen Echeverria Juaniz.

Mari Carmen Martínez Beorlegui.

Jone Miren Alzorriz Labiano.

Rubén Cuesta Echeverria.

Juan Francisco Cuesta Álvarez.

María Rosario Echeverría Juaniz.

Mikel Martínez Echeverria.

Iñaki Martínez Echeverria.

Nerea Pérez Erro.

Albina García Montenegro.

María Teresa Recalde Amatriain.

Fermín Abaurrea San Juan.

Celia Raquel Recalde Murillo.

Esther Oses Zaratiegui.

Amaia Ruiz Marcolain.

Olga María Recalde Murillo.

Ricardo Guillén Gil.

Juan Felix Isturiz Azcona.

Manuel Latorre Sainz.

Nuria Urtiaga Goñi.

Andoni García Zabalza.

Aitor Zabalza Valencia.

Eva Armenteros Rodríguez.

Lorea Irisarri Zabalza.

Alberto Irisarri Ojer.

Jose María Zabala Cepero.

Iratxe Durán Balentzia.

Amaia Balentzia Etxebarria.

Mario Valdellos Carmona.

Arantza San Julián Caso.

Amaia Lezaun Beortegui.

María Concepción Martínez Beorlegui.

Rosario Murillo González.

Arturo Murillo Zabalza.

Uxue Murillo Goñi.

Luis Alberto Zabalza Asurmendi.

Iranzu Ran Murillo.

María del Carmen Murillo Zabalza.

María Dolores Maudes Bicuña.

Romana Torres Goñi.

Francisco Javier Ansorena Astiz.

David Mendaza Clemente.

Inma Goñi Labiano.

Asier Mitxitorena Ardaitz.

Ainhoa Mateo Moriones.

Iosu Ibáñez Monreal.

Zuriñe Iborra Zabalza.

Alberto Morteruel Durán.

Ramona Ortiz Roldán.

Alberto Reta Marco.

Pablo Alberto Morteruel Ayesa.

Maider Zabalza Murillo.

Xabier Zabalza Murillo.

Asier Martínez Urra.

Isabel Urra López.

Victor Leal Castellote.

Magdalena Lizarraga Hermoso de Mendoza.

Felix Echeverría Martínez.

Arelis Membreño Martínez.

José Luis Martínez Beorlegui.

Ana María Zaratiegui Jurio.

María Teresa Zaratiegui Jurio.

Miguel Ciriza Isturiz.

Aura Beorlegui Liberal.

Maite Nuin Balda.

Nerea Zabala Zabalza.

Gaspar Molinero Turrillas.

Jesús María Díez Luqui.

Blanca de Ulibarri Martínez.

Ángel Iborra Villanueva.

Gemma Balentzia Etxebarria.

Rubén Muñoz Fernández.

Xabier León Durán Urdániz.

Jaime Munárriz Guezala.

María Teresa Martínez Beorlegui.

Leozko Udalak udalerri horretan instalatu beharreko parke eoliko eta fotovoltaikoen proiektuen aurka 2021eko otsailaren 19an onartutako mozioari atxikitzen zaizkio eta babesa ematen diote aipatutako udalak "Barranco de Mairaga" parke eolikoaren aurreproiektuaren aurka bere garaian eta epean aurkeztu zuen idazkiari. Halaber, alegazio hauek egin dituzte:

1.–"Mairaga" eta "Barranco de Mairaga" parke eolikoen aurka daude guztiz. Haran horrek, Nafarroako azaleraren %2 baino ez badu ere, haize-energiaren %20 sortzen du. Horrenbestez, agerian geratzen da plangintzak ez direla egungo gizarte-, lurralde- eta ingurumen-errealitatera egokitzen, eta horrek inbertsore handien interes ekonomikoei soilik egiten die mesede.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

2.–Aurkeztutako dokumentuen forma-akatsak:

–Abifaunaren eta kiropteroen azterketa ez dago osatuta.

–Abifaunari buruzko azterketa bakarra egin da "Mairaga" eta "Barranco de Mairaga" parke eolikoetarako, eta ez ditu bakoitzaren ezaugarriak aztertzen.

–Bi parkeak ezartzeak eragin larria izanen du honako hauetan:

• Paisaia: gure mendietako baso-ondare naturala nabarmen suntsitzen da, baita kulturala ere, Iratxetako Garaia interes kulturaleko ondasunaren gainean ikusizko eragin handia duelako.
• Bariaingo Jaurerriko ehunka urteko hariztiak eta Iratxetako ehun urtetik gorako haritza.
• "Iturrixikin-Monte Abajo" NA-194 ibilbide laburra, Nafarroako ezinbesteko basobideen artean dagoena eta udalerriko kirol eta turismo erakargarri nagusietako bat dena.
• Ibarraren eta inguruko herrien ikusizko eta soinu-kalitatea, haize-sorgailuak hurbil edukitzeak zarata sortuko baitu, eta udalerriaren despopulazioaren arazoa larriagotuko.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

3.–Aireko linea elektrikoekin "Olorizko arteak" izeneko 44. natura-monumentua ukitzeko arriskua dago.

Erantzuna: alegazioa aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Begoña Zabala Zabalza.

Alegazioak aurkeztu dituen 1. taldeak alegatutakoari atxikitzeaz gain, bere biografia pertsonala eta izapidetzen ari den proiektuari buruz duen ikuspuntua azaldu ditu.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Iñigo Vidaurre Martínez. Concepción Martinez Pasamar. Carlos Vidaurre Orayen. Martín Vidaurre Martínez.

Alegazioak aurkeztu dituen 1. taldeak alegatutakoari atxikitzeaz gain, adierazi dute "Mairaga" eta "Barranco de Mairaga" parke eolikoen proposamen bikoitzarekin makroparke bat estali nahi dela, eta eremuaren gaineko benetako eragina ezkutatu. Zehazki, parke bakoitzaren soinu-inpaktua erakusten duten grafikoak gainjartzeak agerian uzten du herriak eremu berean sartu dituztela, eta, gainera, badirudi ez dela kontuan hartzen haizeak eragina izanen duela inpaktuan.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

M.ª Bernarda Murillo Beorlegui. Josu Zabalza Murillo. Esteban Zabalza Murillo. Pedro María Martínez Beorlegui. Pilar Zabalza Murillo. Ana Zabalza Murillo. Aritza Zabalza Llorente. Lidia Zabalza Murillo.

Alegazioak aurkeztu dituen 1. taldeak adierazitakoari atxikitzeaz gain, parkea ezartzeak ukitutako katastroko lurzatien jabe direla esan dute, eta adierazi dute interesdun gisa berariaz egin beharko litzaiekeela kontsulta, eta jendaurrean emandako informazioa baino informazio xehatuagoa jaso beharko luketela, errotek haien jabetzetan duten eragina irizpide oso eta egokiekin ebaluatu ahal izateko.

Erantzuna: edukia ez da ingurumen arlokoa.

Gazteluzar plataforma.

Alegazioak aurkeztu dituen 1. taldeak adierazitakoari atxikitzeaz gain, aditzera eman dute badela arrano txikien habia bat, urtero "Barranco de Mairaga" parkearen ondoko eremuan kumeak izaten dituena eta kalte larriak jasanen dituena parkea eraikiz gero. Gainera, esan dute eremu horretan bertan okilek beren gorteatzeak egiten dituztela eta beren ugalketa-zikloa osatzen dutela.

Erantzuna: alegazioa aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Era berean, adierazi dute herritarren 2.564 sinadura erantsi dituztela, "Mairaga" eta "Barranco de Mairaga" parke eolikoak jartzeak sortzen ahal duen ezinegona erakusteko eta sinatzaileek Gazteluzar plataformak aurkeztutako alegazioarekin bat egiten dutela jakinarazteko.

Eduardo Recalde Murillo.

Gazteluzar plataformaren alegazio berak aurkeztu ditu.

Nafarroako Mendi eta Eskalada Federazioa.

Leozko udalerrian jarri nahi den parke eoliko edo fotovoltaikoen edozein proiekturen aurka dagoela adierazi du, eta, zehazki, "Barranco de Mairaga" parke eolikoaren aurka. Halaber, Nafarroako Gobernuari eskatzen dio izapidetzen ari diren edo eskatu diren proiektu horien guztien luzamendua egin dezala, harik eta 2030erako Nafarroako Energia Plana garatzeko plangintza egin arte. Horretarako, herritar guztiek eta, bereziki, gehien ukitutako eremuetako eragile sozialek, ekonomikoek eta ingurumen-eragileek plangintzan parte hartzea sustatu behar da.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

Era berean, adierazi du parke eolikoa ezartzeak albo-kalteak eraginen dituela landaredian eta faunan, bai eta lehendik dauden egiturak, basabideak eta abar suntsitzea ere. Horiek ingurunea errespetatzen dute eta galdu eginen dira, nahiz eta egiteko eta mantentzeko ahaleginak behar izan diren.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Francisco eta José Joaquín Cabodevilla Fernández.

Zanga batek ukituko duen lurzati baten jabe direnez, Olorizko Udalak adierazitakoari atxikitzen zaizkio. Gainera, beren lurzatiaren inguruan egiten diren ekintzak kontuz egin daitezela eskatu dute, baita ikusizko inpaktutik babestea edo paisaiarekin bat datorren harmonizazio bat egitea proposatu ere.

Asier Arsuaga Ugalde. Javier María Murillo Simón.

1.–Aurkeztutako proiektuak energia berriztagarrien produkzioa handitzea du xede, baina ez du Nafarroako egoera energetikoa aztertzen.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

2.–Ez da aztertzen proiektua eraikitzearen eta landare estalkia kentzearen ondorioz sortzen den CO2 isuria.

Erantzuna: ingurumen eraginaren adierazpen hau idaztean kontuan hartu da, eta adierazpen horrek aintzat hartzen du, haize-sorgailuaren bizitza baliagarrian zehar, positiboa dela saihestutako emisioen eta alegazio honetan emandako arrazoiengatik gertatutakoen arteko aldea.

3.–Aurkeztutako proiektuak ingurumen balioa duten eremuetan lur mugimenduak egitea dakar.

Erantzuna: hori kontuan hartu da ingurumen eraginaren adierazpen hau egitean.

4.–Aurkeztutako proiektuak eragin larriak ditu naturaguneetan.

Erantzuna: hori kontuan hartu da ingurumen eraginaren adierazpen hau egitean.

Oihane Andueza Imirizaldu. Aranzazu Díez Gómez. Ignacio Viscarret Goñi. Héctor Díez Gómez. Aniana de la Escosura Irujo. Nora Lecumberri García.

Leozko Udalak udalerri horretan instalatu beharreko parke eoliko eta fotovoltaikoen proiektuen aurka 2021eko otsailaren 19an onartutako mozioari atxikitzen zaizkio eta babesa ematen diote aipatutako udalak "Barranco de Mairaga" parke eolikoaren aurreproiektuaren aurka bere garaian eta epean aurkeztuko duen idazkiari. Halaber, alegazio hauek egin dituzte:

1.–"Mairaga" eta "Barranco de Mairaga" parke eolikoen aurka daude guztiz. Haran horrek, Nafarroako azaleraren %2 baino ez badu ere, haize-energiaren %20 sortzen du. Horrenbestez, agerian geratzen da plangintzak ez direla egungo gizarte-, lurralde- eta ingurumen-errealitatera egokitzen, eta horrek inbertsore handien interes ekonomikoei soilik egiten die mesede.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

2.–Aurkeztutako proiektuak energia berriztagarrien produkzioa handitzea du xede, baina ez du Nafarroako egoera energetikoa aztertzen.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

3.–Ez da aztertzen proiektua eraikitzearen eta landare estalkia kentzearen ondorioz sortzen den CO2 isuria.

Erantzuna: ingurumen eraginaren adierazpen hau idaztean kontuan hartu da, eta adierazpen horrek aintzat hartzen du, haize-sorgailuaren bizitza baliagarrian zehar, positiboa dela saihestutako emisioen eta alegazio honetan emandako arrazoiengatik gertatutakoen arteko aldea.

4.–Aurkeztutako proiektuak ingurumen balioa duten eremuetan lur mugimenduak egitea dakar.

Erantzuna: hori kontuan hartu da ingurumen eraginaren adierazpen hau egitean.

5.–Aurkeztutako proiektuak eragin larriak ditu naturaguneetan.

Erantzuna: hori kontuan hartu da ingurumen eraginaren adierazpen hau egitean.

6.–Ingurumenari buruzko ohar partikularrak.

6.1. Abifaunaren eta kiropteroen azterketa ez dago osatuta.

6.2. Abifaunari buruzko azterketa bakarra egin da "Mairaga" eta "Barranco de Mairaga" parke eolikoetarako, eta ez ditu bakoitzaren ezaugarriak aztertzen.

6.3. Proiektatutako parke eolikoek eta haien sarbide-, transformazio- eta eroapen-azpiegiturek eragin oso negatiboa izanen dute honako hauetan:

6.3.1. Haranaren eta inguruko herrien soinu-kalitatea.

6.3.2. Erroten inguruan nahiz instalatu nahi diren transformazio zentroetan eta energia garraiatzeko sareetan sortutako eremu elektromagnetikoen eragin negatiboen irismena; eremu horiek, trazaduraren zati batzuetan, inguruko herriei eragiten diete eta, oro har, ekosistema osoari.

6.3.3. Haizeen eta euriaren erregimena. Eragina areagotu egiten da haize-sorgailuen neurriengatik eta inguruko parke ugarien sinergia-ondorioengatik.

Erantzuna: hori kontuan hartu da ingurumen eraginaren adierazpen hau egitean.

7.–Kulturari buruzko ohar partikularrak. Bi parkeak ezartzeak eragin larria izanen du honako hauetan:

7.1. Paisaia: gure mendietako baso-ondare naturala nabarmen suntsitzen da, baita kulturala ere, Iratxetako Garaia interes kulturaleko ondasunaren gainean ikusizko eragin handia duelako.

7.2. Bariaingo Jaurerriko ehunka urteko hariztiak eta Iratxetako ehun urtetik gorako haritza.

7.3. "Iturrixikin-Monte Abajo" NA-194 ibilbide laburra, Nafarroako ezinbesteko basobideen artean dagoena eta udalerriko kirol eta turismo erakargarri nagusietako bat dena.

7.4. Etxanoko Done Petri ermita, interes kulturaleko ondasuna.

7.5. "Olorizko arteak" izeneko 44. natura-monumentua, aireko linea elektrikoagatik.

Erantzuna: hori aintzat hartu da ingurumen eraginaren adierazpena egitean.

8.–Aurreproiektuaren irregulartasunak.

8.1. "Mairaga" eta "Barranco de Mairaga" parke eolikoak jarduketa bakar bat dira, eta agian ez da autonomia-administrazioaren bidez izapidetu, Estatuko administrazioaren bidez baizik.

Erantzuna: inguruko parke eolikoek eta "Barranco de Mairaga" parke eolikoak izanen lituzketen sinergia- eta metatze-ondorioak kontuan hartu dira ingurumen eraginaren adierazpen hau egitean.

8.2. Planoetan ez da sestra-kurbarik agertzen, eta, beraz, uste du informazio garrantzitsura falta dela proiektuaren ezaugarri topografikoei eta haren ikusizko eraginari dagokienez.

Erantzuna: hori aintzat hartu da ingurumen eraginaren adierazpena egitean.

Ildefonso Ducun Izpura.

Parkearen huste-azpiegiturak ukituko duen lurzati baten jabe denez, Untzueko Udalak adierazitakoari atxikitzen zaio.

María Jesús Esáin Irisarri.

Energia husteko aurreikusitako aireko tartea lurperatzeko eskatu du, paisaiari eragiten dioten eraikuntzez gainkargatutako eremu batean ikusizko inpaktua areagotuko lukeelako.

Sustrai Erakuntza fundazioa. Roberto Pascual Orcajo.

1.–Aurkeztutako proiektuak energia berriztagarrien produkzioa handitzea du xede, baina ez du Nafarroako egoera energetikoa aztertzen.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

2.–Ez da aztertzen proiektua eraikitzearen eta landare estalkia kentzearen ondorioz sortzen den CO2 isuria.

Erantzuna: ingurumen eraginaren adierazpen hau idaztean kontuan hartu da, eta adierazpen horrek aintzat hartzen du, haize-sorgailuaren bizitza baliagarrian zehar, positiboa dela saihestutako emisioen eta alegazio honetan emandako arrazoiengatik gertatutakoen arteko aldea.

3.–Aurkeztutako proiektuak ingurumen balioa duten eremuetan lur mugimenduak egitea dakar.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

4.–Aurkeztutako proiektuak eragin larriak ditu naturaguneetan.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

5.–Ez dira kontuan hartzen proiektuak landare-komunitateetan izanen lituzkeen eragin guztiak.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

6.–Azterketak ez ditu behar bezala ebaluatzen proiektuak ingurumenean eragiten dituen zenbait inpaktu (paisaian, landaredian edo gizartean), edo ez ditu ezartzen sortzen diren inpaktuak zuzentzeko beharrezkoak diren neurriak:

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

7.–Aurkeztutako proiektuak eragin larriak ditu faunan.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Nafarroako Ekologistak Martxan elkartearena. Zangoza eskualdeko Ekologistak Martxan.

1.–Gogoeta egin du Nafarroako egoera energetikoari buruz eta, zehazki, haize-energiaz, eta azpimarratu da arazo dela ekoizpen defizita izatea une batzuetan, baina bestetzuetan, ekoizpena handiegia izatea, eta horrek deskarbonizazioa zailtzen duela. Era berean, NEP 2030ean parke eolikoak jartzeko ezarritako zonifikazioa aipatu du, eta anitzetan ez dela kontuan hartzen esan.

Erantzuna: NEP 2030ean parke eolikoak hartzeko gai ez diren eremuak deklaratu dira aintzat harturik ingurumen baldintzak, lurralde-antolamendukoak eta Garapen Ekonomikorako Departamentuak proposaturiko beste alderdi batzuk, departamentu hori baita NEP 2030aren sustatzailea. Parke eolikorako proiektu bakoitzaren ingurumen eraginaren ebaluazioan, proiektu mailan, parke zehatz bakoitzak sortutako ingurumen eragina ebaluatzen da.

2.–Oro har, parke eolikoen proiektuen inpaktuak azaldu ditu, eta babestutako eremuen eta haiek lotzeko edo konektatzeko eremuen ingurumen garrantzia azpimarratu. Era berean, azpimarratu du garrantzitsua dela kontuan hartzea ez bakarrik espezie babestuak berreskuratzeko eta kontserbatzeko ezarritako hazkuntza eta ugaltze eremuak, bai eta elikatzeko eta sakabanatzeko dituzten inguruak ere.

Erantzuna: hori aintzat hartu da ingurumen eraginaren adierazpena egitean.

3.–Ez dira kontuan hartzen erabilitako materialen ekoizpenean zabaltzen diren CO2 emisioak, ez eta parke eolikoaren eraikuntza eta mantentze fasean ere.

Erantzuna: ingurumen eraginaren adierazpen hau idaztean kontuan hartu dira, gogoan izanda ezen, haize-sorgailuaren bizitza baliagarrian zehar, positiboa dela saihestutako emisioen eta alegazio honetan emandako arrazoiengatik gertatutakoen arteko aldea.

4.–"Barranco de Mairaga" parke eolikoaren inguruan dauden ingurumen-balio batzuk azaldu ditu, baita parkearen eta haren huste-azpiegituraren ondorioz aurreikusten diren inpaktu batzuk ere:

–Parkea goi-korridore batean eta konektibitate-eremu batean dago, eta eremu batzuk oso hurbil daude 2030erako Nafarroako Energia Planaren arabera haize-sorgailuak instalatzeko desegokiak diren edo ingurumen-mugak dituzten eremuetatik.

–Izapidetzen ari den parkea "Mairaga" parke eolikotik hurbil dago, eta parke eolikoen proiektu bakarra osatuko du harekin.

–Ezarpen-eremua haize-sorgailuz masifikatuta dago, eta "Barranco de Mairaga" parke eolikoak eragiten ahal duen inpaktua ebaluatzeko, hegaztien eta kiropteroen hilkortasun-datuei buruzko informazioa beharko litzateke, inguruko parkeetan modu estandarizatuan lortuta. Inguruko parke eolikoetako heriotza-tasen datuak nola lortu ziren azaldu behar zen, bestela ezin baitira ondorio egokiak atera.

–Satelite-igorleak dauzkaten Nafarroako harrapari-aleek espazioari ematen dioten erabilerari buruzko azterketaren emaitzak sartu behar ziren 2030erako Nafarroako Energia Planean, bazterketa-guneen atalean.

–Basoko hegazti harrapari ugaltzaileak, parkea ezarri nahi den eremua bizitzeko, ugaltzeko eta/edo migratzeko erabiltzen dutenak.

–Abifaunaren azterketa osatu gabe dago, eta kiropteroen azterketak ez du datu zehatzik ematen; ondorioz, ezin da behar bezala ebaluatu parkearen eragina.

–Natura 2000 Sareko lekuen arteko konektibitatea ez da behar bezala aztertu.

–Ez dago ados beste ebakuazio-linea bat planteatzearekin, ondoko Alaizko ustiatze-parkean dagoena erabili beharrean.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

5.–Alternatiben proposamena: energia kontsumoa murriztea; efizientzia energetikoa; autokontsumoa; erregai fosilen ordez energia berriztagarriak erabiltzea.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

6.–Parke berriak planteatu baino lehen egungo parke eolikoak sustatu beharra.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

7.–Ingurumen Erantzukizunari buruzko Legea aldatzeko eskaera, sustatzaileak izan daitezen haize eta eguzki parkeek eta haien huste-azpiegiturek eragindako hegazti eta saguzarren heriotzaren erantzuleak.

Erantzuna: alegazioak proiektu honen esparrua eta ingurumen eraginaren ebaluazioa gainditzen ditu.

Gorka Gorospe Rombouts.

1.–Aurkeztutako proiektuak inpaktu larria du paisaiarengan, erabilitako balorazio-metodoa nahiko subjektiboa da, eta, gainera, ingurumen eraginaren azterketan gehitu diren ikusizko birsorkuntzak ikuspen baldintzatua duten kokapenetatik eta angeluhandi bidez egin dira, ikusizko inpaktua txikiagoa dela pentsarazteko.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

2.–Proiektua gauzatzeak eragin larria du lurzoruan, eta higadura-prozesuak bizkortu eginen lituzke.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

3.–Ingurumen eraginaren azterketak gabezia handiak ditu:

3.1. Abifaunaren azterketa osatu gabe dago, uztailaren bukaeratik azaroaren hasierara arte egin baitzen, garai bereziki zailak alde batera utzita (udaberriko migrazioa eta ugalketa garaia); ondorioz, ezin da behar bezala ebaluatu proiektuaren eragina.

3.2. Ingurumen eraginaren azterketak aitortzen du eskualdeko kiropteroen aniztasuna ertain-handia dela, eta horietako batzuk oso mehatxatuta daudela. Hala ere, horien gaineko ukipen-arriskua bateragarritzat jotzen da, inguruko parke eolikoetako ezbeharrei buruzko azterketen arabera; izan ere, beti ez dituzte parke honen ezaugarri berak.

3.3. Ez dago landa-lanik herpetofaunari eta entomofaunari buruz, eta, gainera, adierazten da "espazioaren erabileraren aldaketa: habitatak zatitzea eta galtzea" hautemanezina dela anfibio, narrasti eta ugaztunentzat. Ez da azaltzen nondik atera den ondorio hori, ez eta zer metodologia erabili den ere, eta gauza bera gertatzen da lurraldearen irisgarritasuna handitzearen ondoriozko ukipenen ebaluazioarekin.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

4.–Abifaunaren eta inguruko biodibertsitatearen gaineko ondorio larriak.

4.1. Parkeko ukipen-eremua hegazti migratzaileen pasabide garrantzitsu batean dago. Hori dela eta, baldintza klimatiko jakin batzuetan talka egiteko arrisku handia egoten ahal da. Bestela, baliteke ohiko ibilbidean aldaketaren bat egitea, eta ondorioz haien gaitasun fisikoak murriztea.

4.2. Ingurumen eraginaren azterketaren arabera, hautemandako hegazti harraparien %60k talka egiteko arriskua dagoen altueran egiten dute hegan. Gainera, hauteman diren edo bertan dauden espezie asko urriak dira edo haien kontserbazioa oso mehatxatuta dago.

4.3. Halaber, kontuan hartu behar dira inguruko haize-sorgailuen dentsitate handiaren sinergia- eta metatze-ondorioak.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

5.–Kutsadura akustikoa asko areagotuko da eremu horretan, eta, bereziki, inguruko herrietan, bai instalazioak irauten duen bitartean, bai parkea martxan dagoenean.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

6.–Bertako biztanleek modu nabarian gaitzesten dute proiektua.

Erantzuna: hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

7.–"Barranco de Mairaga" parke eolikoa eraikitzea ez da beharrezkoa, Nafarroatik kanpora esportatzeko energia ekoizteko ahalmen handiagoa besterik ez baitu ematen.

Erantzuna: Alegazioak proiektu honen esparrua eta ingurumen eraginaren ebaluazioa gainditzen ditu.

Gurelur.

1.–Adierazi du ezinezkoa dela proiektuak aztertzea eta dagozkien alegazioak aurkeztea, eguzki- eta haize-parkeen proiektu asko eta asko ari baitira izapidetzen eta jendaurrean jartzen.

Erantzuna: Ez du ingurumen arloko edukirik.

2.–"Mairaga" eta "Barranco de Mairaga" parke eolikoak Nafarroako administrazioak izapidetu ahal izateko zatikatu den proiektu bakarraren bi zati dira.

Erantzuna: Inguruko parke eolikoek izanen lituzketen sinergia- eta metatze-ondorioak kontuan hartu dira ingurumen eraginaren adierazpen hau egitean. Halaber, martxoaren 1eko 143E/2022 Ebazpenaren bidez emandako ingurumen eraginaren kontrako adierazpena ere kontuan hartu da.

3.–Proiektu bakarra denez, 2. puntuan adierazitakoaren arabera, multzo osoaren ingurumen-ondorioak ingurumen-tramitazioko prozedura bakar batean eta, beraz, ingurumen-inpaktuaren azterketa bakar baten bidez aztertu beharko lirateke.

Erantzuna: Ingurumenari dagokionez, "Barranco de Mairaga" parke eolikoaren ingurumen eraginaren azterketak, parkeak bakarka eragindako inpaktuak aztertzeaz gain, "IV. eranskina. Sinergia- eta metatze-ondorioen azterketa" izeneko dokumentua dakar. Bertan, proiektuak eragindako inpaktuak aztertzen dira, inguruan dauden nahiz izapidetzen ari diren parke eolikoak eta gainerako azpiegiturak kontuan hartuta. Edonola ere, ingurumen eraginaren adierazpen hau egiteko aintzat hartu dira "Mairaga" eta "Barranco de Mairaga" parke eolikoak, baita gainerako parke eolikoak eta bestelako azpiegitura nahiz instalazioak ere.

4.–Ingurumen eraginaren azterketan agertzen den alternatiben azterketak akatsak dauzka, legeriak eskatutakoari dagokionez.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

5.–Akatsak fauna hegalariaren azterketan.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

6.–Hegaztien azterketak iraupen laburra izan arren, haren eta ingurumen eraginaren azterketaren ondorioetan akatsak daude, parke eolikoak abifaunan izanen duen eraginari dagokionez.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Saguzarrak Kontserbatzeko eta Aztertzeko Espainiako Elkartea (SECEMU).

Alegazio-egileak aldez aurreko gogoeta batzuk egin ditu parke eolikoetako saguzarren heriotza-tasari buruz eta parke eolikoen ingurumen-inpaktuaren azterketetan saguzarrei ematen zaien tratamenduari buruz. Proiektuari dagokionez, alegazio-egileak honako hau adierazten du:

1.–Kiropteroak aztertzeko erabilitako metodologia zehaztu arren, aurkeztutako ingurumen eraginaren azterketak ez du inolako landa-daturik erakusten parke eolikorako aurreikusitako eremuan saguzarrek duten jarduerari buruz. Ondorioz, ezin da benetako eragina baloratu, eta ikerketaren ondorioek balioa galtzen dute. Halaber, neurri prebentiboak edo zuzentzaileak falta direla eta ingurumena zaintzeko planerako aurrekonturik ez dagoela aipatu du.

2.–Alternatiben azterketan akatsak daudela adierazi du; izan ere, haize-sorgailu modeloaren ezaugarri batzuk kontuan hartu arren, ez da aintzat hartu abio-abiadura (kiropteroen talka-arriskuaren funtsezko aldagaia).

3.–Proiektuak ukitutako lurraldeen eta ingurumenaren diagnostikoak ez die ia arretarik jarri saguzarrei, eta ingurumen eraginaren azterketan ez da kiropteroei buruzko landa-daturik agertzen.

4.–Haize-sorgailuak ustiatzeko fasean kiropteroetan eragindako inpaktua "bigarren mailakotzat" hartzen da. Balorazio hori hurbileko parke eoliko batzuetan hautemandako heriotza-tasan oinarritzen da, eta deigarria da arriskuan dauden zenbait espezieren kasuan ez dagoela heriotza-tasarik.

5.–Ez da proposatu neurririk edo neurri zuzentzaile zehatzik ugaztun talde horrentzat, zeina oso sentikorra baita luzaroan irauten duten heriotza-tasekiko. Saguzarren aldi aktiboetan, haizea abiadura txikian dabilen gauetan, haize-sorgailuak gelditzea aztertu beharko litzateke. Kiropteroen gaineko inpaktua ezin da hain txikia izan, aurreikusten ahal den heriotza-tasa murrizteko da inolako neurririk proposatu gabe.

6.–Ingurumena zaintzeko planeko abifaunaren eta kiropteroen faunaren gaineko eraginaren jarraipena oso zehaztugabea dela uste du. Heriotza-tasa hautemateko jarraitu beharreko metodologia eta protokoloari buruzko gomendioak egin dira, eta harrigarria da kiropteroek espazioari ematen dioten erabileraren inguruko azterketa parkea martxan dagoenean egitea proposatzea, kontuan hartuta azterketa hori ez dela egin parkea instalatu aurretik.

7.–Kiropteroen gaineko sinergia- eta metatze-ondorioak baloratzeko, ingurumen eraginaren azterketaren arabera "Barranco de Mairaga" parke eolikoaren 20 km-ko inguratzailean dauden 725 haize-sorgailuek eragindako heriotzen zenbatespena egiten da, inguruko beste parke eoliko batzuetan hautemandako hilkortasun-datuetan oinarrituta. Baliteke hautemandako heriotza-tasa benetako hilkortasun-datuetatik oso urrun egotea.

8.–Alaitz-Etxagueko parke eolikoari dagokion ingurumena zaintzeko planaren emaitzei buruzko zenbait ohar egin dira.

9.–Landa-daturik ez dagoenez, azpimarratu du ezin dela baloratu "Barranco de Mairaga" parke eolikoak saguzarretan izaten ahal duen eragina.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Susana Cárcamo Bravo.

Alegazio-egileak honako hau adierazi du:

1.–Aurkeztutako proiektuak eragin handia du paisaian.

2.–Aurkeztutako proiektuak eragin handia du ukitutako udalerrietako zarata-igorpenetan.

3.–Planteatutako lanek eragin larria dute lurzoruan, eta higadura-prozesuak bizkortu eginen lituzkete.

4.–Ingurumen eraginaren azterketak gabezia handiak ditu:

a) Abifaunaren urteroko zikloaren azterketa ez dago osorik.

b) Ez dago irizpiderik parkearen bateragarritasun maila zehazteko, espezie hegalarien faunarekiko ukipenei dagokienez.

c) Ez dago landa-lanik herpetofaunari eta entomofaunari buruz, eta, gainera, adierazten da "espazioaren erabileraren aldaketa: habitatak zatitzea eta galtzea" hautemanezina dela anfibio, narrasti eta ugaztunentzat. Ez da azaltzen nondik atera den ondorio hori, ez eta zer metodologia erabili den ere, eta gauza bera gertatzen da lurraldearen irisgarritasuna handitzearen ondoriozko ukipenen ebaluazioarekin.

d) Ez da azaldu zer irizpide teknikotan oinarritu diren lurraldearen irisgarritasuna handitzearen ondoriozko eraginak zehazteko.

5.–Proiektua gauzatzeak ondorio larriak ekarriko lituzke abifaunan eta inguruko biodibertsitatean.

a) Parkeko ukipen-eremua hegazti migratzaileen pasabide garrantzitsu batean dago. Hori dela eta, baldintza klimatiko jakin batzuetan talka egiteko arrisku handia egoten ahal da. Bestela, baliteke ohiko ibilbidean aldaketaren bat egitea, eta ondorioz haien gaitasun fisikoak murriztea.

b) Ingurumen eraginaren azterketaren arabera, hautemandako hegazti harraparien %60k talka egiteko arriskua dagoen altueran egiten dute hegan. Gainera, hauteman diren edo bertan dauden espezie asko urriak dira edo haien kontserbazioa oso mehatxatuta dago.

c) Katalogatutako fauna hegalariko espezie ugari daude eremu horretan.

d) Halaber, kontuan hartu behar dira inguruko haize-sorgailuen dentsitate handiaren sinergia- eta metatze-ondorioak.

6.–Bertako biztanleek modu nabarian gaitzesten dute proiektua.

7.–"Barranco de Mairaga" parke eolikoa eraikitzea ez da beharrezkoa, Nafarroatik kanpora esportatzeko energia ekoizteko ahalmen handiagoa besterik ez baitu ematen.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Jose María Lasheras San Martín.

Alegazio-egileak honako hau adierazi du:

1.–Inguruan hainbat haize-sorgailu daude, eta horiek kontuan hartu behar dira ingurumen eraginaren azterketan.

2.–"Barranco de Mairaga" parke eolikoa Etxagueko haritzaren ondoan dago, "Orbaibarko mendiak" paisaia babestutik eta "Untzueko haitza" menditik hurbil. Huste-azpiegitura, aldiz, "Olorizko arteak" natura-monumentuaren ondoan eta "Higa" paisaia babestutik hurbil dago.

3.–Proiektua gauzatzen denean gertatuko den higadura naturala eta zirkulazioak harrotutako hautsak landaredian izanen duen eragina azpimarratu ditu.

4.–Ingurumena eraginaren azterketak ez du aurreikusten aldi baterako nahiz betiko okupatutako eremu batzuetako landaredia lehengoratzea.

5.–Haize-sorgailuek sortzen duten zaratak abifaunari eragiten dion kaltea azaldu du.

6.–Ikusizko intrusioa neurrigabea dela adierazi du.

7.–Zenbait haize-sorgailuk lurralde-konektagarritasunerako eremuari eragiten diote, eta, beraz, plangintza hautsi eginen litzateke.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Señorío de Bariain SA.

Alegazio-egileak adierazi du proposatutako parke eolikoak ekarpen handia egin diela autonomia-gobernuak, estatuko gobernuak eta nazioarteko gobernuek iraunkortasunaren alde eta klima-aldaketari aurre egiteko hartutako konpromisoei, eta eskatu du aintzat har dadin bere alegazioa, alderdi interesduna den heinean, haize-sorgailu gehienak bere jabetzako lurretan baitaude.

JENDAURREAN JARTZEKO ETA UKITUTAKO ADMINISTRAZIO PUBLIKOEI ETA INTERESDUNEI KONTSULTA EGITEKO BIGARREN IZAPIDEAREN EMAITZA

Jasotako txostenen eta alegazioen laburpena. Ingurumenari buruzko txosten eta alegazioen inguruko gogoetak:

Olorizko Udala.

"Barranco de Mairaga" parke eolikoaren eta haren hustuketa-azpiegituraren proposamen berriari buruzko hirigintza-txostena egin du, eta ondorioztatu du hori baimentzen ahal dela, ezarpenaren eraginpeko lurzati eta kokalekuetako lurzoruaren kategorietan aplika daitezkeen zaintza- eta babes-baldintzak betetzen direla justifikatu ondoren.

Untzueko Udala.

"Barranco de Mairaga" parke eolikoaren eta haren hustuketa-azpiegituraren proposamen berriari buruzko hirigintza-txostena egin du, eta ondorioztatu du hori baimentzen ahal dela, aztarnategi arkeologikoak eta horiei dagokien babes-erregimena kontuan hartuta.

Halaber, adierazi du hobekuntza-jarduketak egin behar direla, bere udalerriari eragiten dioten errepideetan ibilgailuen trafikorako baldintza egokiak bermatzeko.

Leozko Udala.

Jendaurrean jartzeko lehen izapidean aurkeztu zuen "Barranco de Mairaga" parke eolikoari buruzko txostenean alegatutako guztia berretsi du.

Gainera, adierazi du ez dagoela ados abifaunaren gaineko eraginaren balorazioarekin, aurkeztutako urteko ziklo osoko azterketan emandako datuetan oinarrituta egin baita. Halaber, kalte handienak Leozko udalerrian eraginen direla azaldu du, huste-azpiegiturarako planteatu den lurperatzearen ondorioz.

Haren ustez, "Mairaga" eta "Barranco de Mairaga" parke eolikoak proiektu bakarraren bi zati dira, bereiz izapidetzen ari direnak, eta, beraz, hasiera batean hasitako foru-prozedurak erabat deusezak izanen lirateke. Halaber, zalantzak ditu bi espedienteen izapidetzeei dagokienez.

"Barranco de Mairaga" parke eolikoaren proiektua ingurumenaren aldetik bideraezina dela uste du; izan ere, Ingurumen Eraginaren Atalaren arabera, "Mairaga" parke eolikoa ez baita bideragarria, eta bi parkeek proiektu bakarra osatuko bailukete.

RETEVISIÓN I SAU.

"Barranco de Mairaga" parkea eraikitzeak RETEVISIONen zerbitzuetan izanen dituen ondorioei buruzko txostena aurkeztu du. Bertan adierazi du LTD seinalearen garraio-zerbitzuetan eragin nabarmena izanen lukeela, eta, ondorioz, agian telebista-seinalea ez litzatekeela zenbait udalerritara iritsiko. Horregatik, proiektuaren aurka dagoela esan du, kalteak konpontzeko behar diren neurriak hartzen ez diren bitartean.

Erantzuna: Ez du ingurumen arloko edukirik.

IBERDROLA REDES INTELIGENTES SAU.

Adierazi du, aurkeztutako dokumentuen arabera, ez dela ukipenik egonen bere sareetan, eta gogorarazi du zenbatekoa den tentsio-elementu batera hurbiltzeko gehieneko distantzia.

NASERTIC.

Ez dio eragozpenik jartzen proiektua gauzatzeari, baina adierazi du Nasertic-ek kudeatzen dituen telekomunikazio zentroetatik ematen diren telekomunikazio zerbitzuetan asaldurarik badago, dagokion jarduketa egiteko eskubidea gordeko duela.

2 taldea.

Susana Merino Dueñas.

Mari Carmen Echeberría Juaniz.

Héctor Díez Gómez.

Mari Ángeles Zaratiegui Beorlegui.

Iñaki Martínez Echeverria.

Aingueru Echeberría Juaniz.

Mikel Martínez Echeverria.

Alberto Domingo Salinas.

Alberto Domingo Zaratiegui.

Joseba Domingo Zaratiegui.

Isabel Urra López.

Jose Luis Martínez Beorlegui.

Miguel Ángel Martínez Beorlegui.

María del Rosario Echeverría Juaniz.

Aranzazu Díez Gómez.

Laura Cots Roig.

Mikel Baranda Brieba.

Jaime Sanz Osés.

Carla Torra Codina.

Aranzazu Esain Amezqueta.

Teresa Nuin Jiménez.

Rosario Carte.

Ainara Aramburu Madariaga.

Carlos Faro Carballa.

Jorge Gil Jiménez.

Pablo Remón Arteta.

Iosune Rodríguez San Martín.

Mikel Aingeru Santesteban Echeto.

Francisco Javier Nuin Jiménez.

Raúl Martín Huarriz.

Ana Puig García.

Olaia Beroiz Torres.

Juan Martín Segura Gorretge.

Esther Montoya de Antonio.

María Lourdes Garmendia Lacunza.

María Sagrario Jiménez Arrastio.

Francisco Javier Santesteban Echeto.

María Errea Redín.

Olga Cajal Marín.

Urko López Amézqueta.

Edurne Lekunberri Urmeneta.

Héctor Lekunberri Urmeneta.

María Luisa Madoz Equiza.

Alberto Padilla Zazpe.

Sara Nieto Vera.

Íñigo Lekunberri Urmeneta.

Edurtza Artoleta Elizondo.

Jose Joaquín Nuin Jiménez.

Asier Basterrica Carte.

Iñaki Martín San Martín.

Miriam Izaskun Maravi Artieda.

Pilar Sampol Guasp.

María Idoya Carte Olague.

Pau Abaiana Rius.

Marcel Cuadros Broch.

Ainara Ayesa Redín.

Ane Nuin Madoz.

Andrea Madoz Equiza.

Aura Rui Holgado.

Abril Costa Bon.

Maite Martínez Yanguas.

Beatriz del Río Aróstegui.

Edurne Basterrica Carte.

Xabier San Martín Larrasoaña.

Robert Marsol Vazquez.

Javier Hernanz Viguera.

Victoria Vera Gorriz.

Sara Echeverría Cela.

María Sagrario Nuin Jiménez.

Mikel Gastesi Zabaleta.

Veronica Beorlegui Echauri.

Alegazioak:

1.–"Barranco de Mairaga" parke eolikoaren aurka daude guztiz; izan ere, horrek eragin negatibo handia izanen luke inguruko ingurumen-, gizarte-, kultura-, paisaia- eta ekonomia-balioetan.

2.–Tokiko paisaian eragin larria izanen luke, basoetako natura-ondarea apurtu, eta neurri handiko zuhaitzak modu konponezinean kaltetuko liratekeelako.

3.–Hegazti-espezie babestuak eta hegaztien migrazio-pasabideak ukituko dira.

4.–Eragin sozial eta ekonomikoa izanen du; zehazki, "Iturrixikin-Monte Abajo" NA-194 ibilbide laburrean, Nafarroako ezinbesteko basobideen artean dagoena eta udalerriko kirol eta turismo erakargarri nagusietako bat dena, bai eta eskualdeko ondare erromanikoaren ibilbide turistikoetan sartuta dagoen Iratxetako Garaia interes kulturaleko ondasunean ere.

5.–Biztanleen atsedena eta osasuna kaltetuko dituen soinu-kalitatearen gaineko eragina.

6.–Ingurumen eraginaren azterketan erabilitako argazkiak ez datoz bat adierazitakoarekin, eta horrek zorroztasun falta larria dakar eta sinesgarritasuna kentzen die emaitzei.

7.–Biztanleriaren zati handi bat aurka dago eta horrek gatazkak sortu ditu udalen artean; ondorioz, udalerri horien despopulazioaren arazoa larriagotu eginen litzateke.

8.–Ez da plangintzarik egin eta horrek inbertsore handien interes ekonomikoei soilik egiten die mesede, egungo gizarte-, lurralde- eta ingurumen-errealitatera egokitu beharrean.

9.–Izapidetzen ari diren eta eskala handia nahiz ingurumen eragina eta eragin soziokulturala duten proiektuen alternatibak proposatu ditu.

Halaber, proiektua baimentzeko prozedura amaitzea eskatu du, orain arte egindako guztia baliorik nahiz ondoriorik gabe gera dadin, bai eta mota horretako proiektuak geldiaraztea eta hausnarketa- eta planifikazio-epe egoki bat irekitzea ere.

Erantzuna: Alegazioak aintzat hartu dira "Barranco de Mairaga" parke eolikoaren ingurumen eragin kaltegarriaren adierazpena egitean.

Gazteluzar plataforma.

1.–Proiektuak eragin negatibo handia du inguruko ingurumen-, gizarte-, kultura-, paisaia- eta ekonomia-balioetan, eta paisaia saturatuko duen beste elementu bat da.

Alegazio-egileak adierazi du "Mairaga" eta "Barranco de Mairaga" parke eolikoen aurka dagoela guztiz. Haran horrek, Nafarroako azaleraren %2 baino ez badu ere, haize-energiaren %20 sortzen du. Horrenbestez, agerian geratzen da ez dela behar bezalako plangintzarik egin.

2.–Landare estalkian inpaktu larria eraginen du, gure mendietako baso-ondare naturala nabarmen eta modu konponezinean suntsituko baitu eta tamaina handiko zuhaitzei eraginen baitie, hala nola Bariaingo Jaurerriko eta Iratxetako ehun urtetik gorako haritzei. Bestalde, Batasunaren intereseko habitatak ere kaltetuko ditu. Proposatutako neurri zuzentzaileekin ere, inpaktua larritzat jotzen jarraitu behar dugu.

3.–Abifaunaren gaineko eragina larria da. Abifaunaren urteko zikloaren datuen eta ingurumen eraginaren azterketaren emaitzaren artean inkoherentziak daude, inpaktua larritzat edo kritikotzat hartu beharko litzateke eta.

4.–Ingurumen eraginaren azterketak ez du frogatzen proiektuak ez duela eraginik Natura 2000 Sareko eremuetan.

5.–Inpaktu soziala eta ekonomikoa larria da, bereziki turismoari dagokionez, hori baita landa-eremuetako lan-hobi nagusietako bat. Besteak beste, hauek kaltetuko lituzke: Iratxetako Garaia interes kulturaleko ondasuna eta "Iturrixikin-Monte Abajo" NA-194 ibilbide laburra, Nafarroako ezinbesteko basobideen artean dagoena eta udalerriko kirol eta turismo erakargarri nagusietako bat dena.

6.–Haranaren eta parketik hurbilen dauden herrien soinu-kalitateari eraginen dio.

7.–Argazkiak eta testua ez datoz bat ingurumen eraginaren azterketako kokalekuekin.

8.–Biztanleriaren zati handi bat aurka dago eta horrek gatazkak sortu ditu udalen artean; ondorioz, udalerri horien despopulazioaren arazoa larriagotu eginen litzateke.

9.–Proiektua bateraezina da Leozko udalerriko hirigintza-plangintzarekin eta Olorizko udaleko eta lurraldeko hirigintza-araudiarekin.

10.–Sustatzen ari diren eta eskala handia nahiz ingurumen eragina eta eragin soziokulturala duten proiektuen alternatibak badaude.

Erantzuna: Alegazio guztiak aintzat hartu dira "Barranco de Mairaga" parke eolikoaren ingurumen eragin kaltegarriaren adierazpena egitean.

Era berean, adierazi du herritarren 1.141 sinadura erantsi dituela, alegazio-egile honen aurreko 2. taldeak aurkezturiko alegazioari atxikitzen zaizkiola erakusteko.

Sustrai Erakuntza fundazioa.

1.–Aurkeztutako proiektuak energia berriztagarrien produkzioa handitzea du xede, baina ez du Nafarroako egoera energetikoa aztertzen.

Erantzuna: Alegazioak proiektu honen esparrua eta ingurumen eraginaren ebaluazioa gainditzen ditu.

2.–Ez da aztertzen proiektua eraikitzearen eta landare estalkia kentzearen ondorioz sortzen den CO2 isuria.

Erantzuna: Ingurumen eraginaren adierazpen hau idaztean kontuan hartu da, eta adierazpen horrek aintzat hartzen du, haize-sorgailuaren bizitza baliagarrian zehar, positiboa dela saihestutako emisioen eta alegazio honetan emandako arrazoiengatik gertatutakoen arteko aldea.

3.–Aurkeztutako proiektuak ingurumen balioa duten eremuetan lur mugimenduak egitea dakar.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

4.–Parte hartzeko prozesu berrian oso aldaketa gutxi egin dira.

Erantzuna: Ez du ingurumen arloko edukirik.

5.–"Mairaga" eta "Barranco de Mairaga" parke eolikoek proiektu bakarra osatzen dute, artifizialki bitan zatitu dena.

Erantzuna: Ez du ingurumen arloko edukirik.

6.–Ez dira kontuan hartzen proiektuak landare-komunitateetan izanen lituzkeen eragin guztiak.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

7.–Azterketak ez ditu behar bezala ebaluatzen proiektuak ingurumenean eragiten dituen zenbait inpaktu (paisaian, landaredian edo gizartean), edo ez ditu ezartzen sortzen diren inpaktuak zuzentzeko beharrezkoak diren neurriak:

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

8.–Proiektuak ez du betetzen Olorizko hirigintzako eta lurraldeko araudia.

Erantzuna: Ez du ingurumen arloko edukirik.

9.–Alternatibak ez dira behar bezala aztertu, ezta metatze- eta sinergia-ondorioak ere.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

10.–Aurkeztutako proiektuak eragin larriak ditu faunan.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Landazuria. Erriberako Ekologistak Martxan.

Jendaurrean jartzeko lehen aldian Ekologistak Martxan taldeak aurkeztutako alegazioei eusten die, eta alderdi batzuk gehitu ditu haiek osatzeko:

–Ingurumen eraginaren azterketak ez luke baztertu behar zero alternatiba, hautemandako ezbeharren eta gorabeheren tasak handiak baitira.

–Parkea goi-korridore batean egin nahi da, haize-sorgailuak instalatzeko desegokiak diren eremu batzuetatik oso hurbil.

–"Mairaga" eta "Barranco de Mairaga" parke eolikoak batera izapidetzea eskatu du.

–Haren ustez, transformazio-zentroetatik urrun parke eta instalazio fotovoltaiko berriak sortzea onartezina da, eta, kasu honetan, dagoeneko parke eoliko gehiegi daude eremu horretan. Gainera, eremu horretan abifauna pasatzeko utzi ziren parkeen arteko korridoreetako batean planteatzen denez proiektua, erabat ezetsi behar dela uste du.

–Ingurumen eraginaren azterketak ez ditu behar bezala ebaluatzen proiektuak sortzen dituen ingurumen eraginak, edo ezin ditu neurri zuzentzaileak ezarri sortutako kalteetarako, zehazki, paisaiaren eta gizartearen gaineko kalteetarako.

–Azpimarratu du ingurumen eragin larriak egiten zaizkiola faunari, hala nola ugatzari, eta zenbait gogoeta egin ditu parke eolikoek eta haiei lotutako azpiegiturek hustubide demografikoak sortzeari eta bizi luzeko hegaztien espezieak desagertzeko arriskuari egiten dieten ekarpenaren inguruan.

–Natura 2000 Sarearen gaineko eraginei dagokienez, gogoratu du, habitatei buruzko Zuzentarauaren arabera, leku horietako funtsezko elementuei inolako kalterik egiten ez dieten planak eta proiektuak bakarrik onesten ahalko direla, bai bakarka, bai beste plan eta proiektu batzuekin batera, proiektuaren kokalekua edozein dela ere.

–Nahiz eta onartzen duen ebakuazio-linea lurperatzeak eraginak gutxituko dituela, linea hori onartezintzat jotzen du oraindik ere, ondoko Alaizko ustiatze-parkean dagoen ebakuazio-linea erabili beharko bailitzateke.

–Kontsumoguneetatik urrun parke handiak sortzea saihesteko balio ahal duten eguneroko azpiegituren adibide batzuk gehitu ditu.

Erantzuna: Aurkeztutako alegazio batzuk proiektu honi eta ingurumenaren gaineko eraginaren ebaluazioari dagokien esparrutik haratago doaz, eta gainerakoak kontuan hartu dira "Barranco de Mairaga" parke eolikoaren ingurumen eragin kaltegarriaren adierazpena egitean.

Gurelur elkartearena.

–Azpimarratu du "Mairaga" eta "Barranco Mairaga" parke eolikoek proiektu bera osatu beharko luketela, eta ingurumen eraginaren azterketan jasotako alternatiben azterketan zenbait akats atzeman dituela adierazi du.

–Jendaurrean jartzeko bi aldietan aurkeztutako abifaunari buruzko azterketen artean desberdintasun batzuk azaldu daudela du, eta zalantzan jarri du azken azterketak urteko ziklo oso bat hartzen duela barnean. Gainera, bertan akats batzuk aurkitu dituela adierazi du (Mairagako urtegian ez dago behaketa-punturik, eta ez da kontuan hartu Nafarroako katalogoa).

–Adierazi du aurkeztutako dokumentuek ez dutela beharrezko informazioa ematen parkea ezartzeko egin behar diren lur-erauzketak eta lubetak zehazteko, eta bertan aipatzen den lur-mugimendua ez dagoela teknikoki justifikatuta. Gainera, lur-bolumen hori lekuz aldatzeak, CO2 eta erregai-gastu handiak sortzeaz gain, arazo bat eraginen du ingurumen eraginaren azterketan ebaluatu ez den beste leku batean.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

Saguzarrak Kontserbatzeko eta Aztertzeko Espainiako Elkartea (SECEMU).

Jendaurrean jartzeko lehen izapidearekin alderatuz saguzarren azterketan aurrerapen handiak egin direla onartzen badu ere, zuzendu beharreko zenbait akats garrantzitsu aipatu ditu, eta parkean saguzarren heriotza-tasa murrizteko prebentzio-neurririk ez dagoela adierazi. Halaber, ingurumena zaintzeko plana gauzatzeko kontuan hartu beharreko zenbait alderdi aipatu ditu, metatze- eta sinergia-ondorioei dagokienez.

Erantzuna: Hori aintzat hartu da "Barranco de Mairaga" parke eolikoaren ingurumen eragin kaltegarriaren adierazpena egitean.

EPEZ KANPO JASOTAKOAK

Ebroko Konfederazio Hidrografikoa.

Ebroko Konfederazio Hidrografikoko Ur Komisariako Ingurumen Kudeaketaren Arloa:

1.–Proiektuaren jarduketa eremuan dagoen gainazaleko eta lurpeko sare hidrografikoa deskribatu du.

2.–Proiektua gauzatzeko lanetan bete beharreko baldintzak ezarri ditu.

3.–Gogorarazi du zer baimen behar diren jabari publiko hidraulikoko eremuetan eta polizia-eremuetan eragina duten jarduketetarako, eta adierazi du zona horietan zenbait jarraibide eta neurri kontuan hartu behar direla, eragina ahalik eta txikiena izan dadin.

4.–Linea elektrikoa mantentzeko ibilguetan egin behar diren jarduketak linearen titularraren kontura izanen direla adierazi du. Lanek ibilguaren trazadura, fisionomia eta egitura errespetatu beharko dituzte, obrarik egin gabe eta sortutako hondakinak kenduta.

Erregistroaren, Ondasun Higigarrien eta Arkeologiaren Atala.

Proiektuak ukituko lituzkeen ondasun arkeologiko katalogatuen berri eman du, eta aldeko txostena eman du, baldintza hauekin:

–Edozein eraginetik kanpo utzi behar dira "La Quemada" eta "Llanos del monte" aztarnategi arkeologikoak, eta obrak egin bitartean balizatu egin beharko dira. Babes-perimetroak okupatuz gero, zundaketa arkeologikoak egin beharko dira proiektua gauzatu aurretik. Emaitzaren arabera, Vianako Printzea Erakundea-Kultura Zuzendaritza Nagusiak bideragarritzat joko du proiektua.

–"El Raso III" eta "El Raso II" 3. kategoriako aztarnategiek hartzen dituzten espazioak okupatuz gero, zundaketa arkeologikoak egin beharko dira proiektua gauzatu aurretik. Emaitzaren arabera, Vianako Printzea Erakundea-Kultura Zuzendaritza Nagusiak bideragarritzat joko du proiektua.

–Aurkikuntza solteen inguruan jarraipen arkeologikoa egin behar da.

Gainera, gogorarazi du zundaketa arkeologikoak sektoreko arkeologo edo enpresa espezializatu batek egin behar dituela, proiektuaren sustatzailearen kontura, baldintza jakin batzuk betez. Halaber, gogorarazi du lanak egin bitartean aztarna arkeologikoren bat agertzen bada, aurkikuntza berehala jakinarazi behar zaiola Erregistroaren, Ondasun Higigarrien eta Arkeologiaren Atalari.

Ingurumen Eraginaren Atala.

Proiektua gauzatzeak uki litzakeen ingurumen-balio nagusiak aipatu ditu, baita aurkeztutako dokumentuetan atzemandako zenbait akatsen berri eman ere, kontuan hartu behar baitira parkeak eragindako inpaktua behar bezala ebaluatzeko.

Nekazaritzako Azpiegituren Zerbitzua. Ureztalurren eta Lurzati Berrantolamenduaren Atalarena.

Adierazi du proiektua gauzatzeak ez diela eragiten ez egungo lur ureztatuei, ez Nafarroako Foru Komunitateko Ureztaketa Planari.

Iragarkiaren kodea: F2215329