2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
NOAIN (ELORTZIBAR)
Hiri-jarduketarako plan berezia, Zabalegiko UE 2.5 eremuan. Hasierako onespena
Alkatetzaren 2022ko azaroaren 30eko 2022-1417 Ebazpenaren bidez, hasiera batez onetsi zen Hiri-jarduketarako plan berezia Zabalegiko UE 2.5 eremuan, María Ángelesek eta Carmen Peralta Urquiagak sustatuta.
Espedientea jendaurrean egonen da hilabetez, iragarki hau Nafarroako Aldizkari Ofizialean eta Nafarroako Foru Komunitatean argitaratzen diren egunkarietan argitaratu eta biharamunetik hasita, interesdunek hura azter dezaten eta egokiak iruditzen zaizkien alegazioak aurkez ditzaten, bat etorriz uztailaren 26ko 1/2017 Legegintzako Foru Dekretuaren 72. artikuluarekin (legegintzako foru-dekretu horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina).
Noain Elortzibarren, 2022ko abenduaren 1ean.–Alkate udalburua, Sebastián Marco Zaratiegui.
Iragarkiaren kodea: L2216554