1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
23269E/2022 EBAZPENA, urriaren 26koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez aldatzen baita Lansare-Nafarroako Enplegu Zerbitzuko zuzendari kudeatzailearen abenduaren 21eko 5587E/2021 Ebazpena, Nafarroako laneratze eta gizarteratze enpresen Gizarte Segurantzako enpresa-kuota eta soldatetarako dirulaguntzak ordaintzeko gastua handitzeko baimena ematen duena. DDBN identifikazioa: 599278.
Nafar Lansare-Nafarroako Enplegu Zerbitzuko zuzendari kudeatzailearen abenduaren 21ko 5587E/2021 Ebazpenaren bidez baimendu zen, 2022. urterako, 2.600.000 euroko gastua Nafarroako laneratze eta gizarteratze enpresei Gizarte Segurantzako enpresa-kuota eta soldatetarako dirulaguntzak ordaintzeko, 2022ko gastu-aurrekontuko "Zailtasun gehien dituzten kolektiboak gizarteratu eta laneratzeko programetarako laguntzak. Konferentzia Sektoriala" izeneko 950001 96100 4819 241104 partidaren kargura.
5587E/2021 Ebazpenaren bidez baimendutako aurrekontu-zuzkidurarekin estaltzen ez den eskaria dagoenez, Nafarroako Gobernuak erabaki du 165.000 euro gehitzea, guztira, Nafarroako gizarteratze- eta laneratze-enpresei gizarte-bazterketako egoeran dauden pertsonak kontratatzeko dirulaguntzak emateko deialdira bideratutako zenbatekoari.
Horrenbestez, azaroaren 6ko 302/2019 Foru Dekretuak, Nafar Lansare-Nafarroako Enplegu Zerbitzua erakunde autonomoaren estatutuak onesten dituenak, bere 12. artikuluan ematen dizkidan ahalmenak erabiliz,
EBAZTEN DUT:
1. Aldatzea Nafarroako laneratze eta gizarteratze enpresei Gizarte Segurantzako enpresa-kuota eta soldatetarako dirulaguntzak emateko deialdirako baimendu den gastua (gerora egindako handitzea barne), deialdi horretara bideratutako kredituari 165.000 euro gehituz.
2. Baimena ematea aipatu deialdian baimendutako gastua 165.000 euro handitzeko, 2022ko gastu-aurrekontuko "Zailtasun gehien dituzten kolektiboak gizarteratu eta laneratzeko programetarako laguntzak. Konferentzia Sektoriala" izeneko 950001 96100 4819 241104 partidaren kargura.
3. Ebazpen hau Nafarroako Aldizkari Ofizialean argitaratzea.
4. Ebazpen honek ez du administrazio bidea amaitzen, eta haren aurka gora jotzeko errekurtsoa jar daiteke, Eskubide Sozialetako kontseilariari zuzendua, hilabeteko epean, argitaratu eta biharamunetik hasita. Administrazio publikoek zilegi dute administrazioarekiko auzi-errekurtsoa jartzea, eskumena duen ordena jurisdikzionalari zuzendua, bi hilabeteko epean, argitaratu eta biharamunetik hasita, galarazi gabe Nafarroako Gobernuan aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan xedatutako moduan eta epeetan.
Iruñean, 2022ko urriaren 26an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2214337
