Iragarkia
231. ALDIZKARIA - 2022ko azaroaren 21a - BEREZIA
2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
BURLATA
Deialdia, lanpostu hutsak oposizio-lehiaketaren bidez betetzeko, aldi baterako enplegua egonkortzeko eta finkatzeko prozesu bereziaren barnean, Enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoaren arabera
Azaroaren 10eko 1257/2022 Ebazpenaren bidez, honako ebazpen hau onetsi zen:
Alkate udalburuaren 2022ko maiatzaren 10eko 603/2022 Ebazpenaren bidez (2022ko 103. Nafarroako Aldizkari Ofiziala, maiatzaren 26koa) eta alkatearen 691/2022 Ebazpenaren bidez (2022ko 146. Nafarroako Aldizkari Ofiziala, uztailaren 22koa) onetsi da Burlatako Udalaren 2022rako lan publikoaren eskaintza, ezartzen dituena enplegua egonkortzeko prozesuak eta deialdi bereziak, jarraikiz abenduaren 28ko 20/2021 Legeari (lege horrek hizpide ditu premiazko neurriak, enplegu publikoan dagoen behin-behinekotasuna murrizteko).
Burlatako Udalaren osoko bilkuraren 2022ko urriaren 27ko erabaki baten bidez, Burlatako Udala partez atxikitzen zaio uztailaren 1eko 19/2022 Foru Legearen II. tituluan jasotako erregulazioari, foru lege horren bidez neurriak hartzen baitira Nafarroako Administrazio Publikoetan egonkortze-prozesuak gauzatzeko, abenduaren 28ko 20/2021 Legearen ondorioz (Enplegu publikoan behin-behinekotasuna murrizteko premiazko neurrien Legea).
Horiek horrela, eta Toki Araubidearen Oinarriak arautzen dituen apirilaren 2ko 7/85 Legearen 21.1. artikuluan ezarritako eskumenak erabiliz,
EBAZTEN DUT:
1. Onestea 603/2022 eta 691/2022 alkatetzaren ebazpenetan jasotako lanpostu hutsak oposizio-lehiaketa bidez betetzeko deialdia. Ebazpen horiek, hurrenez hurren, argitaratu ziren 2022ko 103. Nafarroako Aldizkari Ofizialean, maiatzaren 26koan eta 2022ko 146. zenbakikoan, uztailaren 22koan, aldi baterako enplegua egonkortzeko eta finkatzeko prozesu bereziaren barnean, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legean xedatutakoaren arabera.
2. Onestea merezimendu-lehiaketaren deialdia arautzen duten oinarriak, bai eta eranskinak ere: I. eranskina, ezaugarrien taula; II. eranskina, eskabidea; eta III. eranskina, merezimenduen autobalorazioa.
3. Ebazpen hau Nafarroako Aldizkari Ofizialean argitaratzea.
Burlatan, 2022ko azaroaren 10ean.–Alkate udalburua, Ana María Góngora Urzaiz.
Deialdi hau eginen da aplikatu beharreko araudian xedatuari eta oinarri hauetan ezartzen denari jarraikiz:
OINARRIAK
1.–Deialdiaren xedea.
1.1. Deialdi honen xedea da I. eranskinean zehaztutako lanpostu hutsak betetzea, aipatutako eranskinean jasotzen diren ezaugarrien arabera, betiere betez lehia askearen, berdintasunaren, merezimenduaren, gaitasunaren eta publizitatearen printzipioak, eta oposizio-lehiaketaren prozeduraren bidez, abenduaren 28ko 20/2021 Legearen eta uztailaren 1eko 19/2022 Foru legearen babesean eginiko aldi baterako enplegua egonkortzeko eta finkatzeko prozesu bereziaren barnean (20/2021 Legea, abenduaren 28koa, hizpide dituena premiazko neurri batzuk, enplegu publikoan dagoen behin-behinekotasuna murrizteko; eta 19/2022 Foru Legea, uztailaren 1ekoa, zeinaren bidez neurriak hartzen baitira egonkortze-prozesuak gauzatzeko Nafarroako Administrazio Publikoetan, abenduaren 28ko 20/2021 Legearen ondorioz).
1.2. Deialdi honen bidez izendatzen diren izangaiek edo halakoen gisan kontratatzen direnek beren lanpostuari dagozkion eginkizunak beteko dituzte, Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuan eta hura garatzeko araudian ezarritako eskubideak eta betebeharrak izanen dituzte eta, arau horretan ezarritako mailen artetik, ezaugarri teknikoen taulan zehazten den mailan sailkatuta geldituko dira.
2.–Aplikatzekoa den araudia.
Prozedura hau gauzatzeko, honako hauetan xedatutakoa beteko da: 20/2021 Legea, abenduaren 28koa, Enplegu publikoan dagoen behin-behinekotasuna murrizteko premiazko neurriena; 19/2022 Foru Legea, uztailaren 1ekoa, zeinaren bidez neurriak hartzen baitira Nafarroako Administrazio Publikoetan egonkortze-prozesuak gauzatzeko, abenduaren 28ko 20/2021 Legearen ondorioz; 251/1993 Legegintzako Foru Dekretua, abuztuaren 30ekoa, Nafarroako Administrazio Publikoen zerbitzuko Langileen Estatutuaren testu bategina onesten duena; 113/1985 Foru Dekretua, ekainaren 5ekoa, Nafarroako Administrazio Publikoetan sartzeko Erregelamendua onesten duena; 7/1985 Foru Legea, apirilaren 2koa, Toki Araubidearen Oinarriei buruzkoa; aplikatzekoak diren gainerako arauak eta deialdi honen oinarriak.
3.–Baldintzak.
3.1. Oposizio-lehiaketa honetan onartuak izateko, izangaiek honako baldintza hauek bete beharko dituzte:
3.1.1. Izangai guztiek bete beharrekoak:
a) I. eranskinean zehazten den nazionalitateari buruzko baldintza betetzea.
b) Hamasei urte beteak izatea eta ez gainditzea erretiroa nahitaez hartzeko ezarritako gehieneko adina.
c) I. eranskineko ezaugarrien taulan zehazten den titulua izatea, edo eskabideak aurkezteko epea bukatzen den egunean lortzeko moduan egotea.
Tituluak atzerrian lortu badira, baliozkotuak edo homologatuak daudela frogatzen duten frogagiriak eduki beharko dira. Baldintza hori ez zaie aplikatuko beren lanbide kualifikazioaren aitorpena, lanbide arautuen esparruan, Europako Erkidegoko zuzenbideko xedapenen babesean eskuratu duten izangaiei.
d) Lanpostuaren eginkizunak betetzeko gaitasun fisiko eta psikikoa izatea.
e) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.
f) I. eranskineko ezaugarrien taulan zehazten den euskararen edo beste hizkuntza batzuen hizkuntza-eskakizuna izatea, edo eskabideak aurkezteko epea bukatzen den egunean lortzeko moduan egotea.
Euskarari dagokionez, dauden titulazio ofizialez gain, aurkez daitezke Euskarabidea-Euskararen Nafar Institutuak emandako egiaztagiriak, maila-proben ondoriozkoak, aplikatuta uztailaren 1eko 19/2022 Foru Legearen zazpigarren xedapen gehigarria (foru lege horren bidez neurri batzuk hartzen dira, egonkortze-prozesuak gauzatzeko Nafarroako Administrazio Publikoetan, abenduaren 28ko 20/2021 Legearen ondorioz; 20/2021 Legeak hizpide ditu premiazko neurri batzuk, enplegu publikoan dagoen behin-behinekotasuna murrizteko). Maila-proba horiek deialdi hau argitaratu ondoren egin daitezke eta, horrenbestez, deialdia argitaratu ondoren aurkez daitezke egiaztagiriak. Nolanahi ere, izangaiak, hautapen-prozesuan parte hartzeko eskabidearekin batera, adierazitako probetara aurkezteko konpromisoa aurkeztu beharko du.
g) Ezin izanen dute parte hartu deialdia egin duen toki erakundean deialdiaren xede den lanpostuan langile finko gisa ari diren langileek. Baldintza hori betetzen ez duten pertsonak ezin izanen dira izendatu, eta baliorik gabe geratuko dira haien jarduketa guztiak, beren eskaeraren faltsukeria dela-eta legokiekeen erantzukizuna galarazi gabe.
h) Ezaugarrien taulan hala zehazten bada, eta Haurrentzako eta nerabeentzako babes sistema aldatzen duen uztailaren 28ko 26/2015 Legearen arabera, adingabeekin ohiko harremana duten lanpostuetan aritzeko baldintza da epai irmo baten bidez kondenatua ez izatea sexu askatasunaren eta sexu ukigabetasunaren aurkako delitu batengatik edo gizakien salerosketarengatik.
3.2. Izangaiek deialdi honen oinarrietan ezartzen den unean frogatu beharko dituzte baldintza horiek. Bete beharko dira eskabideak aurkezteko epea bukatzen den unean eta lanpostuaren jabetza hartu arte, deusetan ukatu gabe 3.1.f. oinarrian ezarritakoa.
4.–Eskabideak, tasak eta eskabidearekin batera aurkeztu beharreko agiriak.
4.1. Eskaera aurkeztea eta formalizatzea.
Deialdian parte hartzeko eskabideak telematikoki aurkeztu beharko dira nahitaez, ezaugarrien taulan zehazten den eta toki erakundearen atarian egonen den deialdiaren web fitxaren bidez.
Hautapen-prozesu honetan parte hartu nahi dutenek, nahitaez, II. eranskineko eredu normalizatuaren arabera aurkeztu beharko dute eskabidea, eta parte hartu nahi duten hautapen-prozesu adina eskabide aurkeztu beharko dituzte.
4.2. Eskaerak aurkezteko epea.
Eskaerak aurkezteko epea 15 egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita. Eskaerak aurkezteko epea luzaezina da.
4.3. Tasak.
Azterketa eskubideengatik eta espedientea formalizatzeagatik ordaindu beharreko tasa ezaugarrien taulan zehazten dena da.
Honako hauek ez dute tasarik ordaindu beharko:
Burlatako Ordenantza fiskalaren 5. epigrafearekin bat, tasa hau ordaintzetik salbuetsita egonen dira lan-eskatzaileak, baldin behar den bulegoan izena emanik badaude eta lan-eskatzailearen txartela aurkezten badute, Nafarroako Enplegu Zerbitzuak emana eta eguneratua. Deialdian enplegua hobetzeko parte hartzen dutenak ez dira salbuetsiko.
Azterketa eskubideen tasa ordaintzen ez bada, izangaia baztertu eginen da.
Azterketa eskubideen tasa ordaintzeak ez du inola ere ordeztuko eskaera behar den epean eta moduan aurkeztu beharra.
4.4. Eskabidearekin batera aurkeztu beharreko agiriak.
Eskabidea aurkezteko unean, izangaiek telematikoki aurkeztu beharko dute dokumentazio hau, kasuaren arabera:
–Behar den tasa ordaindu izana egiaztatzen duen gordekina.
4.3 apartatuko kasuan, ordaintzetik salbuetsirik daudenek enplegu-bulegoak emaniko ziurtagiria aurkeztu beharko dute.
5.–Kalifikazio epaimahaia.
5.1. Kalifikazio epaimahaia deialdi hau onetsi ondoren eta izangai onartuen eta baztertuen behin betiko zerrenda onetsi baino lehen izendatuko da. Kide-kopurua bakoitia izanen da, hiru gutxienez, eta horien ordezkoen kopuru bera izendatu beharko da. Izendapen hori argitaratuko da deialdiaren ezaugarrien taulan zehazten den eta toki erakundearen atarian egonen den deialdiaren web fitxan.
5.2. Epaimahaiak osatzerakoan, espezialitatearen printzipioa betetzen dela zainduko da, eta, horretarako, epaimahaikideen gehiengo osoak sartzeko eskatzen den ezagutza-arlo bereko titulazioa izan beharko du, maila akademiko berekoa edo goragokoa, eta gizonen eta emakumeen ordezkaritza orekatua lortzera joko da.
5.3. Baldin eta kasu bakoitzean eskumena duen Langileria Batzordeak ez badu epaimahai bakoitzean dagokion kidea izendatzeko proposamenik egiten eskatzen zaionetik 15 egun naturaleko epean, deialdia egiten duen organoak izendatuko du kide hori hautatutako langileen ordezkarien artetik, dagokion eremuan.
5.4. Hautaprobak egiten hasi aurretik eratu beharko da epaimahaia.
Epaimahaia ezin izanen da eratu, ez eta jardun ere, gutxienez kideen gehiengo osoa ez badago bertan.
Kide anitzeko organoaren eraketak eta jarduketek balio izateko, epaimahaiburuak eta idazkariak edo haien ordezkoek bertan egon beharko dute.
5.5. Kalifikazio epaimahaiko kideek parte hartzeari uko egin beharko diote, eta organo dei egileari horren berri eman, baldin eta Sektore Publikoaren Araubide Juridikoari buruzko urriaren 1eko 40/2015 Legearen 23. artikuluan abstentziorako aipatzen diren egoeretako batean badaude.
Izangaiek, halaber, zilegi dute epaimahaikideak errekusatzea, egoera horietako bat gertatzen denean.
5.6. Epaimahaiak gehiengoz ebatziko ditu deialdiko oinarrien interpretazioari eta aplikazioari buruz sortzen diren gorabehera guztiak.
5.7. Epaimahaiak aholkulari espezialistei deitzen ahalko die, bere eskumeneko jarduketetatik edozeinetan laguntzeko. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.
6.–Izangaien onarpena.
6.1. Eskabideak aurkezteko 15 egun naturaleko epea amaituta, onartutako eta baztertutako izangaien behin-behineko zerrenda onetsiko da, eta deialdiaren ezaugarrien taulan zehazten den eta toki erakundearen atarian egonen den deialdiaren web fitxan argitaratzeko aginduko da.
Baztertutako izangairik ez badago, zuzenean onetsiko da onartuen behin betiko zerrenda, eta toki erakundearen atariko deialdiaren web fitxan argitaratzeko aginduko da.
6.2. Deialdiaren ezaugarrien taulan zehazten den eta toki erakundearen atarian egonen den deialdiaren web fitxan behin-behineko zerrenda argitaratu eta biharamunetik hasita, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko. Erreklamazioak telematikoki aurkeztu beharko dira, ezaugarrien taulan zehazten den Interneteko helbidean.
6.3. Erreklamazioak aurkezteko epea iragan eta horiek ebatzi ondoren, izangai onartu eta baztertuen behin betiko zerrenda onetsi, eta aginduko da argitara dadila deialdiaren web fitxan (ezaugarrien taulan zehazten da eta toki erakundearen atarian egonen da fitxa hori).
6.4. Izangaiei egotzitako arrazoiengatik baztertzen direnei ez zaizkie itzuliko azterketa egiteko eskubideak.
6.5. Onartuen zerrendan agertzeak ez du esan nahi bertan ageri direnei aitortzen zaienik betetzen dituztela ebazpen honen bidez iragartzen den prozeduran eskatutako baldintzak. Hautapen-prozedura gainditu ondoren, baldin izangaiek aurkeztu beharreko dokumentazioa aztertzen denean egiaztatzen bada ez dutela baldintzaren bat betetzen, interesdunek galduko dituzte prozedura honetan parte hartzeagatik izan ditzaketen eskubide guztiak, deusetan galarazi gabe faltsukeria dela-eta legozkiekeen erantzukizun penal, zibil edo administratiboak.
7.–Oposizio-lehiaketa prozeduraren nondik norakoak.
7.1. Oposizio-lehiaketak fase hauek izanen ditu:
a) Oposizioaldian, proba bat edo gehiago eginen dira, lanpostuaren eginkizunak zuzen eta egoki betetzeko beharrezkoak diren ezagutzei eta gaitasunei buruz.
b) Merezimenduen balorazioko fase edo lehiaketaldian, izangaiek alegatu dituzten merezimenduen balorazioa eginen da, deialdiaren puntu honen hirugarren apartatuan dagoen baremoaren arabera.
Deialdi honetako faseak hurrenkera honetan eginen dira: lehendabizi, oposizioaldia, eta hura bukatuta, lehiaketaldia.
7.2. Oposizioaldia: 60 puntu.
7.2.1. Oposizioaldia baztertzailea izanen da, baina oposizioaldiko probak ez dira baztertzaileak izanen. Gainditzeko, 30 puntu lortu beharko dira.
7.2.2. C, D eta E mailetarako, oposizioaldiak proba bakarra izanen du, test motakoa.
7.2.3. A eta B mailetarako, oposizioaldian gehienez bi proba eginen dira. Bi proba egitea aurreikusten bada, biak egun bakarrean egiten ahalko dira.
7.2.4. Proben kopurua, ezaugarriak eta edukia deialdiaren ezaugarrien taulan zehaztuko dira.
7.2.5. Prozeduran onartutako eta baztertutako izangaien behin betiko zerrenda onesten denean adieraziko dira probak egiteko eguna, tokia eta ordua. Egun bakarrean egiten ahalko dira deialdiaren ezaugarrien taulan ezarritako proba guztiak.
Halakorik bada, hurrengo probetarako deialdiak ezaugarrien taulan zehazten den eta toki erakundearen atarian egonen den deialdiaren web fitxan argitaratuko ditu epaimahaiak; bertan, proba egitera deituta dauden izangaien zerrenda emanen du, baita oposizioaren proba non, noiz eta zer ordutan eginen den adierazi ere.
7.2.6. Oposizioaldiko proba bakoitzerako dei bakarra eginen da, eta izangaiek nortasun agiri nazionala, pasaportea edo gidabaimena eraman beharko dute. Oposiziotik baztertuko dira iragarritako egun, ordu eta tokian agertzen ez diren izangaiak edo aipatu diren agirien bidez identifikatzen ez direnak.
7.2.7. Hautaprobak egiteko, desgaitasun aitortua duten izangaientzat posible eta beharrezkoak diren denbora eta baliabide egokitzapenak eginen dira, eskabidean halakorik eskatu badute.
7.2.8. Deialdiaren ezaugarrien taulan zehaztutako proben kalifikazioa bukatu ondoren, epaimahaiak argitara emanen du aurkeztutako izangaien zerrenda, lortutako behin-behineko kalifikazioekin, toki erakundearen atariko deialdiaren web fitxan, eta 5 egun balioduneko epea irekiko du interesdunek telematikoki alega dezaten eskubidekotzat jotzen duten guztia. Alegazioak aurkezteko epea amaituta, behin betiko emaitzak argitaratuko dira.
7.2.9. Oposizioaldiko behin betiko emaitzak argitaratzearekin batera, 10 egun balioduneko epea emanen zaie fase hori gainditu duten izangaiei, aurkez ditzaten III. eranskinaren araberako autobalorazio inprimakia, behar bezala betea, eta merezimenduak justifikatzeko agirien kopiak, inprimakian agertzen diren hurrenkeraren arabera ordenatuta.
Aski izanen da dokumentazioaren kopia arruntak aurkeztea, baina aurkeztutako datuak edo agiriak ez-zuzenak edo faltsuak badira, eskatuko dira behar diren erantzukizun penal, zibil edo administratiboak.
7.3. Lehiaketaldia: 40 puntu.
7.3.1. Lehiaketaldian merezimendu hauek baloratuko dira:
a) Merezimendu profesionalak: gehienez ere 28 puntu.
Administrazio publikoetan kasuan kasuko deialdia argitaratzen den egunera arte egindako zerbitzuak baloratuko dira, gehienez 28 punturekin, puntuazio honen arabera:
a.1) Deialdia egiten duen toki erakundean eta haren erakunde autonomoetan, deialdiaren xedeko lanpostu berean, egindako zerbitzuak: 2,5 puntu egindako zerbitzu urte oso bakoitzeko.
a.2) Deialdia egiten duen toki erakundean eta haren erakunde autonomoetan, beste lanpostu batzuetan, egindako zerbitzuak: 1,75 puntu egindako zerbitzu urte oso bakoitzeko.
a.3) Beste administrazio publiko batzuetan, lanpostu berean edo beste lanpostu batzuetan, egindako zerbitzuak: 0,86 puntu egindako zerbitzu urte oso bakoitzeko.
Oharrak:
1. Urteen kopurua osoa ez bada, emanen da zerbitzuan egindako aldiari proportzioan dagokion puntuazioa.
2. Gehienez 28 puntu emanen dira a) apartatu honetan.
3. Egindako zerbitzuak baloratuko dira zerbitzu bakoitzaren hasiera egunetik amaierara arte, egindako lanaldiaren ehunekoa edozein dela ere.
4. Ez dira baloratuko deialdia argitaratu ondoren egindako zerbitzuak.
5. Izangaia prestakuntzarako zerbitzu berezietan egon den aldiak edo jarduneko zerbitzu bereziko egoeran egon den aldiak kontatuko dira bete duen lanpostuan benetan egindako zerbitzuak balira bezala.
Izangaia zerbitzu berezietan egon bada beste arrazoi batzuengatik, edo eszedentzia berezian egon bada, edo unitate organiko bateko buru edo zuzendari lanetan, aldi horietako zerbitzuak kontatzeko, egoera horietan sartzean zuen lanpostuan egin izan balitu bezala kontatuko dira.
6. Aurreko azpiapartatuetan emandako puntuazioak elkarrekin bateraezinak izanen dira aldi berari dagokionez. Halakoetan, kasu bakoitzean handiena den puntuazioa emanen da.
b) Beste merezimendu batzuk: gehienez ere 12 puntu.
b.1) Deialdia egiten duen toki erakundean eta haren erakunde autonomoetan deialdi honen xede den lanpostu berean sartzeko prozesu bat gainditu izana, lanposturik eskuratu gabe, 2009ko urtarrilaren 1etik aurrera argitaratutako deialdietan: 3,2 puntu lanposturik eskuratu gabe gainditutako deialdi bakoitzeko.
b.2) Ingelesa, frantsesa eta alemana:
Europar Batasuneko lan-hizkuntzak jakitea baloratuko da 19/2022 Foru Legean xedatutakoaren arabera.
Frantsesa, ingelesa edo alemana jakiteagatik, Europar Batasuneko laneko hizkuntzak diren aldetik, plantilla organikoaren arabera lanpostuan aritzeko hizkuntza horiek jakitea nahitaezkoa ez denean, I. eranskinean adierazten diren lanpostuetan: 2 puntu gehienez haietako bakoitzagatik.
b.3) Euskara:
Euskararen ezagutza baloratuko da 19/2022 Foru Legean ezarritakoaren arabera.
b2 eta b3 ataletarako oharrak:
Hizkuntzetarako Europako Erreferentzia Esparru Bateratuaren C1 mailaren pareko jakite-maila egiaztatzen duen titulu edo ziurtagiria duenari aurreko ataletan hizkuntza bakoitzarentzat ezarritako baloraziorik handiena emanen zaio.
Titulu edo ziurtagiri hori izan ezean, Hizkuntzetarako Europako Erreferentzia Esparru Bateratuaren A1 mailaren pareko titulu edo ziurtagiri bat izanez gero, gehienez eman daitekeen puntuazioaren 1/5 jasoko da; A2 mailaren parekoa izanez gero, 2/5; B1 mailaren parekoa izanez gero, 3/5; eta, B2 mailaren parekoa izanez gero, 4/5.
Euskara merezimendu gisa baloratzean, Nafarroako Gobernuak antolatutako ikastaroetan gainditutako urrats bakoitzagatik, gehienez eman daitekeen puntuazioaren 1/12 emanen da.
Nafarroako edozein toki erakundetako egonkortze-prozeduretan, izangaiek aurkez ditzakete, euskararen jakite-maila frogatzeko, merezimendu gisa nahiz nahitaezko betebehar gisa, Euskarabidea-Euskararen Nafar Institutuak euskararen jakite-mailari buruz emandako egiaztagiriak, baliozkoak izanen baitira, xede horretarako dauden titulazio ofizialez gain.
7.3.2. Ez dira aintzat hartuko, ezta baloratuko ere, 7.2.9. oinarrian horretarako ezartzen den epea amaitzen den egunean zerrendatuta, alegatuta eta egiaztatuta ez dauden merezimenduak; hala ere, kalifikazio epaimahaiak dokumentazio gehiago eska dezake, uste badu merezimendu bat ez dagoela behar bezala egiaztatuta.
Epaimahaiak ezin izanen du inola ere kontuan hartu alegatu gabeko eta agirien bidez frogatu gabeko merezimendurik, eta ezin izanen du eman 7.3.1. atalean merezimenduen atal bakoitzerako adierazitako gehieneko puntuazioa baino altuagorik.
7.3.3. Merezimendu-lehiaketaren kalifikazioa bukatu ondoren, epaimahaiak argitara emanen ditu izangaiek lortutako behin-behineko puntuazioak, deialdiaren ezaugarrien taulan zehazten den eta toki erakundearen atarian egonen den deialdiaren web fitxan, eta bost egun balioduneko epea irekiko du interesdunek telematikoki alega dezaten eskubidekotzat jotzen duten guztia.
7.3.4. Behin-behineko emaitzen aurka aurkezturiko erreklamazioen gainean ebatzi ondoren, epaimahaiak argitara emanen ditu merezimenduen baremazioaren behin betiko emaitzak, deialdiaren ezaugarrien taulan zehazten den eta toki erakundearen atarian egonen den deialdiaren web fitxan.
7.4. Azken kalifikazioa.
7.4.1. Azken kalifikazioa izanen da oposizioaldian eta lehiaketaldian lortutako puntuazioen batura.
7.4.2. Prozeduran parte hartzen dutenen puntuazioan berdinketarik gertatuz gero, oposizioaldian puntuaziorik handiena dutenen alde ebatziko da.
Berdinketak bere horretan badirau, ebatziko da 7.3.b.1) apartatuan puntuaziorik handiena duen pertsonaren alde; eta, hor ere berdinketa egonez gero, 7.3.a) apartatuan puntuaziorik handiena duenaren alde. Horrela ere berdinketa egonez gero, apartatu horren barnean azpiapartatu bakoitzean puntuazio handiena lortu duenaren alde ebatziko da, azpiapartatuek dituzten zenbakien hurrenkerari jarraikiz.
Arestian ezarritako irizpideak aplikatuta ere berdinketak jarraitzen badu, kalifikazio epaimahaiak eginen duen berariazko zozketa bakar baten bidez ebatziko da. Berdinduta dauden izangai guztiei zenbaki bana emanen zaie, ordena alfabetikoaren arabera, eta zenbaki horietako bat aukeratuko da ausaz. Horrela, berdinketa guztiak ordena alfabetikoaren arabera ebatziko dira, zozketan ateratzen den zenbakia duen pertsonaren abizenetatik eta izenetik abiaturik.
7.4.3. Oposizioaldia eta lehiaketaldia bukatu ondoren, epaimahaiak argitara emanen du gainditu dutenen zerrenda, hala badagokio, txanden arabera banatuta eta, horien barnean, hautapen-prozesuan guztira lortutako puntuazioaren hurrenkeran emanda. Deialdiaren ezaugarrien taulan zehazten den eta toki erakundearen atarian egonen den deialdiaren web fitxan argitaratuko du zerrenda, eta organo eskudunari helaraziko dio, baldintzak frogatzeko eta lanpostu hutsak hautatzeko izapideak egiteko.
8.–Baldintzak frogatzea eta lanpostu hutsak hautatzea.
8.1. Organo eskudunak 10 egun balioduneko epea irekiko du hautaprobak gainditu ondoren lanpostua eskuratu duten izangaiek (zenbat lanpostu huts eskaini diren, beste hainbeste izangai) betebehar hauek betetzen dituztela frogatzeko agiriak aurkez ditzaten:
a) Deialdiaren ezaugarrien taulan eskatzen diren tituluen kopia, edo titulua lortzeko eskubideak ordaindu direla frogatzen duen gordekinarena, edo, bidezkoa denean, eskaerak aurkezteko epea bukatu aurretik titulua eskuratzeko moduan zegoela frogatzen duen ziurtagiria.
b) Euskararen edo beste hizkuntza ofizial baten hizkuntza eskakizuna duen lanposturen bat eskuratu nahi duten izangaiek aurkeztu beharko dute eskatutako maila frogatzen duen titulu edo ziurtagiri bat, Hizkuntzetarako Europako Erreferentzia Esparru Bateratuaren arabera; zehazki, Nafarroako Administrazio Publikoaren Institutuko zuzendari kudeatzaileak irailaren 13an emandako 210/2010 Ebazpenean aipatzen diren titulu edo ziurtagirietako edozein (2010eko 117. Nafarroako Aldizkari Ofiziala, irailaren 27koa). Dauden titulazio ofizialez gain, aurkez daitezke Euskarabidea-Euskararen Nafar Institutuak emandako frogagiriak, maila-proben ondoriozkoak, aplikatuta uztailaren 1eko 19/2022 Foru Legearen zazpigarren xedapen gehigarria (foru lege horren bidez neurri batzuk hartzen dira, egonkortze-prozesuak gauzatzeko Nafarroako Administrazio Publikoetan, abenduaren 28ko 20/2021 Legearen ondorioz; 20/2021 Legeak hizpide ditu premiazko neurri batzuk, enplegu publikoan dagoen behin-behinekotasuna murrizteko). Maila-proba horiek deialdi hau argitaratu ondoren egin daitezke eta, horrenbestez, deialdia argitaratu ondoren aurkez daitezke egiaztagiriak.
c) Hala dagokionean, ezaugarrien taulan zehazten denaren arabera, abenduaren 11ko 1110/2015 Errege Dekretuan araututako Sexu Delitugileen Erregistro Zentralaren ziurtagiri negatiboa aurkeztu beharko da, adingabeekin ohiko harremana duten lanpostuetan aritzeko baldintza baita.
8.2. Tramite hori egin eta gero, lanpostu hutsak aukeratzeko ekitaldirako deia eginen da, argitara emanez aukera daitezkeen lanpostu hutsen zerrenda eta hautaketa egitera deitutako izangaien zerrenda (lanpostu hutsak hautatzeko lehentasun ordenari jarraituz). Bertan adieraziko da, halaber, izangaiek zer betebehar frogatu dituzten eta zer epe dagoen lanpostu hutsak hautatzeko.
Informazio hori jendaurrean paratuko da deialdiaren web fitxan.
Ondoren, izangaiek, horretarako ezarritako epearen barnean, nahiago dituzten lanpostu hutsen hurrenkera jakinaraziko dute.
9.–Izendapen edo kontratazio proposamena eta agirien aurkezpena.
9.1. Behin lanpostu hutsak hautatzeko izapidea bukaturik, epaimahaiak organo eskudunari igorriko dio, espediente osoarekin batera, izangaiak izendatzeko edo kontratatzeko proposamena. Proposamenean egonen dira, puntuazio handiena izateagatik, eskainitako lanpostu kopuruan sartzen diren izangaiak.
Izendapen edo kontratazio proposamen hori toki erakundearen atariko deialdiaren web fitxan argitaratuko da, ezaugarrien taulan zehaztutakoaren arabera.
9.2. Toki erakundearen zerbitzuko langile finkoak ez diren izangaiek agiri hauek aurkeztu beharko dituzte, toki erakundearen atariko deialdiaren web fitxan izendapen proposamena argitaratu eta 10 egun balioduneko epearen barnean:
a) Nortasun agiri nazionalaren fotokopia, edo izangaiaren nazionalitatea eta nortasuna frogatzen dituen beste agiri baliokideren batena.
b) Osasun txosten ofiziala, karguaren eginkizunak betetzea eragotziko liokeen akats fisiko nahiz psikiko edo eritasunik ez duela erakusten duena.
c) Zinpeko deklarazioa edo deklarazio solemnea, adierazten duena ez dagoela ezgaitua edo gabetua eginkizun publikoetan aritzeko eta ez dela kendua izan administrazio publikoren baten zerbitzutik.
d) Zin edo promesa, adierazten duena Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.
9.3. Aski justifikaturik dauden ezinbesteko kasuetan izan ezik, agiri horiek aurkezten ez dituzten izangaiak eta, orobat, deialdiko 3. oinarrian eskatutako baldintza guztiak betetzen dituztela egiaztatzen ez dutenak ezin izanen dira izendatu edo kontratatu, eta baliorik gabe geldituko dira haien jarduketa guztiak, deusetan galarazi gabe beren eskabideko faltsukeria dela-eta legokiekeen erantzukizuna.
9.4. Aurreko atalean aurreikusitako kasuan, hutsik geratu den lanpostua beteko da 7. eta 8. oinarrietan aipatzen den izangaien zerrendaren arabera lanposturako baldintzak betetzen dituen hurrengoarekin, eta izangai horrekin aurreko ataletan adierazitako prozedura bera erabiliko da.
9.5. Deialdiaren xedeko lanposturako baldintzak eta betebeharrak frogatzeko agiriez gainera, beste agiriren bat beharrezkoa bada bere eskudantzietarako, proposatzen den izangaiari eskatuko zaio, eta hark deialdi honen 9.2 apartatuan ezarritako moduan aurkeztu beharko du.
10.–Izendapena, lanpostu hutsen esleipena eta jabetza hartzea.
10.1. Toki erakundeko funtzionario izendatuko dira edo lan-kontratudun langile finko gisa kontratatuko dira, kasuan kasuko lanpostuan aritzeko, aurreko oinarrietan ezarritakoa betetzen duten izangaiak, eta lanpostu hutsak esleituko zaizkie.
10.2. Izendapenak edo kontratazioak eta lanpostuaren jabetza hartzeak nomina eta plantillako funtzionario edo lan-kontratudun langile finko bilakatuko du izendatua, eta indarreko xedapenek ezartzen dituzten eskubide eta betebehar guztiak izanen ditu. Gizarte Segurantzako araubide orokorrean alta emanen zaie, araubide horretan ezarritakoaren babesean.
Aurrekoa gorabehera, aplikatuta abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntua (legegintzako foru dekretu horren bidez onetsi zen Nafarroako Administrazio Publikoen zerbitzuko Langileen Estatutua), Nafarroako Administrazio Publikoen edozein montepioren eskubide pasiboen araubide batean afiliaturik daudenek bi aukera izanen dituzte: edo segitzea martxoaren 5eko 10/2003 Foru Legearen bidez araututako eskubide pasiboen araubidearen babespean, edo sartzea Gizarte Segurantzako araubide orokorrean.
10.3. Izendapena Nafarroako Aldizkari Ofizialean argitaratuko da, kontuan izanik argitalpen horrek jakinarazpenaren ondorio berberak izanen dituela, hala ezartzen baitu 45. artikuluan urriaren 1eko 39/2015 Legeak, Administrazio Publikoen Administrazio Prozedura Erkideari buruzkoak.
10.4. Hautatutako izangaiak izendapen-ebazpenean finkatzen den egunean jabetuko dira lanpostuaz.
10.5. Emandako epean, eta ezinbesteko kasuetan salbu, jabetza hartzen ez dutenek, toki erakundeko funtzionario edo lan-kontratudun langile izateko eskubide guztiak galduko dituzte. Hala bada, deialdiaren 9.4 atalean ezarritakoari jarraituko zaio.
10.6. Funtzionario edo lan-kontratudun langile finko bihurtzen den izangairen bati, lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, indarreko araudian ezarritako kasuetan, hutsik gelditzen den lanpostua ere deialdiaren 9.4 atalean xedatzen den moduan beteko da.
10.7. Aurreko bi ataletan aipatutako kasuetan, ez da aldatuko izendapenaren edo kontratazioaren aurretik egindako lanpostu hutsen hautaketa. Beraz, egoera horien ondoriozko lanpostuak zuzenean funtzionario edo lan-kontratudun langile finko berriei esleituko zaizkie.
10.8. Euskaraz jakin beharra duten deialdi honetako lanpostuetako batean sartzen direnek, aurrerantzean, hizkuntza hori jakitea nahitaezkoa duten lanpostu hutsak betetzeko deialdietan baizik ez dute parte hartzerik izanen.
Aurreikuspen hori ez da aplikatuko baldin eta, jakin behar den hizkuntza kontuan hartu gabe, hautapen-prozesuko emaitzak aukera ematen bazion interesdunari baldintza hori ezarrita ez zeukan lanpostu bat eskuratzeko.
11.–Aldi baterako kontratuetarako izangaien zerrenda.
11.1. Oposizio-lehiaketa bidez izapidetzen diren egonkortze prozeduren ondorioz, eratuko dira aldi baterako kontratatzeko izangai zerrendak, jarraikiz aplikatu beharreko araudiari.
Zerrenda horiek subsidiarioki aplikatuko dira, funtzio publikoan sartzeko hautapen-prozesu baten ondorioz indarrean dauden kontrataziorako izangaien zerrenden atzetik.
11.2. Deialdi honen ondoriozko hautapen-prozesuen ondoriozko aldi baterako kontrataziorako izangaien zerrenda onetsiko da, eta toki erakundearen atariko deialdiaren web fitxan argitaratuko da, ezaugarrien taulan zehaztutakoaren arabera.
12.–Jarduketen publikotasuna.
Deusetan galarazi gabe Nafarroako Aldizkari Ofizialaren bidez modu ofizialean argitaratu beharreko izapideak, proben deialdiei eta kalifikazioei buruz epaimahaiak ematen dituen ebazpenen eta haren jarduketaren gaineko informazioa, bai eta interesdunentzat jakingarri den informazio guztia ere, ezaugarrien taulan zehazten den eta toki erakundearen atarian egonen den deialdiaren web fitxan argitaratuko da.
13.–Datu pertsonalen babesa.
Burlatako Udala da datuen tratamenduaren arduraduna, enplegu deialdiak kudeatzeko helburuz eta botere publikoak baliatuz erabiliko diren datu pertsonalei dagokienez.
Datuak beste toki-erakunde, sozietate publiko, partzuergo edo beste edozein organismo publikori laga dakizkieke, deialdiko lanpostuaren antzeko lanpostuetarako aldi baterako kontratazioak egiteko, beharren arabera, bat etorriz Datuak Babesteko Erregelamendu Orokorraren 6.e) artikuluan ezarritakoarekin:
"Datuen tratamendua beharrezkoa da eginkizun bat betetzeko interes publikoaren izenean edo tratamenduaren arduradunari esleituriko botere publikoen izenean".
Datuak aipatu helburua betetzeko behar den denboran edukiko dira, eta Udalak haien tratamenduaren ondoriozko erantzukizuna izan dezakeen bitartean gordeko dira. Bestalde, bete beharko dira Artxiboei eta Dokumentuei buruzko apirilaren 4ko 12/2007 Foru Legean ezarritako kontserbazio arauak.
Emaitzak udalaren webgunean eta iragarki-tauletan argitaratuko dira, deialdian adierazitakoaren arabera.
Interesdunek eskubidea dute beren datu pertsonalak ikusteko, zuzenak ez badira zuzentzeko, datuak ezabatzeko eskatzeko, haien tratamenduaren aurka egiteko eta gainerako eskubideez baliatzeko; horretarako helbide honetara jo beharko dute: Burlatako Udala. Larrainetako plaza, 31600 Burlata (Nafarroa). Telefonoa: 948 23 84 00. Helbide elektronikoa: dpd@burlada.es
Halaber, interesdunek erreklamazioa aurkezten ahal dute Datuak Babesteko Espainiako Bulegoan, eskaera-idazki bat bidaliz haren helbidera (Jorge Juan kalea 6, 28001, Madril), edo egoitza elektroniko honetara: www.agpd.es.
Gure webgunean kontsulta dezakezu datuen babesari buruzko informazio gehigarri eta zehatza, pribatutasun-politikaren atalean.
14.–Errekurtsoak.
Deialdi honen aurka nahiz oinarrien eta aplikazio egintzen aurka, errekurtso hauetako bat aurkez daiteke, aukeran:
a) Berraztertzeko errekurtsoa, egintza gauzatu duen organo berari zuzendua, hilabeteko epean, jakinarazi edo argitaratu eta biharamunetik hasita.
b) Administrazioarekiko auzi-errekurtsoa, zuzenduko zaiona administrazioarekiko auzien jurisdikzioko organo eskudunari, bi hilabeteko epean, errekurtsoaren xedeko egintza edo erabakia argitaratu edo jakinarazi eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurtsoaren xedeko egintza edo erabakia argitaratu edo jakinarazten denetik hasita.
Kalifikazio epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.
I. ERANSKINA
Honako deialdi honen ezaugarrien taula: deialdia, lanpostu hutsak bete daitezen oposizio-lehiaketaren bidez, aldi baterako enplegua egonkortzeko eta finkatzeko prozesu bereziaren barnean, jarraikiz abenduaren 28ko 20/2021 Legeari (Enplegu publikoan dagoen behin-behinekotasuna murrizteko premiazko neurrien Legea).
DEIALDIA EGITEN DUEN TOKI ERAKUNDEA | BURLATAKO UDALA |
1.–Lanpostuen identifikazioa.
PLAZAREN ZENBAKIA PLANTILLA ORGANIKOAN | LANPOSTUA | MAILA | ARAUBIDE JURIDIKOA | LANALDIA | DESTINOA | BEHARREZKO TITULAZIOA (ADIERAZI) | EUSKARA | PLANTILLAKO BESTE BALDINTZA BATZUK (1423. NAFARROAKO ALDIZKARI OFIZIALA, 22/07/19) |
4.0. | Giza baliabideetako teknikaria | A | Funtzionarioa | %100 | Giza baliabideak | Lizentziatura edo gradua | ||
6.3. | Kultura aniztasuneko eta migrazioetako teknikaria (*) | B | Funtzionarioa | %100 | Kultura aniztasuna eta migrazioak | Gizarte Laneko unibertsitateko diploma edo gradua | Euskara (C1) | |
5.57. | Zerbitzu anitzetako enplegatua (*) | D | Funtzionarioa | %100 | Obrak eta zerbitzuak | DBHko graduatua, eskola-graduatua, erdi-mailako lanbide heziketa edo baliokidea | B gidabaimena | |
13.16. | Zerbitzu anitzetako enplegatua (*) | D | Funtzionarioa | %100 | Kirolak | DBHko graduatua, eskola-graduatua, erdi-mailako lanbide heziketa | Euskara (B2) | B gidabaimena |
13.17. | Zerbitzu anitzetako enplegatua (*) | D | Funtzionarioa | %100 | Kirolak | DBHko graduatua, eskola-graduatua, erdi-mailako lanbide heziketa | Euskara (B2) | B gidabaimena |
13.34. | Zerbitzu anitzetako enplegatua (*) | D | Lan-kontratuduna | %70 | Kirolak | DBHko graduatua, eskola-graduatua, erdi-mailako lanbide heziketa | B gidabaimena |
Lanpostuak identifikatzeko taularako oharrak:
(*) Ezaugarrien taulan zehazten denaren arabera, abenduaren 11ko 1110/2015 Errege-dekretuan araututako Sexu Delitugileen Erregistro Zentralaren ziurtagiri negatiboa aurkeztu beharko da, adingabeekin ohiko harremana duten lanpostuetan aritzeko baldintza baita.
2.–Tasa:
2.1. Ordaindu beharreko zenbatekoa:
Tasak arautzen dituen ordenantza fiskalean jasotakoa (2022ko 37. Nafarroako Aldizkari Ofizialean argitaratu zen, otsailaren 21ekoan).
2022ko ekitaldiko tasak:
TALDEA | JABETZAKO PLAZAK PLANTILLA ORGANIKOAN |
A | 40,00 euro |
B | 40,00 euro |
O | 25,00 euro |
D | 15,00 euro |
E | 15,00 euro |
2.2. Ordaintzeko modua:
Agiriak egiteko eta tramitatzeko tasak arautzen dituen ordenantza fiskalean ezarritakoak izanen dira azterketa eskubideak; izan ere, ordenantza horrek arautzen du Burlatako Udaleko langileen lanpostuen deialdien tramitazioa, eta eranskin honen 2.1 puntuan adierazitako mailaren araberako zenbatekoa finkatzen da.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan xedatuari jarraikiz, tasaren zenbatekoa ordaintzen ahalko da modu hauetako batean:
–Transferentzia agindua eginen da honako honen alde: "Burlatako Udala. Transferentziaren kontzeptuan, adierazi izen-abizenak, eta tasaren zenbatekoa bidali IBAN ES29 2100 5256 6722 0003 0756 (La Caixa) kontu korrontera.
3.–Oposizioko probak:
LANPOSTUA | LEHENBIZIKO PROBA (deskribatu probaren ezaugarriak, denbora, puntuazioa...) | * HALA BADAGOKIO, BIGARREN PROBA |
Giza baliabideetako teknikaria | Test moduko idatzizko ariketa bat edo galdera laburrak izanen dira, gehienez 100 galdera, eta 4. puntuan jasotako gaiei buruzkoak izanen dira. Alkatearen ebazpenean zehaztuko dira proba horren puntuazioa, erantzun okerren zigorra eta gehieneko iraupena. Ebazpen horretan, onartutakoen eta baztertutakoen behin betiko zerrenda onetsiko da, eta adieraziko da lehenengo proba noiz eginen den. Probak, ziur aski, 2023ko lehen hiruhilekoan eginen dira. | 4. puntuan jasotako gaiei buruzko kasu praktiko bat edo batzuk ebatzi beharko dira. Proba horren gehieneko puntuazioa eta iraupena alkatearen ebazpenean zehaztuko da. Ebazpen horretan, onartutakoen eta baztertutakoen behin betiko zerrenda onetsiko da, eta bigarren proba noiz eginen den adieraziko da. |
Kultura aniztasuneko eta migrazioetako teknikaria | Test moduko idatzizko ariketa bat edo galdera laburrak izanen dira, gehienez 100 galdera, eta 4. puntuan jasotako gaiei buruzkoak izanen dira. Alkatearen ebazpenean zehaztuko dira proba horren puntuazioa, erantzun okerren zigorra eta gehieneko iraupena. Ebazpen horretan, onartutakoen eta baztertutakoen behin betiko zerrenda onetsiko da, eta adieraziko da lehenengo proba noiz eginen den. Probak, ziur aski, 2023ko bigarren hiruhilekoan eginen dira. | 4. puntuan jasotako gaiei buruzko kasu praktiko bat edo batzuk ebatzi beharko dira. Proba horren gehieneko puntuazioa eta iraupena alkatearen ebazpenean zehaztuko da. Ebazpen horretan, onartutakoen eta baztertutakoen behin betiko zerrenda onetsiko da, eta bigarren proba noiz eginen den adieraziko da. |
Obra eta zerbitzuen alorra Zerbitzu anitzetako enplegatua 5.57 lanpostua | Test erako idatzizko ariketa bat izanen da, gehienez 100 galdera izanen dituena, eta batez ere 4. puntuan jasotako gaiei buruzkoak. Alkatearen ebazpenean zehaztuko dira proba horren puntuazioa, erantzun okerren zigorra eta gehieneko iraupena. Ebazpen horretan, onartutakoen eta baztertutakoen behin betiko zerrenda onetsiko da. Probak, ziur aski, 2023ko bigarren hiruhilekoan eginen dira. | |
Kirol Alorra Zerbitzu anitzetako enplegatua 13.17 / 13.18 / 13.34 lanpostuak | Test erako idatzizko ariketa bat izanen da, gehienez 100 galdera izanen dituena, eta batez ere 4. puntuan jasotako gaiei buruzkoak. Alkatearen ebazpenean zehaztuko dira proba horren puntuazioa, erantzun okerren zigorra eta gehieneko iraupena. Ebazpen horretan, onartutakoen eta baztertutakoen behin betiko zerrenda onetsiko da, eta adieraziko da proba noiz eginen den Probak, ziur aski, 2023ko bigarren hiruhilekoan eginen dira. |
4.–Gai-zerrenda
LANPOSTUA:
Giza baliabideetako teknikaria.
LEHENBIZIKO PROBA:
A.–Nafarroako toki entitateen zerbitzuko langileen araudia.
1. gaia.–Nafarroako Administrazio Publikoen zerbitzuko Langileen Estatutua: aplikazio eremua. Nafarroako toki entitateen zerbitzurako langileak. Xedapen orokorrak eta karrerako funtzionario guztiei aplikatzekoak. Hautapena eta sarbidea. Lan-kontratudun eta behin-behinekoendako xedapenak.
2. gaia.–Administrazioaren zerbitzuko langileen baimenak, lizentziak, oporrak eta lanaldia. Toki Administrazioko funtzionarioen egoera administratiboak.
3. gaia.–Toki Administrazioko funtzionarioen lansari-erregimena: oinarrizko lansariak eta lansari osagarriak. Diziplinazko espedientea izapidetzea.
4. gaia.–Langileak Nafarroako toki entitateetan sartzea: deialdia.
5. gaia.–Langileak Nafarroako toki entitateetan sartzea: prozesua.
6. gaia.–Nafarroako toki entitateetan lanpostuak betetzea: modalitateak.
7. gaia.–Nafarroako toki entitateeko langileen ordezkaritza.
8. gaia.–Nafarroako toki entitateetako lan baldintzen negoziazio kolektiboa.
9. gaia.–Nafarroako polizien estatutu-araubidearen berezitasunak eta desberdintasunak.
10. gaia.–Lan kontratua. Kontzeptua. Izaera. Subjektuak. Lan kontratuaren osagaiak eta eraginkortasuna. Langileen eta enpresaburuen laneko oinarrizko eskubide eta betebeharrak. Lan kontratua aldatzea, etetea eta amaitzea.
11. gaia.–Lan kontratuaren edukia: kontratuaren iraupena. Aldi baterako kontratua. Kontratuko eskubide eta betebeharrak. Laneko denbora.
12. gaia.–Lan-kontratuaren modalitateak. Sindikatzea eta ordezkaritza. Lan hitzarmen kolektiboak. Gatazka kolektiboak. Grebarako eskubidea eta hura erabiltzea.
13. gaia.–Gizarte Segurantzaren Sistema. Araubide orokorra. Enpresak Gizarte Segurantzarekin dituen betebeharrak. Langileen afiliazioak, bajak eta datuen aldaketa.
14. gaia.–Kotizazioa. Zuzeneko likidazioaren sistema (Cret@ proiektua). Araubide orokorraren ekimen babeslea. Gizarte Segurantzaren prestazioak. Ezintasuna eta baliaezintasuna.
15. gaia.–Soldata eta nomina. Kontzeptua eta elementuak. Soldata sorrarazpenak. Soldatakoak ez diren sorrarazpenak. Kenkariak. Kotizazio oinarrien kalkulua.
16. gaia.–Lan arloko jurisdikzioa. Eremua eta salbuetsitako arloak. Lan arloko jurisdikzioko organoen eskumena. Erreklamazio administratiboa, lan auzibidearen aurrekoa. Adiskidetzea eta aldez aurreko bitartekaritza. Administrazioarekiko auzien jurisdikzioa, langileen arloko eskumenak.
17. gaia.–Laneko Arriskuen Prebentzioari buruzko Legea Prebentzioko ordezkariak; garapen araudia. Segurtasun eta Osasun Batzordea.
18. gaia.–Gastu publikoaren betearazpen-prozedura: gastu onespena. Gastu konpromisoa. Betebeharra aitortzea eta ordainketa proposamena. Ogasun publikoaren kargurako betebeharren iraungitzea. Langileen arloko gastuen kudeaketa.
19. gaia.–Nafarroako toki entitateen udal antolakuntza. Nafarroako toki entitateen eskumenak funtzio publikoaren arloan.
20. gaia.–Egonkortze-prozesuak: 20/2021 Legea, abenduaren 28koa, enplegu publikoan behin-behinekotasuna murrizteko premiazko neurriei buruzkoa, eta 19/2022 Foru Legea, uztailaren 1ekoa, Nafarroako Administrazio Publikoetan enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen ondoriozko egonkortze-prozesuak egiteko neurriei buruzkoa.
21. gaia.–Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa eta Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendua (izan ere, erregelamendu horren bidez, pertsona fisikoen babesa arautu zen, datu pertsonalen tratamenduari eta datu horien zirkulazio askeari dagokienez, eta indarrik gabe utzi zen 95/46/EE Zuzentaraua (Datuak babesteko erregelamendu orokorra).
Erregelamenduaren xedea, aplikazio-eremu materiala eta lurralde-eremua. Tratamenduari buruzko printzipioak. Datu pertsonalak tratatzeko zilegitasuna. Datu pertsonalen kategoria berezien tratamendua. Interesdunen eskubideak. Tratamenduaren arduraduna eta tratamendu-eragilea.
Eskubide digitalen bermea lan-eremuan:
Intimitaterako eskubidea eta gailu digitalen erabilera, deskonexio digitalerako eskubidea. Intimitaterako eskubidea, bideozaintzako eta soinuak grabatzeko gailuen erabileraren aurrean. Intimitaterako eskubidea geolokalizazio-sistemen aurrean. Eskubide digitalak negoziazio kolektiboan.
22. gaia.–39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa. Xedapen orokorrak. Administrazio-egintzak: betekizunak, efikazia, deuseztasuna eta deuseztagarritasuna. Administrazio-prozedura erkidea: hasiera, antolamendua, instrukzioa eta amaiera.
23. gaia.–40/2015 Legea, urriaren 1ekoa, Sektore Publikoaren Araubide Juridikoari buruzkoa. Atariko titulua: xedapen orokorrak. Zehatzeko ahalaren printzipioak. Ondare erantzukizuna. Funtzionamendu elektronikoa sektore publikoan.
24. gaia.–2/2018 Foru Legea, apirilaren 13koa, Kontratu publikoei buruzkoa: legearen xedea eta printzipioak. Kontratu motak eta adjudikazio prozedurak.
25. gaia.–6/1990 Foru Legea, uztailaren 2koa, Nafarroako Toki Administrazioari buruzkoa: xedapen orokorrak. Administrazioarteko harremanak. Udalen funtzionamendua. Nafarroako toki-korporazioetako kideak. Nafarroako toki entitateen zerbitzuko langileen kontratazioa. Prozedura eta araubide juridikoa. Nafarroako toki entitateen jarduketak aurkaratzea eta kontrolatzea.
26. gaia.–5/2018 Foru Legea, maiatzaren 17koa, Gardentasunari, informazio publikoa eskuratzeari eta gobernu onari buruzkoa: xedapen orokorrak. Gardentasuna: gardentasuna jarduera publikoan eta publizitate aktiboa. Informazio publikoa eskuratzeko eskubidea: arau orokorrak eta hura gauzatzeko prozedura.
B.–Langileak eta lan antolaketa kudeatzeko teknikak.
27. gaia.–Giza baliabideak kudeatzeko prozesu nagusiak.
28. gaia.–Plangintza estrategikoko prozesuak eta horien aplikazioa toki entitateetan.
29. gaia.–Beharren diagnostikoa eta prestakuntza plana.
30. gaia.–Lanpostuak deskribatzeko eta baloratzeko sistemak.
31. gaia.–Lanpostuen balorazioa eta horien erabilgarritasunak aplikatzeko prozesua.
32. gaia.–Pertsonen arteko komunikazioa lan ingurunean.
33. gaia.–Negoziazio kolektiboko teknikak.
34. gaia.–Gatazkak kudeatzeko teknikak.
35. gaia.–Lanean gustura egotea: giroari eta gogobetetzeari buruzko azterlanak.
36. gaia.–Giza Baliabideen kudeaketaren bilakaera.
37. gaia.–Langileak elkarrizketa bidez hautatzea, gaitasunen arabera.
38. gaia.–Jarduna ebaluatzeko sistemak.
39. gaia.–Erakundean harrera egiteko prozesua.
40. gaia.–Lanerako motibazioa.
41. gaia.–Adimen emozionala lanean.
42. gaia.–Giza Baliabideetako zuzendariaren profila eta toki-erakundeetan duen espezifikotasuna.
43. gaia.–Aginte-taula integrala jarraipen-tresna gisa.
44. gaia.–Toki erakundeetan kalitatea kudeatzeko sistemak.
45. gaia.–Zerbitzu-kartak eta horien aplikazioa toki-erakundeetan.
46. gaia.–Lanpostuen balorazioaren eta ordainsari-sistemen arteko erlazioa.
47. gaia.–Giza baliabideen kudeaketa, gaitasunen arabera.
48. gaia.–Gaitasunetan oinarritutako kudeaketa-ereduak: garapena eta aplikazioa.
49. gaia.–Pertsonak aukeratzea eta sartzea gaitasunen ikuspegitik.
50. gaia.–Jardunaren ebaluazioa.
51. gaia.–Erakundeetako komunikazio eta informazio sistemak.
* HALA BADAGOKIO, BIGARREN PROBA (deskribatu probaren ezaugarriak, denbora, puntuazioa...)
A.–Nafarroako toki entitateen zerbitzuko langileen araudia.
1. gaia.–Nafarroako Administrazio Publikoen zerbitzuko Langileen Estatutua: aplikazio eremua. Nafarroako toki entitateen zerbitzurako langileak. Xedapen orokorrak eta karrerako funtzionario guztiei aplikatzekoak. Hautapena eta sarbidea. Lan-kontratudun eta behin-behinekoendako xedapenak.
2. gaia.–Administrazioaren zerbitzuko langileen baimenak, lizentziak, oporrak eta lanaldia. Toki Administrazioko funtzionarioen egoera administratiboak.
3. gaia.–Toki Administrazioko funtzionarioen lansari-erregimena: oinarrizko lansariak eta lansari osagarriak. Diziplinazko espedientea izapidetzea.
4. gaia.–Langileak Nafarroako toki entitateetan sartzea: deialdia.
5. gaia.–Langileak Nafarroako toki entitateetan sartzea: prozesua.
6. gaia.–Nafarroako toki entitateetan lanpostuak betetzea: modalitateak.
7. gaia.–Nafarroako toki entitateeko langileen ordezkaritza.
8. gaia.–Nafarroako toki entitateetako lan baldintzen negoziazio kolektiboa.
9. gaia.–Nafarroako polizien estatutu-araubidearen berezitasunak eta desberdintasunak.
10. gaia.–Lan kontratua. Kontzeptua. Izaera. Subjektuak. Lan kontratuaren osagaiak eta eraginkortasuna. Langileen eta enpresaburuen laneko oinarrizko eskubide eta betebeharrak. Lan kontratua aldatzea, etetea eta amaitzea.
11. gaia.–Lan kontratuaren edukia: kontratuaren iraupena. Aldi baterako kontratua. Kontratuko eskubide eta betebeharrak. Laneko denbora.
12. gaia.–Lan-kontratuaren modalitateak. Sindikatzea eta ordezkaritza. Lan hitzarmen kolektiboak. Gatazka kolektiboak. Grebarako eskubidea eta hura erabiltzea.
13. gaia.–Gizarte Segurantzaren Sistema. Araubide orokorra. Enpresak Gizarte Segurantzarekin dituen betebeharrak. Langileen afiliazioak, bajak eta datuen aldaketa.
14. gaia.–Kotizazioa. Zuzeneko likidazioaren sistema (Cret@ proiektua). Araubide orokorraren ekimen babeslea. Gizarte Segurantzaren prestazioak. Ezintasuna eta baliaezintasuna.
15. gaia.–Soldata eta nomina. Kontzeptua eta elementuak. Soldata sorrarazpenak. Soldatakoak ez diren sorrarazpenak. Kenkariak. Kotizazio oinarrien kalkulua.
16. gaia.–Lan arloko jurisdikzioa. Eremua eta salbuetsitako arloak. Lan arloko jurisdikzioko organoen eskumena. Erreklamazio administratiboa, lan auzibidearen aurrekoa. Adiskidetzea eta aldez aurreko bitartekaritza. Administrazioarekiko auzien jurisdikzioa, langileen arloko eskumenak.
17. gaia.–Laneko Arriskuen Prebentzioari buruzko Legea. Prebentzioko ordezkariak; garapen araudia. Segurtasun eta Osasun Batzordea.
18. gaia.–Gastu publikoaren betearazpen-prozedura: gastu onespena. Gastu konpromisoa. Betebeharra aitortzea eta ordainketa proposamena. Ogasun publikoaren kargurako betebeharren iraungitzea. Langileen arloko gastuen kudeaketa.
19. gaia.–Nafarroako toki entitateen udal antolakuntza. Nafarroako toki entitateen eskumenak funtzio publikoaren arloan.
20. gaia.–Egonkortze-prozesuak: 20/2021 Legea, abenduaren 28koa, enplegu publikoan behin-behinekotasuna murrizteko premiazko neurriei buruzkoa, eta 19/2022 Foru Legea, uztailaren 1ekoa, Nafarroako Administrazio Publikoetan enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen ondoriozko egonkortze-prozesuak egiteko neurriei buruzkoa.
21. gaia.–Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa eta Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendua (izan ere, erregelamendu horren bidez, pertsona fisikoen babesa arautu zen, datu pertsonalen tratamenduari eta datu horien zirkulazio askeari dagokienez, eta indarrik gabe utzi zen 95/46/EE Zuzentaraua (Datuak babesteko erregelamendu orokorra).
Erregelamenduaren xedea, aplikazio-eremu materiala eta lurralde-eremua. Tratamenduari buruzko printzipioak. Datu pertsonalak tratatzeko zilegitasuna. Datu pertsonalen kategoria berezien tratamendua. Interesdunen eskubideak. Tratamenduaren arduraduna eta tratamendu-eragilea.
Eskubide digitalen bermea lan-eremuan:
Intimitaterako eskubidea eta gailu digitalen erabilera, deskonexio digitalerako eskubidea. Intimitaterako eskubidea, bideozaintzako eta soinuak grabatzeko gailuen erabileraren aurrean. Intimitaterako eskubidea geolokalizazio-sistemen aurrean. Eskubide digitalak negoziazio kolektiboan.
22. gaia.–39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa. Xedapen orokorrak. Administrazio-egintzak: betekizunak, efikazia, deuseztasuna eta deuseztagarritasuna. Administrazio-prozedura erkidea: hasiera, antolamendua, instrukzioa eta amaiera.
23. gaia.–40/2015 Legea, urriaren 1ekoa, Sektore Publikoaren Araubide Juridikoari buruzkoa. Atariko titulua: xedapen orokorrak. Zehatzeko ahalaren printzipioak. Ondare erantzukizuna. Funtzionamendu elektronikoa sektore publikoan.
24. gaia.–2/2018 Foru Legea, apirilaren 13koa, Kontratu publikoei buruzkoa: legearen xedea eta printzipioak. Kontratu motak eta adjudikazio prozedurak.
25. gaia.–6/1990 Foru Legea, uztailaren 2koa, Nafarroako Toki Administrazioari buruzkoa: xedapen orokorrak. Administrazioarteko harremanak. Udalen funtzionamendua. Nafarroako toki-korporazioetako kideak. Nafarroako toki entitateen zerbitzuko langileen kontratazioa. Prozedura eta araubide juridikoa. Nafarroako toki entitateen jarduketak aurkaratzea eta kontrolatzea.
26. gaia.–5/2018 Foru Legea, maiatzaren 17koa, Gardentasunari, informazio publikoa eskuratzeari eta gobernu onari buruzkoa: xedapen orokorrak. Gardentasuna: gardentasuna jarduera publikoan eta publizitate aktiboa. Informazio publikoa eskuratzeko eskubidea: arau orokorrak eta hura gauzatzeko prozedura.
B.–Langileak eta lan antolaketa kudeatzeko teknikak.
27. gaia.–Giza baliabideak kudeatzeko prozesu nagusiak.
28. gaia.–Plangintza estrategikoko prozesuak eta horien aplikazioa toki entitateetan.
29. gaia.–Beharren diagnostikoa eta prestakuntza plana.
30. gaia.–Lanpostuak deskribatzeko eta baloratzeko sistemak.
31. gaia.–Lanpostuen balorazioa eta horien erabilgarritasunak aplikatzeko prozesua.
32. gaia.–Pertsonen arteko komunikazioa lan ingurunean.
33. gaia.–Negoziazio kolektiboko teknikak.
34. gaia.–Gatazkak kudeatzeko teknikak.
35. gaia.–Lanean gustura egotea: giroari eta gogobetetzeari buruzko azterlanak.
36. gaia.–Giza Baliabideen kudeaketaren bilakaera.
37. gaia.–Langileak elkarrizketa bidez hautatzea, gaitasunen arabera.
38. gaia.–Jarduna ebaluatzeko sistemak.
39. gaia.–Erakundean harrera egiteko prozesua.
40. gaia.–Lanerako motibazioa.
41. gaia.–Adimen emozionala lanean.
42. gaia.–Giza Baliabideetako zuzendariaren profila eta toki-erakundeetan duen espezifikotasuna.
43. gaia.–Aginte-taula integrala jarraipen-tresna gisa.
44. gaia.–Toki erakundeetan kalitatea kudeatzeko sistemak.
45. gaia.–Zerbitzu-kartak eta horien aplikazioa toki-erakundeetan.
46. gaia.–Lanpostuen balorazioaren eta ordainsari-sistemen arteko erlazioa.
47. gaia.–Giza baliabideen kudeaketa, gaitasunen arabera.
48. gaia.–Gaitasunetan oinarritutako kudeaketa-ereduak: garapena eta aplikazioa.
49. gaia.–Pertsonak aukeratzea eta sartzea gaitasunen ikuspegitik.
50. gaia.–Jardunaren ebaluazioa.
51. gaia.–Erakundeetako komunikazio eta informazio sistemak.
LANPOSTUA:
Kultura aniztasuneko eta migrazioetako teknikaria.
LEHENBIZIKO PROBA:
1.–629/2022 Errege Dekretua, uztailaren 26koa, Atzerritarrek Espainian dituzten eskubide eta askatasunei eta atzerritar horiek gizarteratzeari buruzko 4/2000 Lege Organikoaren Erregelamendua aldatzen duena, apirilaren 20ko 557/2011 Errege Dekretuaren bidez onetsitako 2/2009 Lege Organikoaren bidez aldatu ondoren.
2.–266/2019 Foru Dekretua, urriaren 30ekoa, Migrazio Politiketako eta Justiziako Departamentuaren egitura organikoa ezartzen duena. II. kapitulua. Migrazio Politiketako Zuzendaritza Nagusia.
3.–38/2003 Lege Orokorra, azaroaren 17koa, Dirulaguntzei buruzkoa.
4.–11/2005 Foru Legea, azaroaren 9koa, Dirulaguntzei buruzkoa.
5.–Burlatako Udalaren dirulaguntzen ordenantza orokorra.
6.–7/1985 Legea, apirilaren 2koa, Toki Araubidearen Oinarriak arautzen dituena, eta 2020ko apirilaren 29ko Ebazpena, Idazkariordetzarena, ebazpen hau argitaratzen duena: 2020ko otsailaren 17ko Ebazpena, Estatistikako Institutu Nazionalaren Lehendakaritzarena eta Autonomia Erkidegoekiko eta Toki Erakundeekiko Lankidetzarako Zuzendaritza Nagusiarena, udalei udal-erroldaren kudeaketari buruzko jarraibide teknikoak ematen dizkiena (2020ko maiatzaren 2ko Estatuko Aldizkari Ofiziala): udal-errolda.
7.–Gizarte Zerbitzuei buruzko abenduaren 14ko 15/2006 Foru Legea.
8.–48/2020 Foru Dekretua, uztailaren 15ekoa, zeinaren bidez arautzen baitira oinarrizko gizarte-zerbitzuen oinarrizko programak eta finantzaketa sistema.
9.–Burlatako Erregelamendua herritarren parte-hartzerako.
10.–Udal ordenantza, Burlatako herritarren eta erkidegoen politiketan parte hartzeko kontseilu sektoriala arautzen duena.
11.–Nafarroako Kultura arteko Bizikidetzaren Estrategia (2021-2026).
12.–Nafarroan Migratzaileei Harrera Egiteko Plana (2021-2026).
13.–Aniztasunaren kudeaketa udal-administrazioan. Berdintasunerako tresnak. Arrazakeriaren aurkako tokiko politikak.
14.–Kultura Aniztasunaren eta Burlatako Migrazioaren Arloa Konfiguratzeko Oinarrizko Dokumentua (2016-03-10).
15.–Burlatako bizikidetzari buruzko diagnostikoa. Udalaren ekintza-plan baterako proposamena.
16.–Kulturarteko Bitartekaritzaren Teoria eta Praktika, Carlos Giménez Romeroren arabera.
17.–Proiektu sozialak egitea, kudeatzea eta ebaluatzea, honako honetan jasotakoaren arabera: Gizarte-proiektuak egitea, kudeatzea eta ebaluatzea. Esku-hartze soziala eta programazioa". Tomás Fernández García eta Laura Ponce de León Romero.
18.–Elkarrizketa motibazionala eta teknikak (agiria eransten da).
19.–Talde lana.
20.–Gatazkak konpontzeko teknikak.
21.–Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa: Xedapen orokorrak, datuak babesteko printzipioak eta pertsonen eskubideak.
22–Abuztuaren 30eko 251/1993 Legegintzako Foru Dekretua, zeinaren bidez onesten baita Nafarroako Administrazio Publikoen zerbitzuko Langileen Estatutuaren testu bategina: VIII. kapitulua, Eskubideak eta betebeharrak eta IX. kapitulua, Diziplina-araubidea.
* HALA BADAGOKIO, BIGARREN PROBA (deskribatu probaren ezaugarriak, denbora, puntuazioa...)
1.–629/2022 Errege Dekretua, uztailaren 26koa, Atzerritarrek Espainian dituzten eskubide eta askatasunei eta atzerritar horiek gizarteratzeari buruzko 4/2000 Lege Organikoaren Erregelamendua aldatzen duena, apirilaren 20ko 557/2011 Errege Dekretuaren bidez onetsitako 2/2009 Lege Organikoaren bidez aldatu ondoren.
2.–266/2019 Foru Dekretua, urriaren 30ekoa, Migrazio Politiketako eta Justiziako Departamentuaren egitura organikoa ezartzen duena. II. kapitulua. Migrazio Politiketako Zuzendaritza Nagusia.
3.–38/2003 Lege Orokorra, azaroaren 17koa, Dirulaguntzei buruzkoa.
4.–11/2005 Foru Legea, azaroaren 9koa, Dirulaguntzei buruzkoa.
5.–Burlatako Udalaren dirulaguntzen ordenantza orokorra.
6.–7/1985 Legea, apirilaren 2koa, Toki Araubidearen Oinarriak arautzen dituena, eta 2020ko apirilaren 29ko Ebazpena, Idazkariordetzarena, ebazpen hau argitaratzen duena: 2020ko otsailaren 17ko Ebazpena, Estatistikako Institutu Nazionalaren Lehendakaritzarena eta Autonomia Erkidegoekiko eta Toki Erakundeekiko Lankidetzarako Zuzendaritza Nagusiarena, udalei udal-erroldaren kudeaketari buruzko jarraibide teknikoak ematen dizkiena (2020ko maiatzaren 2ko Estatuko Aldizkari Ofiziala): udal-errolda.
7.–Gizarte Zerbitzuei buruzko abenduaren 14ko 15/2006 Foru Legea.
8.–48/2020 Foru Dekretua, uztailaren 15ekoa, zeinaren bidez arautzen baitira oinarrizko gizarte-zerbitzuen oinarrizko programak eta finantzaketa sistema.
9.–Burlatako Erregelamendua herritarren parte-hartzerako.
10.–Udal ordenantza, Burlatako herritarren eta erkidegoen politiketan parte hartzeko kontseilu sektoriala arautzen duena.
11.–Nafarroako Kultura arteko Bizikidetzaren Estrategia (2021-2026).
12.–Nafarroan Migratzaileei Harrera Egiteko Plana (2021-2026).
13.–Aniztasunaren kudeaketa udal-administrazioan. Berdintasunerako tresnak. Arrazakeriaren aurkako tokiko politikak.
14.–Kultura Aniztasunaren eta Burlatako Migrazioaren Arloa Konfiguratzeko Oinarrizko Dokumentua (2016-03-10).
15.–Burlatako bizikidetzari buruzko diagnostikoa. Udalaren ekintza-plan baterako proposamena.
16.–Kulturarteko Bitartekaritzaren Teoria eta Praktika, Carlos Giménez Romeroren arabera.
17.–Proiektu sozialak egitea, kudeatzea eta ebaluatzea, honako honetan jasotakoaren arabera: Gizarte-proiektuak egitea, kudeatzea eta ebaluatzea. Esku-hartze soziala eta programazioa". Tomás Fernández García eta Laura Ponce de León Romero.
18.–Elkarrizketa motibazionala eta teknikak (agiria eransten da).
19.–Talde lana.
20.–Gatazkak konpontzeko teknikak.
21.–Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa: Xedapen orokorrak, datuak babesteko printzipioak eta pertsonen eskubideak.
22–Abuztuaren 30eko 251/1993 Legegintzako Foru Dekretua, zeinaren bidez onesten baita Nafarroako Administrazio Publikoen zerbitzuko Langileen Estatutuaren testu bategina: VIII. kapitulua, Eskubideak eta betebeharrak eta IX. kapitulua, Diziplina-araubidea.
LANPOSTUA:
Obra eta zerbitzuen alorra. Zerbitzu anitzetako enplegatua. 5.57 lanpostua.
LEHENBIZIKO PROBA:
1.–Aritmetikako eta geometriako oinarrizko ezagupenak.
2.–Idazketako eta ortografiako oinarrizko erregelak.
3.–Informatikari buruz jakin beharreko oinarrizko ezagupenak. Microsoft office oinarrizkoa (kalkulu-orria, testu-prozesadorea, posta elektronikoa, etab.)
4.–Laneko arriskuen prebentzioko arauen oinarrizko ezagutza. Segurtasun-neurriak eta babes-elementuak.
5.–Burlatako Udalaren azpiegitura berdeari buruzko ezagutza. Landare-espezieen ezaugarriak ezagutzea.
6.–Soropilak eta belardiak: sortzeko eta mantentzeko lanak.
7.–Heskaiak, zuhaixkak eta sasoiko landareak: landaketa- eta mantentze-lanak.
8.–Hiri-zuhaitzak: landaketa eta mantentze-lanak.
9.–Zuhaitzak inausteko Europako estandarra. Hiri-zuhaitzen arriskua.
10.–Uraren erabilera eraginkorra. Ureztatzeko sistemak: instalatzea eta mantentzea.
11.–Burlatako landare-espezieei eragiten dieten izurriteak eta gaixotasunak. Borroka integratua.
12.–Egiturazko lurzoruen eta hiri-drainatze jasangarriko sistemen oinarrizko kontzeptuak.
13.–Informazio geografikoko sistemen oinarrizko ezagutzak.
* HALA BADAGOKIO, BIGARREN PROBA (deskribatu probaren ezaugarriak, denbora, puntuazioa...): -.
LANPOSTUA:
Kirol Alorra. Zerbitzu anitzetako enplegatua. 13.17 / 13.18 / 13.34 lanpostuak.
LEHENBIZIKO PROBA:
1.–Aritmetikako eta geometriako oinarrizko ezagupenak.
2.–Idazketako eta ortografiako oinarrizko erregelak.
3.–Informatikari buruz jakin beharreko oinarrizko ezagupenak. Microsoft office oinarrizkoa (kalkulu-orria, testu-prozesadorea, posta elektronikoa, etab.)
4.–Laneko arriskuen prebentzioko arauen oinarrizko ezagutza. Segurtasun-neurriak eta babes-elementuak.
5.–Garbitasuna. Garbiketaren kontzeptu orokorrak: produktuak, materialak eta makineria.
6.–Igeltserotzako kontzeptu orokorrak. Erremintak. Materialak. Zoladura, alikatatzea eta hormak jasotzea.
7.–Elektrizitateko kontzeptu orokorrak. Banaketa- eta babes-koadroak eta oinarrizko argiztapen-zirkuituak.
8.–Iturgintzako eta berokuntzako kontzeptu orokorrak. Erremintak. Materialak. Sanitarioak, txorrotak, etxeko ur beroaren zirkuituak eta berokuntza.
9.–Lorezaintzako kontzeptu orokorrak. Belardiak, zuhaitzak eta zuhaixkak kontserbatzea, mantentzea eta zaintzea. Ureztatzea.
10.–Igerilekuetako mantentze lanak. Ponpaketa, iragazketa, dosifikagailuak eta produktuak.
11.–Igerilekuen baldintza tekniko-sanitarioak (86/2018 Foru Dekretua, urriaren 24koa, Nafarroako Foru Komunitateko igerilekuen baldintza higieniko-sanitarioak eta segurtasunekoak ezartzen dituena).
12.–487/2022 Errege Dekretua, ekainaren 21ekoa, Legionellosia prebenitzeko eta kontrolatzeko osasun baldintzak ezartzen dituena.
* HALA BADAGOKIO, BIGARREN PROBA (deskribatu probaren ezaugarriak, denbora, puntuazioa...): -.
5.–Deialdiaren web fitxa toki erakundearen atarian: (Helbide elektronikoa)
Https://sedeelectronica.burlada.es/eu/
6.–Ebazpena, Lan-eskaintza publikoa eta plantilla organikoa onesten dituena.
Alkatetzaren 603/2022 Ebazpena, 2022ko maiatzaren 20koa, argitaratu zena 2022ko 103. Nafarroako Aldizkari Ofizialean, maiatzaren 26an https://bon.navarra.es/eu/iragarkia/-/texto/2022/103/24.
Alkatetzaren 691/2022 Ebazpena, 2022ko ekainaren 7koa, argitaratu zena 2022ko 146. Nafarroako Aldizkari Ofizialean, uztailaren 22an https://bon.navarra.es/eu/iragarkia/-/texto/2022/146/20.
2022ko plantilla organikoa:
2022ko apirilaren 28ko osoko bilkuraren erabakia, argitaratu zena 2022ko 143. Nafarroako Aldizkari Ofizialean, uztailaren 19an https://bon.navarra.es/eu/iragarkia/-/texto/2022/143/16.
7.–Deialdia onesten duen ebazpena.
Alkatetzaren 1257/2022 Ebazpena, azaroaren 10ekoa.
II. ERANSKINA
Hautapen-prozesuan parte hartzeko eskabide eredua
https://sedeelectronica.burlada.es/wp-content/uploads/2022/11/ANEXO_II_SOLICITUD_C_OPOSICION-modificado.pdf
III. ERANSKINA
Aldi baterako enplegua egonkortzeko eta finkatzeko lehiaketako merezimenduen autobaloraziorako agiria
https://sedeelectronica.burlada.es/wp-content/uploads/2022/11/ANEXO_III_AUTOVALORACION_C_OPOSICION-1.docx
Iragarkiaren kodea: L2215251
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50