2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
SARTAGUDA
2022ko lan egutegia eta egun baliogabeen deklarazioa
Aintzat hartuz zer xedatzen duten abuztuaren 30eko 251/1993 Legegintzako Foru Dekretuak (haren bidez onetsi zen Nafarroako Administrazio Publikoen zerbitzuko Langileen Estatutuaren testu bategina) eta martxoaren 24ko 1/1995 Legegintzako Errege Dekretuaren 34.6 artikuluak (legegintzako errege-dekretu horren bidez onetsi zen Langileen Estatutuari buruzko Legearen testu bategina), ezartzen baitu enpresak urtero prestatu behar duela lan-egutegia.
Jarraikiz abenduaren 26ko 26/2012 Foru Legearen 4. artikuluari (foru lege horren bidez aldatu zen ekainaren 21eko 13/2012 Foru Legea, hizpide duena presako zenbait neurri hartzea Nafarroako Administrazio Publikoen zerbitzuko langileen arloan), zeinak ezartzen baitu urtean benetako 1592 lanordu izanen dituztela Nafarroako Administrazio Publikoetako funtzionarioek.
Kontuan hartuz zer eskumen ematen dizkidaten apirilaren 2ko 7/1985 Legearen 21.1.h) artikuluak (lege horren bidez arautzen dira Toki Araubidearen Oinarriak) eta Nafarroako Administrazio Publikoen Zerbitzuko Langileen Estatutuaren 84.1 artikuluak, eta ikusirik langileen ordezkariarekin izandako negoziazioa 2020ko lan-egutegiko proposamenaren gainean.
EBAZTEN DUT:
Lehena.–Onestea Sartagudako Udalaren zerbitzuko langileek 2022an izanen duten aste barreneko jaiegunen egutegia, jarraian zehazten den moduan:
–Urtarrilaren 1a: Urteberri eguna.
–Urtarrilaren 6a: Errege eguna.
–Apirilaren 14a: Ostegun Santua.
–Apirilaren 15a: Ostiral Santua.
–Apirilaren 18a: Pazko astelehena.
–Uztailaren 25a. Santiago eguna.
–Abuztuaren 3a: Andre Maria Arrosariokoa, herriko zaindariaren jaia.
–Abuztuaren 15a. Andre Mariaren Jasokundea.
–Urriaren 12a: Espainiako jai nazionala.
–Azaroaren 1a: Santu Guztien Eguna.
–Abenduaren 3a: San Frantzisko Xabierkoa.
–Abenduaren 6a: Konstituzioaren eguna.
–Abenduaren 8a: Andre Maria Sortzez Garbia.
–Abenduaren 26a: Gabonetako bigarren jaieguna.
Bigarrena.–Egutegia arautzeko, horiez gain, ondotik ematen diren egunak ere ez dira lanegun izanen udal bulegoetan lan egiten duten langileendako: (9 egun finkatu behar dira).
–Urtarrilaren 7a.
–Urtarrilaren 17a.
–Abuztuaren 4a eta 5a. Abuztuaren 2an bulegoak 12:00etan itxiko dira.
–Abuztuaren 8a.
–Urriaren 7a.
–Abenduaren 5a.
–Abenduaren 23a.
–Abenduaren 30a.
–Abuztuaren 4an eta 5ean lanaldi osoan ariko dira zerbitzu anitzetako lantaldeko langileak.
–Udaletxea, kultura etxea eta kontsultategia garbitzen duten langileek abuztuaren 3an, 4an eta 5ean 3 orduko lanaldia eginen dute garbitasuneko gutxieneko zerbitzuak emateko.
Hirugarrena.–Lanaldiaren urteko benetako lanordu kopurua 1.592 da, jarraikiz abenduaren 26ko 26/2012 Foru Legeari eta abenduaren 27ko 624/1999 Foru Dekretuari, eta haren banaketa honela eginen da:
Laugarrena.–Astelehenetik ostiralera bitarteko eguneroko lanaldia, orokorrean, 7 ordu eta 30 minutukoa izanen da.
Bosgarrena.–Bulegoetan, jendea hartzeko ordutegia 10:00etatik 14:00ak arte izanen da.
Seigarrena.–Aparteko orduak egiten dituzten langileek, alkatearen aldez aurreko baimenarekin, asteko gaztigu-orri batean jaso beharko dituzte, horien ordaina bil dezaten, dela diruz dela denboraz.
Zazpigarrena.–Orobat, baliogabeak izanen dira, 2022. urtean epeak kontatzeari dagokionez, larunbat eta igande guztiak eta ebazpen honen lehenbiziko xedapenean adierazitako jaiegunak.
Zortzigarrena.–Administrazio honetako zerbitzuen premiak direla eta, eta behar bezala jardun ahal izateko, urteko oporraldiak hartuko dira halako moduz non bermatuko baita langile bat gutxienez bertan egotea zerbitzu bakoitzean.
Bederatzigarrena.–Eguneko lanaldi jarraitua 6 ordukoa baino luzeagoa duten langileek atsedenaldi bat izanen dute, gehienez 30 minutukoa. Oro har, 10:00etatik 11:00etara har daiteke eta langileek ez dute zertan erabili asistentziaren kontrolerako sistema.
Hamargarrena.–Ebazpen hau langileen ordezkariari igortzea, eta Nafarroako Aldizkari Ofizialean, Gardentasunaren Atarian eta Sartagudako Udalaren iragarki-taulan argitaratzea, eta Udalbatzari horren berri ematea, egiten duen hurrengo bilkura arruntean.
Ebazpen honen aurka, errekurtso hauetako bat aurkezten ahal da hautara:
a) Berraztertzeko errekurtsoa, ebazpen hau eman duen organoari zuzendua, hilabeteko epean, ebazpena jakinarazi eta biharamunetik hasita.
b) Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Epaitegiari edo Salari zuzendua, bi hilabeteko epean, ebazpen hau jakinarazi eta biharamunetik hasita, edo
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Sartagudan, 2022ko urtarrilaren 13an.–Alkatea, José Ignacio Eguizábal Martínez.
Iragarkiaren kodea: L2200536
