1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "Villafranca Sol" eguzki-instalazio fotovoltaikoa eta haren ebakuazio azpiegiturak, Alesbesko udal-mugartean. 5413-CE espedientea.
Sektore Elektrikoari buruzko abenduaren 26ko 24/2013 Legearen 53. artikuluan eta abenduaren 1eko 1955/2000 Errege Dekretuaren 125. artikuluan ezarritako ondorioetarako, jendaurrean jartzen da Cygnus Fotovoltaica SLren eskaera, honako instalazio elektriko honi aurretiazko administrazio baimena eta eraikitzeko administrazio baimena emateari buruzkoa:
–Eskatzailea: Cygnus Fotovoltaica SL.
–Instalazioen deskribapena: "Villafranca Sol" eguzki-instalazio fotovoltaikoa, 2,005 MW-eko potentzia instalatua duena, eta haren ebakuazio azpiegiturak.
–Xedea: elektrizitatea sortzeko instalazioaren proiektua jendaurrean jartzea, aurretiazko administrazio baimena eta eraikitzeko baimen administratiboa eskuratzeko.
–Proiektua baimentzeko eskumena duen organoa: Industriaren, Energiaren eta S4 Proiektu Estrategikoen Zuzendaritza Nagusia.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:
https://gobiernoabierto.navarra.es/eu/partaidetza/prozesuak/eguzki-planta-fotovoltaikoa-espediente-5413-ce
Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.
Iruñean, 2022ko urriaren 24an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2214222
