2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ERRIBERRI
Aldaketa 2023rako tasa eta prezio publikoen tarifetan eta zerga-tasetan. Hasierako onespena
Iragarki honen bidez aditzera ematen da Erriberriko Udalak honako erabaki hauek hartu dituela zerga ordainarazpenei buruz, 2022ko urriaren 25an egindako osoko bilkuran:
1.–Hasiera batez onestea ordenantza fiskalen aldaketa, ezartzeko 2023an indarrean egonen diren tasen eta prezio publikoen tarifak.
Auzotarrek eta interesdunek, oro har, hogeita hamar egun baliodun izanen dituzte, iragarki hau argitaratu eta biharamunetik hasita, espedientea kontsultatzeko, eta bidezko iruditzen zaizkien alegazioak aurkezteko.
2.–Honako zerga-tasak ezartzea 2023rako:
–Lurraren kontribuzioa: 0.2367.
–Eraikuntzen, instalazioen eta obren gaineko zerga: 4.52.
–Ekonomia-jardueren gaineko zergaren errekargua: 1.30.
–Gainbalioak: 19.72.
Erriberrin, 2022ko azaroaren 2an.–Alkatea, Maite Garbayo Valencia.
Iragarkiaren kodea: L2214556
