1. NAFARROAKO FORU KOMUNITATEA
1.7. BESTELAKOAK
84/2022 EBAZPENA, urriaren 20koa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen 2022ko urriaren 14ko Erabakia, Ukrainako gerraren ondorio ekonomiko eta sozialei erantzuteko asmoz Nafarroako Foru Komunitatean premiazko neurriak hartzen dituen apirilaren 13ko 1/2022 Foru Lege-dekretuari buruzkoa.
Aintzat hartuta Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2022ko urriaren 20an.–Lehendakaritzako eta Gobernu Irekiko zuzendari nagusia, Joseba Asiain Albisu.
ERANSKINA
Erabakia, Estatuko Administrazio Orokorraren eta Nafarroako Foru Komunitatearen arteko Lankidetza Batzordearena, apirilaren 13ko 1/2022 Foru Dekretu-legeari buruzkoa, zeinaren bidez premiazko neurriak hartzen baitira Nafarroako Foru Komunitatean, Ukrainako gerraren ondorio ekonomiko eta sozialei erantzuteko
Estatuko Administrazio Orokorraren eta Nafarroako Foru Komunitatearen arteko Aldebiko Lankidetza Batzordeak erabaki hau hartu du:
I.–Estatuko Administrazio Orokorraren eta Nafarroako Foru Komunitatearen arteko Aldebiko Lankidetza Batzordearen Erabakiaren ondorioz, lantalde bat eratu zen apirilaren 13ko 1/2022 Foru Dekretu-legearen 17. artikuluaren inguruko desadostasunak aztertu eta konponbide bat proposatzeko (Foru Dekretu-lege horren bidez premiazko neurriak hartzen dira Nafarroako Foru Komunitatean, Ukrainako gerraren ondorio ekonomiko eta sozialei erantzuteko). Lantalde horren aurretiazko negoziazioekin bat, bi alderdien iritziz konponduta daude desadostasun horiek, honako honen arabera:
Nafarroako Foru Komunitateak abuztuaren 17ko 3/2022 Foru Lege-dekretua onetsi zuen, aldatzen duena apirilaren 13ko 1/2022 Foru Lege-dekretua, zeinaren bidez premiazko neurriak hartzen baitira Nafarroako Foru Komunitatean, Ukrainako gerraren ondorio ekonomiko eta sozialei erantzuteko. Arau horrek eztabaidagai zen manua aldatu zuen.
Bi alderdiek egiaztatu dute 3/2022 Foru Lege-dekretuaren 17. artikuluan egindako aldaketarekin eztabaidagai zen manua desagertu dela.
II.–Lortutako akordioaren bitartez, bi alderdiek uste dute konpondu direla adierazitako desadostasunak eta bukatu dela agertutako auzia.
III.–Erabaki hau Konstituzio Auzitegiari jakinaraztea, Konstituzio Auzitegiari buruzko urriaren 3ko 2/1979 Lege Organikoaren 33.2 artikuluan aurreikusitako ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Lurralde Politikako ministroa, Isabel Rodríguez García.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2214065
