2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
NAFARROAKO HIRI HONDAKINEN TRATAMENDURAKO PARTZUERGOA
Aldaketa Nafarroako Hiri Hondakinen Tratamendurako Partzuergoaren ordenantza fiskalean. Hasierako onespena
Nafarroako Hiri Hondakinen Tratamendurako Partzuergoko Zuzendaritza Kontseiluak, 2022ko urriaren 21ean egindako bilkuran, adostu zuen hasiera batean onestea hiri hondakinak lekuz aldatu, sailkatu, tratatu, balioztatu eta, behar izanez gero, deuseztatzeko zerbitzuaren tasa arautzen duen ordenantza fiskalaren aldaketa. Haren testua interesdunen eskura dago NILSAren egoitzan (Barañaingo etorbidea 22, behea, 31008 Iruña) eta web atari honetan:
https://www.nilsa.com/fls/dwn/tasa2023eus.pdf
Uztailaren 2ko 6/1990 Foru Legearen 325. artikuluan, 1. zenbakian, b) letran, ezarritakoari jarraikiz, ordenantza fiskal hau aldatzeko espedientea jendaurrean egonen da hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea aztertu eta egokiak iruditzen zaizkien alegazioak edo oharrak aurkez ditzaten. Alegaziorik edo oharrik aurkezten ez bada, hasiera batean onesteko erabakia behin betikoa bilakatuko da, eta ordenantza indarrean jarriko da inguruabar hori eta behin betiko testua Nafarroako Aldizkari Ofizialean argitaratzen direnean.
Iruñean, 2022ko urriaren 24an.–Partzuergoko burua, Bernardo Ciriza Peréz.
Iragarkiaren kodea: L2214339
