1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
569/2022 EBAZPENA, urriaren 26koa, Toki Administrazioaren eta Despopulazioaren zuzendari nagusiak emana, zeinaren bidez onesten eta argitaratzen baita izangai onartuen behin-behineko zerrenda deialdi honetan: Nafarroako toki erakundeetako idazkarien lanpostu hutsak gaikuntzadun funtzionarioen arteko merezimendu-lehiaketa bidezko lekualdatzearen bitartez betetzeko deialdia, Nafarroako Foru Komunitateko gaikuntzadun funtzionarioentzat erreserbatutako lanpostuetan aldibaterakotasuna murrizteko presako neurriei buruzko maiatzaren 30eko 16/2022 Foru Legean eta Nafarroako Toki Administrazioari buruzko uztailaren 2ko 6/1990 Foru Legean jasotako aurreikuspenen arabera.
Toki Administrazioaren eta Despopulazioaren zuzendari nagusiak irailaren 15ean eman 515/2022 Ebazpenaren bidez, Nafarroako toki erakundeetako idazkarien lanpostu hutsak gaikuntzadun funtzionarioen arteko merezimendu-lehiaketa bidezko lekualdatzearen bitartez betetzeko deialdia onetsi zen, Nafarroako Foru Komunitateko gaikuntzadun funtzionarioentzat erreserbatutako lanpostuetan aldibaterakotasuna murrizteko presako neurriei buruzko maiatzaren 30eko 16/2022 Foru Legean eta Nafarroako Toki Administrazioari buruzko uztailaren 2ko 6/1990 Foru Legean jasotako aurreikuspenen arabera. Ebazpen hori 196. Nafarroako Aldizkari Ofizialean argitaratu zen, urriaren 3koan.
Eskaerak aurkezteko epea bukaturik, bidezkoa da, deialdiaren 4.1 oinarrian ezarritakoari jarraikiz, onartu eta baztertu diren izangaien behin-behineko zerrenda onestea Toki Administrazioaren eta Despopulazioaren zuzendari nagusiaren ebazpen baten bidez, eta Nafarroako Aldizkari Ofizialean argitara dadila agintzea.
Horregatik, eskuordetu dizkidaten ahalmenak erabiliz, zehazki, Lurralde Kohesiorako kontseilariaren uztailaren 1eko 35/2020 Foru Aginduaren bidez (Nafarroako Toki Administrazioari buruzko uztailaren 2ko 6/1990 Foru Legean ezarritako zenbait eskumen Toki Administrazioaren eta Despopulazioaren zuzendari nagusiari eskuordetzen dizkiona) eta urriaren 30eko 263/2019 Foru Dekretuaren bidez (Lurralde Kohesiorako Departamentuaren egitura organikoa ezartzen duena) emandakoak,
EBAZTEN DUT:
1. Izangai onartuen eta baztertuen behin-behineko zerrenda onestea deialdi honetan: Nafarroako toki erakundeetako idazkarien lanpostu hutsak gaikuntzadun funtzionarioen arteko merezimendu-lehiaketa bidezko lekualdatzearen bitartez betetzeko deialdia, Nafarroako Foru Komunitateko gaikuntzadun funtzionarioentzat erreserbatutako lanpostuetan aldibaterakotasuna murrizteko presako neurriei buruzko maiatzaren 30eko 16/2022 Foru Legean eta Nafarroako Toki Administrazioari buruzko uztailaren 2ko 6/1990 Foru Legean jasotako aurreikuspenen arabera.
2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratu eta biharamunetik hasita, erreklamazioak aurkezteko eta, akatsik egin badute, zuzentzeko. Erreklamazioak telematika bidez aurkeztu beharko dira, Interneteko www.nafarroa.eus helbidearen bidez, deialdiaren fitxan.
3. Ebazpen hau epaimahaiko kideei igortzea eta Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2022ko urriaren 26an.–Toki Administrazioaren eta Despopulazioaren zuzendari nagusia, Jesús M.ª Rodríguez Gómez.
ERANSKINA
Izangai onartuen eta baztertuen behin-behineko zerrenda
Onartuak:
FRANCESCA FERRER GEA
SILVIA GONZALO ETXARRI
VICTOR MANUEL MENDIVIL ZUBIZARRETA
MIREN ITXIAR SANZ DE GALDEANO MARTINEZ DE EULATE
Baztertuak:
–Idazkariaren lanposturako gaitutako tokiko funtzionarioak ez izateagatik.
SILVIA CHIVITE LOPEZ
LUCIA BELOQUI IRIARTE
DIANA VAZQUEZ VIDADOR
Iragarkiaren kodea: F2214301
