1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
DEIALDIA, Osasunbidea-Nafarroako Osasun Zerbitzuan erizaintzako zainketa lagungarrietako teknikari (EZLT) izateko 210 lanpostu oposizio-lehiaketa bidez betetzekoa. Hirugarren izendapen proposamen osagarria.
Osasunbidea-Nafarroako Osasun Zerbitzuan erizaintzako zainketa lagungarrietako teknikari izateko 210 lanpostu oposizio-lehiaketa bidez betetzeko deialdiaren 8. oinarrian xedatutakoari jarraikiz (2019ko 172. Nafarroako Aldizkari Ofiziala, irailaren 2koa), deialdi horretako epaimahaiak probak gainditu dituzten izangaien izenen zerrenda aurkeztu du, lorturiko puntuen araberakoa, eta horrekin batera, hautapen prozesua gainditu eta puntuaziorik altuenak izateagatik deitutako lanpostuetan sartzen ahal diren izangaiak izendatzeko proposamena. Proposamen hori 2021eko 255. Nafarroako Aldizkari Ofizialean argitaratu zen, azaroaren 8koan.
Funtzio Publikoko zuzendari nagusiaren urtarrilaren 20ko 180/2022 Ebazpenaren bidez (2022ko 39. Nafarroako Aldizkari Ofiziala, otsailaren 23koa) eta Funtzio Publikoko zuzendari nagusiaren martxoaren 14ko 676/2022 Ebazpenaren bidez (2022ko 67. Nafarroako Aldizkari Ofiziala, apirilaren 4koa), Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatu ziren, erizaintzako zainketa lagungarrietako teknikari lanpostuetan aritzeko, eta lanpostua esleitu zitzaien.
Geroago, izendapenaren ondotik sortutako lanpostu hutsak betetzeko, izendapen proposamen osagarria eman zen argitara 2022ko 94. Nafarroako Aldizkari Ofizialean, maiatzaren 16koan, baita bigarren izendapen proposamen osagarria ere, 2022ko 126. Nafarroako Aldizkari Ofizialean, ekainaren 27koan.
Funtzio Publikoko zuzendari nagusiak abuztuaren 8an emandako 2039/2022 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatu ziren erizaintzako zainketa lagungarrietako teknikarien lanpostuetan aritzeko, eta lanpostua esleitu zitzaien. Ebazpen hori 2022ko 186. Nafarroako Aldizkari Ofizialean argitaratu zen, irailaren 19koan.
Esleitutako lanpostuaz jabetzeko epean, Alicia Martínez Ranz andreak, txanda irekiko izangaiak, uko egin dio esleitutako plazari, eta, ondorioz, deialdiaren oinarrietan xedatutakoa betez, lanpostu hutsa betetzen da gainditu dutenen zerrendan hurrengo ageri den izangaiarekin.
Horrenbestez, bidezkoa da:
1. Osatzea Nafarroako Foru Komunitateko Administrazioaren Osasunbidea-Nafarroako Osasun Zerbitzuan erizaintzako zainketa lagungarrietako teknikari (EZLT) izateko 210 lanpostu betetzeko izendapen proposamena, honako hau gehituz:
–Txanda irekia:
VALVERDE TELLECHEA, MARÍA CONCEPCIÓN
2. Deialdiaren 8.2 oinarrian ezarritakoa betez, proposatutako izangaiek 30 egun naturaleko epea izanen dute, proposamen hau Nafarroako Aldizkari Ofizialean argitaratu eta biharamunetik hasita, aipatu oinarrian aipatzen diren agiriak aurkezteko Nafarroako Foru Komunitateko Administrazioaren Erregistro Orokor Elektronikoaren bidez.
3. Argitara bedi hori guztia Nafarroako Aldizkari Ofizialean, behar diren ondorioak izan ditzan.
Iruñean, 2022ko urriaren 7an.–Osasunbidea-Nafarroako Osasun Zerbitzuko Profesionalen zuzendaria, Pedro Ardaiz Labairu.
F2213519
Iragarkiaren kodea:
