6. BESTELAKO IRAGARKIAK
6.1. JAKINARAZPEN EDIKTUAK
IRUÑA
Aldizkako zergak eta tasak borondatez ordaintzeko epea- 2022ko bigarren seihilekoa
Nafarroako Toki Ogasunei buruzko Foru Legean eta Diru-bilketaren Araudian xedatutakoarekin bat, jakinarazten da 2022ko abenduaren 16an amaitzen dela epea honako hauek borondatez ordaintzeko: Jarduera Ekonomikoen gaineko Zergaren urteko likidazioari eta Espaloian barnako Pasabideen eta Bide Publikoaren Okupazioaren tasen 2022ko bigarren seihilekoko likidazioei dagozkien kuotak, eta Landa- nahiz Hiri-lurren gaineko Zergaren 2022. urteko likidazioaren bigarren zatikapenari dagozkion kuotak.
Ordainketa honako entitate hauen edozein bulegotan egiten ahalko da, betiere entitate bakoitzaren ordutegian eta kasuan kasuko ordainagiria aurkeztuta: CaixaBank, Banco Bilbao Vizcaya Argentaria (BBVA), Banco Santander, Laboral Kutxa, Nafarroako Rural Kutxa, Kutxabank eta Banco Sabadell. Halaber, ordainketa Diruzaintzan ere egin daiteke (Merkatuko kalea, 7-9, 2.a), 08:30etik 14:30era, eta INTERNET bidez, www.pamplona.es webgunean.
Behin epe hori iraganda, premiamendu bidez kobratzeko izapideak eginen dira.
Likidazio horien kontra, errekurtso hauetakoren bat paratzen ahal da, aukeran:
a) Berraztertzeko errekurtsoa, egintza gauzatu duen organoari berari zuzendua, HILABETEko epean, borondatezko ordainketa egiteko mugaegunetik aitzina.
b) Administrazioarekiko auzi-errekurtsoa, Administrazioarekiko Auzien Epaitegiari zuzendua, BI HILABETEko epean, borondatezko ordainketa egiteko mugaegunetik aitzina.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, borondatezko ordainketa egiteko mugaegunetik aitzina.
Iruñean, 2022ko urriaren 17an.–Nuria Larráyoz Ilundáin, Zerbitzu Orokorretako Alorreko Ogasuneko zuzendaria.
Iragarkiaren kodea: L2213669
