2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Aldaketak, ordainarazpenen ordenantzetan. Hasierako onespena
Udalak, 2022ko urriaren 10ean egin osoko bilkuran, hasiera batean onetsi zituen aldaketak ondotik aipatzen diren ordenantzetan, 2023ko urtarrilaren 1ean indarra har dezaten:
ORDAINARAZPENAK:
Ordenantza, Tuterako ehiza barrutiko ehiza aprobetxamendua arautzen duena.
Ordenantza, Tudela-Cultura enpresa-erakunde publikoaren prezio publikoak arautzen dituena.
4. ordenantza.–Ordenantza fiskala, ibilgailuak espaloietan barna sartu eta ateratzeko eta eremu publikoa erreserbatzeko, ibilgailuak gelditzeko eta edozein motatako salgaien zamalanak egiteko tasak arautzen dituena.
5. ordenantza.–Ordenantza fiskala, bide publikoa eta herri-lurrak okupatzeko tasak arautzen dituena.
6. ordenantza.–Ordenantza fiskala, bide publikoa, tokiko erabilera publikoko ondasunak eta erabilera publikoari atxikitako jabetza pribatuko lurrak terrazaz, beladorez eta barra-mostradore eramangarriez okupatzeko tasa arautzen duena.
15. ordenantza.–Ordenantza fiskala, kirol instalazioak erabiltzeko tasak arautzen dituena.
16. ordenantza.–Ordenantza fiskala, Udalaren kirol medikuntzako zerbitzua erabiltzeko tasak arautzen dituena.
21. ordenantza.–Ordenantza fiskala, Tuterako ekipamendu soziokulturalak (gizarte etxeak eta gazteendako udal aterpetxea) erabiltzeko tasak arautzen dituena.
24. ordenantza.–Ordenantza fiskala, "Fernando Remacha" Udal Kontserbatorioaren eta Udalaren Musika Eskolaren zerbitzuen tasak arautzen dituena.
29. ordenantza.–Ordenantza fiskala, establezimenduak irekitzeko eta erabilera aldatzeko lizentzien tasak arautzen dituena.
32. ordenantza.–Ordenantza fiskala, ordezko betearazpenen tasak eta betearazpen aginduen tasak arautzen dituena.
38. ordenantza.–Ordenantza fiskala, Udalaren artxibo, liburutegi eta hemerotekako materiala kopiatzeko zerbitzuak emateko tasak arautzen dituena.
45. ordenantza.–Ordenantza fiskala, "La Cometa" udal ludotekako instalazioak erabiltzeko tasak arautzen dituena.
Ordenantza guztietan, "minusbaliatuak" terminoa aipatzen denean, ordezkatu eginen da "desgaitasuna dutenak" terminoarekin, eta "Minusbaliotasun maila" dioen tokian "desgaitasun maila" jarriko da.
Jendaurrean egonen da 30 egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea azter dezaten eta, nahi badute, egokiak iruditzen zaizkien erreklamazio, kexa edo oharrak aurkez ditzaten; hori guztia, bat etorriz Nafarroako Toki Administrazioari buruzko Foru Legearen 325. artikuluan ezarritakoarekin.
Indarrean dauden xedapenak bete beharrez, espedientea ikusgai egonen da Ekonomia Sustapenerako Alorreko Ogasun, Katastro, Ondare eta Erosketen Administrazio Unitatean. Delako epe hori iragandakoan, inork erreklamaziorik, kexarik edo oharrik aurkezten ez badu, behin betiko onetsitzat emanen dira aldaketa horiek.
Tuteran, 2022ko urriaren 11n.–Ogasuneko zinegotzi ordezkaria, Irene Royo Ortín.
Iragarkiaren kodea: L2213611
