1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK. Epatze deia Hezkuntza Departamentuko Aldi Baterako Langileak Kudeatzeko Zerbitzuko zuzendariaren abuztuaren 24ko 126/2022 Ebazpenaren aurka jarritako gora jotzeko errekurtsoetan interesdun direnei.
Iragarki honen bidez jakinarazten da Sara Fernandez Alonso andreak eta Ziortza Ameztoy García andreak gora jotzeko errekurtso bana jarri dutela Hezkuntza Departamentuko Aldi Baterako Langileak Kudeatzeko Zerbitzuko zuzendariaren abuztuaren 24ko 126/2022 Ebazpenaren aurka. Ebazpen horren bidez onetsi eta argitara eman ziren aldi baterako kontratazioak egiteko behin betiko izangaien zerrendak Hezkuntza Departamentuko Irakasleen Hautatzeko eta Lanpostuak Betetzeko Zerbitzuko zuzendariaren abenduaren 2ko 324/2021 Ebazpenaren, apirilaren 15eko 104/2021 Ebazpenaren eta abenduaren 18ko 302/2020 Ebazpenaren bidez onetsitako hautaketa prozesuetan deitutako espezialitateetan 2022-2023 ikasturterako indarrean dauden maisu-maistren, bigarren irakaskuntzako irakasleen eta Lanbide Heziketako irakasle teknikoen kidegoetako lanpostuetarako. Errekurtsoek espezialitate hauei eragiten diete: Lanbide Heziketako irakasle teknikoen kidegoko Ile-apainketa (gaztelaniaz) eta maisu-maistren kidegoko Atzerriko Hizkuntza: Ingelesa (euskaraz).
Hori horrela, eta bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoarekin, espezialitate horietan interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2022ko urriaren 10ean.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F2213520
