3. ESTATUKO ADMINISTRAZIOA
GOBERNUAREN ORDEZKARITZA
Gobernuaren Nafarroako Ordezkaritzako Industria eta Energia Arloaren iragarkia, jendaurrean jartzen dituena aurretiazko administrazio-baimenaren eskaera eta eraikitzeko administrazio-baimenarena, honako proiektu honetarako: Castejongo 400 kV-eko azpiestazioa handitzea eta energia berriztagarriak ateratzeko kokaleku berria, Castejongo udal-mugartean, Nafarroako Foru Komunitatean
Sektore Elektrikoari buruzko abenduaren 26ko 24/2013 Legearen 53.1.a) eta 53.1.b) artikuluetan ezarritako ondorioetarako, eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta hornitzeko jarduerak arautzen dituen abenduaren 1eko 1955/2000 Errege Dekretuaren 125. artikuluan ezarritakoa betetzeko, jendaurrean jartzen dira aurretiazko administrazio-baimenaren eta eraikitzeko administrazio-baimenaren eskaerak proiektu honetarako: Castejongo 400 kV-eko azpiestazioa handitzea eta energia berriztagarriak ateratzeko kokaleku berria, Castejongo udal-mugartean, Nafarroako Foru Komunitatean. Jarraian azaltzen dira proiektuaren ezaugarriak:
Eskatzailea: Red Eléctrica de España, pertsona bakarreko sozietate anonimoa (IFK: A85309219), helbidea duena Conde de los Gaitanes pasealekuko 177. zenbakian (28109 Alcobendas, Madril).
Eskaeraren xedea: Aurretiazko administrazio-baimena eskuratzea Castejongo 400 kV-eko azpiestazioko 2. kaleko 2. barrarako; ziklo konbinatuko zentral baten energia ateratzeko kokaleku gisa baimenduta dago, eta hori aldatu nahi da, energia berriztagarria ateratzeko kokalekua izan dadin. Eraikitzeko administrazio-baimena ere eskatzen da, parkean Castejongo 400 kV-eko azpiestazioa handitzeko, energia berriztagarriak ateratzeko kokaleku berriarekin.
Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio-baimenaren eta proiektua eraikitzeko administrazio baimenaren eskaera ebazteko eskumena duen organo substantiboa.
Tramitazio organoa: Gobernuaren Nafarroako Ordezkaritzako Industria eta Energia Arloa, zeinak egoitza baitu Merindadeen plazan z.g. (31071 Iruña, Nafarroa). Alegazioak bulego horretara zuzenduak aurkeztuko dira.
Instalazioaren deskribapena: Castejongo 400 kV-eko azpiestazioa handitu eta energia berriztagarriak ateratzeko kokaleku berriaren proiektua Castejongo udal-mugartean gauzatuko da, Nafarroako Foru Komunitatean.
Aipatu kokalekuak ekipamendua dauka gaur egun, bere garaian balizko ziklo konbinatu baten konexiorako aurreikusi eta eraiki baitzen; sarbide-baimen hori, baina, bertan behera geratu da azkenean. Hori dela eta, proiektuan proposatu da 2. kaleko 2. barrako kokaleku hori berrerabiltzea.
Instalazioaren azalpen orokorra:
- Tentsio nominala: 400 kV.
- Tentsio gorena materialerako (Um): 420 kV.
- AIS teknologia.
- Kanpoko instalazioa.
- Barra bikoitzeko konfigurazioa.
- Iraupen laburreko zirkuitu laburreko intentsitatea: 50 kA.
Jarduketaren xede den kokalekuko ekipamendua:
- Barra-ebakigailu pantografo bat, aginte polobakarrekoa.
- Isolamendu-ebakigailu birakari bat, aginte polobakarrekoa.
- Etengailu bat, aginte polobakarrekoa.
- Hiru intentsitate-transformadore.
- Ebakigailu birakari bat, lur-konexioa duena eta aginte polobakarrekoa.
- Hiru tentsio-transformadore kapazitibo.
- Hiru tximistorratz.
Aurrekontu zenbatetsia: 124.090 euro.
Helburua: Iturri berriztagarrien bitartez sortutako energia elektrikoa ateratzeko ahalmena handitzea.
Proiektu honen aurretiazko administrazio-baimenaren eta eraikitzeko administrazio-baimenaren eskaerak onesteko eskumena Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusiarena da, eta onetsia izan dadin, eskaerak proiektuaren jendaurreko informazioaren tramitea bete behar du.
Hori guztia aditzera ematen da orok jakin dezan eta aztertu ahal izan dadin proiektua, Gobernuaren Nafarroako Ordezkaritzako Industria eta Energia Arloaren bulegoetan (Merindadeen plaza z.g., 31071 Iruña, Nafarroa), aurretik hitzordua eskatuta, edo esteka honetan:
http://www.seat.mpr.gob.es/portal/delegaciones_gobierno/delegaciones/navarra/proyectos-ci.html
Gainera, iragarki hau argitaratzen da Administrazio Publikoen Administrazio Prozedura Erkideari buruzko urriaren 1eko 39/2015 Legearen ondorioetarako, pertsona interesdun guztiek aztertu ahal izan ditzaten proiektuaren agiri guztiak eta egoki iruditzen zaizkien alegazioak egin ahal izan ditzaten.
Interesdunek bidezkotzat jotzen dituzten alegazioak aurkezten ahal dituzte, arlo honi zuzenduak, iragarki hau argitaratu eta biharamunetik hasita hogeita hamar egun balioduneko epean, bai idatziz, euskarri fisiko batean, Gobernuaren Ordezkaritzaren Erregistro Orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Ohartarazten da ezen pertsona juridikoak, nortasun juridikorik gabeko entitateak eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 14. artikuluan identifikatutako bestelako subjektuak behartuak daudela baliabide elektronikoak erabiltzera administrazio publikoekin dituzten harremanetan, administrazio prozedura baten edozein tramite egin behar duten aldiro. Hortaz, subjektu horiek jendaurreko informazioaren tramite honen barruan egiten dituzten alegazio guztiak baliabide elektronikoen bidez behar bezala aurkeztu beharko dira nahitaez.
Iruñean, 2022ko irailaren 29an.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2213192
