1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. Olaztin goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa. SAT11398 espedientea.
Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUren eskaera, goi tentsioko honako instalazio elektriko honi aurretiazko administrazio baimena eta eraikitzeko administrazio baimena emateko eta haren onura publikoa zehazki deklaratzeko:
a) Instalazioaren kokalekua: Olaztiko udal-mugartea.
b) Xedea: Aireko linearen eta gainazalaren arteko distantzian dagoen anomalia zuzentzea 1502. euskarriaren eta "Olaztiko Eskolak" TZren artean.
c) Ezaugarri nagusiak: "Altsasu-Olazti" izeneko 30 kV-eko zirkuitu bakuneko aireko linea lurperatzea "Olaztiko Eskolak" TZren eta 1502. euskarriaren artean, Olaztiko udal-mugartean (92 metroko HEPRZ1 18/30 kV 3x (1x240) mm² Al eroalea).
d) Obra gauzatzeko aurrekontua: 29.372,11 euro.
Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:
https://gobiernoabierto.navarra.es/eu/partaidetza/prozesuak/espediente-sat11398
Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.
Iruñean, 2022ko irailaren 21ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
"ALTSASU-OLAZTI" IZENEKO 30 KV-EKO ZIRKUITU BAKUNEKO AIREKO LINEA LURPERATZEA "OLAZTIKO ESKOLAK" TZ-REN ETA 1502. EUSKARRIAREN ARTEAN, OLAZTIN (NAFARROA)
Ukitutako ondasun eta eskubideen zerrenda
TITULARRAK | JARD. KOD. | UKIPENAK | KATASTROKO DATUAK |
Linearen/Kanalizazioaren luzera | Euskarriak/Kutxetak | Transform. zt. | Pol. | Lurz. | Izaera eta mota |
m.l. | zabal. | m² | unit. | zenb. | m² | unit. | m² |
Olaztiko udal-mugartea |
Olaztiko Udalaren herri-lurrak | LLE | 29 | 0.5 | 14.5 | 2 | | 1 1 | | | 3 | 1 | Bidea |
M.ª Antonia Galbete Ezquer | LLE/ALE | 7 | 0.5 | 3,5 | 1 | 1502 | 15 | | | 3 | 12 | Askotariko zuhaitzak |
Laburdurak: Jard. kod.: jarduketa kodea; ALE: aireko linea elektrikoa; LLE: lurpeko linea elektrikoa; Transform. zt.: transformazio zentroa; Pol.: poligonoa; Lurz.: lurzatia; UN: unitateak. |
Zortasunaren ondoriozko mugak:
1) Debekatuta dago behin betiko edo behin-behineko eraikin eta industria-instalazioak eraikitzea lurgain-zortasunean, kanpoko eroaleen bi aldeetan arauzko distantzia gehituta.
2) Debekatuta dago arauzko segurtasun tartea arriskuan jartzeraino haz daitezkeen zuhaitzak landatzea, segurtasun tartetzat jota makurduragatik edo ustekabean gertatutako zein eragindako erorketagatik eroaleak uki ditzakeena.
Iragarkiaren kodea: F2212849
