1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
21426E/2022 EBAZPENA, irailaren 28ekoa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez baimena kentzen baita Nafar Lansare-Nafarroako Enplegu Zerbitzuko zuzendari kudeatzailearen abuztuaren 20ko 2296/2018 Ebazpenaren bidez onetsitako dirulaguntzetarako partidaren gastua egiteko. Ebazpen horren bidez, ekonomia sozialeko enpresak sortu eta sustatzeko dirulaguntzak emateko deialdia onetsi zen.
Nafar Lansare-Nafarroako Enplegu Zerbitzuko zuzendari kudeatzailearen abuztuaren 20ko 2296/2018 Ebazpenaren bidez, ekonomia sozialeko enpresak sortu eta sustatzeko dirulaguntzen deialdia onetsi zen.
Nafar Lansare-Nafarroako Enplegu Zerbitzuko zuzendari kudeatzailearen otsailaren 4ko 101E/2022 Ebazpenaren bidez, 80.000 euroko gastua baimendu zen ekonomia sozialeko enpresak sortzeko dirulaguntzetarako eta 100.000 euroko gastua, berriz, laguntza teknikoari buruzko ekintzetara bideratutako dirulaguntzetarako, 2022ko gastu aurrekontuko honako partida honen kargura: 950001 950001 96100 4709 241203 "Ekonomia sozialeko enpresetarako laguntzak, enpresak sortu eta laguntza teknikoa emateko".
Kontuan hartuta 2022ko aurrekontu-ekitaldian ez dela aurkeztu diruz lagun daitezkeen enpresa berriak sortzeko eskaerarik. Eta laguntza teknikoko ekintzetarako eskaeren bolumena txikiagoa denez laguntza horiek kudeatzeko baimendutako zenbatekoa baino, eta beste gastu-konpromiso batzuei aurre egin ahal izateko.
Horrenbestez, Nafar Lansare-Nafarroako Enplegu Zerbitzua erakunde autonomoaren estatutuak onesten dituen azaroaren 6ko 302/2019 Foru Dekretuaren 12. artikuluaren bidez emandako ahalmenak erabiliz,
EBAZTEN DUT:
1. Baimena kentzea partida honen kargura honako gastu hauek egiteko:
–Ekonomia sozialeko enpresak sortu eta sustatzeko dirulaguntzak, Nafar Lansare-Nafarroako Enplegu Zerbitzuko zuzendari kudeatzailearen abuztuaren 20ko 2296/2018 Ebazpenaren bidez arautuak; 80.000 euro, ekonomia sozialeko enpresa berriak sortzea diruz laguntzeko, 2022ko gastu aurrekontuko honako partida honen kargura ordaindu behar zirenak: 950001 96100 4709 241203 "Ekonomia sozialeko enpresetarako laguntzak, enpresak sortu eta laguntza teknikoa emateko".
–Ekonomia sozialeko enpresak sortu eta sustatzeko dirulaguntzak, Nafar Lansare-Nafarroako Enplegu Zerbitzuko zuzendari kudeatzailearen abuztuaren 20ko 2296/2018 Ebazpenaren bidez arautuak; 50.000 euro, laguntza teknikoari buruzko ekintzak diruz laguntzeko, 2022ko gastu aurrekontuko honako partida honen kargura ordaindu behar zirenak: 950001 96100 4709 241203 "Ekonomia sozialeko enpresetarako laguntzak, enpresak sortu eta laguntza teknikoa emateko".
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta haren aurka gora jotzeko errekurtsoa jartzen ahalko da, Eskubide Sozialetako kontseilariari zuzendua, hilabeteko epean, jakinarazi eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122.1 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.3 artikuluari jarraikiz.
Iruñean, 2022ko irailaren 28an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2213096
