1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
21390E/2022 EBAZPENA, irailaren 28koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez baimena kentzen baita Nafar Lansare-Nafarroako Enplegu Zerbitzuko zuzendari kudeatzailearen abuztuaren 2ko 12119E/2022 Ebazpenaren bidez onetsitako dirulaguntzetarako partidaren gastua egiteko. Ebazpen horren bidez, prestakuntza eta enplegu tailerrak egiteko dirulaguntzen deialdia onetsi zen. DDBN identifikazioa: 641476.
Nafar Lansare-Nafarroako Enplegu Zerbitzuko zuzendari kudeatzailearen abuztuaren 2ko 12119E/2022 Ebazpenaren bidez, prestakuntza eta enplegu tailerrak egiteko dirulaguntzen deialdia onetsi zen, eta 6.178.575,09 euroko gastua baimendu zen 2022ko gastu aurrekontuaren 950002 96200 4819 242200 aurrekontu-partidaren kargura (Lantegi Eskolen programak eta programa espezifikoak. Konferentzia Sektoriala).
Nafar Lansare-Nafarroako Enplegu Zerbitzuko zuzendari kudeatzailearen abuztuaren 2ko 12119E/2022 Ebazpenak, prestakuntza eta enplegu tailerrak egiteko dirulaguntzen deialdia onesten duenak, 12. oinarrian ezartzen du eskaerak hilabeteko epean aurkeztuko direla, deialdia argitaratu eta hurrengo egunetik zenbatzen hasita.
Proiektuetarako eskaerak aurkezteko epea bukatuta, 1.098.486,59 euro eskatu dira guztira. Beraz, aurrekontu-partidan gelditzen den gainerako dirua erabiltzeko baimena kentzen da.
Azaldutako guztiagatik, proposatzen da prestakuntza eta enplegu tailerrak egiteko onetsitako dirulaguntzetik 5.080.088,50 euro erabiltzeko baimena kentzea. Dirulaguntza hori Nafar Lansare-Nafarroako Enplegu Zerbitzuko zuzendari kudeatzailearen abuztuaren 2ko 12119E/2022 Ebazpenaren bidez arautu zen, eta 2022ko gastu aurrekontuaren 950002 96200 4819 242200 aurrekontu-partidaren kargura ordaintzen da (Lantegi Eskolen programak eta programa espezifikoak. Konferentzia Sektoriala).
Kontuan hartuta 2022. urte osoan zehar eskaeren bolumena txikiagoa dela aipatutako laguntzak kudeatzeko zenbatekoa baino, eta beste gastu-konpromiso batzuei aurre egiteko.
Horrenbestez, Nafar Lansare-Nafarroako Enplegu Zerbitzua erakunde autonomoaren estatutuak onesten dituen azaroaren 6ko 302/2019 Foru Dekretuaren 12. artikuluaren bidez emandako ahalmenak erabiliz,
EBAZTEN DUT:
1. Prestakuntza eta enplegu tailerrak egiteko onetsitako dirulaguntzetik 5.080.088,50 euro erabiltzeko baimena kentzea. Dirulaguntza hori Nafar Lansare-Nafarroako Enplegu Zerbitzuko zuzendari kudeatzailearen abuztuaren 2ko 12119E/2022 Ebazpenaren bidez arautu zen, eta 2022ko gastu aurrekontuaren 950002 96200 4819 242200 aurrekontu-partidaren kargura ordaintzen da (Lantegi Eskolen programak eta programa espezifikoak. Konferentzia Sektoriala).
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta haren aurka gora jotzeko errekurtsoa jartzen ahalko da, Nafarroako Gobernuko Eskubide Sozialetako kontseilariari zuzendua, hilabeteko epean, argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 57. artikuluari jarraikiz.
Iruñean, 2022ko irailaren 28an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2213148
