1. NAFARROAKO FORU KOMUNITATEA
1.7. BESTELAKOAK
1847/2022 EBAZPENA, irailaren 23koa, Nafarroako Unibertsitate Publikoaren errektoreak emana. Haren bidez agintzen da argitaratzeko "Erabakia, Nafarroako Unibertsitate Publikoko irakasle eta ikertzaileen 2022ko lan publikoaren eskaintza aldatzen duena unibertsitateko katedradunen kidegoan sartzeko barne igoerako lanpostuen kopurua handituz", Gobernu Kontseiluak 2022ko irailaren 23an hartu zuen erabakiaren bidez onetsia.
2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan ahalmenak erabiliz, Gobernu Kontseiluak 2022ko irailaren 23an hartu duen erabakia argitaratzeko agintzen dut. Erabaki horren bidez, Nafarroako Unibertsitate Publikoko irakasle eta ikertzaileen 2022ko lan publikoaren eskaintza aldatu da, unibertsitateko katedradunen kidegoan sartzeko barne igoerako lanpostuen kopurua handituz.
"GOBERNU KONTSEILUAREN ERABAKIA, NAFARROAKO UNIBERTSITATE PUBLIKOKO IRAKASLE ETA IKERTZAILEEN 2022KO LAN PUBLIKOAREN ESKAINTZA ALDATZEN DUENA UNIBERTSITATEKO KATEDRADUNEN KIDEGOAN SARTZEKO BARNE IGOERAKO LANPOSTUEN KOPURUA HANDITUZ
Gobernu Kontseiluak, 2022ko otsailaren 10eko bileran, erabaki baten bidez, Nafarroako Unibertsitate Publikoko irakasle eta ikertzaileen 2022. urteko lan publikoaren eskaintza onetsi zuen. Erabaki hori Nafarroako Aldizkari Ofizialean argitaratu zen 2022ko martxoaren 1ean, eta aldatu egin zen geroago, Gobernu Kontseiluak 2022ko ekainaren 30ean erabaki baten bidez (abuztuaren 2an argitaratu zen).
Onartutako eskaintzak katedradunen 16 lanpostu ditu barne igoeraren bidez betetzeko, Unibertsitateei buruzko 2001eko abenduaren 21eko 6/2001 Lege Organikoaren 62.2 artikuluan ezarritakoari jarraikiz.
Agindu horretan ezartzen denez, unibertsitateek barne igoerako lanpostuetarako deialdia egin dezakete unibertsitateko katedradunen kidegoan sartzeko, betiere urte horretan bertan irakaskidegoetan sartzeko txanda irekiko lan publikoaren eskaintzaren xede diren lanpostuen kopurua gainditu gabe. Lanpostu horiek ez dira kontuan hartzen birjarpen tasaren kalkuluan, 2022rako Estatuko Aurrekontu Orokorrei buruzko 2021eko abenduaren 28ko 22/2021 Legearen 20.Bat.6 artikuluan adierazitakoarekin bat etorriz.
Nafarroako Unibertsitate Publikoaren 2022ko lan publikoaren eskaintzan, irakaskidegoetan sartzeko txanda irekiko lanpostuen kopurua 40 da, hots, hasieran onetsitako barne igoerako lanpostuen kopurua baino askoz handiagoa.
Egiaztatu denez komenigarria dela igoerako lanpostuen eskaintza handitzea, aldaketa hau egin da aplikatu beharreko legeriak ezarritako tartearen barnean, lanpostu kopurua handituz.
Ikusirik Giza Baliabideen Zerbitzuak emandako txostena.
Irakasle eta Ikertzaileen Batzordeari eta Kontratupeko Irakasleen Enpresa Batzordeari honen berri eman eta gero.
Irakasleen Gaietarako errektoreordeak proposaturik eta Batzorde Akademikoak aldeko txostena eman duenez, honako hau da Gobernu Kontseiluak 2022ko irailaren 23an egindako bileran hartu duen
ERABAKIA:
Lehenbizikoa.–Nafarroako Unibertsitate Publikoko irakasle eta ikertzaileen 2022ko lan publikoaren eskaintza aldatzea, unibertsitateko katedradunen kidegoan sartzeko barne igoerako lanpostuen kopurua handituz.
Nafarroako Unibertsitate Publikoko irakasle eta ikertzaileen 2022. urteko lan publikoaren eskaintzak barne igoerako lanpostu hauek hartzen ditu barne:
KIDEGOA | MULTZOA | LANPOSTUAK GUZTIRA |
Unibertsitateko katedraduna | A1 | 28 |
Bigarrena.–Erabaki hau aditzera ematea Irakasleen Gaietarako Errektoreordetzari eta Giza Baliabideen Zerbitzuari.
Hirugarrena.–Erabaki hau helaraztea Nafarroako Gobernuaren Unibertsitateko, Berrikuntzako eta Eraldaketa Digitaleko Departamentuari eta Ogasuneko eta Funtzio Publikoko Ministerioaren Aurrekontu eta Gastuen Estatu Idazkaritzari.
Laugarrena.–Erabaki hau Nafarroako Aldizkari Ofizialean eta NUPen iragarki-ohol elektronikoan argitara dadila agintzea.
Bosgarrena.–Erabaki honen kontra zilegi da administrazioarekiko auzi-errekurtsoa jartzea Nafarroako Administrazioarekiko Auzietako Epaitegietan, bi hilabeteko epean, erabakia Nafarroako Aldizkari Ofizialean argitaratu eta biharamunetik kontatzen hasita, Administrazioarekiko Auzien Jurisdikzioari buruzko 1998ko uztailaren 13ko 29/1998 Legearen xedapenetan ezarritakoarekin bat".
Iruñean, 2022ko irailaren 23an.–Errektorea, Ramón Gonzalo García.
Iragarkiaren kodea: F2212875
