1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
165C/2022 EBAZPENA, abuztuaren 4koa, Enpresa Politikaren, Nazioarteko Proiekzioaren eta Lanaren zuzendari nagusiak emana, zeinaren bidez erabakitzen den Argibide Fundazioaren hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Argibide Fundazioaren hitzarmen kolektiboaren testua aztertu da (kode zenbakia: 31008732012007), erregistro honetan 2022ko ekainaren 6an sartu zena, enpresaren eta sindikatuen (CCOO) ordezkariek 2022ko urtarrilaren 20an izenpetua eta 2022ko ekainaren 29an zuzendua; batetik, urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan xedatutakoaren arabera, zeinaren bidez onesten baita Langileen Estatutuaren Legearen testu bategina eta, bestetik, maiatzaren 28ko 713/2010 Errege Dekretuan xedatutakoaren arabera, hitzarmen kolektiboak, lan-akordio kolektiboak eta berdintasun-planak erregistratzearen eta gordailutzearen gainekoa. Horrenbestez,
EBAZTEN DUT:
1. Nafarroako Lan Hitzarmenen, Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2022ko abuztuaren 4an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Argibide Fundazioaren hitzarmen kolektiboa (PDFa).
Iragarkiaren kodea: F2212839
