Iragarkia

189. ALDIZKARIA - 2022ko irailaren 22a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA, Berriobeitin goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa. SAT11342 espedientea.

Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUren eskaera, goi tentsioko honako instalazio elektriko honi aurretiazko administrazio baimena eta eraikitzeko administrazio baimena emateko eta haren onura publikoa zehazki deklaratzeko:

a) Instalazioaren kokalekua: Berriobeitiko udal mugartea.

b) Helburua: inguru horretako hornidura elektrikoaren kalitatea eta segurtasuna hobetzea.

c) Ezaugarri nagusiak: 13,2 kV-eko tentsio ertaineko lur azpiko linearen tarte berria, “Santa Luzia 4664 L05 - Gipuzkoako errepidea” izenekoa, zeinak lotzen baititu “Añezkarko Bentak” transformazio zentroa (180102770) eta 2406. euskarria. Honako jarduketa hauek eginen dira:

–Transformazio zentroa.

• Lehendik dauden gelaxken multzoaren ordez telekudeaketarako gaitasuna duten beste batzuk jarriko dira; hortaz, hiru gelaxka ez-hedagarri jarriko dira, 2L1P posizioekin, isolamenduarekin eta ebaketarekin (SF6), eta teleagintearekin (CNE/SF6/TELE).

–2406 zenbakiko euskarrian aireko tartea.

• Metalezko gurutzeta zuzen berria, RC2-20-S motakoa, eta lotzeko kateak, konpositezko haga luzeekin.
• Sarea ebakitzeko organo bat instalatzea, teleaginduarekin.
• Lur-konexio berria eraztunean, eta hormigoizko espaloi perimetrala eta igotzearen kontrako sistema eraikitzea.
• Egungo LA-56 motako eroaleak erregulatzea lanek eragindako baoetan.
• Hegazti-fauna babesteko elementuak instalatzea.
• Kateak eta metalezko gurutzetak desmuntatzea.

–Lur azpiko tartea.

• 1.850 metroko luzera duen linea, aluminiozko eroalearekin, “Añezkarko Bentak” transformazio zentrotik (180102770) 2406 zenbakiko euskarriraino.

d) Aurrekontua: 121.734 euro.

Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:

https://gobiernoabierto.navarra.es/eu/partaidetza/prozesuak/espediente-sat11342

Alegazioak, iradokizunak eta oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.

Iruñean, 2022ko abuztuaren 31n.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2211903