1. NAFARROAKO FORU KOMUNITATEA
1.7. BESTELAKOAK
1749/2022 EBAZPENA, irailaren 14koa, Nafarroako Unibertsitate Publikoko errektoreak emana. Haren bidez agintzen da Nafarroako Aldizkari Ofizialean argitaratzea 2018ko uztailaren 27ko hitzarmenaren bidez “Kalitatea ebaluatu eta egiaztatzeko agentzia nazionala” erakunde autonomoari (ANECA) egindako kudeaketa-aginduaren luzapena. Aipatutako kudeaketa-aginduaren helburua 2009ko apirilaren 20ko 37/2009 Foru Dekretuaren 7.5 artikuluak araututako Bikaintasun Ikerketako ordainketa-tartea aitortzeko aurkeztutako merezimenduak baloratzea zen.
Aginduaren luzapena formalizatzeko lehenengo klausulari jarraikiz, nahitaezkoa da luzapena Nafarroako Aldizkari Ofizialean argitaratzea, eta, ondorioz, aldizkari ofizial horretara bidaltzen da, hurrengoak hitzez hitz harturik, 2022ko uztailaren 26an aldeek sinatu ondoren:
“LUZAPENA, NAFARROAKO UNIBERTSITATE PUBLIKOAK 2018KO UZTAILAREN 27KO HITZARMENAREN BIDEZ “KALITATEA EBALUATU ETA EGIAZTATZEKO AGENTZIA NAZIONALA” ERAKUNDE AUTONOMOARI (ANECA) EGINDAKO KUDEAKETA-AGINDUARENA. AIPATUTAKO KUDEAKETA-AGINDUAREN HELBURUA 2009KO APIRILAREN 20KO 37/2009 FORU DEKRETUAREN 7.5 ARTIKULUAK ARAUTUTAKO BIKAINTASUN IKERKETAKO ORDAINKETA-TARTEA AITORTZEKO AURKEZTUTAKO MEREZIMENDUAK BALORATZEA ZEN
Bildurik
Batetik, Ramón Gonzalo García errektore jauna, Nafarroako Unibertsitate Publikoa (aurrerantzean NUP) ordezkatuz eta haren izenean diharduena, ekainaren 5eko 68/2019 Foru Dekretuaren bidez izendatua, Unibertsitatearen Estatutuen 40. artikuluak esleitzen dizkioten eskudantziei jarraikiz (estatutuak 2003ko maiatzaren 12ko 110/2003 Foru Dekretuaren bidez onetsi ziren, eta eta Nafarroako Gobernuaren 2011ko martxoaren 21eko Erabakiaren bidez aldatu).
Bestetik, Mercedes Siles Molina, Kalitatea Ebaluatzeko eta Egiaztatzeko Agentzia Nazionalaren (ANECA) izenean eta hura ordezkatuz, zeina Unibertsitateen Ministerioari atxikitako erakunde autonomoa baita. Zuzendari gisa hartu du hitza, hala izendatu baitzuen ANECAren Errektore Kontseiluak 2020ko otsailaren 19an, eta ANECA erakunde autonomoaren estatutuak onesten dituen Errege Dekretuak, 2015eko abenduaren 11koak, ematen dizkion eskudantziei jarraikiz.
Bi aldeek gaitasun nahikoa aitortzen diote elkarri, eta beren erakundeen izenean dokumentu hau sinatzen dute, eta horretarako
Adierazten dute
I. Aldeek 2018ko uztailaren 27an hitzarmen bidez formalizatutako kudeaketa-agindu bat izenpetu zutela, Sektore Publikoaren Araubide Juridikoari buruzko 2015eko urriaren 1eko 40/2015 Legearen 11.3.b) artikuluaren babesean, zeinaren bidez NUPek ANECAri eskatu zion NUPeko irakasle-ikertzaileen ikerketa-merezimenduak ebaluatzeko eta hala Bikaintasun Ikerketako ordainketa-tartea ezartzeko, 2009ko apirilaren 20ko 37/2009ko Foru Dekretuaren 7.5 artikuluak araututakoa, araudi autonomiko aplikagarrian jasotzen den terminoetan. Agindu hori Nafarroako Aldizkari Ofizialeko 196. artikuluan argitaratu zen 2018ko urriaren 9an.
II. Aginduak formalizatzen duen hitzarmenaren zortzigarren klausulak lau urteko indarraldia ezartzen duela indarrean sartzen denetik, eta hitzarmenaren sinatzaileek epe hori amaitu aurreko edozein unetan adosten ahal dutela aho batez hura gehienez ere lau urte luzatzea, edo etetea.
I. Hurbil dagoenez indarraldiaren amaiera eguna, hau da, 2022ko uztailaren 27a, aldeek agindua luzatu nahi dutela, nahi izanez gero, gehienez lau (4) urtez, hots, 2026ko uztailaren 28ra arte.
Eta, ondorioz, parte hartu duten bi aldeek aginduaren luzapen hau (aurrerantzean, Luzapena) sinatzeko borondatea agertu dute, klausula hauekin:
Klausulak
Lehena.–Kudeaketa-aginduaren luzapena.
Aldeek, Luzapen honen bitartez, 2018ko uztailaren 27an hitzarmenez formalizatutako eta 2018ko urriaren 9an Nafarroako Aldizkari Ofizialean argitaratutako kudeaketa-aginduaren indarraldia lau (4) urtez luzatzea adostu dute, zortzigarren klausulari jarraikiz hasieran adostutako epea amaitzen denetik hasita, hau da, 2022ko uztailaren 28tik 2026ko uztailaren 28ra.
Luzapen hau aldeen sinadurarekin gauzatu, eta Nafarroako Aldizkari Ofizialean argitaratuko da, 11.3.b artikuluan ezarritakoari jarraikiz.
Bigarrena.–Aginduaren gainerako atalen iraupena.
Luzapen honetan espresuki ezarri ez den orotan, agindua formalizatzen duen hitzarmenari jarraituko zaio, aldeek espresuki onartzen baitute. Dokumentu hau haren parte bereizezina da.
Eta adostasunaren erakusgarri, bi aldeek Luzapen hau sinatu dute, efektu bakarrerako, sinadura elektronikoaren leku-egunetan, eta azken sinatzailearen data izanen da dokumentu honen formalizazio data. Ramón Gonzalo García, Nafarroako Unibertsitate Publikoko errektorea. Mercedes Siles Molina, Kalitatea Ebaluatzeko eta Egiaztatzeko Agentzia Nazionalaren zuzendaria. 2022ko uztailaren 26an.”
Iruñean, 2022ko irailaren 14an.–Errektorea, Ramón Gonzalo García.
Iragarkiaren kodea: F2212486
