1. NAFARROAKO FORU KOMUNITATEA
1.7. BESTELAKOAK
378/2022 EBAZPENA, abuztuaren 29koa, Hezkuntzako zuzendari nagusiak emana, Iruñeko “Evangelista” Lehen Hezkuntzako ikastetxe pribatuari baimena ematen diona Batxilergoko etapa irakats dezan, Lehen Hezkuntzako eta Bigarren Hezkuntzako ikastetxe bihurtuta, eta aldatzen duena ikastetxeak Lehen Hezkuntzako etaparako baimenduta duen gehieneko osaera.
Ikusirik Iruñeko “Evangelista” Lehen Hezkuntzako ikastetxe pribatuaren titularra den “Asociación Cristiana de Recursos Educativos, Nueva Generación” erakundeak hasitako espedientea, eskatu baitu ikastetxean Batxilergoko etapa irakasteko baimena eman dakion eta Lehen Hezkuntzan baimenduta duen gehieneko osaera handitu dadin.
Kontuan harturik Hezkuntzako Ikuskapen Zerbitzuak eta Hezkuntzako Azpiegituren Zerbitzuak horren alde emandako txostenak.
Ikusirik Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren 16., 17. eta 18. artikuluetan ezarritakoa.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Iruñeko “Evangelista” Lehen Hezkuntzako eta Derrigorrezko Bigarren Hezkuntzako ikastetxe pribatuari (ikastetxearen kodea: 31014554) ireki eta jarduteko baimena ematen zaio Batxilergoko etapa irakats dezan, eta, hala, Lehen Hezkuntzako eta Bigarren Hezkuntzako ikastetxe bihurtuko da. Erabaki honek 2022-2023 ikasturtearen hasieratik aurrera izanen ditu ondorioak.
2. Lehen Hezkuntzako etaparako baimenduta duen gehieneko osaera aldatzen da eta aurrerantzean 6 unitateko lerro bat izanen du: unitate bat 20 ikaspostukoa, unitate bat 15 ikaspostukoa, 3 unitate 11 ikaspostukoak eta unitate bat 10 ikaspostukoa; guztira, 78 ikaspostu.
3. Nafarroako Gobernuko Unibertsitatez Kanpoko Ikastetxeen Erregistroan ikastetxearen datu hauek inskribatuko dira:
–Ikastetxearen kodea: 31014554.
–Titularra: Asociación Cristiana de Recursos Educativos, Nueva Generación.
–Izen generikoa: Lehen Hezkuntzako eta Bigarren Hezkuntzako ikastetxe pribatua.
–Berariazko izena: Evangelista.
–Helbidea: Santaluziagaña, z.g.
–Herria: Iruña.
–Udalerria: Iruña.
–Baimendutako irakaskuntzak: Lehen Hezkuntza, Derrigorrezko Bigarren Hezkuntza eta Batxilergoa.
–Baimendutako gehieneko osaera juridikoa:
- 6 unitate Lehen Hezkuntzan, guztira 78 ikaspostu gehienez (unitate bat 20 ikaspostukoa, unitate bat 15 ikaspostukoa, 3 unitate 11 ikaspostukoak eta unitate bat 10 ikaspostukoa).
- 4 unitate Derrigorrezko Bigarren Hezkuntzan, guztira 64 ikaspostu gehienez (16 ikaspostu unitate bakoitzean).
- 2 unitate Batxilergoan, Giza eta Gizarte Zientziak modalitaterako eta Zientziak eta Teknologia modalitaterako, guztira 34 ikaspostu gehienez (17 ikaspostu unitate bakoitzean).
4. Adieraztea ikastetxeak ez duela funts publikorik, ez baita sartu Nafarroako Gobernuaren itunen araubidearen babesean.
5. Adieraztea Ikastetxeko titularrak ikastetxearen baimenaren aldaketa edo baimen berria eskatu beharko duela, baldin ikastetxearen erregistroko datuak, ebazpen honen 2. atalean jasotakoak, aldatzen badira, edo instalazioak aldatzen badira, uztailaren 6ko 251/1992 Foru Dekretuaren 16. eta 17. artikuluetan ezartzen den moduan. Ikastetxearen baimena uztailaren 6ko 251/1992 Foru Dekretuaren 20. eta 22. artikuluetan ezarritako kasuetan iraungiko da.
6. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
7. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura, Ikasketak Antolatzeko Atalera, Hezkuntzako Informazio Sistemen Zerbitzura eta Ikastetxeetako Informazioa Kudeatzeko Bulegora.
8. Ebazpen hau Nafarroako Aldizkari Ofizialean argitaratzea.
Iruñean, 2022ko abuztuaren 29an.–Hezkuntzako zuzendari nagusia, Gil Sevillano González.
Iragarkiaren kodea: F2211757
