2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Alkatetzaren eskuordetzea, kanpoan egoteagatik
986/2022 Ebazpena, irailaren 1ekoa, Barañaingo Udaleko alkate-udalburuarena, zeinaren bitartez alkatetza honen eginkizunak eskuordetzen baitzaizkio irailaren 3, 4, 5, 10 eta 11n lehen alkateorde Pablo Arcelus Cavallerori, eta irailaren 6, 7, 8 eta 9an bigarren alkateorde Fátima Sesma Vallesi.
Barañaingo Udaleko alkate udalburu María Lecumberri Bonillak.
Kontuan hartuz, arrazoi pertsonalak direla medio, herritik kanpo izanen naizela 2022ko irailaren 3tik 2022ko irailaren 11ra, biak barne.
Ikusirik Toki Araubidearen Oinarriak arautzen dituen apirilaren 2ko 7/1985 Legearen 23.3 artikuluak ezartzen duela “alkateordeek ordeztuko dutela alkatea, haien izendapenaren ordenaren arabera, hura herritik kanpo edo eri dagoenean edo kargua hutsik gelditzen denean (...)”.
Kontuan harturik Barañaingo Udaleko alkatearen 2019ko uztailaren 1eko 776/2019 Ebazpenean, Barañaingo Udaleko alkateordeak izendatzen dituen hartan, ezarritako determinazioak.
Kasu eginik azaroaren 28ko 2568/1986 Errege Dekretuaren 47.1 eta 2 artikuluan ezarritako aginduei (errege dekretu horren bidez onetsi zen Toki-erakundeen Antolaketaren, Funtzionamenduaren eta Araubide Juridikoaren gaineko Erregelamendua).
Aurrekoak hala izanik, eta baliatuz alkatetza honi ematen dizkioten eskumenak bai Toki Araubidearen Oinarriei buruzko Legearen 21. artikuluak bai Antolaketaren eta Funtzionamenduaren gaineko Erregelamenduaren 44.1 artikuluak (aplikatzekoa aipatutako legearen 47.2 artikuluaren bidez),
EBAZTEN DUT:
Lehenbizikoa.–Alkatetza honen eginkizunak eskuordetzea irailaren 3, 4, 5, 10 eta 11n lehen alkateorde Pablo Arcelus Cavallerori, eta irailaren 6, 7, 8 eta 9an bigarren alkateorde Fátima Sesma Vallesi. Horiek karguari dagozkion funtzioak beteko dituzte, eta egun horietan beren gain hartuko dituzte esleiturik ditudan eginkizun guztiak, udalerritik kanpo egonen naizelako.
Bigarrena.–Aurreko ebazpenaren ondoriozko eskuordetzeak aipatu egunetarako baino ez du indarrik izanen, eta egungo legeriak ezartzen dituen mugak ezarriko zaizkio.
Hirugarrena.–Azaroaren 28ko 2568/1986 Errege Dekretuaren 44.2 artikulua dela medio, ebazpen hau Nafarroako Aldizkari Ofizialean eta Barañaingo Udalaren ediktuen taulan argitaratzea.
Laugarrena.–Ebazpen hau interesdunei jakinaraztea eta Udalbatzari ebazpenaren berri ematea kide anitzeko organo horrek egiten duen hurrengo ohiko osoko bilkuran.
Barañainen, 2022ko irailaren 2an.–Alkatea, María Lecumberri Bonilla.
Iragarkiaren kodea: L2211922
