2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARAITZ
Zuntz optikoaren sarea zabaltzeko plana. Hasierako onespena
Araizko Udaleko alkateak, José Manuel Zubillaga Muguerzak, 2022ko abuztuaren 19an, hurrengo ebazpena eman du:
Rosa María Gurpeguik, Ikai Tecnologías Avanzadas SLU enpresaren ordezkari gisa, eskaera bat aurkeztu du 2022ko maiatzaren 13an, zuntz optikoa hedatzeko plana onartzeko, Telekomunikazioei buruzko maiatzaren 9ko 9/2014 Lege Orokorraren 34.6 artikuluan ezarritakoaren arabera.
Operadore interesdunak aurkeztutako dokumentazio teknikoa aztertu da.
Udal-arkitektoak emandako txosten teknikoa ikusi da.
Kontuan hartu da Telekomunikazioei buruzko maiatzaren 9ko 9/2014 Lege Orokorraren 34. artikuluan xedatutakoa.
Administrazio Publikoen Administrazio Prozedura Erkidearen urriaren 1eko 39/2015 Legearen 83. artikuluan xedatutakoaren arabera.
Toki Araubidearen Oinarriak arautzen dituen apirilaren 2ko 7/1985 Legearen 21.1.s) artikuluan xedatutakoaren arabera,
EBATZI DUT:
Lehenengoa.–Izapidetzeko onartzea eta hasierako onespena ematea Rosa María Gurpeguik Ikai Tecnologías Avanzadas SLU merkataritza-sozietatearen izenean Arribe-Atalluko herrian zuntz optikoa hedatzeko aurkeztutako planari.
Bigarrena.–Hedapen Plan hori jendaurrean jartzea 20 egun balioduneko epean, dagokion iragarkia Nafarroako Aldizkari Ofizialean argitaratu eta hurrengo egunetik zenbatzen hasita. Horrela, edozein pertsonak aztertu ahal izango du espediente hori, eta bidezko alegazioak aurkeztu. Horretarako, interesdunen esku geratzen da izapidetutako administrazio-espedientea, udal idazkaritzan aztertu ahal izateko jendaurreko informazioaldian, astelehenetik ostiralera, 8:00etatik 11:30era.
Alegaziorik aurkezten ez bada, hedapen-plan hori behin betiko onartutzat joko da, horri buruzko berariazko akordiorik behar izan gabe, eta Nafarroako Aldizkari Ofizialean iragarri beharko da argitalpen hori.
Araitzen, 2022ko abuztuaren 25ean.–Alkatea, José Manuel Zubillaga Muguerza.
Iragarkiaren kodea: L2211595
