I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
98/2009 EBAZPENA, urtarrilaren 23koa, Lurraldearen Antolamendu eta Etxebizitza zuzendari nagusiak emana, Erripagaineko Udalez gaindiko Plan Sektorialaren B.3.2 lurzatiaren xehetasun azterlana hasiera batez onesten duena. Sustatzailea Alero S.L. eta Construcciones Esteban Razquin, ABEE da.
Xehetasun azterlanaren helburua beheko solairuko lerrokadurak aldatzea da. Etxebizitzetarako erabilera kentzen da, baina merkataritzako erabilera, atariak eta arrapala uzten dira. Solairu horretako gainerako eremuan karrerapea izanen da. Atikoan, atzeraemangunea kendu da eta gehieneko lerrokadurak finkatu dira, beste solairuetakoak bezalakoak. Horrela, planeamenduan hasiera batean ezarritako eraikina aldatu da BS+4+A izan beharrean BS+5 izanen baita.
Xehetasun azterlanaren edukia Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 62. artikuluarekin bat dator.
Ikusirik Lurraldearen Antolamendu eta Hirigintza Zerbitzuak egindako txostena, eta Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
EBATZI DUT:
1. Erripagaineko Udalez gaindiko Plan Sektorialaren B.3.2 lurzatiaren xehetasun azterlana hasiera batez onestea. Sustatzailea Alero S.L. eta Construcciones Esteban Razquin, ABEE da.
2. Xehetasun azterlana jendaurrean paratzea hogei egunez. Epe horretan edozeinek bidezkoak iruditzen zaizkion ohar eta alegazioak egiten ahal ditu idatziz. Horretarako, interesdunek espedientea eskura izanen dute Lurraldearen Antolamendu eta Etxebizitza Departamentuaren bulegoetan (Armada etorbidea, 2, 3. maila, Iruña).
3. Ebazpen honek ez dio administrazio bideari bukaera ematen eta espedientean interesa dutenek, administrazio publikoek izan ezik, horren kontra gora jotzeko errekurtsoa jartzen ahal dute, Nafarroako Gobernuari zuzendua, hilabeteko epean. Espedientearen kontra administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epe horiek ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen.
4. Ebazpen hau igortzea Iruñeko, Uharteko, Burlatako eta Eguesibarko udalei, eta Alero S.L. eta Construcciones Esteban Razquin, ABEEri, jakinaren gainean egon daitezen eta behar diren ondorioak izan ditzan.
Iruñean, 2009ko urtarrilaren 23an.-Lurraldearen Antolamendu eta Etxebizitza zuzendari nagusia, Jesús Javier Ascunce Elizaga.
Iragarkiaren kodea: F0901196