1. NAFARROAKO FORU KOMUNITATEA
1.7. BESTELAKOAK
181/2022 EBAZPENA, abuztuaren 9koa, Lanbide Heziketaren zuzendari nagusiak emana, Nafarroako Foru Komunitatean Lanbide Heziketako erdi mailako eta goi mailako zikloetan sartzeko ikastaroen eskaintza eta onarpen-egutegia ezartzen dituena 2022-2023 ikasturterako.
Hezkuntzari buruzko maiatzaren 3ko 2/2006 Lege Organikoak, Hezkuntzari buruzko maiatzaren 3ko 2/2006 Lege Organikoa aldatzen duen abenduaren 29ko 3/2020 Lege Organikoak eman dion idazkeran, ezartzen du 41.2 artikuluan ezen Lanbide Heziketako erdi mailako zikloetan sartzeko baldintza bat dela erdi mailako zikloetan sartzeko berariazko prestakuntza ikastaro bat gainditzea; 41.3. artikuluan, berriz, ezartzen du Lanbide Heziketako goi mailako zikloetan sartzeko baldintza bat dela goi mailako zikloetan sartzeko berariazko prestakuntza ikastaro bat gainditzea. Orobat, 41. artikuluaren 5. apartatuan ezartzen du hezkuntza administrazioek Lanbide Heziketako erdi eta goi mailako zikloetan sartzeko berariazko prestakuntza ikastaroak eskainiko dizkietela sartzeko baldintzak betetzen ez dituzten ikasleei.
Behin ezarrita Lanbide Heziketako erdi eta goi mailako zikloetan sartzeko baldintzak, Hezkuntza Departamentuak, 2021-2022 ikasturtean, Lanbide Heziketako erdi eta goi mailako zikloetan sartzeko berariazko prestakuntza ikastaroak ezarri zituen Nafarroan modu esperimentalean. Bi ikastaro dira, hots, “Erdi mailako zikloetan sartzeko ikastaroa” eta “Goi mailako zikloetan sartzeko ikastaroa”, eta haien helburua da erdi eta goi mailako zikloetan sartzeko eskakizun akademikoak betetzen ez dituzten helduei laguntzea Lanbide Heziketako ziklo horietara iristeko behar duten prestakuntza eta lanbide-ezagutza eskuratzen. 2022-2023 ikasturtean ere, “Erdi mailako zikloetan sartzeko ikastaroa” eta “Goi mailako zikloetan sartzeko ikastaroa” eskaini behar dira Nafarroako Foru Komunitatean.
Horrenbestez, ikusirik Lanbide Heziketaren Plangintza eta Integraziorako Zerbitzuak egindako aldeko txostena, non helduen ezaugarrietara egokitutako prestakuntza ikastaro batzuk eskaintzearen alde agertzen baita, bide emanen dutenak Lanbide Heziketako erdi eta goi mailako zikloetan sartzeko eskatzen diren baldintzak betetzeko.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. “Erdi mailako zikloetan sartzeko ikastaroaren” eta “Goi mailako zikloetan sartzeko ikastaroaren” eskaintza ezartzea 2022-2023 ikasturterako, irakaskuntza horietan sartzeko eskakizun akademikoak betetzen ez dituzten helduei laguntzearren ziklo haietara iristen. Ebazpen honen 1. eranskinean adierazten da sarbide ikastaro horiek zein ikastetxetan emanen diren eta zein modalitatetan.
2. Onestea 2022-2023 ikasturtean ikastetxe publikoetan “Erdi mailako zikloetan sartzeko ikastaroa” eta “Goi mailako zikloetan sartzeko ikastaroa” egin nahi duten ikasleak onartzeko egutegia, ebazpen honen 2. eranskinean ageri dena.
3. Ebazpen hau eta eranskinak Nafarroako Aldizkari Ofizialean argitara daitezela agintzea.
4. Ebazpen hau eta eranskinak igortzea Lanbide Heziketaren Plangintza eta Integraziorako Zerbitzura, Lanbide Heziketako Proiektuen eta Kualifikazioen Zerbitzura, Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Azterlan Ekonomikoen eta Nominen Zerbitzura, Kudeaketa Juridiko-administratiboaren Atalera, Ikastetxeetako Informazioa Kudeatzeko Bulegora, Eskolatze Bulegora, Etengabeko Prestakuntzaren Bulegora eta ukitutako ikastetxeetara.
5. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
Iruñean, 2022ko abuztuaren 9an.–Lanbide Heziketaren zuzendari nagusia, Tomás Rodríguez Garraza.
1. ERANSKINA
ERDI MAILAKO ZIKLOETAN SARTZEKO IKASTAROAREN ETA GOI MAILAKO ZIKLOETAN SARTZEKO IKASTAROAREN ESKAINTZA
2022-2023 ikasturtea
1. Erdi mailako zikloetan sartzeko ikastaroaren eskaintza.
ERDI MAILAKO ZIKLOETAN SARTZEKO IKASTAROA |
TALDEAK | MODALITATEA | IKASTETXEA | HERRIA |
1 | Aurrez aurrekoa | Félix Urabayen NHBHI | Iruña |
1 | Aurrez aurrekoa | Benjamín de Tudela BHI | Tutera |
1 (*) | Urrutikoa, tutorearekin | Félix Urabayen NHBHI | Iruña |
(*) Talde honen eskaintza bertan behera utz daiteke, nahikoa jende inskribatzen ez bada.
2. Goi mailako zikloetan sartzeko ikastaroaren eskaintza.
GOI MAILAKO HEZIKETA ZIKLOETAN SARTZEKO IKASTAROA GIZARTE ZIENTZIAK MODALITATEA |
TALDEAK | MODALITATEA | IKASTETXEA | HERRIA |
1 | Urrutikoa, tutorearekin | Félix Urabayen NHBHI | Iruña |
GOI MAILAKO HEZIKETA ZIKLOETAN SARTZEKO IKASTAROA OSASUN ZIENTZIAK MODALITATEA |
TALDEAK | MODALITATEA | IKASTETXEA | HERRIA |
1 | Urrutikoa, tutorearekin | Félix Urabayen NHBHI | Iruña |
GOI MAILAKO HEZIKETA ZIKLOETAN SARTZEKO IKASTAROA ZIENTZIAK ETA INGENIARITZA MODALITATEA |
TALDEAK | MODALITATEA | IKASTETXEA | HERRIA |
1 | Urrutikoa, tutorearekin | Félix Urabayen NHBHI | Iruña |
2. ERANSKINA
ERDI MAILAKO ETA GOI MAILAKO ZIKLOETAN SARTZEKO IKASTAROETAN ONARTZEKO ETA MATRIKULATZEKO PROZESUAREN EGUTEGIA
2022-2023 ikasturtea
EPE ARRUNTA | HASIERA EGUNA | BUKAERA EGUNA |
Izena emateko epea. | 2022ko abuztuaren 26a | 2022ko irailaren 2a (14:00ak arte) |
Onartuen behin-behineko zerrenda argitaratzea. | 2022ko irailaren 7a |
Onartuen behin-behineko zerrendari erreklamazioak aurkeztea. | 2022ko irailaren 7a | 2022ko irailaren 9a (14:00ak arte) |
Onartuen behin betiko zerrenda argitaratzea. | 2022ko irailaren 12a |
Ikastetxean eta zikloan ikaspostua lortzen duten ikasle onartuen matrikulazioa. | 2022ko irailaren 13a | 2022ko irailaren 16a |
IKASPOSTU HUTSEN ESLEIPENA | | |
Ikaspostua lortzen duten ikasle guztiak ez matrikulatzearen ondorioz ikaspostu hutsak dituzten sarbide ikastaroetan. | 2022ko irailaren 19a | Gelditzen diren ikaspostu hutsak bete arte |
Lehenengo hamabost egunetan, bidezko arrazoirik izan gabe, eskoletara ez agertzeagatik ofizioz ematen diren bajen ondorioz ikaspostu hutsak dituzten sarbide ikastaroetan. | 2022ko urriaren 10a | Gelditzen diren ikaspostu hutsak bete arte |
Iragarkiaren kodea: F2211054