Iragarkia

167. ALDIZKARIA - 2022ko abuztuaren 23a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1920/2022 EBAZPENA, maiatzaren 30ekoa, Funtzio Publikoko zuzendari nagusiak emana, zeinaren bidez onesten baita Nafarroako Foru Komunitateko Administrazioaren eta haren erakunde autonomoen zerbitzuko Nafarroako foruzain-agente lehenen berrogeita lau lanpostu barne igoeraz eta kategoriaz igotzeko lehiaketaren bidez betetzeko deialdian onartu eta baztertu diren izangaien behin betiko zerrenda eta ezartzen baita proba teoriko-praktikoa egiteko eguna, ordua eta tokia.

Funtzio Publikoko zuzendari nagusiaren apirilaren 25eko 1039/2022 Ebazpenaren bidez onetsi zen deialdi bat, Nafarroako Foru Komunitateko Administrazioaren eta haren erakunde autonomoen zerbitzuko Nafarroako foruzain-agente lehenen berrogeita lau lanpostu barne igoeraz eta kategoriaz igotzeko lehiaketaren bidez betetzeko. Ebazpen hori 2022ko 89. Nafarroako Aldizkari Ofizialean argitaratu zen, maiatzaren 9koan.

Funtzio Publikoko zuzendari nagusiaren maiatzaren 30eko 1426/2022 Ebazpenaren bidez, deialdian onartutako eta baztertutako izangaien behin-behineko zerrenda onetsi zen. Ebazpen hori 2022ko 120. Nafarroako Aldizkari Ofizialean argitaratu zen, ekainaren 17koan.

Erreklamazioak aurkezteko epea bukatuta, bidezkoa da deialdian onartutako eta baztertutako izangaien behin betiko zerrenda onestea.

Azkenik, bidezkoa da proba teoriko-praktikoa egiteko eguna, ordua eta tokia ezartzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Onestea Nafarroako Foru Komunitateko Administrazioaren eta haren erakunde autonomoen zerbitzuko Nafarroako foruzain-agente lehenen berrogeita lau lanpostu barne igoeraz eta kategoriaz igotzeko lehiaketaren bidez betetzeko deialdian onartu eta baztertu diren izangaien behin betiko zerrenda, zeina I. eranskinean ageri baita.

2. Adieraztea proba teoriko-praktikoa 2022ko urriaren 29an eginen dela, larunbatarekin, 11:00etan, Nafarroako Unibertsitate Publikoko ikasgelategian (Iruñeko Arrosadiko campusa).

Probetarako dei bakarra eginen da. Izangaiek nortasun agiri nazionala, pasaportea edo gidabaimena aldean dutela agertu behar dute.

Oposiziotik baztertuko dira probara agertzen ez direnak edo aipatutako agirietako baten bidez beren nortasuna frogatzen ez dutenak.

Kalifikazio epaimahaiak www.nafarroa.eus helbidean, deialdiaren atalean, argitaratuko du, oposizioko lehenengo proba egiteko eguna baino lehen eta behar besteko denborarekin, nola banatuko diren izangaiak ikasgeletan eta zein ordutan hasiko den izangaiei deitzen.

3. Ebazpen hau kalifikazio epaimahaiko kideei igortzea eta Nafarroako Aldizkari Ofizialean argitara dadila agintzea, eta interesdunei ohartaraztea ebazpenaren aurka gora jotzeko errekurtsoa jartzen ahal dela, Lehendakaritzako, Berdintasuneko, Funtzio Publikoko eta Barneko kontseilariari zuzendua, hilabeteko epean, jakinarazi eta biharamunetik hasita, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

Iruñean, 2022ko uztailaren 26an.–Funtzio Publikoko zuzendari nagusia, Amaia Goñi Lacabe.

ERANSKINA

Foruzain-agente lehena (oposizio-lehiaketa)

Izangai onartuen eta baztertuen behin betiko zerrenda

Barne igoerako txanda.

Onartuak:

Baztertuak: inor ere ez.

Igoerako txanda irekia.

Onartuak:

Baztertuak:

Ziurtagirian ez agertzeagatik identifikazio profesionaleko zenbakia:

Ez aurkezteagatik 4.3.1 oinarrian ezarritako dokumentazioa. Bi, frogatzea deialdiaren 3.1.2 apartatuan ezarritako baldintzak betetzen dituela:

Ez betetzeagatik deialdiaren 3.1.2.a) apartatuan eskatutako baldintza:

Genero-indarkeriaren biktima diren emakumeentzako erreserba txanda.

Onartuak: inor ere ez.

Baztertuak: inor ere ez.

Iragarkiaren kodea: F2210481