2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BETELU
Zuntz optikoaren sarea zabaltzeko plana. Hasierako onespena
Beteluko Udaleko alkateak, Miguel Javier Recalde Goldaraz jaunak, 2022ko uztailaren 22an, hurrengo ebazpena eman du:
“Ikusita Rosa María Gurpeguik, Ikai Tecnologías Avanzadas SLU enpresaren izenean, zuntz optikoa hedatzeko plana onartzeko aurkeztu duen eskaera, Telekomunikazioei buruzko maiatzaren 9ko 9/2014 Lege Orokorraren 34.6 artikuluari jarraikiz.
Ikusita operadore interesdunak aurkeztutako dokumentazio teknikoa.
Ikusita Udaleko zerbitzu teknikoek egindako txosten teknikoak.
Udal Idazkaritzak emandako txosten juridikoa aztertu da.
Kontuan hartuta Telekomunikazioei buruzko maiatzaren 9ko 9/2014 Lege Orokorraren 34. artikuluan xedatutakoa.
Administrazio Publikoen Administrazio Prozedura Erkidearen urriaren 1eko 39/2015 Legearen 83. artikuluan xedatutakoari jarraikiz.
Toki Araubidearen Oinarriak arautzen dituen apirilaren 2ko 7/1985 Legearen 21.1.s) artikuluan xedatutakoari jarraituz,
EBATZI DUT:
Lehenengoa.–Rosa María Gurpegui andreak Ikai Tecnologías Avanzadas SLU enpresaren ordezkari gisa aurkeztutako zuntz optikoa Beteluko udalerrian hedatzeko plana izapidetzea eta hasierako onespena ematea.
Bigarrena.–Aipatutako hedapen-plana jendaurrean jartzea 20 egun balioduneko epean, dagokion iragarkia Nafarroako Aldizkari Ofizialean argitaratu eta hurrengo egunetik aurrera. Horrela, edozein pertsonak aztertu ahal izango du espedientea eta dagozkion alegazioak aurkeztu ahal izango ditu. Horretarako, interesdunen eskura geratzen da izapidetutako administrazio-espedientea, udal idazkaritzan aztertu ahal izateko jendaurreko informazio-aldian, astelehenetik ostiralera, 13: 30etik 15: 00etara.
Alegaziorik aurkezten ez bada, hedapen-plan hori behin betiko onetsitzat joko da, horri buruzko berariazko akordiorik behar izan gabe, eta horren berri eman beharko da Nafarroako Aldizkari Ofizialean.”
Betelun, 2022ko abuztuaren 4an.–Beteluko Udaleko alkatea, Miguel Javier Recalde Goldaraz.
Iragarkiaren kodea: L2210816
