2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ELO
Laborantzako herri-lurzatien aprobetxamendua enkante publikoan
Eloko Udalak, 2022ko uztailaren 22an ospaturiko bilkuran, gutun-azal itxien bidezko enkante publikoa egitea onetsi du, errentan emateko udalerriko herritarren artean adjudikazio zuzena egin ondoren soberan gelditu diren herri-lurzatiak, modalitate orokorreko zein baratzetarako berariazko modalitatekoak esleitzeko.
Enkantea eginen da hamabost egun natural igaro ondoren, iragarki hau Nafarroako Aldizkari Ofizialean argitaratzen denetik hasita.
Enkantean parte hartzeko nahitaezko baldintza izanen da fidantzan uztea lurzati bakoitzaren hasierako prezioaren %2; azken adjudikaziodunen kasuan, aldiz, utzi beharreko fidantza (behin betikoa) errematearen %4 izanen da.
Enkantean ateratzen diren lurzatien zerrenda eta hauen balorazioa ikusgai daude interesdunen eskura, Udal Idazkaritzan, Itzagako Administrazio Zerbitzuen Mankomunitatearen egoitzan, Elon.
Elon, 2022ko uztailaren 22an.–Jarduneko alkatea, Rafael Díez de Arizaleta Elduayen.
Iragarkiaren kodea: L2210286
