Iragarkia

150. ALDIZKARIA - 2022ko uztailaren 28a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA: “Tafalla” eguzki instalazio fotovoltaikoa eta haren ebakuazio azpiegiturak, Tafallako udal-mugartean (5172-CE espedientea).

Abenduaren 1eko 1955/2000 Errege Dekretuak energia elektrikoaren garraioa, banaketa, merkaturatzea, hornidura eta instalazioak baimentzeko prozedurak arautzen ditu, eta dekretu horren 125. eta 144. artikuluetan ezarritakoaren ondorioetarako, jendaurrean jartzen da Grupo DGEDIS SLk egin duen eskaera, zeinaren bidez eskatzen baititu ondoren aipatzen den instalazio elektrikoaren aurretiazko administrazio baimena eta eraikitzeko administrazio baimena, eta instalazioaren onura publikoa zehazki deklaratu dadin:

–Eskatzailea: Grupo DGEDIS SL.

–Instalazioen deskribapena: “Tafalla” eguzki instalazio fotovoltaikoa, 2,904 Mwp-koa, eta haren ebakuazio-azpiegiturak.

–Xedea: proiektua jendaurrean jartzea, honako helburu hauekin: aurretiazko administrazio baimena eta eraikitzeko administrazio baimena lortzea eta haren onura publikoa zehazki deklaratzea.

–Proiektua baimentzeko eskumena duen organoa: Industriaren, Energiaren eta S4 Proiektu Estrategikoen Zuzendaritza Nagusia.

Onura publikoaren deklarazioak berekin du ondasunak okupatu beharra edo ukitutako eskubideak eskuratu beharra, eta presako okupaziora behartuko du, ondorioak izan ditzan Desjabetzeari buruzko Legearen 52. artikuluak. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), eta hura kontsultatu ahal izanen da, aldez aurretik hitzordua eskatuta helbide honetan: energia@navarra.es.

Era berean, informazioa esteka hauetan eskuratzen ahal da: https://gobiernoabierto.navarra.es/eu/partaidetza/prozesuak/eguzki-planta-fotovoltaikoa-espediente-5172-ce, interesdunek kontsultatu ahal izateko.

Alegazioak, iradokizunak edo oharrak 30 egun balioduneko epean aurkeztu behar dira, idatziz, iragarki hau Nafarroako Aldizkari Ofizialean argitaratu eta biharamunetik hasita.

Alegazioak edozein erregistro bulegotan aurkeztu beharko dira Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako edozeinetan. Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera zuzendu behar dira, espediente zenbakia zein den esanda.

Iruñean, 2022ko ekainaren 30ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2209801