1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
278/2022 EBAZPENA, uztailaren 1ekoa, Hezkuntzako zuzendari nagusiak emana, zeinaren bidez zuzentzen baita Hezkuntzako zuzendari nagusiaren ekainaren 7ko 213/2022 Ebazpenean atzemandako akatsa. Ebazpen horren bidez, Hezkuntza bideratu, bilakatu eta aberasteko lurralde lankidetzako PROA+ programan 2022-2023 ikasturtean parte hartzeko deialdia ebazten da. Deialdi horren xedea da hezkuntza inklusioa eta eskola arrakasta hobetzea Haur Hezkuntzako bigarren zikloa, oinarrizko hezkuntza (Lehen Hezkuntza, Derrigorrezko Bigarren Hezkuntza eta Oinarrizko mailako heziketa zikloak) eta Batxilergoko ikasketak ematen dituzten diru publikoz finantzatutako ikastetxeetan.
Inklusio, Berdintasun eta Bizikidetza Zerbitzuak txostena aurkeztu du, Hezkuntzako zuzendari nagusiaren ekainaren 7ko 213/2022 Ebazpenean atzemandako akatsa zuzentzeko proposatuz.
Horrenbestez, Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. PROA+ programan parte hartzea ukatzen zaien ikastetxeak jasotzen dituen Hezkuntzako zuzendari nagusiaren ekainaren 7ko 213/2022 Ebazpeneko 2. puntuko taulatik kentzea Lodosako Pablo Sarasate BHI eta Deikazteluko Virgen Nievas HLHIP.
2. Ebazpen hau Nafarroako Aldizkari Ofizialean argitaratzea.
3. Ebazpen hau igortzea Ikuskapen Zerbitzura, Inklusio, Berdintasun eta Bizikidetza Zerbitzura, Lanbide Heziketaren Plangintza eta Berrikuntzarako Zerbitzura, Lanbide Kualifikazio, Enpresa eta Enplegurako Zerbitzura eta Inklusio Atalera, behar diren ondorioak izan ditzan.
Iruñean, 2022ko uztailaren 1ean.–Hezkuntzako zuzendari nagusia, Gil Sevillano González.
Iragarkiaren kodea: F2209766
