15. ALDIZKARIA - 2022ko urtarrilaren 21a

4. PROZEDURA JUDIZIALAK

NAFARROAKO JUSTIZIA AUZITEGI NAGUSIA

Administrazioarekiko Auzien Sala. Oinarrizko Eskubideen gaineko 517/2021 prozedura

Aditzera ematen dut: sala honetan bideratu den oinarrizko eskubideen gaineko 517/2021 prozeduran, 184/2021 Autoa eman da 2021eko abenduaren 22an, eta irmo geratu da. Hona hemen haren aurrekariak eta xedapen zatia, hitzez hitz:

184/2021 AUTOA.

Lehendakaria: Francisco Javier Pueyo Calleja jauna.–Magistratuak: María Jesús Azcona Labiano andrea, Raquel Hermela Reyes Martínez andrea, Antonio Sánchez Ibañez jauna eta José Manuel Izquierdo Salvatierra jauna.

Iruñean, 2021eko abenduaren hogeita bian.

AURREKARIAK

Lehena.–Nafarroako Foru Komunitateko aholkulari juridikoak eta letraduak eskatu du, 2021eko abenduaren 20ko 13:08an erregistratutako idazki baten bidez, judizialki baimentzea Eskubide Sozialetako kontseilariaren abenduaren 20ko 271/2021 Foru Aginduaren bidez hartutako neurriak. Foru agindu horren bidez berariazko prebentzio neurri apartekoak hartu ziren Nafarroako Foru Komunitaterako, COVID-19ak eragindako egoera epidemiologikoaren ondorioz.

Bigarrena.–Sala honek berehala igorri zion Fiskaltzari, txostena egin zezan. Txosten hori 2021eko abenduaren 20an bertan egin zuen, aipatutako foru aginduan erabakitako neurri guztiak baimentzea eskatuz.

Emaitza horrekin, prozesua ebazpenaren zain gelditu zen.

Txostengilea M.ª Jesús Azcona Labiano andrea da, sala honetako magistratua, salaren iritzia azalduko duena.

XEDAPEN ZATIA

Salak erabakitzen du:

1. Ukatzea Gizarte Ongizateko kontseilariaren abenduaren 20ko 271/2021 Foru Aginduan jasotako osasun neurrien berrespena/baimena, eskumenik ez duelako. Foru agindu horren bidez berariazko prebentzio neurri apartekoak hartu ziren Nafarroako Foru Komunitaterako, COVID-19ak eragindako egoera epidemiologikoak izan duen bilakaeraren ondorioz.

2. Eragindako prozesuko kostuak ez zaizkio inori ezartzen berariaz.

Jakinaraz bekie ebazpen hau alderdiei, aditzera emanez ez dela irmoa eta haren aurka kasazio errekurtsoa aurkezten ahal dela, Auzitegi Gorenari zuzendua, hiru egun balioduneko epean, bat etorriz Administrazioarekiko Auzien Jurisdikzioaren Legearen 87. eta 87 ter artikuluarekin (8/2021 Errege Lege Dekretuaren bidez ezarria; 2021eko maiatzaren 5eko Estatuko Aldizkari Ofiziala) eta bertan berariaz aurreikusten diren izapideekin. Horretarako, ez da nahitaezko baldintza aurretik berraztertzeko errekurtsoa aurkeztea.

Hori erabaki, agindu eta sinatzen dute idazpuruan adierazitako magistratuek.

Eta Nafarroako Aldizkari Ofizialean argitara dadin, honako hau egin eta sinatzen dut.

Iruñean, 2022ko urtarrilaren 3an.–Salako Justizia Administrazioaren letradua, Virginia Arias López de Lacalle.

Iragarkiaren kodea: J2200073