2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Hiri-jarduketarako plan berezia Bigarren Zabalgunean. Hasierako onespena
Iruñeko Udaleko Gobernu Batzarrak, 2022ko uztailaren 4an, honako erabaki hau hartu zuen:
JOB 04-JUL-22 (5/US).
“Ikusirik Bigarren Zabalguneko hiri-jarduketarako plan berezia, Iruñeko Udalak sustatua, eta bat etorriz Hirigintza Gerentziako zerbitzu tekniko eta juridikoen 2022eko ekainaren 17ko txostenarekin,
ERABAKITZEN DA:
1. Hasiera batez onestea Bigarren Zabalgunerako hiri-jarduketarako plan bereziaren agiria.
2. Erabaki hau Nafarroako Aldizkari Ofizialean argitaratzea eta hari buruzko iragarkiak paratzea Nafarroako Foru Komunitatean editatutako egunkarietan eta Udalaren iragarki-taulan.
3. Espedientea jendaurrean edukitzea 2022ko irailaren 30era arte.
4. Erabaki hau eta agiriaren kopia jakinaraztea Nafarroako Gobernuko Lurralde Antolamenduko, Etxebizitzako, Paisaiako eta Proiektu Estrategikoetako Etxebizitza Zerbitzuari, 1/2017 Legegintzako Foru Dekretuaren 54. artikuluaren arabera, etxebizitza babestuaren aurreikuspenari dagokionez; Kultura eta Kirol Departamentuko Vianako Printzea Erakundea-Kultura Zuzendaritza Nagusiari, ondarearen babesari dagokionez; Espainiako Gobernuko Garraio, Mugikortasun eta Hiri Agendako Ministerioko Abiazio Zibileko Zuzendaritza Nagusiari, Noaingo aireportuko aire-zortasunari dagokionez; Iruñeko Udaleko Proiektu, Mugikortasun eta Jasangarritasun Arloko Hiri Ekologiako Zerbitzuari, ingurumen-ebaluazioari dagokionez; eta Iruñerriko Mankomunitateari, ukitutako zerbitzuei dagokienez.
5. Erabaki hau jakinaraztea C. Andrés y LL. Masiá, SLPari.
Iruñean, 2022ko uztailaren 5ean.–Alkatea, Enrique Maya Miranda.
Iragarkiaren kodea: L2209820
