1. NAFARROAKO FORU KOMUNITATEA
1.7. BESTELAKOAK
48/2022 EBAZPENA, ekainaren 17koa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Ukrainako gerraren ondorio ekonomiko eta sozialei erantzuteko asmoz Nafarroako Foru Komunitatean premiazko neurriak hartzen dituen apirilaren 13ko 1/2022 Foru Lege-dekretuari dagokionez.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2022ko ekainaren 17an.–Lehendakaritzako eta Gobernu Irekiko zuzendari nagusia, Joseba Asiain Albisu.
ESTATUKO ADMINISTRAZIO OROKORRAREN ETA NAFARROAKO FORU KOMUNITATEAREN ARTEKO LANKIDETZA BATZORDEAREN ERABAKIA, UKRAINAKO GERRAREN ONDORIO EKONOMIKO ETA SOZIALEI ERANTZUTEKO ASMOZ NAFARROAKO FORU KOMUNITATEAN PREMIAZKO NEURRIAK HARTZEN DITUEN APIRILAREN 13KO 1/2022 FORU LEGE-DEKRETUARI DAGOKIONEZ.
Estatuko Administrazio Orokorraren eta Nafarroako Foru Komunitatearen arteko Lankidetza Batzordeak erabaki hau hartu du:
1. Negoziazioak hastea apirilaren 13ko 1/2022 Foru Lege-dekretuaren 17. artikuluaren gainean sortutako desadostasunak ebazteko. Foru lege-dekretu horren bidez, Nafarroako Foru Komunitatean premiazko neurriak hartu ziren Ukrainako gerraren ondorio ekonomiko eta sozialei erantzuteko.
2. Lantalde bat izendatzea Lankidetza Batzordeari bidezko den konponbidea proposatzeko.
3. Erabaki hau Konstituzio Auzitegiari jakinaraztea, Konstituzio Auzitegiari buruzko Lege Organikoaren 33.2 artikuluan aipatzen den edozein organoren bidez, manu horretan berean aipatzen diren ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F2209062
