1. NAFARROAKO FORU KOMUNITATEA
1.7. BESTELAKOAK
OHARRA, Ingurumen Zuzendaritza Nagusiak emana, aditzera ematen duena jendaurrean jarri dela honako hauetako abelbideetako mugarriak sailkatu, berritu eta haien inbentarioa egiteko proposamena: Ameskoabarrena, Lokiz mendia, Villamayor de Monjardín, Samendieta 30. fazeria, Metauten eta Allin, eta hauetako tarte batzuetan mugarriak berritu eta haien inbentarioa egitekoa: Milagrotik Aezkoara doan errege altxonbideko (MAEA) tarte batzuk, 5. iraganbidea eta Ebroko iraganbide nagusirako (EIN) mendiko adarrak eta MAEA-EIN loturakoak Azkoienen eta MAEA-EIN loturako adarra Andosillan. Aditzera ematen zaie arestian aipatu udal-mugarteetako abelbideetako mugarriak sailkatzeko, berritzeko eta haien inbentarioa egiteko lanetan interesa dutenei.
Lehena.–Ingurumeneko zuzendari nagusiak ekainaren 24an emandako 140/2021 Ebazpenaren bidez hasiera eman zitzaion honako hauetako abelbideetako mugarriak sailkatu, berritu eta haien inbentarioa egiteko espedienteari: Ameskoabarrena, Lokiz mendia, Villamayor de Monjardín, Samendieta 30. fazeria, Metauten eta Allin; bai eta hauetako tarte batzuetan mugarriak berritu eta haien inbentarioa egitekoari ere: Milagrotik Aezkoara doan errege altxonbideko (MAEA) tarte batzuk, 5. iraganbidea eta Ebroko iraganbide nagusirako (EIN) mendiko adarrak eta MAEA-EIN loturakoak Azkoienen eta MAEA-EIN loturako adarra Andosillan. Ebazpen hori 2021eko 182. Nafarroako Aldizkari Ofizialean argitaratu zen, abuztuaren 5ekoan. Gero, dokumentu-funts bat prestatu zen, baita udal-mugarte bakoitzean egindako landa-lanarena ere.
Bigarrena.–Ameskoabarrengo, Lokiz mendiko, Villamayor de Monjardingo, 30. eta 31. fazerietako, Barbaringo, Metautengo eta Allingo abelbideetako mugarriak sailkatu, berritu eta haien inbentarioa egiteko proposamena eta, orobat, Milagrotik Aezkoara doan errege altxonbideko (MAEA) tarte batzuetan, 5. iraganbidean eta Ebroko iraganbide nagusirako (EIN) mendiko adarretan eta MAEA-EIN loturakoetan Azkoienen eta MAEA-EIN loturako adarrean Andosillan, mugarriak berritu eta haien inbentarioa egiteko proposamena jendaurrean egonen dira hilabete batez, ohar hau Nafarroako Aldizkari Ofizialean argitaratu eta biharamunetik hasita.
Proposamen horren laburpena ikusgai dago udalerri bakoitzean proiektuari bukaera emateko ekitaldi publikoa jaso zuten aktetan (ekitaldi publiko horren bidez jendaurreko epea hasi zen). Gobernu Irekiaren Atarian (https://gobiernoabierto.navarra.es/eu/partaidetza/prozesuak/abelbideetako-mugarriak-sailkatzea-eta-berritzea-eta-haien-inbentarioa-egitea-ebazpena-140-2021) kontsultatzen ahal dira hemen zerrendatzen diren proiektu eta aktak:
a) Ameskoabarrena.
b) Lokiz.
c) Villamayor de Monjardín.
d) 30. eta 31. fazeriak.
e) Barbarin.
f) Metauten.
g) Allin.
h) Azkoien.
i) Andosilla.
Hirugarrena.–Epe horretan, aipatutako udaletxe bakoitzean kontsultatzen ahalko da proposamena, eta bidezkotzat jotzen diren alegazio edo erreklamazioak aurkezten ahalko dira.
Iruñean, 2022ko maiatzaren 25ean.–Ingurumeneko zuzendari nagusia, Pablo Muñoz Trigo.
Iragarkiaren kodea: F2207903
