1. NAFARROAKO FORU KOMUNITATEA
1.7. BESTELAKOAK
INFORMAZIO PUBLIKOA: autokontsumorako eguzki-instalazio fotovoltaikoa, soberakinik gabekoa, eta “Congelados de Navarra I” deritzona (5294-CE espedientea). Congelados de Navarra SAUk sustatu du, Valtierrako udal-mugartean.
Energia elektrikoa garraiatu, banatu, merkaturatu eta haren horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluan xedatutakoa betez, jendaurrean jartzen da 5294-CE espedientea. Hona hemen espedientearen daturik garrantzitsuenak:
–Eskatzailea: Congelados de Navarra SAU.
–Instalazioen deskribapena: “Congelados de Navarra I” autokontsumorako eguzki-instalazio fotovoltaikoa, soberakinik gabekoa (1.800 kW), eta haren ebakuazio-azpiegiturak.
–Xedea: aurreproiektuaren jendaurreko informazioa, aurretiazko administrazio baimena eta eraikitzeko baimena lortzeko.
–Proiektua baimentzeko eskumena duen organoa: Industriaren, Energiaren eta S4 Proiektu Estrategikoen Zuzendaritza Nagusia.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:
https://gobiernoabierto.navarra.es/eu/partaidetza/prozesuak/eguzki-instalazio-fotovoltaikoa-espediente-5294-ce
Alegazioak, iradokizunak eta oharrak idatziz aurkeztu beharko dira, edozein erregistro-bulegotan, Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.
Iruñean, 2022ko ekainaren 13an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2208726
