2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
UHARTE ARAKIL
2022ko tasak, karga-tasak eta prezio publikoak
Aldaketa 2022ko ekitaldian aplikatu beharreko tasa, karga-tasa eta prezio publikoetan (Uharte Arakilgo Udalak 2021eko abenduaren 20an onetsiak).
Uharte Arakilgo Udalak, 2022ko martxoaren 28an egin osoko bilkuran, honako erabaki hau hartu zuen, aldeko sei botorekin eta parte-hartzearen ondoriozko abstentzio batekin:
Uharte Arakilgo Udalak, 2021eko abenduaren 20an egin osoko bilkuran, aho batez onetsi zituen 2022ko ekitaldian aplikatu beharreko tasak, karga-tasak eta prezio publikoak, bat etorriz martxoaren 10eko 2/1995 Foru Legean ezarritakoarekin (Nafarroako Toki Ogasunei buruzko Foru Legea).
2022ko ekitaldian aplikatu beharreko tasak, karga-tasak eta prezio publikoak onesteko erabakia 2022ko 6. Nafarroako Aldizkari Ofizialean argitaratu zen, urtarrilaren 6an.
Haietan ez ziren sartu irizpideak eta prezio-taulak Uharte Arakilgo udal-mugarteko herri-lurretan telekomunikazio instalazioak jartzeko erabilerarako, zehazki, Artxueta mendiko herri-lurrak erabiltzeari dagokionez.
Horiek horrela, bat etorriz martxoaren 10eko 2/1995 Foru Legeak xedatzen duenarekin (Nafarroako Toki Ogasunei buruzko Foru Legeak), aho batez erabakitzen da:
Lehena.–Aldatzea 2022ko ekitaldian aplikatu beharreko tasa, karga-tasa eta prezio publikoak, 2021eko abenduaren 20an onetsiak, eta haietan sartzea irizpideak eta prezio-taulak Uharte Arakilgo udal-mugarteko herri-lurretan telekomunikazio instalazioak jartzeko erabilerarako, zehazki, Artxueta mendiko herri-lurrak erabiltzeari dagokionez.
Bigarrena.–Irizpideak eta prezio-taulak onestea Artxueta mendiko herri-lurretan telekomunikazio instalazioak jartzeko erabilerarako:
–Lagatako azalera:
- 0-50 m²: 35,50 euro urtean m²-ko + BEZa.
- 51tik 100 m²-ra bitarte: 33,72 euro urtean m²-ko + BEZa.
- 101etik 150 m²-ra bitarte: 32,03 euro urtean m²-ko + BEZa.
- 151 m²-tik goiti: 30,43 euro urtean m²-ko + BEZa.
Hirugarrena.–Erabaki hau indarrean jarriko da Nafarroako Aldizkari Ofizialean argitara ematen denetik.
Uharte Arakilen, 2022ko ekainaren 20an.–Alkatea, Jose Domingo Huarte Baleztena.
Iragarkiaren kodea: L2209059
