1. NAFARROAKO FORU KOMUNITATEA
1.7. BESTELAKOAK
122/2022 EBAZPENA, ekainaren 1ekoa, Lanbide Heziketaren zuzendari nagusiak emana, zeinaren bidez ezartzen baitira Nafarroako Foru Komunitatean Lanbide Heziketako espezializazioa ikastaroen eskaintza eta horietan onartua izateko eta ikastaroak hasteko prozeduraren egutegia, 2022-2023 ikasturterako.
Lanbide Heziketaren antolamenduari eta integrazioari buruzko martxoaren 31ko 3/2022 Lege Organikoaren 3. artikuluan ezarritakoaren arabera, Lanbide Heziketako sistema garatzeko printzipioetako batzuk dira, besteak beste: lan egiteko adinean dauden pertsonen prestakuntza beharrak asetzea, bizitzan zehar lanbide kualifikazioa etengabe hobetzea, kalitatezko lanbide heziketaren modalitateak bermatzea eta prestakuntza eskaintza egiaztagarrien malgutasuna eta modulartasuna.
Hezkuntzari buruzko maiatzaren 3ko 2/2006 Lege Organikoaren 39. artikuluak ezartzen du espezializazio ikastaroak hezkuntza sistemako Lanbide Heziketaren barnean daudela. Antolamendu hori –Lanbide Heziketaren antolamenduari eta integrazioari buruzko martxoaren 31ko 3/2022 Lege Organikoak ezarritakoaren arabera ulertuta– bat dator Lanbide Heziketako Eskaintzaren Katalogo Nazionaleko E graduarekin, zeina erdi mailako graduen espezializazio ikastaroen kasuan Derrigorrezkoaren Ondoko Bigarren Hezkuntzaren barnean izanen baita, eta goi mailako espezializazio ikastaroen kasuan, berriz, goi mailako hezkuntzaren barnean.
Aurrekoarekin bat, Hezkuntza Departamentuak 2021-2022 ikasturtean abiarazi zuen erdi eta goi mailako espezializazio ikastaroen prestakuntza eskaintza, eta 2022-2023 ikasturterako eskaintza hori ezarri behar da. Lanbide Heziketako espezializazio ikastaroen ezarpena sartuta dago Hezkuntzako eta Lanbide Heziketako Ministerioak sustatutako Lanbide Heziketa Modernizatzeko Planaren “Digitalizazioa eta Lanbide Heziketa” izeneko eremu estrategikoaren barnean, Suspertze, Eraldatze eta Erresilientzia Planaren esparruan. Hezkuntzako eta Lanbide Heziketako Ministerioak eta Europar Batasuna-Next Generation EUk finantzatzen dute plan hori. Halaber, beharrezkoa da 2022-2023 ikasturteko onarpen prozesurako datak ezartzea, eta horretarako Lanbide Heziketako espezializazio ikastaroetan onartua izateko dagokion egutegia onetsi.
Horregatik guztiagatik, eta ikusirik Lanbide Heziketaren Plangintza eta Integraziorako Zerbitzuko zuzendariaren aldeko txostena, Nafarroako Foru Komunitatean 2022-2023 ikasturtean Lanbide Heziketako espezializazio ikastaroen eskaintza ezartzekoa, bai eta horietan onartua izateko prozeduraren egutegia ere.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. Lanbide Heziketako espezializazio ikastaroen eskaintza ezartzea Nafarroan, 2022-2023 ikasturterako, bat etorriz xedatuta dagoenarekin ebazpen honen 1. eranskinean.
2. Lanbide Heziketako espezializazio ikastaroetan onarpen prozeduraren egutegia onestea, ebazpen honen 2. eranskinean ezarritakoaren arabera.
3. Ebazpen hau eta eranskinak Nafarroako Aldizkari Ofizialean argitaratzea.
4. Ebazpen hau eta eranskinak igortzea Lanbide Heziketaren Plangintza eta Integraziorako Zerbitzura, Lanbide Heziketako Proiektuen eta Kualifikazioen Zerbitzura, Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Hezkuntzako Teknologien eta IKT Azpiegituren Zerbitzura, Hezkuntzako Informazio Sistemen Zerbitzura, Azterlan Ekonomikoen eta Nominen Zerbitzura, Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura, Hezkuntzako Azpiegituren Zerbitzura, Irakasleak Hautatzeko eta Lanpostuak Betetzeko Zerbitzura, Aldi Baterako Langileak Kudeatzeko Zerbitzura, Kudeaketa Juridiko-administratiboaren Atalera, Ikastetxeetako Informazioa Kudeatzeko Bulegora, Eskolatze Bulegora eta ukitutako ikastetxeetara.
5. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
Iruñean, 2022ko ekainaren 1ean.–Lanbide Heziketaren zuzendari nagusia, Tomás Rodríguez Garraza.
1. ERANSKINA
Lanbide Heziketako espezializazio ikastaroen eskaintza. 2022-2023 ikasturtea
1. Eskaintza.
1. Lanbide Heziketako goi mailako graduaren espezializazio ikastaroen eskaintza ondotik zehazten diren ikastaroen unitate batekoa da:
GOI MAILAKO ESPEZIALIZAZIO IKASTAROA | LANBIDE ARLOA | IKASTETXE BATERATUA |
FABRIKAZIO GEHIGARRIA | Fabrikazio mekanikoa | Virgen del Camino IBP |
ZIBERSEGURTASUNA OPERAZIO TEKNOLOGIEN INGURUNEAN | Elektrizitatea eta elektronika | Donapea IBP |
ADIMEN ARTIFIZIALA ETA BIG DATA | Informatika eta komunikazioak | María Ana Sanz IB |
ZIBERSEGURTASUNA INFORMAZIO TEKNOLOGIEN INGURUNEAN | Informatika eta Komunikazioak | María Ana Sanz IB |
BIDEOJOKOEN ETA ERREALITATE BIRTUALAREN GARAPENA | Informatika eta komunikazioak | Lizarrako IB Politeknikoa |
FABRIKAZIO ADIMENDUNA | Instalazioa eta mantentze-lanak | Virgen del Camino IBP |
ETI IBP |
KULTIBO ZELULARRAK | Kimika | Nafarroako Lanbide Eskola Tekniko Sanitarioa (ESTNA) IB |
2. Lanbide Heziketako erdi mailako graduaren espezializazio ikastaroen eskaintza ondotik zehazten diren ikastaroen unitate batekoa da: |
ERDI MAILAKO ESPEZIALIZAZIO IKASTAROA | LANBIDE ARLOA | IKASTETXE BATERATUA |
INTERNETERA LOTUTAKO SISTEMEN (IoT) INSTALAZIOA ETA MANTENTZE LANAK | Elektrizitatea eta Elektronika | ETI IBP |
LOREZAINTZA ETA LORADENDA | Nekazaritza | Nekazaritza eta Basogintzako IB |
IBILGAILU HIBRIDOAK ETA ELEKTRIKOAK MANTENTZEA | Garraioa eta ibilgailuen mantentze-lanak | Virgen del Camino IBP |
3. Talde bakoitzaren ratioa hamabost postukoa da, oro har. 4. Ebazpen honen 2. eranskinak ezartzen du eranskin honetan eskaintzen diren espezializazio ikastaroetan onartua izateko egutegia, salbu eta Lorezaintza eta Loradenda espezializazio ikastaroarena, horren egutegia berariazko ebazpen batean arautuko baita. |
2. ERANSKINA Lanbide Heziketako espezializazio ikastaroetarako ikasleen onarpenaren eta matrikulazio prozesuaren egutegia. 2022-2023 ikasturtea |
EPE ARRUNTA | HASIERA EGUNA | BUKAERA EGUNA |
Izena emateko eskaerak jasotzea (izena emateko epe arrunta) | 2022ko ekainak 22 | 2022ko ekainak 29 (aurrez aurre: 14:00ak arte / telematikoa: 23:59 arte) |
Onartuen behin-behineko zerrenda argitaratzea | 2022ko uztailak 13 |
Onartuen behin-behineko zerrendari erreklamazioak aurkeztea | 2022ko uztailak 13 | 2022ko uztailak 15 (14:00ak arte) |
Onartuen behin betiko zerrenda argitaratzea | 2022ko uztailak 19 |
Ikasle onartuen matrikulazioa ikaspostua lortu duten ikastetxean | 2022ko uztailak 20 | 2022ko uztailak 22 |
Esleitu diren ikaspostuak baina haietan matrikula egin ez bada: ikaspostua lortu dutenek matrikula ez egiteagatik ikaspostu hutsak dituzten espezializazio ikastaroen kasuan, ikastetxeak itxaron zerrendan daudenei esleituko dizkie, halakorik balego, eta ordenari zorrozki jarraituta | 2022ko uztailak 26 | 2022ko uztailak 29 |
IKASPOSTU HUTSAK ESLEITZEKO PROZEDURA | HASIERA EGUNA | BUKAERA EGUNA |
Izena emateko eskaerak jasotzea (izena emateko epe berezia) | 2022ko irailak 5 | 2022ko irailak 9 (aurrez aurre: 14:00ak arte / telematikoa: 23:59 arte) |
Onartuen behin-behineko zerrenda argitaratzea | 2022ko irailak 21 |
Onartuen behin-behineko zerrendari erreklamazioak aurkeztea | 2022ko irailak 21 | 2022ko irailak 23 (14:00ak arte) |
Onartuen behin betiko zerrenda argitaratzea | 2022ko irailak 27 |
Ikasle onartuen matrikulazioa ikaspostua lortu duten ikastetxean | 2022ko irailak 27 | 2022ko irailak 30 |
DATA GARRANTZITSUAK |
Ikasturteko eskolen hasiera | 2022ko irailaren 19tik aurrera |
Eskolen bukaera | Beranduenez, Lanbide Heziketako 2022-2023 ikasturterako eskola egutegirako jarraibideak ezartzen dituen ebazpenean adierazitako egunean |
Eskolen ordutegia eta egutegia | Espezializazio ikastaroa ematen duen ikastetxeak zehazten ditu |
Iragarkiaren kodea: F2208196