2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AÑORBE
2022ko zerga-tasak, tasak eta prezio publikoak
Añorbeko Udalak, 2021eko abenduaren 22an egin osoko bilkuran, honako erabaki hau hartu zuen:
“Kontuan hartuz Nafarroako Toki Ogasunei buruzko martxoaren 10eko 2/1995 Foru Legearen 16., 64. eta 132. artikuluetan xedatutakoa, udalek horien arabera erabaki behar baitituzte nahitaez ordainarazi beharreko zergei aplikatzekoak diren karga-tasen zenbatekoak, foru lege horretan finkaturiko mugen barrenean, salbu eta trakzio mekanikoko ibilgailuen gaineko zerga, hala xedatzen baitu foru lege beraren 162. artikuluak. Orobat, beharrezkoa da finkatzea 2022ko ekitaldian aplikatzekoak diren tasak eta prezio publikoak Udalaren eskumeneko jarduerak egin eta zerbitzuak emateagatik.
Aurrekoa ikusita, eta kontuan hartuta nahitaez ordainarazi beharreko zerga bakoitzari ezarritako mugak Nafarroako Toki Ogasunei buruzko martxoaren 10eko 2/1995 Foru Legearen 139.2, 154., 170.2 eta 175.2 artikuluetan, Añorbeko Udalak, osoko bilkuran,
ERABAKIA:
Lehena.–Jarraian adierazten diren zerga-tasak finkatzea, nahitaez ordainarazi beharreko udal zergei baitagozkie, 2022ko ekitaldian aplikatzeko:
1. Hiri-lurraren gaineko kontribuzioa ordainarazteko karga-tasa %0,30 izanen da.
2. Landa-lurraren gaineko kontribuzioa ordainarazteko karga-tasa %0,80 izanen da.
3. Ekonomia-jardueren gaineko zergaren tarifei 1,2 indizea aplikatuko zaie.
4. Eraikuntza, instalazio eta obren gaineko zergaren karga-tasa %4 izanen da.
5. Lurren balio-gehikuntzaren gaineko zerga.
5.1. Lurraren balioaren gainean sortzapena egiteko unean aplikatuko beharreko koefizienteak (balio-gehikuntzaren sortzapen aldiaren arabera) zergaren zerga-oinarria zehazteko, izanen dira Nafarroako Toki Ogasunei buruzko martxoaren 10eko 2/1995 Foru Legearen 178.2 artikuluan ezarritakoak.
5.2. Kuota zehazteko karga-tasa finkatzea; hala, %8 izanen da tasa bakarra.
Bigarrena.–Kalez kaleko salmentarako honako tasa hauek onestea, 2022. urteko aurrekontu ekitaldirako:
1. Eguneko tarifa: 10 euro.
2. Hiruhilekoko tarifa: 50 euro.
Hirugarrena.–Obretarako eta hirigintzako tramitazioetarako lizentziak emateko tasak, 2022ko aurrekontu ekitaldiari dagozkionak, Udaleko teknikari aholkulariek emandako hirigintzako txostenen kostuaren parekoak izanen dira.
Laugarrena.–Hilobien kontzesiorako eta udal hilerrian ehorzketa zerbitzuak emateko honako tasa hauek onestea, 2022ko aurrekontu ekitaldiari baitagozkio:
1. Ehorzteko tasa: 50 euro.
2. Hilobien kontzesioa:
–Hilobiak (20 urte): 500 euro.
–Horma-hilobiak (20 urte): 400 euro.
–Errauts-kutxategiak (20 urte): 200 euro.
–Kontzesioaren luzapena, 10 urterako: 100 euro.
Bosgarrena.–Denboraldiko abonamenduen eta sarreren prezioak honako hauek izanen dira igerilekuan eta gimnasioan, 2022. urterako:
–Igerilekua.
ABONAMENDUAK | DENBORALDIA | HILABETEA | HILABETE ERDIA |
Haurrak 0-3 urte | 0 euro | 0 euro | 0 euro |
Haurrak 4-12 urte | 30 euro | 20 euro | 10 euro |
Gazteak 13-18 urte | 40 euro | 30 euro | 20 euro |
Helduak 19-64 urte | 60 euro | 40 euro | 30 euro |
65 urte edo gehiagokoak | 40 euro | 30 euro | 20 euro |
SARRERAK | EGUNEKOA | JAIEGUNA |
Haurrak 0-3 urte | 0 euro | 0 euro |
Haurrak 4-12 urte | 2 euro | 3 euro |
Gazteak 13-18 urte | 3 euro | 4 euro |
Helduak 19-64 urte | 4 euro | 5 euro |
65 urte edo gehiagokoak | 3 euro | 4 euro |
–Gimnasioa.
ABONAMENDUAK | URTEA | SEIHILEKOA | HILABETEKOA |
16 urtetik gorakoak | 75 euro | 50 euro | 20 euro |
Eguneko sarrera: 3 euro. |
–Beherapenak abonamenduetan.
Arestian aipatutako abonamenduetan %25eko beherapena izanen dute ondoko taldeetako batean dauden herritarrek:
- Langabeak.
- %25etik gorako minusbaliotasun aitortua dutenak.
- Familia ugarietako kideak.
Seigarrena.–Udal pilotalekua erabiltzeko prezioak hauek izanen dira 2022an:
–1. pilotalekua: 2 euro orduko.
–2. pilotalekua: 2 euro orduko.
–Pista: 2 euro orduko.
–Txartelak lortzeko prezioa: 3 euro.
Zazpigarrena.–Aurreko zerga-tasek, tasek eta prezio publikoek 2022ko urtarrilaren 1ean hartuko dute indarra.
Zortzigarrena.–Erabaki hau Nafarroako Aldizkari Ofizialean eta Añorbeko Udalaren iragarki-taulan argitaratzea”.
Añorben, 2021eko abenduaren 23an.–Alkatea, Joaquín Sanz Goñi.
Iragarkiaren kodea: L2118337