1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
79E/2022 FORU AGINDUA, ekainaren 1ekoa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena Araizko Udal Plan Orokorraren aldaketa, Araizko Udalak sustatua, Araizko honako alderdi hauei dagokienez: Hirigintzako Araudiaren 38., 41., 42., 44., 45., 47., 48. eta 50. (berria) artikuluak; Eraikingintza-ordenantza orokorraren II. kapituluko 5., 6. eta 7. artikuluak; 10. artikulua. Eraikingintza-ordenantza. III. kapitulua. Hiri-lurzoruko finketako itxituretako baldintza berariazkoak; 17. artikulua (berria). Eraikingintza-ordenantza. IV. kapitulua. Eraikingintzaren eraikuntza-baldintzak; 2. artikulua. Hirigintza Prozeduraren Ordenantza. Lizentzia behar duten egintzak. Tramitazio arau orokorrak. Obren sailkapena; Katalogoa zabaltzea.
Araizko Udalak idazpuruan azaltzen den espedientea aurkeztu du Lurralde Antolamenduko, Etxebizitzako, Paisaiako eta Proiektu Estrategikoetako Departamentuan, behin betiko onets dadin.
Espedientearen xedea da honako hauek aldatzea: Hirigintzako Araudiaren 38., 41., 42., 44., 45., 47., 48. eta 50. (berria) artikuluak; Eraikingintza-ordenantza orokorraren II. kapituluko 5., 6. eta 7. artikuluak; 10. artikulua. Eraikingintza-ordenantza. III. kapitulua. Hiri-lurzoruko finketako itxituretako baldintza berariazkoak; 17. artikulua (berria). Eraikingintza-ordenantza. IV. kapitulua. Eraikingintzaren eraikuntza-baldintzak; 2. artikulua. Hirigintza Prozeduraren Ordenantza. Lizentzia behar duten egintzak. Tramitazio arau orokorrak. Obren sailkapena; Katalogoa zabaltzea.
Ingurumeneko zuzendari nagusiaren ekainaren 17ko 565E/2021 Ebazpenaren bidez, Araizko Udal Plan Orokorraren aldaketari buruzko ingurumen txosten estrategikoa egin da, Araizko Udalak sustatua, kontuan hartuta ez duela ingurumen ondorio nabarmenik eraginen eta ez duela aldatzen haranaren lurralde-antolamenduaren eredua.
Ebazpen hori 2021eko 162. Nafarroako Aldizkari Ofizialean argitaratu zen, uztailaren 13koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Adierazitakoarekin bat, eta Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa ezartzen duen urriaren 30eko 262/2019 Foru Dekretuari jarraikiz,
AGINTZEN DUT:
1. Behin betiko onestea Araizko Udal Plan Orokorraren aldaketa, Araizko Udalak sustatua, Araizko honako alderdi hauei dagokienez: Hirigintzako Araudiaren 38., 41., 42., 44., 45., 47., 48. eta 50. (berria) artikuluak; Eraikingintza-ordenantza orokorraren II. kapituluko 5., 6. eta 7. artikuluak; 10. artikulua. Eraikingintza-ordenantza. III. kapitulua. Hiri-lurzoruko finketako itxituretako baldintza berariazkoak; 17. artikulua (berria). Eraikingintza-ordenantza. IV. kapitulua. Eraikingintzaren eraikuntza-baldintzak; 2. artikulua. Hirigintza Prozeduraren Ordenantza. Lizentzia behar duten egintzak. Tramitazio arau orokorrak. Obren sailkapena; Katalogoa zabaltzea.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrola onesteko egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Onetsitako hirigintza-araudiaren aurka administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Foru agindu hau espedientearen sustatzaileari eta Ingurumen Eraginaren Atalari jakinaraztea, behar diren ondorioak izan ditzan.
4. Foru agindu hau Araizko Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintza-araudia argitara dezan Nafarroako Aldizkari Ofizialean eta, hala, onetsitako hirigintza-tresnak indarra har dezan.
5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2022ko ekainaren 1ean.–Lurralde Antolamenduko, Etxebizitzako, Paisaiako eta Proiektu Estrategikoetako kontseilaria, José María Aierdi Fernández de Barrena.
Iragarkiaren kodea: F2208310
