2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARAKIL
Kooperatibista gazteentzako beken deialdia. Laburpena
DDBN (identifikazioa): 630961.
Argitara ematen da deialdiaren laburpena, bat etorriz azaroaren 17ko 38/2003 Legearen 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/630961).
Arakilgo alkatearen maiatzaren 31ko ebazpena.
Xedea: oinarri hauen xedea da Arakilgo gazteak sentsibilizatzea garapen-bidean dauden herrialdeetako garapen-lankidetzarako ekintzei dagokienez, eta gazteen artean herri eta kultura desberdinen arteko elkartasun-kultura sustatzea.
Onuradunak: Arakilen jaioak diren gazteak edo eskaera aurkeztu baino bost urte lehenagotik Arakilen erroldatuta daudenak, egun horretan 18 eta 35 urte bitartean dituztenak eta GGKE (Garapenerako Gobernuz Kanpoko Erakunde) batekin lan-harremanik ez dutenak.
Eskaerak aurkezteko epea: hamabost egunekoa izanen da, deialdiaren laburpena Nafarroako Aldizkari Ofizialean argitaratzen denetik aurrera.
Laguntza hau eskatzeko baldintzak eskura daude Dirulaguntzen Datu Base Nazionalean eta Arakilgo Udalaren web-orrian.
Arakilen, 2022ko maiatzaren 31n.–Alkatea, Oihana Olaberria Jaka.
Iragarkiaren kodea: L2208237