1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1423/2022 EBAZPENA, maiatzaren 30ekoa, Funtzio Publikoko zuzendari nagusiak emana, zeinaren bidez igortzen baita Nafarroako Justizia Auzitegi Nagusiko Administrazioarekiko Auzien Salara David Curiel Braco jaunak eta Ainhoa Larramendi Galdúroz andreak jarritako administrazioarekiko auzi-errekurtsoari buruzko administrazio espedientea (145/2022 prozedura arrunta).
David Curiel Braco jaunak eta Ainhoa Larramendi Galdúroz andreak administrazioarekiko auzi-errekurtsoa jarri dute Nafarroako Justizia Auzitegi Nagusiko Administrazioarekiko Auzien Salan Funtzio Publikoko zuzendari nagusiaren otsailaren 16ko 42E/2022 Ebazpenaren aurka, zeinaren bidez metatu eta ezetsi baitziren David Curiel Braco jaunak eta Ainhoa Larramendi Galdúroz andreak 2021eko abenduaren 1ean Kalifikazio Epaimahaiak hartutako eta 2021eko abenduaren 2an zuzendutako erabakiaren aurka jarritako gora jotzeko errekurtsoak. Errekurritutako erabaki horren bidez Nafarroako Foru Komunitateko Administrazioaren eta haren erakunde autonomoen zerbitzuko industria ingeniarien zortzi lanpostu oposizio bidez betetzeko deialdiko lehenengo probaren behin betiko emaitzak onetsi ziren (Funtzio Publikoko zuzendari nagusiaren apirilaren 19ko 1146/2021 Ebazpenaren bidez onetsitako deialdia).
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, sala horrek eskatu du igor diezaiotela administrazio espedientea, eta epatzeko deiak egin daitezela lege horren 49. artikuluan ezarritako moduan.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBAZTEN DUT:
1. Nafarroako Auzitegi Nagusiko Administrazioarekiko Auzien Salara igortzea David Curiel Braco jaunak eta Ainhoa Larramendi andreak jarri duten administrazioarekiko auzi-errekurtsoari buruzko administrazio espedientea (145/2022 prozedura arrunta).
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea, autoetan demandatu gisa agertu ahal izan daitezen Nafarroako Justizia Auzitegi Nagusiko Administrazioarekiko Auzien Salan, ebazpen hau argitaratu ondoko bederatzi eguneko epean.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salari eta Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikoaren Zerbitzuari, eta David Curiel Braco jaunari eta Ainhoa Larramendi Galdúroz andreari jakinaraztea, behar diren ondorioak izan ditzan.
Iruñean, 2022ko maiatzaren 30ean.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2208049
