1. NAFARROAKO FORU KOMUNITATEA
1.7. BESTELAKOAK
167/2022 EBAZPENA, maiatzaren 10ekoa, Hezkuntzako zuzendari nagusiak emana, Nafarroako Foru Komunitateko unibertsitateaz kanpoko ikastetxe publikoei baimena ematen diena 2022-2023 ikasturtean KKSa ezartzeko eta mantentzeko Programan sartzeko eta hura bertan behera uzteko.
71/2020 Foru Aginduaren bidez (abuztuaren 27koa, Hezkuntzako kontseilariak emana), IKKS-2020 Araua onetsi zen, zeinaren bidez Nafarroako Foru Komunitateko unibertsitateaz kanpoko ikastetxe publikoetan kalitatea kudeatzeko sistemak garatu, ezarri eta mantentzeko baldintzak arautzen baitira.
Ikusirik Antolamendu, Prestakuntza eta Kalitate Zerbitzuko zuzendariaren txostena, Nafarroako Foru Komunitateko unibertsitateaz kanpoko ikastetxe publikoei 2022-2023 ikasturtean KKSa ezartzeko eta mantentzeko Programan sartzea eta hura bertan behera uztea baimentzearen aldekoa.
Horrenbestez, Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. Baimena ematea ebazpen honen I. eranskinean agertzen diren Nafarroako Foru Komunitateko unibertsitateaz kanpoko ikastetxe publikoei, 2022-2023 ikasturtean KKSa ezartzeko eta mantentzeko Programan sartzeko.
2. Baimena ematea ebazpen honen II. eranskinean agertzen diren Nafarroako Foru Komunitateko unibertsitateaz kanpoko ikastetxe publikoei, 2022-2023 ikasturtean KKSa ezartzeko eta mantentzeko Programa bertan behera uzteko.
3. Ebazpen hau eta eranskinak Nafarroako Aldizkari Ofizialean argitaratzea.
4. Ebazpen hau eta eranskinak igortzea Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura eta Idazkaritza Tekniko Nagusira, behar diren ondorioak izan ditzaten.
5. Ebazpen honen eta eranskinen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera.
Iruñean, 2022ko maiatzaren 10ean.–Hezkuntzako zuzendari nagusia, Gil Sevillano González.
I. ERANSKINA
KKSa ezartzeko eta mantentzeko Programan sartzen diren ikastetxeak, 2022-2023 ikasturtean
| IKASTETXEA | HERRIA |
1 | Almandoz HLHIP | Almandoz |
2 | Añorbe HLHIP | Añorbe |
3 | D.ª Álvara Álvarez HLHIP | Faltzes |
4 | Sta. Bárbara HLHIP | Elo |
5 | Jose M.ª Iribarren HOH | Iruña |
6 | Biurdana BHI | Iruña |
II. ERANSKINA
KKSa ezartzeko eta mantentzeko Programa bertan behera uzten duten ikastetxeak, 2022/2023 ikasturtean
| IKASTETXEA | HERRIA |
1 | Francisco Arbeloa HLHIP | Azagra |
2 | Azpilagaña HLHIP | Iruña |
Iragarkiaren kodea: F2207079
